Претседателот на Владата Христијан Мицкоски денеска од Карбинци најави дека оваа година ќе се инвестира во три водоснабдителни системи, односно станува збор за проектите Страиште, Пепелиште и Лисиче.

Инвестицијата е околу 80 милиони евра, а е наменета за 80.000 домаќинства. Во одговорот на новинарско прашање премиерот Мицкоски наведува дека станува збор за проект финансиран од германската КФ банка. Посочи и дека оваа инвестиција била заглавена, бидејќи, како што рече, претходната влада сакала да наметне свое кадровско решение.

– Откако беше заглавено, затоа што претходната влада сакала да наметне кадровско решение кое ќе ја води таа институција, па било сопрено финансирањето, бидејќи тоа кадровско решение било некомпетентно, оваа година отпочнуваме со реализација на три вакви водоснабдителни системи – рече Мицкоски.

Тој истакна дека трите проекти се за водоснабдување и за земјоделските површини, но и за други типови на техничка употреба на оваа вода. Забележа дека овој проект бил заглавен со години, а граѓаните плаќале камати за тоа.

– Штета што е таков законот, каков што е. Штета што го избришаа Кривичниот законик. Инаку ова е директно на штета на граѓаните и се платени стотици илјади евра за камата. Зошто? Затоа што некој имал фрустрација дека неговиот предлог за кадровско решение не бил поставен на чело на таа институција и затоа не ја активирал таа институција, но каматите си течеле и граѓаните ги плаќале тие камати и ќе мора да се изнајде начин како да се повикат на одговорност овие луѓе, коишто одлучувале поради својата фрустрација да ги трошат народните пари безмилосно, порача Мицкоски.

The post МИЦКОСКИ НАЈАВИ ТРИ ВОДОСНАБДИТЕЛНИ ПРЕТПРИЈАТИЈА Ќе се градат во Страиште, Пепелиште и Лисиче appeared first on plusinfo.mk.

Градоначалникот на Општина Центар, Горан Герасимовски е уверен дека повторно ќе ја добие довербата од жителите на општината, благодарение на сработеното, како и поради бројните планови кои ги има за доброто на граѓаните.

На денешниот брифинг со новинарите, Герасимовски истакна дека во текот на својот мандат, општината ја водел транспарентно и отворено, со постојана достапност кон граѓаните.

– Советот на Општината и јас како градоначалник сме пример за тоа како треба да функционира локалната самоуправа во државата. Во нашата општина претседателот на Советот доаѓа од различна политичка партија, што е реткост, и заедно одлично соработуваме веќе три и пол години. Сите предлози од различните советнички групи, без оглед на партиската припадност, се разгледуваат и се прифаќаат кога се во интерес на граѓаните и кога постои финансиска поддршка. Тоа што е корисно и издржано, секогаш го поддржуваме и јас и советниците – рече Герасимовски, потенцирајќи дека политиката е целосно одвоена од секојдневното работење на општината.

Токму затоа, смета тој, е оправдана намерата да се кандидира за втор мандат како градоначалник.

Герасимовски најави нова општинска зграда ако добие втор мандат

Градоначалникот на Општина Центар рече дека недозволиво е администрацијата да функционира во лоши услови како што е сега. Општината веќе го добила земјиштето во владение, на конкурсот биле доставени одлични идејни решенија, а во моментов се подготвува проектна документација со која ќе се аплицира на јавните повици на Владата за финансирање на новата зграда.

– Особено внимание ќе посветиме на зеленилото кое се наоѓа на парцелата на општината, бидејќи сакаме да го зачуваме и унапредиме просторот. До крајот на овој мандат сакам да го завршиме проектот, за да бидеме подготвени да аплицираме и за изградба на подземно паркирање, како и да ги искористиме сите достапни средства од државните фондови – објасни градоначалникот.

Тој истакна дека ако добие уште еден мандат ќе започне со изградба на нова, современа општинска зграда.

– Новата зграда нема да биде повисока од околните објекти во Центар, односно нема да има повеќе од четири до пет ката. Обезбедуваме доволно простор за подземен паркинг, ќе има сала за заседавања на Советот, а планираме да обезбедиме и посебно катче за работа на невладините организации кои активно делуваат во општината – додаде Герасимовски.

„Се гледаме во маало“ – Општина Центар стартува караван за подобра комуникација со граѓаните

Герасимовски го најави стартот на караванот „Се гледаме во маало со Горан Герасимовски“, кој ќе се одвива во периодот од 6 јуни до 4 јули. Овој проект има за цел да ги приближи локалните власти до граѓаните, да ги информира за досегашните реализирани проекти и да ги поттикне да дадат свои предлози за унапредување на општината.

