Алексеј Синицин, генералниот директор на руската компанија за производство на калиумови соли „К-Поташ Сервис“, беше пронајден обезглавен под мост во село кај Калининград со прикрепена влечна сајла во близина на телото, пренесоа „Москва Тајмс“ и „Киев Индепендент“.

Синоќа „Москва Тајмс“ го рангираше ова како 19. по ред смрт на руски висок функционер под мистериозни околности од почетокот на воената инвазија врз Украинa. Медиумот ја вбројува смртта на Синицин во списокот на мртви функционери поврзани со големите енергетски компании „Лукоил“, „Газпром“ и „Транснефт“.

Tragic mystery in Kaliningrad: CEO of “K-Potash Service,” Alexey Sinitsyn, found decapitated under a bridge with a towing cable nearby. Authorities are investigating. What really happened? #Mystery #Kaliningrad #CrimeNews pic.twitter.com/M5I348U2Ou

— ceanmedia (@ceanmedia) September 8, 2025

Според „Киев Индепендент“, смртта на Синицин не била потврдена од независни извори, додека местото на наоѓање и деталите, вклучувајќи ја и влечната сајла, остануваат неизвесни.

Според рускиот независен опозициски портал Медуза, Синицин бил челник на компанија со вложувања од Холандија и од Кипар. За „К-Поташ Сервис“ се вели дека работела на експлоатација на калиум‑магнезиумови соли во Калининград од 2013 година, со големи инвестиции и контроверзи.

Еден таков скандал, според Медуза, вклучувал и протест од локалното население и наводна вмешаност на рускиот претседател Владимир Путин во 2017 година.

The post РУСКИ БИЗНИСМЕН НАЈДЕН МРТОВ, ДО НЕГО ВЛЕЧНА САЈЛА? Се проширува списокот на функционери со нерасчистена смрт appeared first on plusinfo.mk.

Во СВР Велес во вторникот во 13.25 часот, од Итна медицинска помош Велес било пријавено дека во дворот од семејната куќа бил пронајден починат 63-годишниот Г.К. од Велес со траги од крв во пределот на главата, информира денеска од СВР Велес, портпаролот Биљана Ѓаковска.

Таа појасни дека лекар констатирал смрт, увид на местото извршил јавен обвинител во содејство со увидна екипа од СВР Велес. По наредба на јавен обвинител телото на починатиот било дадено на обдукција.

The post ВЕЛЕШАНЕЦ Е ПРОНАЈДЕН МРТОВ ВО СВОЈОТ ДВОР На главата имал траги од крв appeared first on plusinfo.mk.

Безживотно тело  денеска беше извлечено од водите на реката Вардар во Скопје, објави порталот 24 инфо.

На локацијата во скопски Аеродром присутни се екипи на полицијата и јавен обвинител.

„Денеска, на 28 јануари 2025 година, околу 12.30 часот во СВР Скопје е пријавено дека е забележано женско тело во реката Вардар. Околу 13 часот во близина на мостот Близнак, телото е извадено од реката од страна на полициски службеници од ПС Аеродром. Се преземаат мерки за расчистување на случајот“, известуваат од МВР за Плусинфо.

The post 📽 ИЗВЛЕЧЕНО Е ЖЕНСКО ТЕЛО ОД ВАРДАР ВО НАСЕЛБА АЕРОДРОМ Полицијата врши увид на местото на настанот appeared first on plusinfo.mk.

Телото на Сучир Балаџи (26) било пронајдено на 26 ноември, откако полицијата добила повик да ја провери неговата состојба.

Судскиот совет во Сан Франциско утврдил дека се работи за самоубиство, а полицијата не нашла докази кои укажуваат на кривично дело, се вели во соопштението.

Во последниве месеци, Балаџи јавно ги критикуваше практиките на OpenAI, која се соочува со неколку тужби поради нејзините методи за собирање податоци.

Suchir Balaji, who accused OpenAI of breaking copyright law, has been found dead in his apartment from an apparent suicide pic.twitter.com/jhwpf0eSBf

— Pubity (@pubity) December 14, 2024

Во октомври, Њујорк Тајмс објави интервју со Балаџи, во кое тој тврди дека OpenAI го прекршил американскиот закон за авторски права за време на развојот на неговиот популарен чет-бот ChatGPT.

Во написот се наведува дека по 4 години во компанијата како истражувач, Балаџи заклучил дека „користењето на сопственички податоци од страна на OpenAI за развој на ChatGPT го прекршило законот и дека технологиите како ChatGPT му штетат на Интернетот“.

