Успешно е тестирана најдолгата, најстрмната и највисоката зип-линија во Македонија, во Авантуристичкиот парк за возрасни во Националниот парк Пелистер.

Хоризонтално растојание помеѓу станиците е 257,5 метри, а должината на зип-линијата е 262,2 метри. Максимална брзина без запирање е 75 километри на час.

Веста за ова на Фејсбук ја објави професорот Дејан Трајковски, кој и самиот учествувал во проектот.

Летањето е над моликова шума, со прекрасен поглед на долината и планината.

Досега најдолгата зип-линија кај нас беше во Крушево, со должина од околу 100 метри, но со многу помал пад и на многу помала висина над земјата, споредено со онаа на Пелистер.