– Караванот почнува од населбата Капиштец, од детското игралиште кај Зебра, каде што заедно со општинските служби ќе ги слушаме сите предлози, сугестии и идеи од граѓаните. Ова е можност да ги креираме идните политики и да ги реализираме во соработка со центарци – изјави Герасимовски.

Општината го промовираше новиот „Зелен катастар“ – дигитална платформа базирана на ГИС (Географски информациски систем) технологија која ја овозможува целосната транспарентност во однос на состојбата на зеленилото во општината.

– Зелениот катастар е една од нашите најголеми иновации во делот на заштитата и унапредувањето на животната средина во Центар. Со оваа платформа, граѓаните можат да имаат увид во мапата на зелените површини и во деталите за околу 10.000 дрвја кои досега се евидентирани, вклучувајќи вид, локација и состојба на секое дрво. Можам да кажам од досегашните податоци имаме околу 8.000 лисопадни дрвја и 2.000 зимзелени. Граѓаните во секој момент може да погледнат за секое дрво какво е, колку е старо и има и фотографија. Секое исечено или ново насадено дрво ќе биде внесено во Зелениот катастар на општината. Се стремиме оваа бројка да ја зголемиме и со целосно мапирање на сите дрвја во општината, што ќе помогне во планирањето и грижата за зелените површини – објасни првиот човек на Центар.

Караванот ќе посети повеќе населби, јавни простори и паркови низ општината, според следниот распоред:

6 јуни (18:30-20:00) – Капиштец, Зебра парк

11 јуни (18:30-20:00) – Дебар маало, кај клупата „Горан Стефановски“

12 јуни (18:30-20:00) – Пролет, игралиште

13 јуни (18:30-20:00) – Индијанско маало, паркинг кај Мистер Џек

14 јуни (10:30-12:00) – Зелено пазарче

15 јуни (10:00-11:30) – Средно Водно, паркинг

23 јуни (18:00-20:00) – Парк Капиштец, спортско игралиште

24 јуни (18:30-20:00) – Песталоци, двор

25 јуни (18:30-20:00) – Ул. 50 дивизија, игралиште

26 јуни (18:30-20:00) – Градски ѕид (Ескимo пролаз)

27 јуни (18:30-20:00) – НБРМ, плочник Маџир маало

28 јуни (10:00-11:30) – Пазарче Буњаковец

29 јуни (10:00-12:00) – Градски парк

30 јуни (18:30-20:00) – Водно, кош Тинекс

1 јули (18:30-20:00) – Пајко маало, филхармонија

2 јули (18:30-20:00) – Кеј 13 Ноември, кај кафичите

4 јули (13:45-15:00) – Крњево

5 јули (18:30-20:00) – Кале

– Ова е повик до сите жители на Општина Центар активно да учествуваат, да се вклучат во јавните дискусии и да ги споделат своите визии за поубаво и поздраво живеење во нивните маала – додаде градоначалникот.

The post ГЕРАСИМОВСКИ ЌЕ СЕ КАНДИДИРА ЗА ВТОР МАНДАТ Ако го добие, ветува нова зграда за Општината appeared first on plusinfo.mk.

Централниот комитет на ВМРО-ДПМНЕ денеска одржа редовна седница, на која се дискутираше актуелната политичка ситуација во државата и подготовките за претстојните избори.

На седницата беше констатирано дека Владата е стабилна и силна, успешно ги исполнува очекувањата на граѓаните, и покрај бројните предизвици и економската катастрофа што беше наследена од претходната власт.

Општиот став на партиските членови е дека сите сили се насочени на поттикнување на економскиот раст и развој, со цел Македонија да се постави на брза траса кон економски напредок.

Генералниот секретар на ВМРО-ДПМНЕ, Сајкоски, го информираше претседателот и членовите на партијата дека општинските комитети се силно мотивирани и подготвени за избори, на кои се очекува голема победа.

Претседателот на ВМРО-ДПМНЕ, Христијан Мицкоски, нагласи дека Македонија ја очекуваат успех и добри резултати како резултат на реформите преземени во изминатиот период. Според Мицкоски, целта на владата е економска стабилност и просперитет за сите граѓани.

Мицкоски исто така информираше дека во иднина ќе продолжат испитувањата и мерењата на јавното мислење за кандидатите на ВМРО-ДПМНЕ, кои покажуваат значителна предност пред политичките конкуренти. Сепак, тој подвлече дека партијата треба да ја исполни одговорноста на ветувањата дадени на граѓаните.

