Македонскиот актер Никола Ристановски ја доби наградата за најдобар актер на вечерта на јубилејните 30. Глумачки свечености „Миливоје Живановиќ“, кои се одржуваат во Пожаревац.

Признанието му беше доделено за улогата на професорот Мишел Бабиќ во претставата „Уна“, продукција на Звездара театар.

И стручнното жири и жирито на публиката беа едногласни во оценката дека Ристановски заслужено ја понесе наградата на втората фестивалска вечер, за улогата во претстава инспирирана од роман на Момо Капор.

Претставата „Уна“ премиерно беше изведена во октомври минатата година на сцената „Данило Бата Стојковиќ“. Драматизацијата е на Стеван Копривица, а режијата ја потпишува македонскиот режисер Дејан Пројковски.

Ова е второ признание за Ристановски за улогата во „Уна“, по наградата за најдобро актерско остварување на 34. „Денови на Зоран Радмиловиќ“ во Заечар во 2025 година.

Костимограф на претставата е Ивана Ристиќ, додека музиката ја компонираше Горан Трајкоски.

The post 🎥 НИКОЛА РИСТАНОВСКИ ДОБИ ПРИЗНАНИЕ ВО СОСЕДНА СРБИЈА Најдобар актер на вечерта на Глумачките свечености „Миливоје Живановиќ“ appeared first on plusinfo.mk.

„Една битка по друга“ е прогласен за најдобар филм на годинешното доделување на Оскарите и освои дури шест награди, од кои три отидоа кај неговиот автор Пол Томас Андерсон, еден од најзначајните современи режисери, кој беше награден како продуцент, режисер и сценарист на филмот.

– Го напишав овој филм за моите деца, да се извинам за нередот што го оставивме на овој свет што им го предаваме на нив. Се надевам дека тие ќе бидат генерацијата која ќе донесе малку здрав разум и пристојност. Нашиот филм очигледно има одредена паралела со она што се случува во вестите секој ден и го одразува она што се случува во светот во однос на тоа каде оди – рече Андерсон алудирајќи на поделената политичка клима во САД и антиимиграциските чувства.

Шон Пен освои Оскар за најдобра машка споредна улога во победничкиот филм („Една битка по друга“), а овој филм беше награден и во новата категорија, за најдобар кастинг.

Блузерскиот хорор филм „Грешници“ на Рајан Куглер освои четири награди. Најголемо изненадување и покрај рекордните 16 номинации за овој филм, беше наградата за Мајкл Б. Џордан кој победи во трката со Тимоти Шаламе и ја доби наградата за најдобар актер. Режисерот Рајан Куглер беше награден за најдобро оригинално сценарио, а Отум Дуралд Аркапау стана првата жена која добила Оскар за најдобра кинематографија. Четвртиот Оскар за „Грешници“ е за најдобра музика (Лудвиг Јерансон).

Џеси Бакли ја освои наградата за најдобра актерка за филмот „Хамнет“, а хорор жанрот доби уште едно големо признание кога Ејми Мадиган ја доби наградата за најдобра женска споредна улога за „Оружја“. Тоа беше нејзина прва номинација по 40 години пауза.

„Сентиментална вредност“ на Јоаким Трир е првиот норвешки филм кој се закитил со Оскар за најдобар филм од неанглиско говорно подрачје, „Франкенштајн“ на Гилјермо дел Торо доби три награди (сценографија, шминка/фризура и костимографија), а „К-поп ловци на демони“ две (најдобар анимиран филм и најдобра оригинална песна).

„Господин Никој против Путин“, документарец за руската пропаганда во училиштата, ја освои наградата за најдобар документарец.

The post МАЈКЛ Б.ЏОРДАН И ЏЕСИ БАКЛИ ДОБИЈА ОСКАРИ ЗА НАЈДОБРИ АКТЕРИ Филмот „Една битка по друга“ освои 6, а „Грешници“ – 4 награди appeared first on plusinfo.mk.

