Мурал посветен на Новак Ѓоковиќ, што се наоѓа во центарот на Белград, е прекриен ноќеска со црна боја. Делото на уметникот и активист Андреј Јосифовски, познат како Пијанистот, беше инспирирано од познатото „пумпање“ на Новак за време на овогодинешниот Вимблдон.

На муралот што го прикажува Ѓоковиќ во момент на карактеристична гестикулација и енергија, имаше натпис: „ПУМПАЈ, ПУМПАЈ, зошто застана!?“.

Во текот на ноќта непознато лице истурило црна боја врз муралот, а авторот Андреј Јосифовски за инцидентот објави на своите профили на социјалните мрежи, пренесуваат белградските медиуми.

„Замислете го тој голем патриЈот во портокалова јакна со капа, кој се прикрадува ноќе, потоа стои пред Новак (ЕЈ НОВАК!) – го гледа во очи и му фрла боја по лицето и телото. Тоа е фина срБска младина човек од кафезот кој сака да научи да црта графити. Одамна го освоивме врвот на дното, но продолжуваме во стартосВерата. Не грижи се, брате мој @djokernole – одмаздата ќе следи, но без маска, среде ден, онака како што го правиме тоа“, напиша Јосифовски и објави фотографија од оштетениот мурал.

Муралот беше создаден како почит кон енергијата и борбеноста на Новак на Вимблдон, каде што за време на натпреварот ја подигна атмосферата и ја мотивираше публиката со своето познато „пумпање“.

Ѓоковиќ неодамна привлече големо внимание и надвор од спортските терени, бидејќи јавно ги поддржа студентите кои бараат одговорните за трагедијата во Нови Сад да бидат гонети, кога 16 лица загинаа при падот на бетонската настрешница.

По таа поддршка, Ѓоковиќ се најде на удар од дел од јавноста, а турнирот „Србија Опен“ мораше да се премести од Белград во Атина.

The post ЦРНА БОЈА ВРЗ ЛИКОТ НА НОВАК Уништен муралот на Ѓоковиќ во Белград, остра реакција на авторот appeared first on plusinfo.mk.

Асоцијација за здравствена едукација и истражување ХЕРА, ги информира граѓаните од Општина Центар и основните учлиштата дека услугите поврзани со психосоцијална поддршка, превенција од дроги, професионални советувања за ментално здравје, како и превенција и заштита од насилство, се достапни бесплатно согласно договорот кој е потпишан со Општина Центар. Услугите се достапни секој работен ден од понеделник до петок, во однапред закажан термин, за сите граѓани вклучително и за младите, учениците, наставниците, родителите кои се соочуваат со предизвиците на секојдневието.

– Врсничкото насилство остава длабоки последици врз менталното здравје на младите. Сè почесто се соочуваме со случаи на анксиозност, депресија и изолираност кај деца и адолесценти, предизвикани од навреди, исклучување или насилство од врсниците – како во училиште, така и онлајн. 53% од девојчињата и 19% од момчињата на возраст на 15 години имаат депресивно расположение, покажуваат податоците од ХБСЦ студијата. Потребна е заедничка акција од родителите, училиштата и институциите за да се создаде безбедна и поддржувачка средина, каде младите ќе се чувствуваат прифатени и ќе добијат навремена психосоцијална поддршка. Менталното здравје не е луксуз, туку право на секое дете. Апел до младите, молкот не е одговор, сподели и побарај поддршка кога ти е потребно! – наведуваат од ХЕРА.

За повеќе информации и закажување термини, граѓаните можат да се обратат во советувалиштата на ХЕРА:

Прв семеен центар е отворен во понеделник, среда и во петок (09:00–16:00), а во вторник и во четврток од 12:00 до 19:00 часот.
Телефон: 02/3200 007, +389 70 249 596, е-пошта: infopsc@hera.org.mk

Центар за поддршка и советување на момчиња и мажи – ММ центар е отворен од вторник до четврток (10:00–17:00), телефон: +389 70 299 026.

Советувалиштето за превенција од употреба на алкохол и дроги во Младинскиот центар „Сакам да знам“ – Водно може да се добие на телефон +389 2 3176 950.