OpenAI тврди дека неговите модели се „обучени за јавно достапни податоци“.

Балаџи ја напушти компанијата во август, велејќи за Њујорк Тајмс дека оттогаш работи на лични проекти.

The post TРАГИЧНА СМРТ НА СВИРКАЧОТ НА „OPENAI“ Истражувачот е пронајден мртов откако ја критикуваше компанијата appeared first on plusinfo.mk.

Зимин зад себе ги остави сопругата и 17-годишната ќерка.

Инаку, тој отворено се спротиставил на војната меѓу Русија и Украина, а во Русија не се вратил откако бил протеран поради критиките на Путин и поради инвазијата на Крим.

Според неофицијални информации, сопственикот на станот не можел да дојде до него цели 7 дена, па отишол да види што се случува и на подот начекал грозоморна сцена.

За случајот бил информиран обвинителот на Вишото јавно обвинителство во Белград.

Наредена е обдукција со токсикологија.

The post ПОЗНАТ ТВ ГОТВАЧ Е ПРОНАЈДЕН МРТОВ ВО БЕЛГРАД Зимин бил жесток противник на Путин appeared first on plusinfo.mk.

Од СВР Штип потврдуваат дека кај нив е пријавено околу 16 часот, а на увид била полицијата и јавен обвинител.

Повеќе детали се најавуваат во текот на утрешниот ден.

Телото на починатиот ќе се предаде на обдукција.

The post ТЕЛО НА МЛАД МАЖ Е ПРОНАЈДЕНО СО ПРОСТРЕЛНА РАНА Трагедија во Штипско appeared first on plusinfo.mk.

Дефанзивецот на Панатинаикос, Џорџ Балдок, е пронајден мртов во базенот во својот дом во Атина, објавија грчките медиуми.

Засега не се соопштуваат дополнителни детали за смртта на 31-годишниот Џорџ Балдок.

Балдок не одговарал на повиците на неговата сопруга, по што таа го повикала сопственикот на вилата во која живеел фудбалерот за да дознае што се случило. Тој го пронашол 31-годишниот Грк без свест во базенот и веднаш повикал брза помош. Лекар констатирал смрт.

Искусниот дефанзивец речиси целата своја кариера ја мина во Англија, играјќи за МК Донс, Нортемптон, Тамворт, Оксфорд Јунајтед и Шефилд Јунајтед, пред летово да се пресели во Панатинаикос.

Балдок е и грчки репрезентативец од 2022 година, со 12 настапи.

Грчката фудбалска федерација побара од Европската фудбалска асоцијација да им дозволи на играчите да носат црни ленти на нивните наредни 2 натпревара во спомен на дефанзивецот Џорџ Балдок.

Грчката репрезентација во Лигата на нации вечер ќе гостува во Лондон против Англија, а на 13 ќе се соочи со Ирска.

The post ГРЧКИ ФУДБАЛСКИ РЕПРЕЗЕНТАТИВЕЦ Е ПРОНАЈДЕН МРТОВ ВО НЕГОВИОТ БАЗЕН Грција ќе носи црни ленти на средбите со Англија и со Ирска appeared first on plusinfo.mk.

Пејачката и ќерка на легендарниот американски пејач Елвис Присли, покојната Лиза Мери Присли, го чувала телото на својот син Бенџамин Кијоу на мраз 2 месеца пред да се одржи погребот. Таа го наведува тоа во мемоарите објавени по нејзината смрт.

Нејзината ќерка, актерката Даниел Рајли Кијоу, ја заврши книгата. Таа вели дека на мајка ѝ ѝ било важно „да има доволно време да се збогува со својот син“, исто како што тоа го правела и со Елвис.

Лиза Мери, единственото дете на Елвис и на Присила Присли, дома го чувала телото на својот 27-годишен син во мраз, наместо во мртовечница, откако тој извршил самоубиство во 2020 година. Американската сојузна држава Калифорнија нема закони со коишто се налага телото да се однесе во мртовечница.

Пејачката почина лани во февруари.

Во мемоарите, Лиза Мери говори и за нејзината врска со Мајкл Џексон. Таа вели и дека некогашниот „крал на поп-музиката“ бил девственик до 35-годишна возраст.

Присли и Џексон се зближиле во 1994 година. Во тоа време Присли сè уште била в брак со нејзиниот прв сопруг Дени Кијоу, но тие се разведоа зашто Џексон ѝ ја признал својата љубов на својата колешка-пејачка за време на патување во Лас Вегас.

