Јавниот сервис е паднат на најниско ниво во изминатите 20 години, наоѓајќи се во сериозна хибернација и стагнација – изјави новиот директор на Македонската радио-телевизија (МРТ), Зоран Ристовски, кој во интервју за 4news.mk отворено говори за катастрофалната состојба во која ја наследува телевизијата.

Според Ристовски, МРТ во моментов се наоѓа на „последното ниво“ во споредба со медиумите од регионот, но и со домашните комерцијални телевизии. Кадровската слика е поразителна – бројот на вработени е драстично намален од 2.000 на едвај 600 лица, чија просечна возраст надминува 58 години. Условите за работа се опишани како катастрофални, до тој степен што, според директорот, „луѓето едвај чекаат да се пензионираат“.

– Сопствена продукција во телевизијата не постои. Техничката опременост е на катастрофално ниво. Во тек на емитување на програма се случуваат технички грешки поради застареност на техниката. Камерите на дописниците денес произведуваат слика полоша од онаа пред 30 години. Вестите веќе ги ослободивме, сега се во целосна продукција на МРТ, останува уште временската прогноза, но и тоа ќе го промениме од следната недела – дециден е Ристовски.

Тој вели дека негова цел како директор е да го врати некогашниот сјај на јавниот сервис, бидејќи, како што вели, без силен јавен сервис не може да се зборува за силни медиуми во државата. Тој најави дека ќе се бараат грантови и решенија за да се подобрат основните услови, со цел „на вработените да не им се враќаат нозете кога доаѓаат на работа“.

– Анализираме и голем дел од проектите во копродукција ќе ги укинеме – додади Ристовски.

Интересот на младите за новинарската професија е драстично опаднат, а телевизијата како медиум ја губи битката со новите дигитални формати. Дури 80 отсто од младите воопшто не гледаат телевизија, а интересот за студирање новинарство е сведен на минимум.

За да се спречи изумирањето на професијата, МРТ започнува сериозна офанзива за регрутација на нов кадар.

– Направивме конкурс и обезбедивме добри едукатори. Имаме преку 200 пријавени кандидати. Со нив прво ќе се работи на терен и на монтажа, а потоа ќе се обучуваат за работа пред камери и микрофони. Ќе тренираме сериозна група млади репортери и новинари, бидејќи без нив медиумите замираат – најави Ристовски.

Зголемување на примањата на вработените е еден од главните приоритети на новото раководство на МРТ. Хонорарците, кои со месеци остануваа без плата, во иднина ќе ја добиваат платата истовремено со редовно вработените.

Точната финансиска состојба на МРТ сè уште се анализира за да се утврди што точно може да се реализира од планираните програми и желби. Како пример за финансиските проблеми со кои се соочува телевизијата, Ристовски го посочи примерот со телевизиските права за Светското првенство, каде понудата изнесувала огромни 2,6 милиони евра, иако таа цена, според неговите зборови, била четири пати пониска. Целосната финансиска ревизија треба да покаже со каков буџетски капацитет ќе располага МРТ во наредниот период.

The post ВО МТВ ТЕХНИКАТА Е ЗАСТАРЕНА, ПРОДУКЦИЈАТА „НУЛА“, ВРАБОТЕНИТЕ ЕДВАЈ ЧЕКААТ ПЕНЗИЈА Новиот директор отворено проговори за очајната состојба во јавниот сервис appeared first on plusinfo.mk.

Македонија планира да се врати на Евровизија во 2027 година, по пауза од последното учество во 2022 година, кога земјата ја претставуваше Андреа Коевска со песната „Circles“.

Информацијата произлегува од записникот на Програмскиот совет на Македонската радио-телевизија, во кој е наведено дека претставници на Европската радиодифузна унија очекуваат Македонија повторно да биде дел од евровизиската сцена во 2027 година.

Во разговорите со ЕБУ била истакната и подготвеност за техничка и организациска поддршка за реализација на учеството.

Според Програмскиот совет, клучно е подготовките да почнат на време и систематски, со цел земјата да има квалитетно претставување.

