Одземен му е мопедот на скопјанец кој имал присуство на алкохол во крвта од 1,93 промили, соопшти полицијата. Тој ќе одговара за кривично дело безобѕирно управување на мопед.

На 14.06.2026 од 16 до 24 часот на подрачјето на Скопје, Одделението за безбедност на патниот сообраќај и Единицата за полициски станици од општа надлежност при СВР Скопје спровела зајакната акциска контрола во сообраќајот.

Притоа биле изречени вкупно 219 мерки од кои 66 мерки за управување мотоцикл без кацига, шест мерки за возење со несоодветна категорија, 15 мерки за возење велосипед со помошен мотор без положен возачки испит, една мерка за нерегистриран мотоцикл, две мерки затоа што не застанале на даден знак и 129 мерки по останати прекршоци – не носеле возачка или сообраќајна дозвола, не била истакната регистарска табличка, недавање првенство на возила или на пешаци и друго.

The post ПОДНАПИЕН ВОЗЕЛ МОПЕД Изречени 219 казни за еден ден во Скопје appeared first on plusinfo.mk.

Во текот на последната седмица констатирани се 4.991 сообраќајни прекршоци преку системот „Безбеден град“, од кои за брзо возење 4.674.

Во периодот од 02.02.2026 до 08.02.2026 од страна на системот „Безбеден град“ на подрачјата на градовите Скопје, Тетово и Куманово, и коридорите на кои се поставени камери, регистрирани се вкупно 4.991 прекршок, од кои 641 мерка за сторен прекршок од страна на возачи кои управувале возило со странски регистарски ознаки.

Од вкупниот број регистрирани прекршоци најголемиот број се за управување на возило со брзина поголема од дозволената 4.674, потоа за минување на затворен сигнал (црвено светло) 163, а за управување со возило со измината важност на сообраќајната дозвола констатирани се 154 прекршоци.

Изречени се вкупно 288 мерки „забрана за управување со возило“, од кои 163 се за „минување на црвено светло“, а 125 се за „брзо возење“.

Во рамки на предвиденото дозволено отстапување во брзината на движење толерирани се 22.434 возила.

– Апелираме до сите учесници во сообраќајот да се почитуваат сообраќајните правила и прописи и сите заедно да придонесеме за посигурни и побезбедни патишта – велат од МВР.

The post ИСТОЛЕРИРАНИ СЕ 22.434 ВОЗИЛА КОИ ВОЗЕЛЕ НАД ДОЗВОЛЕНАТА БРЗИНА Последната недела имало скоро 5.000 прекршоци appeared first on plusinfo.mk.

Според извештајот од редовните сообраќајни контроли реализирани на 26 и 27 јули, најдраматични се бројките за возачите кои зад воланот седнале без да поседуваат возачка дозвола, дури 128 такви случаи биле санкционирани. Исто толку сериозна е и бројката од 115 возачи кои биле фатени под дејство на алкохол. Сите тие веднаш биле исклучени од сообраќај.

Безбедноста ја загрозиле и 46 моторциклисти кои биле фатени без заштитен шлем, што дополнително го зголемува ризикот на патиштата.

Непочитувањето на пропишаната брзина сè уште останува еден од најчестите прекршоци, дури 458 казни биле изречени само за ова. За неправилно паркирање, санкции добиле 175 лица. Дополнително, биле казнети и 28 возачи кои не користеле сигурносен појас, како и 17 кои управувале возило и зборувале на мобилен телефон.

Полицијата евидентирала и потешки прекршоци, тројца возачи поминале на црвено светло, додека двајца пешаци и тројца возачи на електрични тротинети исто така се нашле на листата на прекршители.

Според Законот за возила, полицијата отстранила 31 нерегистрирано возило од сообраќај, а дополнително исклучила три поради техничка неисправност.

Министерството за внатрешни работи најави дека засилените контроли ќе продолжат и во следните денови и упати апел до сите учесници во сообраќајот да ги почитуваат правилата, со цел зголемување на безбедноста на патиштата.

The post ПОПЛАВА ОД КАЗНИ ВО СООБРАЌАЈОТ ЗА ЕДЕН ВИКЕНД Над 1.100 санкции, возеле брзо, без возачка и под дејство на алкохол appeared first on plusinfo.mk.

Во засилените контроли во областа на сообраќајот на територија на Град Скопје вчера се изречени вкупно 190 мерки, меѓу кои за возење повеќе од дозволената брзина 68 санкции, осум мерки за возење без возачка дозвола, пет санкции за нерегистрирани возила.

„Изречени се 21 мерка за управување под дејство на алкохол, седум санкции за користење мобилен телефон при возење, четири мерки за минување на затворен сигнал – црвено светло…“, информира МВР.

Сообраќајните контроли продолжуваат и во наредните денови. Од МВР апелираат до граѓаните да ги почитуваат сообраќајните правила и прописи за да се зголеми безбедноста во сообраќајот.

The post 21 ВОЗАЧ БИЛЕ ПИЈАНИ МВР синоќа казни 190 возачи во Скопје appeared first on plusinfo.mk.