The post ВМРО-ДПМНЕ ГО НАЈАВУВА УСПЕХОТ Партијата ја води Македонија кон стабилност и просперитет appeared first on plusinfo.mk.

– Многу, многу брзо од денеска убава вест за штипјани поврзана со клиничката болница, веќе недели не делат до таа убава вест и очекувам тоа да биде едно пријатно изненадување не само за Штип, туку и за цела источна Македонија – рече Мицкоски.

Штипската клиничка болница започна да се гради во 2016 година, но поради проблеми со изведувачот и подизведувачот на објектот беше стопирана нејзината изградба. Премиерот, Мицкоски во неколку наврати нагласи дека доизградбата на објектот на новата Клиничка болница во Штип е еден од приоритети на оваа Влада.

The post ПО ДОЛГИ ГОДИНИ ЧЕКАЊЕ, КОНЕЧНО ДОБРА ВЕСТ Мицкоски откри кога Штип ќе ја добие својата болница appeared first on plusinfo.mk.

Ова беше најавено на вчерашната презентација на проектот на Универзитетот во Штип.

На инвеститорот му требаа 4 години да ги помине административните лавиринти во земјава за да стигне до градење кое и сега е неизвесно бидејќи деновиве треба да завршат финалните разговори со сегашната влада која има свои барања. Владата побара изградбата на фотоволтаичната централа да се помести на земјиште од четврта категорија па нагоре, односно на неплодно земјиште.

Претставниците на „Акуо“ во земјава велат дека веќе го исполниле условот и очекуваат многу брзо да ги добијат протребните документи за градба. Дополнително, централата треба да произведува и батериски системи за балансирање на струјата, што ја зголемува нејзината вредност на повеќе од 300 милиони евра.

Соларниот парк „Стипион“ во 2021 година беше најавен како стратешка агросолна инвестиција која ќе обезбеди струја за град од 30.000 жители и ќе помогне во развојот на енергетиката и земјоделството во земјава бидејќи предвидува под поставените панели да се одвива земјоделско производство.

– Инвестицијата останува да биде агросолна иако е на предел кој има понеквалитетно земјиште – велат претставниците на компанијата.

Инвестицијата ќе се гради етапно и треба да биде завршена за 2 години.

– Убедени сме дека изградбата на соларниот парк ќе го завршиме во 2027 година. Неговата изградба ќе трае од 12 до 18 месеци – изјави Катинка Рамбер, директор на фондацијата на „Акуо“ вчера на презентацијата на проектот на универзитетот во Штип.

Експертите оценуваат дека оваа централа ќе придонесе и на намалување на увозот на електрична енергија.

– Оваа централа е од 400 мегавати и мислам дека ќе биде доволно за еден град со 30.000 до 40.000 жители. Ќе придонесе за снабдувањето и сигурноста на системот во државата, но и за намалување на увозот на електрична енергија, што е и клучно прашање – изјави Славе Ивановски, експерт за енергетска политика.

За периодот на инсталирање на централата, студентите од неколку факултети при штипскиот Универзитет ќе имаат практична настава.

– Студенти ќе бидат вклучени во конкретни активности, и во поставувањето на самиот парк, но и во изградбата на нивните станици – изјави Мишко Џидров, проректор за настава на УГД-Штип.

Штипскиот универзитет беше ангажиран и за подготовка на анализата за тоа кои култури ќе можат да се садат под панелите, бидејќи 50 до 60% од површината треба да биде под земјоделски култури.

Инвестицијата е целосно на француската компанија „Акуо енерџи“ која развива, финансира, гради и управува со електрани од обновлива енергија. Компанијата има инвестиции во ОАЕ, Турција, Индонезија, Луксембург, САД, Уругвај, Хрватска, Полска, Бугарија, Австралија, Доминиканската Република и Монголија.

Изградбата на фотоволтаичната централа на „Акуо“ беше најавена во 2021 година во времето на владата на Зоран Заев како стратешка инвестиција. Требаше да почне да се гради во 2022 година и да биде завршена во 2024 година, но поради низа административни проблеми не почна да се гради во планираното време.

The post ВО ШТИП ЌЕ СЕ ГРАДИ НАЈГОЛЕМАТА ФОТОВОЛТАИЧНА ЦЕНТРАЛА НА БАЛКАНОТ Соларниот парк на „Акуо енерџи“ ќе биде готов за 2 години appeared first on plusinfo.mk.