Деветтата по ред BAFTA церемонија се одржа на 22 февруари 2026 година во Кралскиот фестивалски дом во Лондон, а домаќин беше актерот и водител Алан Куминг.

Битката за најголемата филмска награда во Велика Британија ја доби филмот „Една битка по друга“ на Пол Томас Андерсон. Тој освои шест BAFTA награди, вклучувајќи Најдобар филм, Најдобар режисер, Најдобро адаптирано сценарио, Најдобар спореден актер, Кинематографија и Монтажа. Филмот беше дефинитивно, победник на вечерта, што веројатно им дава на оние што ја проценуваат трката за претстојните награди на Оскар, некаква индикација за тоа како би можеле да се наклонети гласачите на Оскарите.

Најголемото изненадување сепак беше британскиот актер Роберт Арамајо кој ја освои наградата EE Rising Star, а во категоријата за најдобар актер ги победи Леонардо Дикаприо, Итан Хоук и Тимоте Шаламе. Арамајо ја игра главната улога во филмот „I Swear”, посветен на животот на активистот за права на лица со Туретов синдром, Џон Дејвидсон.

„Sinners” на Рајан Кулер напиша историја со три победи, станувајќи најнаградуваниот филм на BAFTA од режисер со афроамериканско потекло, освојувајќи награди за Оригинално сценарио, Најдобра споредна актерка за Вунми Мосаку и Оригинален саундтрак за Лудвиг Горансон. Три статуетки и историски момент за афроамериканската кинематографија.

Од машките актери, Шон Пен ја доби наградата за најдобра споредна улога и таа, како и наградата на Вунми Мосака беа нивните први филмски награди БАФТА, победувајќи ги фаворитите Стелан Скарсгард и Тејана Тејлор.

Џеси Бакли ги оправда очекувањата и ја освои својата прва БАФТА награда за најдобра женска улога за нејзината моќна улога во „Хамнет“, кој исто така победи во категоријата Истакнат британски филм.

„Франкенштајн“ од Гилермо дел Торо освои три награди. Иако Џејкоб Елорди остана без наградата за најдобар спореден глумец во силната конкуренција, филмот беше препознаен во техничките категории, освојувајќи награди за најдобар костим, сценографија и шминка и фризура. Наградите за визуелни ефекти и звук им припаднаа на „Аватар: Оган и пепел“ и „Ф1: Филмот“.

Најголем губитник на вечерта беше „Марти Суприм“, филмот со најмногу номинации што заврши со празни раце.

Наградата за извонреден дебитантски британски филм им припадна на Акинола Дејвис помладиот и Вејл Дејвис за „Сенката на мојот татко“. Посебно признание им беше доделено и на Клер Бинс, креативна директорка на Picturehouse Entertainment, за нејзиниот извонреден придонес во британскиот филм, и на претседателката на Universal Pictures, Дама Дона Ленгли-Шамшири, која доби стипендија на БАФТА, награда за животно дело.

The post БАФТА 2026: ОЧЕКУВАНИ, АМА И НЕОЧЕКУВАНИ НАГРАДИ Британецот Роберт Арамајо ги победи Леонардо Дикаприо, Итан Хоук и Тимоти Шаламе appeared first on plusinfo.mk.

Револуционерната сага на Пол Томас Андерсон „Една битка по друга“ (One Battle After Another) ги освои главните награди на 83. доделување на Златните глобуси 2026-та, во категоријата комедија, додека драмата „Хамнет“ (Hamnet) на Клое Жао,  изненадувачки, го победи филмот „Грешници“ (Sinners) и ја освои наградата за најдобар филм, драма.

Освен што „Една битка по друга“ ја освои наградата за најдобар филм, комедија, ѝ беше доделена награда за најдобра споредна женска улога на Тејана Тејлор, како и награда за најдобра режија и најдобро сценарио за Андерсон. Тој е само вториот режисер кој освоил награда за режија, сценарио и филм, како продуцент, на доделувањето на Златните глобуси. Само Оливер Стоун, за „Роден на Четврти јули“, успеа да го стори истото.

