Порталот „Ремитли“ (Remitly) го објави својот нов индекс којшто оценува околу 80 различни држави, земајќи ги предвид трошоците за образованието и грижата за децата. На него, Шри Ланка се најде на првото место.

Преселувањето во странство, се наведува во анализата, не е секогаш само подобрување на квалитетот на животот, а за луѓето со семејство – преселбата во друга земја може да биде возбудлива, просперитетна или безбедна опција. Но, кои земји се најпријателски натроени за семејството?

Новиот имиграциски индекс на меѓународната компанија за трансфер на пари „Ремитли“ анализира 82 земји, врз основа на 24 различни фактори, и го прогласи Исланд за најдобра земја за преселба, во целина.

Македонските услови за живот, во таа смисла, се на 63. место.

Во посебната топ-10 листа на најсреќни нации, само Финците се оценети со резултат 100 од 100. Јужна Кореја има најдобро здравство (77 од 100), Исланд има најдобар интернет-сообраќај (50 од 50) итн.

Меѓутоа, ако воспитувате деца, исто така, треба да се земат предвид неколку посебни и специфични фактори. Тука се трошоците за детска грижа, просечниот број години за образование и очекуваниот број години за школување во секоја земја.

Така, на врвот на листата на „најпријателски за семејството“ земји, Шри Ланка која има резултат од 88 од 100, а условите се опишани како „импресивен образовен систем“ и ниски годишни трошоци за грижа за децата коишто изнесуваат само 354,60 долари.

Шри Ланка, меѓу другото, е одлично место за живеење – со изобилството историски споменици, бујно зеленило и со фантастична храна, како дел од сето тоа. Земјата е исто така рај за дивиот свет, со националните паркови „Уда Валава“ и „Кумана“ коишто можат да се пофалат со неверојатно разновиден спектар на животни, вклучувајќи слонови, диви биволи, џиновски верверички, елени, крокодили, бели кобри и со огромен број фасцинантни птици, се вели во истражувањето.

Следат 10-те земји најпогодни за семејството во 2025 година: Шри Ланка, Шведска, Норвешка, Нов Зеланд, Исланд, Германија, Финска, Данска, Австралија, Соединетите Американски Држави.

The post ОВИЕ ДРЖАВИ СЕ НАЈДОБРИ ЗА ИЗРАСНУВАЊЕ ДЕЦА, НЕМА ДА ВИ СЕ ВЕРУВА КОЈА Е НА ПРВО МЕСТО Каде се наоѓа Македонија? appeared first on plusinfo.mk.

Најмногу медали во 16. натпреварувачки денови освоија американските спортисти, вкупно 126, а со одличја се закитија натпреварувачи од 91 држава.

Македонија не освои медал на Игрите во Париз на кои настапи со шест олимпијци во пливање, таеквондо, борење, атлетика, стрелаштво и џудо.

Топ 5 најуспешни нации на Игрите во Париз:

The post НЕ МОЖЕШ ДА СЕ НАТПРЕВАРУВАШ ЗА НИШТО СО АМЕРИКАНЦИ Кои се петте најуспешни нации на Олимпијадата appeared first on plusinfo.mk.

Светската фудбалска федерација (ФИФА) на синоќешната церемонија „The Best“ го претстави идеалниот тим за 2022 година.

Во изборот на ФИФА се најдоа:

Голман: Тибо Куртоа (Реал Мадрид)

Одбрана: Жоао Кансело (Манчестер сити/Баерн), Вирџил ван Дијк (Ливерпул), Ашраф Хакими (ПСЖ);

Играчи од средниот ред: Касемиро (Реал Мадрид/Манчестер јунајтед), Кевин де Брујн (Манчестер сити), Лука Модриќ (Реал Мадрид)

Напаѓачи: Лионел Меси (ПСЖ), Ерлинг Халанд (Манчестер сити/Борусија Дортмунд), Карим Бензема (Реал Мадрид), Килијан Мбапе (ПСЖ).

Напаѓачот на Пари Сен Жермен, Лионел Меси ја коментираше наградата за најдобар играч на годината во изборот на ФИФА.

