На 15 јули Archives - plusinfo.mk

Заев на Сител: Граѓаните на 15 јули да гласаат и да ѝ дадат патоказ на државата

МИА — Sun, 12 Jul 2020 18:01:03 +0000

Лидерот на СДСМ Зоран Заев вечерва во гостувањето на ТВ Сител изрази уверување дека голем број граѓани ги препознале политиките на СДСМ во изминатите три години и дека веќе се определени за кого ќе гласаат.

– Нашата држава има ситуација во која мораме да избереме парламент. Свесни дека пандемијата ќе трае, ние мораме да ги организираме државните институции. И покрај ваквите услови мислам дека преку кампањата допревме до голем број граѓани, преку вас медиумите, преку социјалните мрежи, преку помали собири. Во целиот овој период, имаме голем фокус на голема политичка понуда, преку сите сегменти, платите, инфраструктурата, економијата… А од друга страна се води негативна кампања. Ние го исполнивме тоа дека ќе имаме позитивна кампања. Така и ќе продолжиме да работиме, ќе се посветиме на зголемувањето на платите и пензиите, на минималната плата до 20 000 денари, на просечната до 34 000 денари, ќе ги зголемиме повторно пензиите.. Ако сето ова го можевме во скратен мандат и во време на здравствена криза, сега во нов мандат сигурно дека знаеме и можеме повеќе. Јас верувам дека ние ќе им оставиме повеќе на нашите деца од тоа што ни оставија родителите, вели лидерот на СДСМ – соопштија од СДСМ.

Верувам дека многумина ќе излезат на избори и додава дека има можност да гласаат и заразените од ковид 19, кои се дома или во болница.

– Ние секој ден одиме насекаде како граѓани, се дружиме, пиеме кафе, пазариме… Затоа тие пет минути на гласачкото место нема да ни го нарушат здравјето. Едно мора да се знае, секој кој нема да гласа не ѝ помага на татковината, ако не гласа, му помага на режимот да може да се врати. Затоа ги повикувам граѓаните во што поголем број да ја исполнат својата одговорност и да и дадат патоказ на државата – нагласи Заев, додавајќи дека верува оти сите ќе се определат за мирна, стабилна и просперитетна држава.

Нагласи дека огромен дел од граѓаните знаат за чувството на одговорност што го поседуваат и изрази верување дека на 15 јули ќе го искористат своето право на глас и дека ќе има висока излезност на овие избори.

– Оној оној кој нема да го искористи својот глас, не и помага на својата татковина, со седење дома на ден на избори, помага само да се врати режим, да се вратат црнилата од кои верувам, конечно сите сме спасени – порача претседателот Заев.

Тој истакна дека на изборите в среда, на 15 јули, СДСМ и Коалицијата Можеме се најсигурната опција и најголемата гаранција дека државата ќе продолжи на правиот пат, пат на раст на платите и пензиите, економски развој, развој на инфраструктурата.

– Ги повикувам граѓаните, на 15 јули да го искористат своето право на глас, на гласање кое ќе биде безбедно за здравјето да дадат правец и патоказ на државата и потоа заедно да покажеме дека можеме и уште повеќе и уште подобро, додаде Заев.

The post Заев на Сител: Граѓаните на 15 јули да гласаат и да ѝ дадат патоказ на државата appeared first on plusinfo.mk.

Заев: На 15 јули е важно да се гласа, се носи голема одлука (ВИДЕО)

плусинфо — Sat, 11 Jul 2020 12:45:24 +0000

Претседателот на СДСМ и носител на кандидатската листа во ИЕ4, Зоран Заев преку видео-обраќање ги уверува граѓаните дека на 15 јули ќе се спроведе гласање со целосна заштита и оти се обезбедни сите мерки за заштита од КОВИД-19.

Тој истакнува дека на 15 јули е важно да се гласа, дека се носи голема одлука. Тој во пораката вели дека се носи одлука за сопствената иднина, за иднината на нашите најблиски и за иднината на нашата татковина.

– На овие избори одлучуваме дали ќе продолжиме да одиме напред или ќе се враќаме назад. Дали ќе растат платите и ќе се полнат џебовите на граѓаните, или ќе се полнат џебовите на луѓето на Груевски кои сега се нудат да ја водат државата.Дали ќе го прочистиме судството од корумпираните судии и обвинители или остатоците од заробената држава ќе ги спасуваат Камчев и Груевски, и сите други кои ја ограбија државата. Дали откако влеговме во НАТО ќе влеземе и во ЕУ или ќе им дозволиме на ВМРО-ДПМНЕ и Мицкоски да го поништуваат Договорот од Преспа и да не вратат во режим и изолација. Дали ќе се справиме и заштитиме од коронавирусот или ќе оставиме неодговорни луѓе опасни по здравјето да донесат хаос и паника, посочува тој.

Заев потенцира дека секој од нас треба да преземе чекор и да учествува во големата одлука.

– Не смееме да дозволиме да ја прокоцкаме шансата што заедно ја создаваме овие три години. Државата ќе продолжи напред само ако вие така одлучите, само ако вие излезете на 15 јули и гласате на безбедни избори. Денес, нема подобра и посигурна опција од СДСМ и Коалицијата „Можеме“, вели носителот на листа во ИЕ 4 од коалицијата „Можеме“.

– Гласот за СДСМ е глас за сигурност, глас за да спречите влада на ВМРО-ДПМНЕ и нова опасност. Да не ризикуваме, да не го даваме гласот за кој било кој би можел да коалицира со Мицкоски. Глас за ДУИ е глас за Мицкоски, глас за Мицкоски е глас за обнова на режим. Да гласаме за „Можеме“ да гласаме за најсигурната опција, вели Заев.

Се обврзуваме, вели Заев, пред вас граѓаните, дека првата работа која ќе биде следниот период е реформата на правосудниот систем во државата.

– Покажавме одлучност и патриотизам во решавањето на отворените прашања и во внесувањето на земјата во НАТО, со истата одлучност носиме правда и владеење на правото за сите преку прочистување на правосудството. Продолжуваме и со грижата за јавното здравје. Денес, не сакаме ниту да замислиме како ќе изгледаше справувањето со КОВИД кризата ако ВМРО-ДПМНЕ ја водеше владата, истакнува Заев.

Тој го повикува граѓаните в среда, на 15 јули да гласат за бројот три, за коалицијата „Можеме“ предводена од СДСМ, „за да продолжиме напред кон развој, кон интеграција, кон економски раст и повеќе пари за сите.

The post Заев: На 15 јули е важно да се гласа, се носи голема одлука (ВИДЕО) appeared first on plusinfo.mk.