Македонската ракометна репрезентација вечерва од 18 часот во Вараждин се подготвува за нова битка на Светското првенство 2025. По храбриот и инспиративен натпревар против силната Унгарија, нашите ракометари се подготвени да се соочат со уште еден предизвик – брзата и незгодна селекција на Холандија.

Ова е моментот кога Македонија докажува дека со силна волја, тимски дух и неверојатната поддршка од навивачите, сè е возможно. Арената во Вараждин се очекува да биде исполнета со македонски знамиња и срца кои чукаат како едно, давајќи им дополнителна сила на нашите ракометари да се борат до последен здив.

Против Холандија, одбраната ќе биде нашето најсилно оружје. Чуварите на нашата мрежа и борците на теренот, предводени од селекторот Кире Лазаров, ќе треба да ја неутрализираат организираната холандска игра и особено бекот на ПСЖ, Лук Стајнс. Агресивната, цврста и подвижна одбрана од натпреварот против Унгарија е формулата за успех.

Во првиот меч од групата Д пред два дена Холандија лесно и убедливо со 40-23 го декласираше дебитантот Гвинеја.

Овој натпревар не е само уште една шанса за добар резултат, туку и можност за реванш од Светското првенство во 2023 година во Краков, кога Холандија извојува убедлива победа, каде бевме целосно надиграни и заслужено загубивме со убедливи 24-34. Тоа ќе биде мотив повеќе за нашите ракометари, од кои голем дел настапија на тој меч во Полска, целосно да им се реваншираат на „лалињата“.

– Во Краков беше една друга репрезентација, многу од овие играчи што се тука, тогаш беа на своите почетоци, сега сме поискусна репрезентација. Го паметиме тој дуел и поразот, но верувам дека денешниот меч ќе биде сосема поинаков. Ќе решаваат нијанси, тој што ќе направи помалку грешки ќе го добие мечот – вели Жарко Пешевски во пресрет на денешната пресметка.

Голманот Барт Равенсберген бранеше само во првото полувреме против Гвинеја, но искусниот чувар на мрежата е свесен дека неговата селекција денеска (18 часот) против Македонија ќе има далеку потешка задача.

– Добро беше што отворивме така лесно и рутински. Секогаш е незгодно на првите средби, особено против селекции кои се дебитанти на големи натпреварувања, но ние почнавме фуриозно од почетокот, создадовме добра предност и тоа ни овозможи полесно да го финишираме мечот. Знаеме дека нема да биде лесно против Македонија и едно е сигурно – многу ја почитуваме вашата репрезентација и сигурно нема да ја потцениме. Пред две години бевме изненадени колку лесно победивме во Краков, но знаеме дека тоа нема да биде случај овде во Вараждин – ни изјави Равенсберген.

Најсилниот адут на Македонија отсекогаш била неверојатната поддршка од трибините. Македонската фаланга, која веќе ја исполни арената во Вараждин, е мотивот што го крева нашиот тим до нови височини.

The post ВРЕМЕ Е ДА ИМ СЕ ОДМАЗДИМЕ НА „ЛАЛИЊАТА“ Македонија подготвена за нова сензација, овојпат против Холандија appeared first on plusinfo.mk.

Од петок попладне под влијание на циклонска активност ќе започнат врнежи од дожд, а на планините и на повисоките места од снег, најави Управата за хидрометеоролошки работи.

Во сабота, поради спуштање на студена воздушна маса од север ќе дува засилен северен ветер чија брзина ќе изнесува над 65 километри на час и врнежите ќе преминат во снег и во некои од пониските места.

„Наместа врнежите ќе бидат пообилни, над 30 литри на квадратен метар, а на планините снежната покривка позначително ќе се зголеми. Помала снежна покривка се очекува и во некои од пониските места“, соопшти УХМР.

Во Скопје од петок попладне и во текот на ноќта ќе има врнежи од дожд. Во сабота ќе дува засилен северен ветер и во повисоките делови од котлината врнежите ќе бидат преминат во снег.

Во недела ќе има преодно стабилизирање на времето, а нови врнежи од дожд и снег се очекуваат од понеделник попладне.

Минималните температури деновиве ќе се движат од минус 5 до 5 степени, а дневните ќе варираат од минус 1 до 14 степени Целзиусови.

The post СИЛЕН СЕВЕРЕН ВЕТЕР ЌЕ НИ ДОНЕСЕ СНЕГ Од петок ќе забели и во пониските места, мала шанса за снегулки и во Скопје appeared first on plusinfo.mk.

