Фудбалскиот свет е потресен од веста за смртта на 25-годишниот репрезентативец на Јужна Африка, Џејден Адамс. Во меѓувреме, на социјалните мрежи масовно се споделува видео од Светското првенство, кое многумина го поврзуваат со информациите дека фудбалерот се борел со депресија.

Според неофицијални информации, Адамс си го одзел животот по кратка борба со депресијата. Официјална потврда за причината за смртта засега нема.

Според медиумските извештаи, само два дена пред натпреварот против Чешка на Светското првенство починала неговата баба. И покрај семејната трагедија, Адамс одлучил да остане со националниот тим и да ѝ биде на располагање на репрезентацијата.

Тој беше стартер на првиот натпревар на Јужна Африка, додека на следните два меча од групната фаза доби шанса како резервист.

Jayden Adams was going through something serious in his life, this was South African players celebrating after their win against South Koreawhile he was sitting quiet pic.twitter.com/wxouqLLLeG

— Reymi (@MarmoushEra) July 11, 2026

По неговата смрт, повторно стана актуелна снимка од прославата по победата над Јужна Кореја. Додека неговите соиграчи еуфорично го слават триумфот, Адамс, со дресот со број 23, седи сам на клупата, далеку од славјето.

Видеото предизвика бројни реакции на социјалните мрежи, а многумина коментираат дека никој не може да знае низ што поминува една личност, дури и кога е опкружена со луѓе.

Иако снимката сама по себе не може да потврди ништо за неговата психичка состојба, таа повторно ја отвори дискусијата за важноста на менталното здравје кај професионалните спортисти.

The post 📽️ ДОДЕКА СИТЕ СЛАВАТ, ПОЧИНАТИОТ АДАМС САМ СЕДИ НА КЛУПАТА Тажна снимка од Мундијалот го обиколува светот appeared first on plusinfo.mk.

The post БЕЛГИЈА НАОЃА МАНИ ЧАСОВИ ПРЕД ДУЕЛОТ СО ШПАНИЈА Тренинг центарот не ги исполнувал стандардите?! appeared first on plusinfo.mk.

Норвешката фудбалска репрезентација се соочува со сериозни проблеми само два дена пред четвртфиналниот натпревар против Англија на Светското првенство 2026. Покрај тоа што експресно го напушти хотелот во кој беше сместена, дел од репрезентативците се соочуваат и со стомачен вирус.

Според британскиот „Дејли Мејл“, Ерлинг Халанд и неговите соиграчи престојувале само една ноќ во хотелот „Далмар“ во Форт Лодердејл, по што побарале да бидат преместени.

Причина за незадоволството биле бучавата од блиско градилиште и прометен пат, недостигот од просторија за тимски состаноци, како и забелешките за хигиената во хотелот.

По интервенција на ФИФА, норвешката експедиција се преселила во хотелот „Фор Сизонс“, кој се наоѓа покрај плажата. Дополнителните трошоци за преместувањето првично ги покрил Норвешкиот фудбалски сојуз.

– Имаше работи што можеа да бидат подобри, па ги исправивме. Сакаме да ги оптимизираме условите и да се подготвиме на најдобар можен начин за важниот натпревар – изјави капитенот Мартин Одегард.

Селекторот Столе Солбакен потврди дека одлуката за промена на хотелот не била случајна.

– Неколку работи таму не беа како што треба. ФИФА се согласи со нас и ни излезе во пресрет. Не станува збор за тоа дека хотелот не е добар, туку дека ни се потребни услови во кои тимот ќе може оптимално да функционира – рече Солбакен.

Дополнителен проблем за Норвежаните претставува појавата на стомачен вирус во репрезентацијата. Голманот Орјан Ниланд потврди дека неколку фудбалери имаат здравствени проблеми.

– Можам да потврдам дека тоа е точно. Имавме одредени проблеми, а нашиот лекар има многу работа. Се надеваме дека сите ќе бидат подготвени за саботниот натпревар – изјави Ниланд.