Како симболичен гест и во име на одбележувањето на 25-годишнината на ХЕРА, уметникот Ненад Тонкин изработи мурал во основното училиште „Кочо Рацин“ во Центар. Муралот претставува симбол на охрабрување, поддршка и солидарност против врсничко и семејно насилство, а воедно поттикнува на дијалог и активно делување за создавање безбедна и поддржувачка училишна средина. Покрај муралот стои и контакт телефон каде може сите деца, родители, наставници да побараат стручна помош и поддршка во справувањето со врсничко насилство, како и за други предизвици со менталното здравје.

The post 53% ОД ДЕВОЈЧИЊАТА И 19% ОД МОМЧИЊАТА НА 15-ГОДИШНА ВОЗРАСТ ИМААТ ДЕПРЕСИВНО РАСПОЛОЖЕНИЕ Бесплатни совети од ХЕРА за ментално здравје и за превенција од насилство appeared first on plusinfo.mk.

Општина Центар ги поканува сите креативци, уметници и културни здруженија од територија на Центар да учествуваат во новиот јавен повик за изработка на мини мурали и графити на јавни простори. Овој повик е дел од Програмата за култура за 2025 година и има за цел да го разубави визуелниот изглед на општината и да го потенцира културниот и јазичниот идентитет.

Градоначалникот Горан Герасимовски информира дека проектите на конкурсот треба да ја истакнат значајноста на македонското писмо и јазик или да бидат посветени на културните обележја и настани значајни на локално ниво.

– Преку проектот „Мини мурали и графити“ создаваме нови можности за локалните уметници и внесуваме боја и живот во урбаниот простор. Уметноста на јавните површини не само што го разубавува градот, туку носи и пораки кои ги сплотуваат граѓаните. Нашата цел е Центар да биде отворено платно за креативноста. Право на учество имаат поединци, регистрирани здруженија и правни субјекти со седиште во Општина Центар – вели Герасимовски.

Подносителите на пријава на јавниот повик може да предложат локација за изработка на муралот/графитот по сопствен избор. Доколку посочената локација претставува ѕид од фасада на станбена зграда, потребно е учесниците да приложат согласност од сопствениците на објектот.

Пријавата со комплетната документација треба да се достави во еден оригинален примерок, пополнета електронски, потпишана и заверена од одговорно лице на апликантот. Документацијата може да се поднесе по пошта на адреса: Општина Центар – Скопје, Сектор за јавни дејности / Одделение за култура, ул. Михаил Цоков бр.1, 1000 Скопје, или лично во Архивата на Општина Центар (барака 6), секој работен ден од 9:00 до 15:00 часот, со назнака: „Јавен повик за цртање на мурали и графити на јавен простор на подрачјето на Општина Центар“.

Поднесувањето на пријавите е отворено пет дена од денот на објавување на повикот на веб-страницата на Општина Центар (www.centar.gov.mk). Финансиската поддршка ќе се додели согласно квалитетот, обемот и оригиналноста на предлог проектите, во вкупен износ од 295.000 денари.

The post ПОВИК ЗА МИНИ МУРАЛИ И ГРАФИТИ ВО ЦЕНТАР Темата е поврзана со македонското писмо и јазик appeared first on plusinfo.mk.

Кошаркарот на Лос Анџелес лејкерс, Лука Дончиќ донираше голема сума пари за да помогне во обновувањето на муралот во чест на легендата на тимот Коби Брајант.

Вандали го осквернавија и оштетија муралот во чест на поранешниот кошаркар, на кој тој беше претставен заедно со неговата ќерка Џиџи. Еден ден подоцна, Дончиќ префрлил 5.000 долари за да плати за реставрација на ѕидот, пишува „Лос Анџелес Тајмс“.

– Коби е Лос Анџелес. Тој и Џиџи значат многу за овој град, за организацијата на Лејкерс и за мене лично. Среќен сум што правам сѐ што можам за да го почитувам нивниот спомен – рече Дончиќ.

Брајант и неговата ќерка загинаа во хеликоптерска несреќа во 2020 година.

 

View this post on Instagram

 

A post shared by ESPN (@espn)

The post 📷 ВАНДАЛИ ГО ОШТЕТИЈА МУРАЛОТ НА КОБИ Лука Дончиќ со емотивен гест ја враќа честа на легендата appeared first on plusinfo.mk.

