Таксин Шинаватра, поранешен тајландски премиер и милијардер, уште во 2009 година зеде црногорски пасош преку скратена постапка од владата на Мило Ѓукановиќ, со што си го отвори патот за меѓународен егзил.

Сега тој мора да отслужи едногодишна затворска казна во својата земја откако неговата ќерка од истата династија беше разрешена и друга партија ја презеде власта.

Во објава на Фејсбук, тој напиша:

„Сакам да гледам кон иднината, да донесам заклучок за сè… Од денес, иако не сум слободен, сè уште имам слобода на размислување во корист на земјата и нејзиниот народ – признавање на пресудата, но и посветеност кон државата“.

Депозит во банката на братот на Ѓукановиќ

Што знаеме за Таксин Шинаватра, чија семејна династија владееше со Тајланд во последните децении? Тој направил депозит од 15 милиони евра во First Bank of Montenegro, банка која тогаш беше во сопственост на Ацо Ѓукановиќ, брат на премиерот Мило Ѓукановиќ.

Во 2017 година, купил земјиште на островот Свети Никола, дел од Которската ривиера, за сума од 24 милиони евра. Земјиштето му го продал Стaнко Цане Суботиќ, пријател на Мило Ѓукановиќ, а развојните планови ги изработува компанија под капа на Ацо Ѓукановиќ.

Законот за државјанство во Црна Гора дозволувал доделување државјанство на лица „од посебен интерес“, вклучувајќи економски инвестиции во милиони евра.

Бегал, се вратил, пак пробал да избега во Дубаи

Со пасошот од Црна Гора избегал од затворска казна во Тајланд и над една деценија живеел во самонаметнат егзил. Неговото црногорско државјанство било доделено токму во време кога бил обвинет за корупција.

По враќањето во Тајланд во 2023 година, Шинаватра веднаш беше приведен, но префрлен во болница. Судот оцени дека тоа било намерен потег за да избегне вистинска казна. Судот утврди и дека неговото шестмесечно лечење во болница не било оправдано од медицинска гледна точка, туку служело како тактика да избегне атвор.

По ова, Врховниот суд во Тајланд му наложи да ја отслужи цела годишна казна, бидејќи болничкиот престој не се смета за дел од казната.

Интересно е што додека се обзнануваше судскиот исход, се потврди дека тој ненадејно ја напуштил Тајланд и отпатувал за Дубаи, само неколку дена пред пресуда која можела да го однесе во затвор. Отсуството предизвика шпекулации дека повторно тргнал по бегство, иако тврдеше дека заминал по медицински причини и дека планира да се врати.

Судот оцени дека неговата постапка била сериозен обид да се избегне исполнување на судската одлука.

Скандали ја тресат целата династија

Во сенката на оваа декадентна епизода, јавноста се потсети и на неговата ќерка, Петонгтарн Шинаватра, која до неодамна беше премиерк на Тајланд, а беше разрешена само по 10 месеци откако се дозна дека по телефон му се обраќала со „чичко“ на премиерот на Камбоџа.

Телефонскиот разговор меѓу Петонгтарн и премиерот на Камбоџа се случил летово кога двете земји имаа осумдневна војна во граничната зона.

На местото на Петонгтарн застана Анутин Чарнивиракул, искусен политичар во чиј мандат како министер за здравство била легализирана марихуаната, што му донесе прекар „Крал на канабисот“.

Тој веднаш се позиционира како конзервативен реставратор, ветувајќи нови избори, уставни реформи и стабилност во време кога Шинаватрите се соочуваат со слабеење на моќта.

The post КОИ СЕ ВРСКИТЕ НА ЕКС-ПРЕМИЕРОТ НА ТАЈЛАНД И МИЛО ЃУКАНОВИЌ? На најбогатиот Црногорец му е пресудена казна затвор appeared first on plusinfo.mk.

Нето вредноста на имотот на американскиот богаташ Илон Маск достигна рекордни 348 милијарди долари, со што, тој си го надмина сопствениот рекорд, но и стана најбогатиот човек во историјата.

