Се очекуваат многу славни меѓу присутните на венчавката, односно шефови на големи меѓународни компании, боливудски ѕвезди, поп-пејачи и политичари.

Амбани (66), претседател на нафтениот и телекомуникациски гигант „Релајенс индустрис“, е најбогатиот човек и во Азија според списокот на милијардери на „Форбс“. Неговото богатство се проценува на повеќе од 114 милијарди долари. Тој и неговата сопруга Нита, придружувани од нивниот син Анант и неговата свршеница, беа домаќини на почетокот на прославите во градот Јамнагар во индиската сојузна држава Гуџарат.

Анант Амбани (28), кој е член на управните одбори на неколку компании во сопственост на „Релајенс“, годинава треба да се ожени за Радика Мерчант – ќерка на индиски индустријалец.

Амбани инаку веќе ја организираше најскапата венчавка во Индија за својата ќерка Ajшa во 2018 година, којашто чинеше 100 милиони долари, со концерт на американската поп-ѕвезда Бијонсе.

На прославите за синот на богаташот ќе настапат пејачката Ријана, илузионистот Дејвид Блејн и боливудската ѕвезда Диџит Досанџ. Меѓу истакнатите гости ќе бидат основачот на „Мајкрософт“ Бил Гејтс, директорот на „Мета“ Марк Закерберг и неколку политички лидери – сегашни и поранешни – според списокот на гости што го пренесуваат тамошните медиуми. Се очекува да дојдат и Иванка Трамп, ќерка на поранешниот американски претседател Доналд, поранешните шведски и канадски премиери Карл Билт и Стивен Харпер, Кралот на Бутан и боливудските ѕвезди Амитаб Бачан и Шахрух Кан.

The post РИЈАНА ЌЕ ПЕЕ НА СВАДБАТА НА СИН МУ, А БИЛ ГЕЈТС, ЗАКЕРБЕРГ И ИВАНКА ТРАМП ЌЕ МУ БИДАТ ГОСТИ Кој е најбогатиот човек во Индија, Мукеш Амбани? appeared first on plusinfo.mk.