„Мајкл рече: ‘Не знам дали си забележала, но јас сум целосно вљубен во тебе. Сакам да се венчаме и да ми родиш деца’“, пишува Лиза Мери во книгата „Од овде до Големото непознато“ (From Here to the Great Unknown).

Книгата е објавена вчера, на 8 октомври.

„Не коментирав ништо веднаш, но потоа му реков: ‘Навистина сум поласкана, не можам ни да зборувам’. Дотогаш веќе чувствував дека сум вљубена во него“, пишува Присли.

Таа потоа спогодбено се разведе со Кијоу иза почна врска со Мајкл Џексон. Тие се венчале во мај 1994 година кога Џексон имаше 35 години, а Присли – 25. Сепак, тие се разведоа во август 1996 година.

The post ДО КОГА МАЈКЛ ЏЕКСОН БИЛ ДЕВИЦА? Мемоарите на ќерката на Елвис Присли откриваат мрачни тајни appeared first on plusinfo.mk.

СВР Тетово соопшти дека вчера во 14 часот во СВР Тетово, од болницата во Дебар било пријавено дека кај нив бил донесен починат Ј.А.(67) од Скудриње, Општина Маврово и Ростуше.

Според пријавеното, тој паднал од дрво и починал додека со неговата невенчана сопруга Џ.Б.(53) од Република Албанија собирале костени.

„Откако бил однесен во болницата, Џ.Б. ја напуштила болницата и во 17.10 часот била лишена од слобода на граничниот премин Џепиште во обид да ја напушти државата. Таа била задржана во Полициската станица Гостивар за понатамошна постапка“, се наведува во информацијата од полицијата.

The post ГО ОДНЕЛА ПАРТНЕРОТ МРТОВ ВО БОЛНИЦА, ПА ТРГНАЛА ДА БЕГА ОД ДРЖАВАТА 53-годишна жена е приведена на границата со Албанија appeared first on plusinfo.mk.

Норвешкиот јавен сервис НРК објави дека татко и син, кои ловеле риба, го пронашле телото на китот како лебди во заливот Рисавика, во јужна Норвешка.

Кетот белуга, чијшто прекар беше комбинација од норвешкиот збор за кит „хвал“ и првото име на рускиот претседател Владимир Путин, беше изваден од водата со кран и однесен во блиското пристаниште каде што експертите ќе го испитаат.

– За жал, го најдовме Хвалдимир како лебди во морето. Тој почина, но не е веднаш јасно која е причината за смртта – изјави морскиот биолог Себастијан Странд.

Тој додаде дека на животното не се видливи поголеми надворешни повреди.

Странд, кој ги следеше авантурите на Хвалдимир во последните 3 години, во име на непрофитната организација со седиште во Норвешка „Марин мајнд“ (Marine Mind), рече дека бил длабоко погоден од ненадејната смрт на китот.

– Тоа е апсолутно ужасно. Тој очигледно беше во добра состојба во петокот, па треба да откриеме што се случило овде – рече Странд.

Китот, долг 4,2 метри и тежок 1.225 килограми, првпат беше забележан во април 2019 година од страна на рибарите во близина на северниот остров Ингоја, недалеку од арктичкиот град Хамерфест. Носел ремен и нешто што изгледало како држач за мала камера, означен со зборовите „Опрема Санкт Петербург“.

Тоа предизвика обвинувања дека белугата е „шпионски кит“. Експертите велат дека е познато дека руската морнарица тренирала китови за воени цели.

Со текот на годините, белугата беше видена во водите покрај неколку норвешки крајбрежни градови и бргу стана јасно дека китот е многу питом и дека ужива да си игра со луѓето.

„Марин мајнд“ на својата страница соопшти дека Хвалдимир бил многу заинтересиран за луѓето и реагирал на рачните сигнали.

„Врз основа на овие набљудувања, се чинеше дека Хвалдимир пристигнал во Норвешка преминувајќи од руските води каде што се претпоставува дека бил држен во заробеништво“, се вели во извештајот.

Поради ваквото однесување, норвешките медиуми исто така шпекулираат дека Хвалдимир можеби бил користен како „кит за терапија“ во Русија.

The post ДАЛИ ХВАЛДИМИР БЕШЕ РУСКИ ШПИОН ИЛИ ИЗГУБЕНА ДУША? Угина белиот кит кој беше сензација во Норвешка appeared first on plusinfo.mk.