Неговото богатство порасна до тој степен поради континуираниот раст на акциите на неговата компанија „Тесла“ и поради новата рунда на финансирање oткако вредноста на неговата стартап компанија за вештачка интелигенција „xAI“ беше проценета на 50 милијарди долари, објави Тајмс оф Индија.

Бројните компании на Маск забележаа зголемување на сопствената вредност откако изборната победа на Доналд Трамп го издигна во центарот на политичкото внимание.

Акциите на „Тесла“ пораснале за 3,8% во петокот, нешто што продолжува да го поттикнува оптимизмот дека плановите на тимот на Трамп за автономни возила и за субвенции за електрични возила ќе ѝ дадат предност на компанијата на Маск пред конкуренцијата.

Маск, најбогатиот човек на светот, сега го собори сопствениот рекорд од 340,4 милијарди долари, поставен во ноември 2021 година, според индексот на милијардери на Блумберг.

The post ИЛОН МАСК СТАНА НАЈБОГАТИОТ ЧОВЕК ВО ИСТОРИЈАТА Колку пари тежи милијардерот? appeared first on plusinfo.mk.

Едно од дванаесетте деца на најбогатиот човек во светот, милијардерот Илон Маск, влета во кадарот додека неговиот татко даваше интервју кај познатиот новинар Такер Карлсон. Детето го изговори своето необично име, X Æ A-12.

Според мајката на X Æ A-12, пејачката Грајмс која му беше партнерка на Маск до 2021 година, „X“  во името означува непозната променлива, „Æ“ е елфски начин на пишување вештачка интелигенција, но исто така е и збор за љубов на неколку јазици, како што е јапонскиот.

Во врска со „А-12“ Грајмс рекла дека тоа е тип на авион претходник на типот СР-17, кој им бил омилен на неа и на Маск во тоа време.

The post 📽️ СИНОТ НА МАСК СИ ГО ИЗГОВОРИ ЧУДНОТО ИМЕ Што значи кованицата X Æ A-12? appeared first on plusinfo.mk.

Според „Форбс“, богатството на Арно се зголемило за 23,6 милијарди американски долари и моментално се проценува на 207,8 милијарди долари.

Маск падна на второто место со неговите компании Tesla и SpaceEx кои му помогнаа да постигне нето вредност од 204,5 милијарди долари.

The post ГО ПРЕТРКА МАСК Бернар Арно е најбогат во светот appeared first on plusinfo.mk.

Во последната година најмногу се збогатил косопственикот на Лукоил, Вагит Алекперов чие богатство пораснало за 9,14 милијарди долари. Додека, најбогат руски милијардер севкупно е еден од главните сопственици на Норилск никел, Владимир Потанин. Од почетокот на годината неговото богатство се зголеми за 2,11 милијарди долари, на вкупно 30,7 милијарди долари.

На второ место на листата на најбогатите Руси е косопственикот на НОВАТЕК, Леонид Микелсон. Неговото богатство годинава се зголеми за 2,71 милијарди долари, на 27,3 милијарди.

Вагит Алекперов и натаму е на трето место. Косопственикот на Лукоил во 2023 година е побогат за 9,14 милијарди долари, а неговото вкупно богатство сега изнесува 24,5 милијарди долари.

На четврто место е Владимир Лисин, претседател и мнозински сопственик на Новолипецк, една од четирите најголеми челични компании во Русија. Неговото богатство во 2023 година се зголемило за 3,07 милијарди долари и сега изнесува 22,9 милијарди долари.

Големата петорка на руските милијардери ја заокружува Алишер Усманов (Металоинвест и Мегафон). Тој во изминатава година го зголемил своето богатство за 1,87 милијарди долари, на 20,3 милијарди долари.

Според извештајот на UBS, од април 2022 година до април оваа година, бројот на милијардери во светот се зголемил за 7% на сегашните 2.376 поединци.

Нивното заедничко богатство, кое падна драстично една година претходно, сега е зголемено за 20% и изнесува 9 трилиони долари.

The post КОЈ Е НАЈБОГАТИОТ МЕЃУ НАЈБОГАТИТЕ РУСИ? Богатството на руските милијардери годинава е зголемено за 38 милијарди долари appeared first on plusinfo.mk.