Таквиот пристап е нагласен и во претходните дискусии во МРТ, каде што беше посочено дека за враќање на Евровизија е потребна стратегија, посилен домашен музички производ и вложување во фестивали и автори.

Македонија не учествуваше на Евровизија од 2023 година наваму. Како причини за паузата во претходните години се наведуваа финансиски и организациски ограничувања, но и потребата јавниот сервис да обезбеди појасна продукциска рамка за настап на меѓународна сцена.
Во записниците на МРТ се споменува и можноста јавниот сервис да води разговори со ЕБУ за организација на Детскиот Евросонг во 2027 година. Доколку таквата можност се реализира, тоа би било првпат Македонија да биде домаќин на евровизиски настан.

Последното македонско учество на Евровизија беше во 2022 година во Торино кога Андреа Коевска настапи со песната „Circles“, но не се пласираше во финалето. Настапот на македонската пејачка не помина без скандал. При фотографирањето Андреа го фрли македонското знаме-реквизит, што предизвика остри реакции во јавноста. Подоцна таа се извини и кажа дека ова бил несвесен потег направен во едно еуфорично расположение.
Најдобриот резултат на Македонија останува седмото место на Тамара Тодевска во 2019 година со песната „Proud“.

The post МАКЕДОНИЈА СЕ ВРАЌА  НА ЕВРОВИЗИЈА Последен македонски претставник на Евросонг беше Андреа Коевска, а најдобар пласман имаше Тамара Тодевска appeared first on plusinfo.mk.

Македонија повторно ќе настапи на изборот за песна на Евровизија во 2027 година во Бугарија, потврди директорот на Македонската Радио Телевизија, Зоран Ристоски.

На јавната седница на Програмскиот совет на МРТ, на која присуствувале претставници на медиумски организации, еснафски здруженија и институции, Ристоски открил дека веќе остварил средби со претставници на „European Broadcasting Union“ и дека Македонија сигурно ќе има свој претставник на најголемиот европски музички фестивал.

– Имаме поддршка од ЕБУ и очекуваме поповолен пакет за враќање на Евросонг, со што повторно ќе ги промовираме македонската музика и културните вредности пред европската публика – посочил Ристоски.

Македонија последен пат настапи на Евровизија во 2022 година, кога земјата ја претставуваше Андреа Коевска со песната „Circles“.

Најдобриот резултат за Македонија на Евросонг го оствари Tамара Тодевска со песната „Proud“, кога го освои седмото место во финалето.

Враќањето на Македонија на „Евровизија“ веќе предизвика бројни реакции на социјалните мрежи, каде љубителите на фестивалот бараат повторно да се организира и национален избор за македонскиот претставник.

The post ПО ДОЛГА ПАУЗА, СЕ ВРАЌАМЕ НА ГОЛЕМАТА СЦЕНА Македонија повторно ќе има претставник на Евровизија appeared first on plusinfo.mk.

Вонреден надзор на Агенцијата за аудио и аудиовизуелни медиумски услуги утврдил дека Македонската радио-телевизија, односно Вториот програмски сервис МРТ2, го прекршил член 48 од Законот за аудио и аудиовизуелни медиумски услуги, откако во својата програма емитувал содржина што поттикнува етничка нетрпеливост. Надзорот бил спроведен по службена должност и се однесувал на емитување од 28 март, во рамки на музичката програма „Билбилите на Кораб“.

„Надзорот покажа дека спротивно на член 48 став 2 од ЗААВМУ, емитуваната содржина на МРТ2, во рамки на музичката програма „Фестивал на детска песна – Билбилите на Кораб“, поттикнува и шири нетрпеливост врз основа на национална и етничка припадност преку иредентистички симболи и експлицитни политички пораки за промовирање на моноетнички, иредентистички „аманет“ за обединување на територии“ – се вели во заклучокот на Извештајот на ААВМУ.

Предмет на анализата била изведбата на песната „Албански територии (Trojet Shqiptare)“, дел од детски фестивал снимен во 2023 година, а емитуван три години подоцна. Регулаторот оценил дека токму овој временски јаз дополнително ја засилува одговорноста на јавниот сервис, бидејќи уредничкиот тим имал доволно време да ја прегледа и евентуално да ја отстрани спорната содржина пред да ја пласира пред јавноста.