Ова го истакна премиерот Христијан Мицкоски, кој најави потенцијална инвестиција од една милијарда евра, а со која ќе се намали загадувањето на воздухот.

– Работиме на неколку такви проекти. Денес имам состанок во Владата со потенцијален инвеститор кој сака да инвестира една милијарда евра во ваков тип на производни капацитети. Се ќе биде по пазарни услови. Преговорите се со инвеститори во кои што моја цел е и државата да биде дел од пакетот, да биде косопственик во самата инвестиција, со земја, со приклучоци… Ќе видиме како ќе завршат овие преговори и ако биде се како што треба, овој процес нема да биде преку ноќ, но ќе почнеме во текот на идната година. Очекувам во период до три години сето ова да се заврши – додава Мицкоски.

The post НОВА ИНВЕСТИЦИЈА ОД ЕДНА МИЛИЈАРДА ЕВРА Мицкоски најавува битка за намалување на загадувањето на воздухот appeared first on plusinfo.mk.

Поранешната прва дама на Америка објави драматично црно-бело видео на социјалните мрежи, велејќи дека е време да ја каже својата вистина во мемоари.

– Пишувањето на овие мемоари беше длабоко лично и рефлексивно патување за мене – рече таа во видеото објавено на нејзините профили на социјалните мрежи.

– Како личност која често била предмет на јавна контрола и погрешно претставување, чувствувам одговорност да ги исправам фактите – рече сопругата на Доналд Трамп пред објавувањето на нејзините мемоари, Меланија.

– Верувам дека е важно да ја споделам мојата перспектива: вистината – рече таа во видеото.

Видеото на поранешната прва дама на САД вчера беше споделено на социјалната мрежа „Х“, а веќе има 6,5 милиони прегледи.

Оваа 54-годишна поранешна манекенка, која се омажи за Доналд Трамп во 2005 година, најави објавување на своите мемоари во јули оваа година.

Во промотивните материјали, издавачката куќа „Скајхорс“ ја нарече книгата „интимен портрет на жена која живеела извонреден живот“.

Книгата ќе содржи „приказни и слики кои никогаш порано не биле јавно споделени“, рече нејзиниот издавач.

Видеото од 48 секунди започнува со тоа што поранешната прва дама зборува директно во камерата. Исто така, содржи сцени од нејзиното време во Белата куќа, вклучувајќи патување во Африка и работа на нејзината кампања „Биди најдобар“.

Има и неколку фотографии од периодот кога се занимавала со манекенство и како млада мајка со синот Барон. Прикажан е нејзиниот сопруг Доналд Трамп, пишува Дејли мејл.

Видеото е во црно-бела верзија со драматична музика.

My Story.
My Perspective.
The Truth. https://t.co/ZCTwZSqZND pic.twitter.com/HHGQaA6d5v

— MELANIA TRUMP (@MELANIATRUMP) September 5, 2024

The post 📽️ МЕЛАНИЈА РЕШИ ДА ЈА КАЖЕ ГОЛЕМАТА ВИСТИНА ЗА ДОНАЛД ТРАМП Видеото од поранешната прва дама ги вжешти мрежите appeared first on plusinfo.mk.

Премиерот Христијан Мицкоски истакна дека со жалање го прочитал статусот на поранешната министерка Славјанка Петровска во кој таа упати обвинувања на негова сметка.

– Не е прв пат госпоѓицата Славјанка Петровска да нанесува удар врз мене и моето семејство на ваков подмолен начин, со многу лаги, измислици и конструкции. Таа за жал мене монструозно ме обвини, но јас тоа го оставам на нејзината чест и совест. Не би сакал да навлегувам во длабочината на нејзината мисла додека го креирала и го објавила овој пост. Се консултирав со мојот правен тим и ќе покренам тужба, затоа што би сакал органите, судот, до крај да го расветлат ова и да видат со какви докази располага госпоѓицата Петровска, дека јас сум нарачувал и охрабрувал убиства. Сепак јас имам семејство, моето семејство функционира низ градот и не би сакал да се најде во непријатна состојба – одговори премиерот Мицкоски на новинарско прашање.

Тој посочи дека Петровска се обидува политички да спечали напаѓајќи го него лично и преку тоа и неговото семејство и најави дека во деновите кои следат ќе биде поднесена тужбата.

The post МИЦКОСКИ ЌЕ ЈА ТУЖИ ПЕТРОВСКА ЗА МОНСТРУОЗНИТЕ ОБВИНУВАЊА Премиерот сака на суд да ги види доказите кои ги има пратеничката од СДСМ appeared first on plusinfo.mk.