Ова не е првпат Норвешка да се соочи со здравствени проблеми на Мундијалот. Напаѓачот Јорген Ларсен го пропушти првиот натпревар поради температура, Маркус Педерсен не настапи против Бразил поради вирус, а и селекторот Солбакен неодамна беше забележан како силно кашла за време на прес-конференција.

И покрај сите проблеми, Норвешка со голем оптимизам го очекува четвртфиналниот дуел против Англија, до кој стигна по сензационалната победа од 2:1 над Бразил.

The post ПРОБЛЕМИ ЗА ХАЛАНД И ДРУШТВОТО Норвежаните побегнаа од луксузниот хотел, тимот го погоди и вирус appeared first on plusinfo.mk.

Американска новинарка предизвика бура на социјалните мрежи по неверојатен гаф за време на анализата на натпреварот меѓу Соединетите Американски Држави и Босна и Херцеговина на Светското првенство.

Водителката на познатиот американски канал „The Young Turks“, Ана Каспаријан, зборуваше за осминафиналниот натпревар на Мундијалот, но во текот на анализата направи грешка која веднаш го привлече вниманието на јавноста.

Додека ја анализираше ситуацијата со црвениот картон на Фоларин Балогун, Каспаријан ја претстави Босна и Херцеговина како две одделни држави.

– Но, најпрво Хана ќе ни изнесе повеќе факти за овој случај – вели другиот водител.

– Како спортски експерт во нашата компанија, многу сум возбудена што можам да објаснам и да сумирам што всушност се случуваше, па ве молам за малку трпение. Балогун доби црвен картон на натпреварот меѓу САД и Босна и Херцеговина. Очигледно, бидејќи ова се две мали земји, ги имате САД кои играат против тие две мали земји – изјави водителката.

Ana Kasparian thinks Bosnia & Herzegovina are two different countries, which the US played against during the same match. pic.twitter.com/lLPV4wQNyj

— Ana Kasparian Clips (@kasparianclips) July 7, 2026

Токму овој дел од нејзиното излагање брзо стана вирален на социјалните мрежи.

Голем број корисници изразија неверување дека Босна и Херцеговина, меѓународно призната држава, во американска телевизиска програма била претставена како две различни земји.

Инаку, Босна и Херцеговина и Соединетите Американски Држави се сретнаа во осминафиналето на Светското првенство, а домаќинот на турнирот славеше со 2:0. Головите за американската репрезентација ги постигнаа Фоларин Балогун и Малик Тилман.

Особено внимание привлече ситуацијата со Балогун, кој на натпреварот доби црвен картон, но подоцна суспензијата му беше поништена со одлука што предизвика бројни реакции кај љубителите на фудбалот.

Сепак, американската репрезентација не успеа да оствари поголем успех на Светското првенство. Веќе во следната фаза репрезентацијата беше елиминирана, откако Белгија убедливо победи со 4:1 и го испрати домаќинот на Мундијалот дома.

The post 📽️ „САД ИГРАА ПРОТИВ ДВЕ МАЛИ ЗЕМЈИ“ Американска новинарка не знаеше дека БиХ е една држава appeared first on plusinfo.mk.

До крајот на Светското првенство во фудбал остануваат уште осум натпревари, што значи дека Мундијалот влегува во својата завршна фаза. Денеска започнуваат четвртфиналните пресметки, а први на терен ќе излезат Франција и Мароко во натпреварот што ќе се игра во Бостон со почеток во 22 часот.

Светскиот шампион од 2018 година, Франција, важи за фаворит, но Мароко е репрезентацијата од која многумина очекуваат ново големо изненадување по одличните настапи на турнирот.

Победникот од оваа средба во полуфиналето ќе се сретне со подобриот од четвртфиналниот дуел меѓу Шпанија и Белгија, кој ќе се игра утре во Лос Анџелес.

Во вториот дел од ждрепката, Норвешка и Англија ќе се соочат во европско дерби во Мајами, а победникот ќе игра против подобриот од натпреварот меѓу Аргентина и Швајцарија.

