Кандидатот на Вреди за градоначалник на Чаир, Изет Меџити, го претстави носителот на листата за општинскиот совет, д-р Мухамед Муртези, информира тимот на Меџити.

Во видео-обраќање на социјалните мрежи, Меџити порача: „Денес сакам да го претставам носителот на листата на советници на Вреди за Општина Чаир, докторот, интелектуалецот, активистот на граѓанското општество и
човек со високи вредности, Мухамед Муртези. Заедно кон големата победа. Само за тебе Чаир“.

Во соопштението од тимот на Изет меџити се наведува дека Мухамед Муртези е роден и израснат во Скопје. Студиите ги завршил на Медицинскиот факултет при Универзитетот во Приштина, а магистерските студии на
Универзитетот „Св. Кирил и Методиј“ во Скопје, на Филозофскиот факултет, насока „Европски студии за интеграција“. Од 1991 година е активен дел од граѓанското општество. Бил претседател на Сојузот на исламска младина, на Здружението на албански издавачи и на Центарот за разбирање и институционална соработка. Исто така, тој е главен и одговорен уредник на едукативно-културното списание Вепра и на меѓународното
научно списание Центрум. Коосновач и директор е на издавачката куќа „Фуркан ИСМ“.

За локалните избори во октомври првпат се вклучува во партиско-политичка дејност.

„Нашата визија, заедно со идниот градоначалник на Чаир, Изет Меџити, е еден поубав, почист и побезбеден Чаир. Поквалитетно образование и наука, поразвиена култура и спорт, подобар и подостоинствен живот. Затоа што жителите на Чаир го заслужуваат тоа и јас верувам дека ова е остварливо со добра волја, голема посветеност и чесна работа. Затоа ја бараме вашата поддршка на 19 октомври. За нашиот Чаир“, порача Муртези.

The post „ЗА ПОУБАВ, ПОЧИСТ И ПОБЕЗБЕДЕН ЧАИР“ Меџити го промовира Мухамед Муртези за носител на листа за советници appeared first on plusinfo.mk.

Доктор Мухамед Муртези ќе биде носител на советничката листа на Коалицијата Вреди за Општина Чаир, соопшти денеска првиот заменик претседател на Владата и кандидат за градоначалник, Изет Меџити.

– Дефинирано е, носител на листата за советници во Општина Чаир е д-р Мухамед Муртези, личност која доаѓа надвор од политиката, тој е додадена вредност на Вреди. Коалицијата некаде ќе излезе со независни кандидати, во овој случај излегува со Мухамед Муртези, кој доаѓа од граѓанскиот сектор и кој го направил она што му е во принцип – да им служи на граѓаните и на општеството – рече Меџити по отворање на новиот објект „Бамби“, кој е дел од ЈОУДГ „Фидани“ во Општина Чаир.

Во врска со тоа дека неговиот противкандидат од ДУИ за Чаир, Бујар Османи им ги спомнува дивоградбите, Меџити истакна дека тој има најмалку морално право да зборува за тоа бидејќи, како што посочи, тој живее во куќа која е дивоградба.

– Добро е Бујар да спомне прво дека живее во дивоградба. Куќата каде што живее е изградена како дивоградба од негова страна, и е легализирана, па после за другото. Тој има најмалку морално право да зборува за тоа. Без разлика, и да е легализирана, си е дивоградба. Цело време беше министер со неколку функции, и има дивоградба легализирано. Тој сака тоа да не им се дозволи на обичните граѓани, на социјалните случаи коишто немаат имотен лист – рече тој.

Вицепремиерот смета дека дивоградбите нема да бидат голема тема во рамки на кампањата за локалните избори.

– Не, не. Мислам дека тоа е надминато. Има мораториум за дивоградбите. Ако некој нема право морално да зборува, тоа е човекот којшто живее во дивоградба, тоа е Бујар Османи – додаде тој.

На новинарско прашање дека има дилеми дека тој е жител на Бутел, Меџити нагласи дека е роден и живее сите овие години во Чаир.

– Па ќе има официјална кампања ќе ве известиме официјално, тоа се технички работи. Роден сум и живеам сите овие години во Чаир – рече тој.

The post МУХАМЕД МУРТЕЗИ – НОСИТЕЛ НА СОВЕТНИЧКАТА ЛИСТА НА ВРЕДИ ЗА ЧАИР Меџити смета дека дивоградбите нема да бидат голема тема во кампањата appeared first on plusinfo.mk.