Во извештајот се наведува дека прекршувањето се однесува на законската забрана за емитување содржини што поттикнуваат дискриминација, омраза или нетрпеливост врз етничка и национална основа. Оценката е дека прикажаната програма не останала во рамките на уметнички израз, туку содржела јасни политички пораки со иредентистички карактер.

Карта на „Голема Албанија“ и територијални претензии

Клучен дел од наодите се однесува на визуелните елементи на настапот. Детето кое ја изведувало песната било облечено во маица со карта на т.н. „Голема Албанија“, а на сцената биле користени и симболи како двоглавиот орел. Според регулаторот, ваквите симболи, иако можат да имаат историски или културен контекст, во конкретниот случај биле употребени за промоција на идеја за територијално обединување.

Дополнителна тежина, според извештајот, носи и самиот текст на песната, кој содржел пораки за обединување на територии од повеќе држави во регионот, вклучително и делови од Северна Македонија. Овие пораки биле оценети како експлицитни и како директно поврзани со концепт што може да предизвика меѓуетнички тензии.

Регулаторот нагласува дека контекстот во кој е емитувана содржината е исклучително чувствителен, имајќи ги предвид регионалните прашања поврзани со идентитетот и територијалниот интегритет. Фактот што програмата била емитувана на јавен сервис со национална покриеност дополнително го зголемува нејзиното влијание врз јавноста.

Уредничкиот тим да биде земен на одговорност

Посебно е истакната одговорноста на уредничкиот тим на МРТ2, кој има крајна контрола врз програмата што се емитува. Во извештајот се вели дека пропустот не може да се смета за случаен, туку укажува на системски недостатоци во уредничката политика и во механизмите за контрола на содржината.

Анализата опфаќа и прашањето за намерата, при што се наведува дека таа може да биде директна или да произлегува од професионална небрежност. Во секој случај, емитувањето на ваква содржина се толкува како давање легитимитет на идеи што се спротивни на принципите на соживот и мултиетничка кохезија.

Во извештајот се оценува и потенцијалното влијание врз публиката, особено врз малолетниците. Се предупредува дека ваквите пораки можат да предизвикаат страв, револт или дополнително радикализирање, а користењето деца за нивно пренесување се квалификува како сериозна злоупотреба.

Говорот на омраза не е слобода на говор

Агенцијата се повикува и на праксата на Европскиот суд за човекови права, нагласувајќи дека слободата на изразување не е апсолутна и може да биде ограничена кога станува збор за говор што поттикнува омраза или ја загрозува јавната безбедност. Во конкретниот случај, се оценува дека се исполнети сите услови за такво ограничување.

Прекршен е законот за медиумиски услуги 

Заклучокот на регулаторот е дека МРТ2 со емитувањето на спорната содржина го прекршил член 48 од Законот, бидејќи поттикнал и ширел нетрпеливост врз етничка основа. Како мерка се предлага јавна опомена и обврска медиумот да го усогласи своето работење со законските одредби, по што ќе следи и контролен надзор.

Што се пее во пасната за орелот?

Во извештајот на АААВМУ се цитира и превод на песната која ја изведува 13-годишното девојче во спорната емисија:

Летај ти орел, летај, и над нашето знаме застани,
над Албанија, Косово, Улцињ и Тетово гордо исправи се ти.
Ќе дојде ден кога сите ќе бидеме заедно,
зашто нè врзува еден народ, еден јазик, една крв.
Земјата и небото ќе се обојат црвено и црно,
а ние ќе славиме во слобода.
Оваа слобода што денес ја уживаме,
нашите херои не смееме да ги заборавиме.
Тие ни оставија аманет
нашите земји да ги обединиме.
Ќе дојде ден кога сите ќе бидеме заедно,
зашто нè врзува еден народ, еден јазик, една крв.
Земјата и небото ќе се обојат црвено и црно,
а ние ќе славиме во слобода.

Целиот извештај на ААВМУ може да го прочитате на следниот ЛИНК.