Во трката за најдобра комедија или мјузикл, тој ја надмина силната конкуренција во која беа вклучени филмовите „Blue Moon“, „Bugonia“, „Marty Supreme“, „No Other Choice“  и „Nouvelle Vague“.

The post ШТО ДОНЕСOA ЗЛАТНИТЕ ГЛОБУСИ 2026-ТА? Триумф на „Една битка по друга“, Тимоти Шаламе го освои првиот Златен глобус, Џорџ Клуни проговори француски appeared first on plusinfo.mk.

Се случи чудо, пишуваат медиумите во врска со доделувањето на наградите „Critics Choice“.

Ова се однесува најмногу на Тимоти Шаламе кој ја доби наградата во категоријата најдобар филмски актер, а изненадувањето не е поради наградата, туку поради тоа што во својот победнички говор, меѓудругите, ѝ се заблагодари на својата девојка Кајли Џенер, која беше со него.

– Кајли Џенер (29) сигурно сè уште не може да го надмине шокот што јавно ја призна како своја девојка и ја искажа својата љубов кон неа на доделувањето на наградите „Critics Choice“ во Санта Моника.

Ова следеше по бројните понижувања што ѝ ги нанесе. Тој што чека, тој ќе дочека, а таа е доста трпелива, додека јавноста на социјалните мрежи е многу немилосрдна кон неа  – пишуваат медиумите.

Тимоти Шаламе, кој неодамна го прослави својот 30-ти роденден, беше прогласен за најдобар актер за неговата улога во драмата „Марти Суприм“. Тој го победи познатиот Леонардо Дикаприо, но филмот „Една битка по друга“ (One Battle After Another) триумфираше во другите категории.

Шаламе дојде на церемонијата на доделување награди во Санта Моника, Калифорнија со Кајли Џенер, тие го прескокнаа позирањето на црвениот тепих, „во стилот на големите ѕвезди“, а кога го слушна своето име како победник во престижната категорија, актерот, кој се смета за еден од најталентираните од својата генерација, реши да ѝ се оддолжи на Кајли Џенер за нејзиното трпение. Се сети дека има девојка, ќе речат некои. Од сцената рече:

– Ѝ благодарам на мојата партнерка, со која сум заедно три години. Ѝ благодарам на вашата фондација. Ве сакам. Не би можел да го направам ова без вас. Ви благодарам од дното на моето срце.

Претходно многу се шпекулираше, а луѓе блиски до Кајли Џенер го тврдеа тоа, дека таа се чувствувала понижена затоа што Тимоти Шаламе јавно не ја признал како негова партнерка. Актерот неодамна одби да одговори на прашање за неговата девојка, а нејзините сестри исто така го изразија своето незадоволство од неговото однесување.

И додека немаше јавно признание, двојката често се појавуваше заедно на црвениот тепих, завчера беа на церемонијата на доделување награди на Филмскиот фестивал во Палм Спрингс каде што беше награден и Шаламет, а на крајот од минатата година имаа многу значајно појавување на премиерата на филмот „Марти Суприм“.

 

View this post on Instagram

 

A post shared by timothée chalamet fan page (@tchalametdaily)

На крајот од 2025 година, се појавија гласини дека двојката раскинала. Кланот Кардашијан-Џенер протестираше затоа што актерот ја запоставил Кајли Џенер, а од друга страна, се појавија гласини дека тој едноставно бил посветен на својата кариера и дека сè е во ред со нивната врска.

Обожавателите сега шпекулираат дека нивната свршувачка ќе се случи оваа година, но има и негативни коментари: „Тие се толку несоодветни“, „Гротескна двојка“, „Како мајка и син“ (Кајли е помлада од нејзиното момче), и слични коментари.

The post 🎥 ТИМОТИ ШАЛАМЕ ЈА ДОБИ НАГРАДАТА ЗА НАЈДОБАР ФИЛМСКИ АКТЕР Ѕвездата конечно призна јавно дека Кајли Џенер му е девојка appeared first on plusinfo.mk.