Муралот е нацртан на површина од 80 метри квадратни и ја изразува почитта и благодарноста кон бранителите и она што тие го направија за својата земја.

Поставувањето на муралот е дело на здружението „Патриотско друштво“, а го носи името „Заклетва“ според насловната страница на истоимената книга во која се собрани сведоштва на бранители за конфликтот во 2001 година.

Според здружението, подготовките за поставувањето на овој мурал траеле неколку месеци, а самото поставување на зградата се изведувало три дена, при што во целата организација биле вложени над 2.000 евра.

The post 📷 ПАТРИОТИЗАМ НА 80 КВАДРАТНИ МЕТРИ Мурал во чест на македонските бранители поставен во Кисела Вода appeared first on plusinfo.mk.

„Не сакам да ги оставам другарите сами, да гинат. Морам да одам!“, им велел Трајковски на најблиските секојпат кога ќе го прекинел и отсуството за да се врати на бојните полиња во Танушевци, Малино Маало, тетовско Кале, кумановско.

Така било и на 28 април 2001 година, кога заминал во мешана патрола од четири возила (две „лада нива“ и два „хамера“) со вкупно 16 бранители – осуммина армиски „волци“ и уште толку од Посебната единица на СВР Битола. Околу 18 часот тој ден патролата паднала во заседа и осуммина биле убиени и масакрирани.

Бобан бил во „хамерот“ што го управувал водникот Миле Јаневски-Џингар, исто така убиен во масакрот кај Вејце. На Трајковски со кундак од пушка му е згмечена главата, имал две прострелни рани, а со нож три рани му биле отворени на градниот кош и во пределот на подлактицата. Смртта настапила од хеморалгичен шок поради огнострелен канал на срцето и загуба на поголемо количество крв. При обдукцијата на телото на Бобан се констатирани три убодни рани на десната страна од градниот кош, една прободна рана во пределот на подлактицата, една прострелна повреда во градниот кош, една прострелна рана на десната надлактица, како и нагмечување на главата со кундак.

По оружениот напад кој траел дваесеттина минути, врз мртвите тела е направен грозоморен масакр, а тројца сè уште со знаци на живот биле живи запалени. Веднаш по осумкратното убиство, очевидци кои присуствувале на увидот потврдија дека специјалците биле ѕверски касапени и мачени со ножеви, а потоа живи запалени.

По убиството, бандата составена и од муџахедини ги масакрирала жртвите, а потоа се повлекла во шарпланинските села и се упатила кон граничниот реон, од каде што пребегала во Косово. Според сведоштва на очевидец, кој успеал да се спаси од масакрот – во заседата биле неколку десетици луѓе, меѓу кои и луѓе со долги бради и ножеви со кои го завршиле масакрот до крај.

За својата жртва за Македонија, Бобан Трајковски постхумно доби медал за храброст.

The post ХЕРОЈ КОЈ БЕШЕ УБИЕН ВО ВЕЈЦЕ ДОБИ СПОМЕНИК Портрет на „волкот“ Бобан Трајковски насликан во Куманово appeared first on plusinfo.mk.

Чоровиќ за ТВ Н1 изјави дека поканата ѝбила врачена изутринава и дека за осум дена треба да се јави во затворот „Падинска скела“ на издржување затворска казна од два месеци.

Минатата година, активистката беше законски осудена на парична казна од 100.000 динари за нарушување на јавниот ред и мир кога фрлаше јајца врз муралот на Ратко Младиќ во Врачар во ноември 2021 година.

Дел од паричната казна од 60.000 динари ѝ е преиначен во два месеци затвор, а останатите 40.000 динари мора да ги плати, во спротивно ќе ѝ биде конфискуван имотот.

Чоровиќ кажа дека до сега не ја платила казната затоа што не сака и не мисли дека е виновна, туку дека ги бранела законите на Србија бидејќи Ратко Младиќ е осуден воен злосторник. Како што по изрекувањето на пресудата рече дека нема да плати одредена сума и дека е подготвена да оди во затвор, и сега повторува дека не бега од одговорност и дека е подготвена да се јави на издржување на казната.

The post ПОВИКАНА ВО ЗАТВОР АКТИВИСТКАТА КОЈА ГО ГАЃАШЕ МУРАЛОТ НА МЛАДИЌ Аида Чоровиќ одбила да ја плати паричната казна appeared first on plusinfo.mk.