МРТ ЌЕ ГО РАСЧИСТУВА СКАНДАЛОТ СО ПЕСНАТА ЗА „ГОЛЕМА АЛБАНИЈА“ Ќе се лоцира уредничката одговорност

The post ЕМИТУВАНАТА СОДРЖИНА ШИРИ ОМРАЗА И ЕТНИЧКА НЕТРПЕЛИВОСТ Агенцијата за медиуми со остра осуда за националистичката провокација со „Голема Албанија“ на МРТ2 appeared first on plusinfo.mk.

Скандалот со емитувањето на детска песна на МРТ2 на албански јазик, во која се воспева „Голема Албанија“, како и одговорноста за него, ќе бидат тема на седница на Програмскиот совет на МРТ закажана за утре.

Во рамки на детска фестивалска програма емитувана на 28 март, беше прикажан настап на 13-годишно девојче кое ја изведе песната „Trojet shqiptare“. Содржината на песната и симболите (мапа на „Голема Албанија“) употребени за време на изведбата предизвикаа бурни реакции во јавноста.

Според стиховите од песната, отворено се пееше за територијални претензии он Македонија, кон Грција, кон Србија, кон Црна Гора… „Летај, летај, Албанијо, летај, знамето наше се издигнува над земјата“, „ќе дојде ден кога сите ќе бидеме заедно, зашто сме еден народ, еден сон, една цел“… беа дел од стиховите со јасна порака за обединување на албанските територии.

Претходно директорот Марјан Цветковски посочи дека се утврдува како ваква содржина поминала низ програмските филтри и кој дал зелено светло за нејзино емитување.

Според интерни информации од телевизијата, во тој период уредничката на вториот канал била отсутна поради боледување, така што треба да се утврди кој ја презел одговорноста за финалната селекција на програмата и одлуката да се емитува таква содржина.

Исто така Агенцијата за аудио и аудиовизуелни медиумски услуги најави сопствена анализа за да утврди дали се прекршени законските и програмските норми.

„ГОЛЕМА АЛБАНИЈА“ СЕ ПРОМОВИРА НА ДЕТСКИ ФЕСТИВАЛ НА МРТ2 Скандал на албанскиот канал на Македонската радио-телевизија

The post МРТ ЌЕ ГО РАСЧИСТУВА СКАНДАЛОТ СО ПЕСНАТА ЗА „ГОЛЕМА АЛБАНИЈА“ Ќе се лоцира уредничката одговорност appeared first on plusinfo.mk.

Македонската опера и балет и Националниогт џез оркестар вчера и денеска од 20 часот го организираа традиционалниот концерт по повод празникот Василица. Годинава, концертот е насловен како „Диско вечер“, со програма која ги претставува во современа интерпретација најпознатите диско и поп хитови од 1970-тите и 1980-тите години, а ќе може да се проследи и на малите екрани благодарение на директниот пренос на МРТ.

– Вечерва ја славиме традицијата и музиката заедно со целата публика, во живо на Македонската радио телевизија. Искрена благодарност до тимот на МРТ, како и до сите уметници и професионалци вклучени во реализацијата, за одличната соработка и заедничката посветеност кон културата и јавниот интерес – објави МОБ на социјалните мрежи.

Во најавата за настанот организаторите посочија дека тие ќе прозвучат во симфониски аранжмани и дека овој уметнички пристап „не е само носталгично враќање кон музиката од минатото, туку и нејзино творечко преосмислување“.

Публиката ќе има можност да ги слушне делата на светски признати автори и изведувачи како Глорија Гeјнор, Дона Самер, АББА, Би Џис (Bee Gees), Мајкл Џексон и многу други, но во сосема ново руво: низ симфониски аранжмани што ја прошируваат нивната оригинална форма и ги поставуваат во контекст на современа концертна естетика.

„Диско вечер“ создава мост меѓу жанровите, генерациите и музичките традиции поврзувајќи ја популарната култура со институционалната сцена на класичната музика.

Таквата синтеза ја нагласува отвореноста на македонската Национална опера и балет кон современите културни текови и нејзината мисија да понуди програми што се истовремено квалитетни, иновативни и достапни за пошироката јавност, соопшти организаторот.