– Да се ​​биде на овој настан и да се добие награда е чест за мене. Сакам да ги пофалам Бензема и Мбапе за прекрасната година. Благодарен сум на моите партнери. Скалони и Емилијано се исто така овде денес и го претставуваме целиот тим. Оваа награда оди за целиот тим за она што го направивме во Катар. Беше луда година, успеав да си го исполнам сонот после толку години борба за него, толку години стремеж кон него. Секој фудбалер сонува за ова, но ретко кој успева да го постигне тоа. Сакам да им се заблагодарам на моето семејство, на сите Аргентинци за начинот на кој го поминаа тој посебен месец, кој засекогаш ќе остане во нашето сеќавање. Испраќам бакнеж до моите деца кои сега ја гледаат оваа церемонија. Време е за спиење – изјави Меси.

На листата на топ 3 номинирани за оваа награда беа и Килијан Мбапе (ПСЖ, Франција) и Карим Бензема (Реал Мадрид, Франција).

Триесет и петгодишниот Меси и помогна на Аргентина да ги освои златните медали на Светското првенство во фудбал во 2022 година во Катар. На седум натпревари на светското првенство напаѓачот постигна седум гола и три асистенции.

Свеченото доделување на наградите „The Best“ од ФИФА се одржа ноќеска во Париз.

The post ДОМИНАЦИЈА НА РЕАЛ И ПСЖ Избрани најдобрите играчи за 2022 година од страна на ФИФА appeared first on plusinfo.mk.

Годинава поради пандемијата со ковид-19 вирусот, а со цел заштита и превенција од ширење на истиот, не се оддржа традиционалното доделување на плакетите. Денеска, раководителот на Секторот за Локален економски развој на Град Скопје, Марко Тодоров, на претставниците на најдобрите угостителски објекти им ги додели плакетите на отворено пред бараките на Град Скопје.

– Овој проект произлегува од Програмата за финансирање на проекти за развојот на занаетчиството, угостителството и трговијата на Град Скопје за 2020 година, а целта на истиот е да се разбуди свеста кај угостителите и кај граѓаните за важноста на квалитетот на услугата кон клиентите во угостителската дејност, како и да се подигне општото ниво на квалитет и на целокупниот амбиент во угостителските објекти на територијата на градот – се вели во соопштението од Градот.

Тајните купувачи, ангажирани од SWOT Research ги завршија посетите на угостителските објекти, кои по случаен избор влегоа во трката за Најдобар угостителски објект во 2020 година, по што следуваше сумирање на резултатите, од кои произлегоа заклучоци и препораки за подобрување на услугата во иднина. Истите се оценети согласно со примарните критериуми (стандарди), а годинава поради пандемијата беа дополнети со нови критериуми, вклучувајќи контрола на почитувањето на Ковид протоколите.

Испитувањето беше извршено според следните стандарди:

1. Прв контакт – (поздравување и упатување кон место за седење, приоѓање на келнерот, поздравување),
2. Хигиена на објектот – (чистота на простор, маси, чаршафи, столови, прибор, мени),
3. Тоалет – (хигиена на простор и санитарии, бришачи, заклучување, закачалки),
4. Covid – 19 критериуми (носење заштитна маска, дистанца на маси, средства за дезинфекција),
5. Амбиент – (осветлување, температура, миризба, музика),
6. Услуга на келнерите – (љубезност, проактивност, волја да се излезе во пресрет, посветеност, однесување),
7. Општа услуга – (асортиман, адекватно послужување, време на услужување, издавање фискална сметка),
8. Квалитет на храната – (свежина, количина, вкус),
9. Завршен контакт – (заблагодарување и отпоздравување).

Најдобри угостителски објекти во Скопје за 2020 година, во четирите категории се:

Категорија Ресторани

1 место: Стара Градска куќа
2 место: Антица
3 место: Амика

Категорија Гостилници:

1 место: Дебар маало
2 место: Градска кафеана – Кај Јоле
3 место: Градска кафана Досие Скопје

Категорија Lounge и мезе барови:

1 место: Рок кафана Рустикана
2 место: Горки
3 место: Soul kitchen bar

Категорија Кафулиња:

1 место: Happy caffe
2 место: Добар
3 место: Long play

Оваа година кај сите 4 категории на угостителски објекти беше забележан пад на вкупниот резултат во споредба со минатата 2019 година. Сепак, треба да се земе предвид дека беа мерени дополнителни стандарди и дека оваа година се работеше во вонредни услови на пандемија.

