Во Хрватска годинава работат 6.849  македонски државјани, покажуваат податоците за издадените дозволи за престој и работа објавени од  хрватските власти.

Според овие податоци, во првите 5 месеци од годинава Хрватска издала 80.780 дозволи за престој и работа на граѓани на трети земји.

Најмногу дозволи добиле граѓани на Босна и Херцеговина вкупно 14.799, следат 12.911 работници од Србија, 12.622 од Филипините, 11.441 од Непал и 4.969 од Индија. Во Хрватска работат и  3.515 работници од Узбекистан, 2.723 од Косово, 1.466 од Египет и 1.311 од Албанија.

Од Стопанска комора на Хрватска велат дека повеќето странски работници се вработени во туризмот, угостителството и градежништвото, но ги има и во индустријата, транспортот и комуникациите и во трговијата, а релативно високите плати и добрите услови за работа се причина поради која странските работници доаѓаат во Хрватска.

The post БЛИЗУ 7.000 МАКЕДОНСКИ ГРАЃАНИ РАБОТАТ ВО ХРВАТСКА Еве кои странски работници доминираат таму appeared first on plusinfo.mk.