Солисти ќе бидат домашни и странски пејачи: Џудит. Н. Беноа од Велика Британија, Даниел Ситрит и Мартин Лин од Данска, Клара Лукас од Германија и Ана Петановска од Македонија. Ќе настапи Оркестарот на Национална опера и балет и Националниот џез оркестар.

Режисер на концертот е Дејан Прошев, диригент Емин Џијан, сценограф и автор на видеодизајнот Марија Ветероска и светломајстор Милчо Александров.

The post „ДИСКО ВЕЧЕР“ НА МРТ Традиционалниот василичарски концерт вечерва и на малите екрани appeared first on plusinfo.mk.

The post РАДИОДИФУЗЕРИТЕ ПРИКАЖАЛЕ ОГРОМНИ ЗАГУБИ ЗА 2023 ГОДИНА Националните телевизии се „на свое“, другите станици се дават, а радијата живуркаат appeared first on plusinfo.mk.

По одржаната аудиција, Македонската радио-телевизија, ги избра Ана Ванчевска и Алексеј Ивановски за претставници на Македонија на годинашниот „Јуниорски евросонг“. Музичкиот натпревар ќе се одржи на 16 ноември во Мадрид, Шпанија, информираа од МРТ.

– Ана и Алексеј со извонреден талент и хармонични гласови го привлекуваат вниманието на љубителите на музиката насекаде. И покрај нивната возраст, имаат неверојатни гласовни способности што никого не оставаат рамнодушен – наведуваат од МРТ.

Двајцата се родени во Битола, учествувале на голем број музички фестивали.

– Таа е родена на 3 мај 2010 година, извонредно талентирана млада пејачка која веќе се прослави со учество и освоени први места на голем број музички фестивали. Нејзиниот моќен глас и неверојатни изведби ги воодушевуваат публиката и судиите, прикажувајќи ветувачка иднина во музичката индустрија. Посветеноста и природниот талент на Ана, ја прават извонреден изведувач и инспиративен млад уметник. Годинава беше избрана за единствена претставничка на Македонија на престижниот меѓународен фестивал „Сан Ремо јуниор“ Италија. Покрај музичкиот успех, Ана е посветен ученик и добитник на бројни државни награди по математика, физика и француски јазик и е вклучена во реализација на многу проекти – соопштуваат од МРТ.

Алексеј е роден на 7 декември 2011 година.

– Тој е исклучително талентиран млад пејач, кој учествувал и победил на бројни музички фестивали. Неговиот волшебен глас и импресивно сценско присуство го издвојуваат, правејќи го истакнат изведувач со светла иднина во музичката индустрија. Алексеј е активен на бројни општински, регионални и државни натпревари по предметите математика, англиски и француски јазик, од каде има освоено голем број први места. Сака да плива, да шета во природа и да се дружи. Тој многу ги сака животните и дел од своето време посветува на грижата за нив – соопшти МРТ.

The post АНА И АЛЕКСЕЈ ЌЕ НЀ ПРЕТСТАВУВААТ НА ДЕТСКИОТ ЕВРОСОНГ Натпреварот ќе се одржи на 16 ноември во Мадрид appeared first on plusinfo.mk.

Институтот за политички истражувања од Скопје (ИПИС) во соработка со МРТ спроведува серија истражувања во пресрет на претседателските и на парламентарните избори, по углед на соработката која ја имаат водечките светски медиуми и агенции за истражување на јавното мислење за време на изборните процеси во САД и повеќето земји на ЕУ. Оваа соработка е исклучиво врз база на договор меѓу ИПИС и продукцијата која е одговорна за овие емисии на МРТ без притоа да биде инволвирана било каква трета страна, односно друг правен субјект, организација или физичко лице, реагира ИПИС откако СДСМ денеска обвини дека МТВ објави лажни анкети нарачани од ВМРО-ДПМНЕ.

„Во однос на прецизноста и методологијата на самите анкети, ИПИС со сето свое искуство и минат труд стои позади резултатите кои се објавуваат. За точноста на податоците од истражувањата на ИПИС доволно е да се направи едноставна компарација со претходните изборни циклуси или референдуми во изминатите петнаесеттина години каде јасно може да се види дека сите проекции на изборните резултати кои ги објавил ИПИС се точни, односно во рамки на дозволената маргинална грешка.

