Листата на „Global Peace Index 2020“ се темели на три главни критериуми: социјална сигурност, количина на внатрешни и меѓународни конфликти, како и нивото на милитаризација.

Десет години по ред титулата за најмирна земја во светот се доделува на Исланд. Во таа држава живеат околу 365.000 жители, и таму не постои војска. Имаат ниска стапка на криминал, висока стапка на вработеност, импресивен образовен систем и систем за социјална помош. Дури 97 отсто од граѓаните се опишуваат себе како припадници на средна или висока работничка класа. Државата брзо реагираше и на првиот бран со коронавирусот, па веднаш ги затвори границите со цел да го спречи ширењето на болеста.

Нов Зеланд се наоѓа на второто место, а третото место ѝ припаѓа на Португалија.

Најголемиот број земји од списокот се од Европа. Заедно со Исланд и Португалија, на листата се наоѓаат и Чешка, Данска и Швајцарија. На шестото место е Канада, на седмото е Сингапур, а деветтото е Јапонија.

Најдобро рангирана земја во регионот е Словенија, која се наоѓа на високото 11 место, Хрватска е на 26 место, Бугарија е на 28 место, Грција е 57 место, Црна Гора е на 69 место, а Босна и Херцеговина е на 79 место.

Каде е Македонија?

Институтот за економија и мир ја смести нашата држава на 62 место на листата на најмирни земји во светот и ние имаме скоро исти бодови со Гамбија, со Гвинеја и со Мадагаскар. Интересно е тоа што зад нас е Франција, која е на 66 место, а многу зад нас се Украинја – 148 место, Турција – 150 место, Русија – 154 место, додека, пак, последните три места ги делат Ирак, Сирија и Авганистан.

The post Листа со најдобри земји за живот во 2020 година: Македонија е полоша од Гамбија, ама подобра од Франција (ФОТО) appeared first on plusinfo.mk.