„Додека гледам кон иднината, планирам да го дадам буквално целото мое богатство на фондацијата. Ќе се симнам (на списокот) и на крајот ќе излезам од листата на најбогати луѓе во светот“, напиша Гејтс на Твитер во средата.

Храбрата објава дојде кога Гејтс вети дека ќе направи донација од 20 милијарди долари во филантропскиот фонд што го основа со неговата сега веќе поранешна сопруга Мелинда, Фондацијата „Бил и Мелинда Гејтс“. Фондацијата има вмешано прсти во многу манџи, но тие велат дека нејзините основни цели се да го подобри глобалното здравје и да ја намали екстремната сиромаштија ширум светот.

Иако фондот ги носи имињата на поранешните партнери, Гејтс објаснува дека околу половина од неговите ресурси всушност доаѓаат од Ворен Бафет, осмата најбогата личност во светот.

Во придружниот  блог-пост, Гејтс допиша дека добротворната фондација има за цел да троши 9 милијарди долари годишно до 2026 година. Ќе се трошат пари и за решавање на руската окупација на Украина, политичката поделеност во САД и климатските промени.

„Наспроти сите овие нешта, пандемијата (со ковид-19 останува) еден од најголемите неуспеси во историјата (на човештвото)“, напиша Гејтс.

The post БИЛ ГЕЈТС САКА ДА РАЗДАДЕ СЀ ДО СМРТТА Веќе нема да бидам на списокот најбогати луѓе appeared first on plusinfo.mk.

Се работи за акциите на компанијата „Тесла“ која исто така Маск ја поседува, а кои „се струполија“ за еден ден во петокот. Блумберг анализираше дека поддржувачите на „Тесла“ се плашат од „ризик од клучниот човек“, а тоа е Маск.

Маск поседува околу 47 отсто од СпејсИкс. Минатата недела се проценуваше дека компанијата достигна вредност од 125 милијарди долари. Но, тоа е приватна компанија, и како таква, нејзиното вреднување не се менува многу од ден на ден.

Успешноста на акциите на Тесла на јавните пазари има најзначајно влијание врз богатството на Маск. Според Би-Би-Си, Маск поседува околу 15 тосто од компанијата. Откако се појавија вести за обвинувањата, цената на една акцијата на Тесла падна за 6,4 отсто.

Сепак, вестите за сексуално недолично однесување на Маск и поврзаните финансиски последици се само последниот инцидент во долготрајниот пад на неговото богатство од почетокот на оваа година. Според проценките на Блумберг, тој веќе изгугил 69 милијарди долари годинава.

Освен секс-скандалот, влијание на падот на акциите на Тесла имаше и глобалната криза поради која имаше огромна распродажба на акции. Последната нишка во низата беше најавата на Маск дека ќе го купи Твитер. Инвеститорите добија впечаток дека Маск ќе се расејува и нема да посветува доволно време на Твитер, па само минатата недела акциите на Тесла паднаа 14 отсто, бришејќи неверојатни 110 милијарди долари од пазарната вредност на компанијата.

The post ПОКАЖУВАЊЕТО НА ПЕНИСОТ ГО ЧИНЕШЕ МАСК 10 МИЛИЈАРДИ Се „олесни“ најбогатиот човек во светот appeared first on plusinfo.mk.

Илон Маск, извршниот директор на Tesla и SpaceX, го престигна Џеф Безос и стана најбогатиот човек на светот. Ова го покажува најновата ранг листа на најбогатите на Форбс.

Маск за прв пат е на врвот на листата на светски милијардери. Од 11 март, бизнисменот имаше проценета вредност од 219 милијарди долари, откако неговото богатство порасна за 68 милијарди долари минатата година во услови на скок од 33 отсто на цената на акцијата на Тесла.

Нетото богатство на Маск е 48 милијарди долари повеќе од богатството на Џеф Безос, кој падна на второто место за прв пат по 4 години поради падот на акциите на неговиот малопродажен гигант Амазон за 3 отсто. Неговото богатство е проценето на 171 милијарда долари.

На последната листа на Форб се најдоа 2.668 милијардери, што е за 87 помалку од пред една година. Тие вредат вкупно 12,7 трилиони долари – исто така 400 милијарди помалку отколку во 2021 година.