Со промоција на муралот посветен на маестро Александар Џамбазов во Дебар Маало и со изведба на неговите познати хитови, Општина Центар го одбележа роденденот на великанот на македонската популарна музика.

Настанот насловен „За Маестрото“ привлече голем број посетители кои уживаа во забавната програма, подготвена во соработка со актерот Игор Џамбазов, синот на големиот диригент и композитор.

Градоначалникот Горан Герасимовски и Игор Џамбазов симболично пресекоа лента пред сликата на Маестрото со Златните славејчиња.

– Муралите во Центар се секојдневие, но овој мурал навистина е нешто посебно. За тоа се заслужни уметниците Драган Китановски-Драш и Марјан Димиќ-Мачка, кои со своето дело го украсија Дебар Маало. Уште еден великан си го доби заслуженото место во нашата општина – рече Герасимовски пред присутните.

Игор Џамбазов своерачно додаде виолински клуч на сликата, по што следеше музичкиот дел од настанот во изведба на поранешните „Златни славејчиња“ и „Развигорчиња“, а под диригентска палка на Запро Запров и пијано придружба на Марија Ѓошевска.

Тие настапија со евергрините: „Песна за Скопје“ („Градот убав“), „За сите деца“, „Мојата учителка“ и „Еј, гулаби, гулаби бели“, за чија изведба специјално од Битола допатува оригиналното „Златно славејче“ од 1972 година, Билјана Дамјановска Јанчевска.

На настанот беше промовирана и книгата „Чичко маестро Џамбаз, во светот на децата” на авторите Бранка Костиќ-Марковиќ и Марко Коловски.

На настанот присуствуваа и претседателот на државата, Стево Пендаровски и поранешниот премиер и лидер на СДСМ, Димитар Ковачевски.

The post МУРАЛ ГО ОВЕКОВЕЧИ ДЕЛОТО НА МАЕСТРО ЏАМБАЗОВ Општина Центар го одбележа роденденот на музичарот appeared first on plusinfo.mk.

– На наша и на иницијатива на припадниците на специјалната антитерористичка единица „Тигар“ го изработивме муралот за да им оддадеме почит на припадниците на безбедносните сили. Изработката е поддржана од фирми од Куманово и од министерот Оливер Спасовски – изјави Младен Трендевски од здружението „Форма Куманово“.

Меѓу муралите кои ги има изработено здружението на згради се и оној за Блаже Конески, за Гочце Делчев и за голманот на фудбалската репрезентација Столе Димитриевски.

The post 📸 ХЕРОИТЕ ЖИВЕАТ ВЕЧНО Мурал за борците од Диво Насеље осамна на зграда во Куманово appeared first on plusinfo.mk.

Joooooj….da li ste vi normalni? Prekrečili mural ratnog zločinca srcem, pri tome se i dalje vidi ratni zločinac. Koju poruku time šaljete? Ratko Mladić u našim srcima?? Ovaj narod je neverovatan. Saberite se molim vas. pic.twitter.com/QqeYdisCNO

— Hibrid Drako genetike (@borizle) May 8, 2023

„Денеска почна чистењето на Србија од криминалци и говор на омраза“, порачаа граѓаните.

Муралот на Ратко Младиќ се наоѓа на 200 метри од училиштето Владимир Рибникар каде се случи масакрот во кој Коста К. уби осуммина соученици, чувар, а рани шест деца и наставничка по историја.

Минатата година активисти неколку пати пробуваа да го варосуваат муралот, но тој наново беше чистен. Беа организирани и протести.

Се чини дека двата масакри кои ја завија Србија во црно предизвикуваат револт кај граѓаните.

Се шпекулира дека опозицијата размислува да организира протести.

„Сите на протест!“, напиша Чедомир Стојковиќ, кој веќе е познат по учеството во првите борбени редови, рамо до рамо со оние кои и денеска се организираат.

The post (ФОТО) СРЦЕ ОСАМНА ВРЗ ЛИКОТ НА РАТКО МЛАДИЌ ПО МАСАКРОТ ВО ВРАЧАР Муралот се наоѓа на 200 метри од училиштето appeared first on plusinfo.mk.