Во четвртфиналето се пласираа шест европски репрезентации, актуелниот светски шампион Аргентина и Мароко како единствен африкански претставник меѓу најдобрите осум селекции.

Полуфиналните натпревари се закажани за 14 и 15 јули, мечот за третото место ќе се игра на 18 јули, а големото финале е на програмата на 19 јули на стадионот во Њу Џерси.

The post ПОЧНУВА БИТКАТА ЗА ПОЛУФИНАЛЕ Французите фаворити, Мароко подготвува ново изненадување appeared first on plusinfo.mk.

По сензационалната елиминација на Бразил, осминафиналето на Светското првенство влегува во својата завршница со два спектакуларни дуела кои би можеле целосно да ја променат сликата за фаворитите. Вечерва вниманието ќе биде насочено кон европското дерби меѓу Португалија и Шпанија, но и кон настапот на домаќинот САД против Белгија.

Бразилскиот пораз од Норвешка, предводена од феноменалниот Ерлинг Халанд, покажа дека на овој Мундијал нема недопирливи репрезентации. Токму затоа, останатите четири осминафинални пресметки се очекуваат со уште поголемо внимание.

Роналдо против Шпанија – можеби последниот голем меч?

Европа сигурно ќе добие уште еден четвртфиналист, бидејќи вечерва во Далас ќе се соочат Португалија и Шпанија.

За 41-годишниот Кристијано Роналдо ова најверојатно е последното големо репрезентативно натпреварување во кариерата, а Португалците веруваат дека можат да стигнат до самиот крај.

Репрезентацијата игра и со силен емотивен мотив. Играчите сакаат успехот да му го посветат на нивниот трагично починат соиграч Диого Жота, кој минатата година загина во сообраќајна несреќа. Во португалскиот табор сметаат дека токму тоа дополнително ги сплотило.

Од другата страна е селекцијата на Шпанија, која од натпревар во натпревар изгледа сè посигурно. Шпанците постепено ја темпираат формата и важат за една од репрезентациите што може да стигне до самиот финиш на турнирот.

Натпреварот започнува во 21:00 часот.

САД со огромна шанса, Белгија незадоволна

Вториот спектакл го носи дуелот меѓу домаќинот САД и Белгија.

По елиминацијата на Мексико и Канада, Американците останаа единствениот домаќин во нокаут-фазата и пред својата публика ќе се обидат да обезбедат место меѓу осумте најдобри.

Добра вест за селекторот Маурицио Покетино е што најдобриот напаѓач Флоријан Балогун доби дозвола да настапи, иако на претходниот натпревар заработи директен црвен картон. Според вообичаените правила, тоа носи автоматска суспензија од еден натпревар, но ФИФА донесе поинаква одлука.

Белгија веднаш реагираше со приговор, но засега останува на сила одлуката Балогун да биде во составот на САД, што може да има големо влијание врз исходот на натпреварот.

Победниците од дуелите Португалија – Шпанија и САД – Белгија ќе се сретнат во четвртфиналето, кое е закажано за 10 јули во Лос Анџелес.

The post ДАЛИ РОНАЛДО ГО ИГРА ПОСЛЕДНИОТ ГОЛЕМ НАТПРЕВАР? Португалија и Шпанија во европска пресметка, САД ја дочекува Белгија appeared first on plusinfo.mk.

Фудбалскиот Мундијал влегува во најжешката фаза – осминафиналето, каде веќе нема поправен испит. Големите фаворити се уште во игра, но секој натпревар носи нова драма, а неколку од нив ветуваат вистински спектакл.

Вечерта отвора дуелот меѓу Канада и Мароко, каде домаќинот на турнирот се соочува со цврстата и тактички дисциплинирана мароканска селекција. Веднаш потоа следува вистински фудбалски блокбастер – Франција против Парагвај во Филаделфија, меч што веќе се најавува како еден од најнеизвесните во оваа фаза.