Со жалење можеме да констатираме дека дел од општествените чинители наместо да бидат корективен фактор кој ќе се бори и ќе ги сузбива лажни вести и дезинформации, тие во одредени случаи се и самите креатори или поддржувачи на истите. За изнесените невистини поврзани со ИПИС ќе се преземат сите правни средства кои ни стојат на располагање, вклучително и тужби пред надлежните судови“, се додава во реакцијата од ИПИС.

The post ИПИС НАЈАВИ ТУЖБИ ПО ОБВИНУВАЊЕТО ЗА ЛАЖНИ АНКЕТИ Во соработката со МРТ не е инволвирана трета страна, велат од Институтот appeared first on plusinfo.mk.

Нивното соопштение го пренесуваме во целост:

Јавниот сервис, своите обврски кон тие за кои и постои – граѓаните, ги реализира согласно сите законски регулативи и етички норми. Македонската телевизија, програмската содржина ја конципира според правилата кои претставуваат операционализација на обврските што ги има согласно Законот за аудио и аудиовизуелни медиумски услуги, Законот за медиуми и согласно Етичкиот кодекс. Секое намерно и неосновано поткопување на довербата на граѓаните во јавните институции по дефиниција е штетен наратив.

Во тој контекст, штетните наративи кон Јавниот сервис растат во изборниот период. Во еден специфичен момент на технолошка револуција во Македонската телевизија, промовирање на новата виртуелна и проширена реалност преку програмските содржини што се емитуваат, Јавниот сервис се соочува со неосновани напади за веродостојноста на тоа што се пласира.

Во рамки на емисијата Објектив, се презентира испитување на јавното мислење за прашања поврзани со актуелната политичко–економска состојба и рејтингот на политичките партии. Во истражувањето се вклучени две реномирани агенции (факт кој не се споменува во нападите кон нас) чии сопственици се Петар Арсовски и Владимир Божиновски, а во емисијата учествуваат и реномирани гости од општествено – политичкиот живот во Македонија. Наша определба и цел е ваков тип на емисии да има пред секој изборен циклус во државата. Потврдувајќи ја определбата на модерните демократии за почитување на основното право на слобода на изразување, загарантирано со членот 10 од Европската конвенција за заштита на човековите права и основните слободи, МРТ секогаш се води според основните професионални стандарди и етички начела.

Впрочем, во просторот меѓу цензура и анархија, степенот на демократијата на едно општество се мери според слободата на изразување. Поради тоа Јавниот сервис ги отфрла сите неосновани напади за професионалноста и објективното известување. Како досега, така и натаму ќе известува точно, проверено и објективно за да ја одржи стекнатата доверба кај граѓаните. Јавниот сервис е отчетен кон публиката и постапува транспарентно кон неа. Отчетноста значи дека сите медиумски работници вклучени во програмата стојат зад нивната работа.

На крајот сакаме да потенцираме дека МТВ во никој случај нема да влезе во дневно-политичка пресметка на партиите во овој предизборен период. Уште еднаш апелираме политичките партии да престанат да вршат притисок кон јавниот сервис. Како и до сега ќе продолжиме да работиме професионално, балансирано и согласно сите етички и професионални стандарди на известување.

Впрочем на крајот на изборниот процес ќе ги видиме извештаите кои досега кажувале дека работиме балансирано и професионално. За сите овие партиски и политички притисоци и обиди за подривање на кредибилитетот на Јавниот сервис ќе бидат известени сите домашни и меѓународни медиумски организации, како и амбасадите и мисијата на ОБСЕ.

СДСМ ФАБРИКА ЗА КЛЕВЕТИ Некогаш измислуваа бугарски летоци, сега измислуваат таен план за лажни анкети и лажни вести

The post ОВА Е НАПАД ВРЗ ЈАВНИОТ СЕРВИС Ги анализираме резултатите на агенциите на Петар Арсовски и на Владимир Божиновски, велат од МРТ appeared first on plusinfo.mk.