The post Ова се најдобрите угостителски објекти во Скопје за 2020 година appeared first on plusinfo.mk.

Гласањето за изборот на тимот на годината ќе трае до 6 јануари следната година преку официјалниот сајт на Европската куќа на фудбалот.

УЕФА номинираше вкупно 50 фудбалери, од кои најмногу – десет, се од европскиот првак Баерн Минхен.

По осум играчи во потесниот избор имаат англискиот шампион Ливерпул и францускиот првак ПСЖ.

На репрезентативен план, најмногу номинации – шест има Германија.

За прв пат од оваа година УЕФА ќе прогласи и тим на годината во женска конкуренција, а номинирани се 50 фудбалерки.

The post УЕФА ги објави номинациите за „Тимот на годината“ appeared first on plusinfo.mk.

Соопштувањето на победниците се одржа во централните вести на ТВ24. Гледачите имаа прилика да ја проследат и да уживаат во возбудливата и оригинална филмска понуда, составена во голем дел од филмови од најновата светска А продукција со ексклузивни права за ТВ прикажување.

Меѓу големиот број на македонски премиери, имаше и такви филмови кои што во склоп на овој ТВ формат на КИНЕНОВА фестивалот, доживеаја и светска телевизиска премиера што претставува огромен куриозитет и успех за фестивалот за чија програма позитивните реакции сѐ уште не стивнуваат.

Главното фестивалско жири, составено од легендарниот полски режисер Кшиштоф Зануси како претседател, Драгомир Шолев, режисер од Бугарија и Керем Ајан, актуелен директор на Истанбулскиот филмски фестивал, одлучи во категоријата „Меѓународна конкуренција“, наградата GRAND PRIX за најдобар филм на фестивалот да ја додели на грчкиот филм „ВЕТЕРАН / DEFUNCT“ на Захаријас Мавридис со следново образложение:

„Филмот „ВЕТЕРАН“ може да се опише дури и со еден епитет – ова е суптилен филм,  сликајќи го на филигрански начин деликатниот однос помеѓу генерациите, помеѓу минатото и совремието“.

Добитникот на главната фестивалска награда за најдобар филм, грчкиот режисер Захаријас Мавридис по повод добивањето на значајната награда изјави:

– Премногу сум возбуден што ја добивам главната награда во Меѓународната конкуренција на Меѓународниот филмски фестивал Киненова 2020. Сакам да се заблагодарам на селекторите кои што го најдоа и го одбраа мојот филм да биде дел од главната натпреварувачка програма на Киненова оваа година. Се заблагодарувам и на жирито за оваа награда која е всушност првата меѓународна награда за мојот филм.

Во истата категорија, награда за најдобра режија доби филмот „МАРЈАМ“ на Шарипа Уразбајева од Казахстан за многу доследниот стил, одбегнувајќи ги сите стапици на патетика и сентиментализам, сликајќи ја многу строгата и сурова човечка природа и на тој начин вовлекувајќи ги гледачите во приказната, што е восхитувачки според жирито.

А, наградата за најдобро сценарио ја однесе филмот СУПЕРНОВА на Бартош Крулик од Полска со следното образложение на жирито:

– Ова е филм каде што еден случаен смртен случај во сообраќајна несреќа со автомобил е прикажан како космичка катастрофа со што овој филм има една висока спиритуална димензија, но и импресивна стилска уедначеност.

Во категоријата „Меѓународна конкуренција на куси филмови“, жирито составено од Ален Дрљевиќ, режисер од Босна како претседател, Стефан Арсенијевиќ, режисер од Србија и Ана Дишлиеска Митова, директорка на Филозофскиот филмски фестивал во Скопје, одлучи наградата за најдобар филм од Меѓународната конкуренција на куси филмови да ја додели екс екво на два филма и тоа на македонскиот филм „НАЛЕПНИЦА“ на Ѓорѓи Унковски и „ИЗЛЕГУВАШ ЛИ НАДВОР“ на Инес Јокош од Хрватска.

Специјална награда жирито додели на филмот „МЕДИТЕРАН“ на грчкиот млад режисер Димитрис Анагносту.

Истото жири ги додели и наградите за натпреварувачката програма на македонски куси филмови, каде наградата за најдобар македонски кус филм ја доби македонскиот филм  „БЕЗ ЉУБОВ“ на Дина Дума, а специјалната награда на жирито отиде отиде кај филмот „ЌЕ МУ СЕ ЈАВАМ НА ТАТКО ТИ“ на Леон Ристов.