Французите доаѓаат по сигурен настап во претходната рунда, додека Парагвај веќе покажа дека знае да казнува и најмала грешка. Токму затоа, овој дуел се гледа како класична „нула-милиметарска“ битка, каде ситници можат да решат сè.

Во следните денови програмата не застанува. Бразил ќе се судри со Норвешка, додека Англија и Мексико носат дополнителна тежина со оглед на тоа што и двете селекции играат под голем притисок од очекувањата на јавноста.

Потоа следуваат уште неколку вистински дербија: Португалија против Шпанија – ибериска класика која секогаш носи висок интензитет, САД против Белгија, како и дуелите Аргентина – Египет и Швајцарија – Колумбија, кои комплетираат една од најсилните осминафинални рунди во последните изданија на турнирот.

Од овој момент па натаму, нема калкулации – само победа значи останување на Мундијалот. Една грешка е доволна за враќање дома, а токму тоа ја прави оваа фаза најнепредвидлива и највозбудлива.

The post ФРАНЦУЗИТЕ СЕ НАВИКНАА НА ПЕЧЕЊЕ ДОМА, ПА ЌЕ СЕ ПЕЧАТ И ВО ФИЛАДЕЛФИЈА Еве што нè очекува вечерва на Мундијалот appeared first on plusinfo.mk.

Светското првенство доби уште два сигурни патника во осминафиналето. Мексико приреди големо славје пред домашната публика со победата над Еквадор и испиша историски успех, додека Франција ја оправда фаворитската улога против Шведска и со убедлива игра обезбеди место меѓу најдобрите 16 репрезентации.

Мексико се пласираше во осминафиналето на Светското првенство откако во Мексико Сити го совлада Еквадор со 2-0.

Со овој триумф Мексиканците за првпат по 40 години успеаја да ја минат првата нокаут-пречка на мундијалските настапи. Последен пат тоа им успеа во 1986 година, кога стигнаа до четвртфиналето.

Почетокот на натпреварот беше одложен за еден час поради силни грмотевици што го зафатија Мексико Сити.

Домаќинот одигра одлично уште во првото полувреме и поведе во 22. минута со прекрасниот погодок на Хулијан Кињонес.

Само девет минути подоцна, Раул Хименез ги постави конечните 2-0, повторно по асистенција на Кињонес, со што практично го реши прашањето за победникот.

Во осминафиналето Мексико ќе игра против победникот од натпреварот меѓу Англија и ДР Конго.

Франција без поголеми проблеми ја совлада Шведска со 3-0 и обезбеди осминафинален дуел против Парагвај.

Килијан Мбапе уште еднаш ја потврди својата класа постигнувајќи два гола, во 45. и 74. минута, додека стрелец на третиот погодок беше Бредли Баркола во 53. минута.

И покрај убедливата победа, францускиот селектор Дидие Дешан смета дека неговиот тим можел многу порано да го реши прашањето околу победникот.

– Направивме што требаше, иако бевме малку воздржани во првите 15 минути. Потоа покажавме колку можеме да создаваме шанси. Единственото нешто за кое можеме да жалиме е што не бевме доволно ефикасни во првото полувреме. Можевме порано да го решиме прашањето за победникот, но толку многу ги исцрпувавме што ни беше полесно по паузата – изјави Дешан.

Францускиот стратег порача дека нема простор за еуфорија и дека неговата репрезентација веднаш ќе почне со подготовките за следниот предизвик.

– Нема да полетаме. Ќе уживаме во оваа победа, а потоа за 48 часа повторно ќе се фокусираме на она што нè очекува. Знаеме дека за четири дена мора повторно да бидеме на највисоко ниво – истакна Дешан.

The post 📽️ МБАПЕ БЛЕСНА, МЕКСИКО ЈА СРУШИ 40-ГОДИШНАТА КЛЕТВА Познати уште два учесника во осминафиналето appeared first on plusinfo.mk.

Шефот на САД ги критикуваше трансродовите спортисти говорејќи во Пенсилванија велејќи дека спортовите треба да се делат на машки и на женски.