Најдраматичен пад се случи во Русија, каде што има 34 милијардери помалку од минатата година, но и во Кина, каде што владата ги воздржа водечките технолошки компании, што доведе до 87 кинески милијардери помалку на листата.

Америка, пак, и понатаму е светски лидер со 735 милијардери вредни 4,7 трилиони долари. Кина (вклучувајќи ги Макао и Хонг Конг) останува на второто место, со 607 милијардери вредни 2,3 трилиони долари.

Форбс откри повеќе од 1.000 милијардери кои се побогати отколку пред една година. И има 236 соработници кои станаа милијардери минатата година – вклучително и милијардери за прв пат од Барбадос, Бугарија, Естонија и Уругвај.

Остатокот од топ 10 на списокот се:

3. Бернар Арно – 158 милијарди долари.
4. Бил Гејтс – 129 милијарди долари.
5. Ворен Бафет – 118 милијарди долари.
6. Лари Пејџ – 111 милијарди долари.
7. Сергеј Брин – 107 милијарди долари.
8. Лари Елисон – 106 милијарди долари.
9. Стив Балмер – 91,4 милијарди долари.
10 Мукеш Амбани – 90,7 милијарди долари.

The post КОИ СЕ НАЈБОГАТИТЕ ЛУЃЕ ВО СВЕТОТ? Маск застана на лидерското место со 219 милијарди долари appeared first on plusinfo.mk.

Илон Маск првпат се најде на врвот на светската ранг листа на Форбс, пред Џеф Безос, кој четири години е најбогат човек на светот.

Според изданието, до денеска, богатството на Маск се проценува на 219 милијарди долари.

Исто така, меѓу првите тројца на листата се и основачот и извршен директор на Амазон, Џеф Безос и Бернар Арно, претседател на ЛВМХ (Луј Витон).

Нивното богатство се проценува на 171 и 158 милијарди долари.

Основачот на Мајкрософт, Бил Гејтс (129 милијарди долари) и извршниот директор на Беркшир Хатавеј, Ворен Бафет (118 милијарди долари) се најдоа меѓу првите пет.

Според 34-то годишно рангирање на најбогатите луѓе во светот, составено од Форбс, вкупното богатство на милијардерите за годината се намалило за 400 милијарди долари на 12,7 трилиони долари, а нивниот број се намалил за 87 на 2.668 луѓе.

The post НАЈБОГАТ ВО СВЕТОТ Маск првпат се најде на врвот на листата на Форбс appeared first on plusinfo.mk.

Извршниот директор на Тесла, Илон Маск е на добар пат да стане првиот трилионер во светот до 2024 година, според новата студија на Tipalti Approve објавена во понеделникот, пренесе  ИнтересноИнженерство.

„Од 2017 година, богатството на Маск покажа годишен просечен пораст од 129 отсто, што потенцијално би можело да го види тој да влезе во клубот вреден трилиони долари за само две кратки години, достигнувајќи нето вредност од 1,38 трилиони долари до 2024 година на 52-годишна возраст“, се наведува во написот.

Извештајот исто така вели дека „СпејсИкс генерира огромни приходи наплаќајки им на владини и комерцијални клиенти кои испраќаат различни работи во вселената, вклучувајќи сателити, резерви на Meѓународната вселенска станица и луѓе“.

Маск во последно време стана познат на Твитер по неговите саркастични твитови. Но, во последно време тој веројатно размислува за отворање негова сопствена социјална мрежа.

„Ако земеме дека Твитер служи за градска чаршија и не успева да ги следи принципите на слободниот говор, ова ја поткопува демократијата“, напишал милијардерот.

Given that Twitter serves as the de facto public town square, failing to adhere to free speech principles fundamentally undermines democracy.

What should be done? https://t.co/aPS9ycji37

— Elon Musk (@elonmusk) March 26, 2022

The post ТОЈ ЌЕ БИДЕ ПРВИОТ ТРИЛИОНЕР ВО СВЕТОТ Илон Маск секоја година станува побогат за 129 отсто appeared first on plusinfo.mk.