Директорот на Меѓународниот Филмски фестивал КИНЕНОВА, Небојша Јовановиќ рече дека фестивалот оваа година елегантно ги надмина сите бариери и се справи со предизвиците преку фестивалски продукт направен од чиста љубов кон седмата уметност и кон оние кои незапирливо ја креираат.

– Преку телевизискиот формат, во услови на светска криза со КИНЕНОВА ја доближивме врвната филмска уметност до најширок аудиторум и ја направивме многу подостапна, што и беше наша главна мисија – изјави Јовановиќ.

Исто така, и програмскиот директор на КИНЕНОВА, Игор Анѓелков задоволно изјави дека КИНЕНОВА најде начин и успеа да се одржи со одлична програма која што се емитува на ТВ24.

– Многу сум задоволен што во година кога беше тешко воопшто да се помисли да се организира филмски фестивал, знаејќи дека, меѓу другите, се одложи еден Кански фестивал, а нашиот најстар фестивал „Браќа Манаки“ имаше само една симболична фестивалска вечер, ние сепак успеавме да направиме одлична програма, во која во фокус секогаш е главната, натпреварувачка програма. Ценетото жири на чело со легендарниот полски режисер Кшиштоф Зануси нагласи дека изборот на филмовите бил интересен и богат, и дека се дискутирало буквално за сите наслови, на што сум особено горд. Годинашните лауреати уште еднаш ја покажаа разноликоста во пристапот на КИНЕНОВА, давајќи увид во најдобрите дебитантски остварувања кои доаѓаат од различни светски кинематографии. Продолжуваме понатаму во истражувањето на новите креативни сили во филмската уметност – изјави Аѓелков.

Програмата на Меѓународниот Филмски фестивал КИНЕНОВА за оваа 2020 година се емитува од почетокот на октомври на Телевизија 24. По барање на гледачите, програмата ќе продолжи да се емитува и во ноември.

The post Киненова ги додели наградите на најдобрите филмови на фестивалот appeared first on plusinfo.mk.

„Во конкуренција на повеќе од 700 пријавени дела од автори што пишуваат на некој од европските јазици се најдоа и 25 текстови напишани на македонски јазик. Изборот на трите најдобри македонски драми го направи Македонскиот комитет на Еуродрам, во состав: Иван Додовски, театролог, писател и универзитетски професор на Универзитетот Американ колеџ Скопје (претседавач); Фроса Пејоска-Бушеро, преведувачка и универзитетска професорка на Институтот за ориентални јазици и цивилизации од Париз; Александар Зицман, преведувач и универзитетски предавач на Катедрата за славистика на Универзитетот во Виена; и Катерина Коцевска, актерка и драмска писателка, директорка на Драмски театар од Скопје“, соопшти Македонскиот комитет на Еуродрам.

Во соработка со Македонскиот театарски фестивал „Војдан Черднодрински“ во Прилеп, авторите на трите избрани драми ќе добијат парична награда. Исто така, се очекува поширок избор од пријавените драми да биде објавен во посебна антологија, која ќе биде претставена на 55-тото издание на фестивалот. Избраните македонски драми ќе бидат препорачани за сценска изведба и за превод на други јазици преку мрежата на преведувачи на Еуродрам.

Еуродрам е европска мрежа за современа драма и превод, која опфаќа повеќе од 300 членови организирани во 30 јазични комитети. Главна цел на мрежата е да го поттикне преводот на современи драмски дела од Европа, Централна Азија и Медитеранот, правејќи ги достапни за театарските професионалци и за публиката, во духот на независноста, рамноправноста и јазичната разновидност.

Во парни години, секој јазичен комитет на Еуродрам избира три оригинални драмски дела напишани на јазикот на тој комитет и ги препорачува за превод на други европски и блискоисточни јазици. Во непарни години, комитетите избираат три најдобри преводи на нивниот јазик со цел да се препорача нивното објавување и сценско изведување.

Резултатите од конкурсот за 2020 година се објавени на официјалната страница на Еуродрам.

The post Три македонски необјавени драми на листа на најдобрите во Европа appeared first on plusinfo.mk.