– Машки и женски спортови, ве молам, не кревајте тегови. И не пливајте – рече Трамп во фабриката „Мек Тракс“.

Потоа опиша натпреварувачка која се обидувала да собори 19-годишен рекорд, притоа драматично глумејќи како изгледа обидот за кревање на тежината. Неговите гестикулации брзо го разбрануваат интернетот.

„Ах, ах, ах…“

Раскажувајќи ја сцената со натпреварувачката, Трамп ги опиша и реакциите на нејзините родители кои седеле во првиот ред.

– Мајката викаше: „Ајде душо, можеш ти тоа“. Таткото гледаше и си мислеше дека нема шанси. Тоа е огромна тежина за жена. И таа е ваква, гледате, ах, ах, ах. Ако ги испушти ќе биде уморна до крајот на животот – рече Трамп, имитирајќи го напрегањето на натпреварувачката.

Потоа ја префрли темата на трансродовите спортисти.

– И потоа се појавува човек кој направил транзиција. Тоа е терминот. Станав навистина добар во тој термин. Порано добивав многу критики за мојата дефиниција на тоа движење. Но тој направи транзиција, беше лош, многу лош машки кревач на тегови, на дното од скалата, а сега е жена кревач на тегови – изјави Трамп.

The so-called leader of the free world pic.twitter.com/JhFU9bITeB

— Republicans against Trump (@RpsAgainstTrump) June 23, 2026

Ненадејно ја вклучи и Меланија

Среде приказната за кревање тегови и спортски рекорди, американскиот претседател направи неочекуван пресврт и почна да зборува за сопругата Меланија Трамп.

– Ја разбирам Меланија, која сега е филмска ѕвезда. Нејзиниот филм е број еден. Можете ли да верувате дека го постигна тоа? Тоа не е добро. Може да има само една ѕвезда во едно семејство, ве молам запомнете го тоа – се пошегува Трамп пред присутните.

По шегата за првата дама, тој повторно се врати на темата за трансродовите спортисти и правилата за настап во женските категории, прашање кое останува една од неговите најчести теми на јавните настапи.

The post 📽️ ТРАМП СО ГЕСТИКУЛАЦИИ РАСПАЛИ ПО ТРАНСРОДОВИТЕ СПОРТИСТИ Говорот предизвика остри реакции appeared first on plusinfo.mk.

Курасао е едно од најголемите изненадувања на Светското првенство. По тешкиот пораз од Германија со 7-1, најмалата земја што некогаш се пласирала на Мундијал освои историски бод против Еквадор и остана во игра за сензација.

Зад приказната стои необична одлука што ги изненади и искусните фудбалски работници.

Нема карантин, има семејство

Наместо строга изолација, играчите на Курасао престојуваат заедно со своите сопруги и девојки. Политиката ја поддржува Сузан Хурман, единствената жена која раководи со медицински штаб на репрезентација на Светското првенство.

Според неа, присуството на најблиските им помага на фудбалерите полесно да се справат со притисокот и со носталгијата.

– Присуството на семејството носи мир и емоционална стабилност. За многу од нашите играчи ова е исклучително важно – објасни Хурман.

Единствена меѓу 48 репрезентации

Докторката родена во Сао Паоло работела со Реал Мадрид, ПСВ Ајндховен, младинските селекции на Холандија и олимпискиот тим на земјата.

На овој Мундијал таа е единствената жена на позицијата шеф на медицински штаб. Останатите 47 колеги се мажи.

– Во текот на кариерата често бев единствената жена во просторијата. Се надевам дека тоа ќе се промени – вели Хурман.

Од историски бод до историски успех?

Курасао веќе го постигна првиот гол и го освои првиот бод во историјата на Светските првенства.

Во последното коло го чека дуел со Брегот на Слоновата Коска, а евентуална победа би била една од најголемите сензации на турнирот.

The post ТАЈНАТА НА УСПЕХОТ НА КУРАСАО НА МУНДИЈАЛОТ Сексот со партнерките пред меч е клучен? appeared first on plusinfo.mk.