„Хаосот во Скопје и блокада што му се случува на градот е во политичка и логистичка режија на Христијан Мицкоски. Од едната страна на блокадата е партнерот на Мицкоски – Ленин, а од другата неговата градоначалничка Арсовска. Заради бизнис интереси и кавги за тендери со денови трае изживување врз скопјани. Градот е заглавен како што 11 години беше заглавена Македонија. Илјадници граѓани имаат проблеми во движењето, не можат навреме да стигнат на работните места, на лекар, децата не можат да ги однесат во градинка, учениците доцнат на училиште, студентите на факултет.

Бараме Мицкоски да ја прекине блокадата на Скопје. Да им даде партиска наредба на неговите кадри во јавните претпријатија во Скопје, во управните одбори, да седнат и да најдат решение на проблемот. Членовите на Управниот одбор на ЈСП се од ВМРО-ДПМНЕ. Мнозинството во Советот на Скопје е од ВМРО-ДПМНЕ. Претседавачот со Советот е исто така од ВМРО-ДПМНЕ. Ленин Јовановски е докажан поддржувач на политиките на ВМРО-ДПМНЕ и Никола Груевски, близок и до Мицкоски. Директорите и членовите на Управните одбори на сите јавни претпријатија се членови и активисти на ВМРО-ДПМНЕ. Нека седнат, нека се договорат и да најдат решение за проблемот што тие го создадоа. Доста беше ова изживување врз граѓаните, Мицкоски да ги запре блокадите на Скопје“ – наведува СДСМ во соопштението.

The post ДОСТА БЕШЕ ИЗЖИВУВАЊЕ ВРЗ ГРАЃАНИТЕ! Мицковски, запри ги блокадите, тие се твоја режија, обвини СДСМ appeared first on plusinfo.mk.

– Се наоѓаме на прагот на грејната сезона, а мерните станици за загаденост на воздухот мерат 5-6 пати зголемено количество на канцерогени ПМ-10 честички во воздухот како во Скопје, така и во Битола, Тетово, Кичево и други градови низ Македонија. Загадениот воздух убива кога власта е неспособна. Зоран Заев пред 4 години вети дека откако ќе дојде на власт веднаш ќе го подобри квалитетот на воздухот и ќе го намали загадувањето. Зоран Заев ветуваше дека државата ќе инвестира во подобрување на квалитетот на животната средина и атмосферскиот воздух. 4 години потоа Зоран Заев нема спроведено ниту една мерка во насока на намалување на загадувањето. Македонија секоја зима се гуши. Скопјани дишат отров наместо воздух. И ниту Заев, ниту Шилегов како градоначалник на Скопје не направија ништо  конкретно за намалување на загадувањето – рече Јелена Жугиќ.

Таа додаде дека воздухот никогаш не бил позагаден, а негрижата на власта за здравјето на сопствените граѓани никогаш не била поголема.

– Зоран Заев, човекот што на цел глас викаше, верувам се сеќавате „Ајро, Ајро, Ајро“ сега седи во премиерската фотелја во зградата зад нас, дели тендери на потесното семејство и воопшто не му е грижа за граѓаните кои се гушат во смог – рече Жугиќ.

ВМРО-ДПМНЕ вечерва остави тегли со чист воздух од врвот на Водно пред влада, бидејќи воздухот што го дишеме е се само не е чист.

– Чистиот воздух станува привилегија. Граѓаните се осудени да се гушат во смог заради неспособната власт, и нема да не изненади ако некоја следна бизнис идеја за која ќе бидат потрошени народните пари биде токму чист воздух во тегла. Иронично, но за жал крајно, крајно трагично! Ова е црвен картон и за Заев и за Шилегов. И сега кога светот е погоден од најголемата пандемија на новиот век загадениот воздух е опасен катализатор за вирусот, бидејќи тој служи како трансмитер на истиот. Се соочуваме со проблеми од невидени размери. Токму затоа побаравме власта најитно да ги ослободи од работа хронично болните и бремените жени кои се под особена опасност како од пандемијата која галопира, така и од енормно загадениот воздух – рече Жугиќ.

Бараме наместо милијардите дадени за поткуп, тендери и други проневери да се обезбедат пари за намалување на загадувањето и тоа веднаш – беше порачано од протестот.

Осен во Скопје, се протестираше и во Струмица, во Битола, во Тетово и во Куманово.

The post ВМРО-ДПМНЕ вечерва остави тегли со „чист воздух од врвот на Водно“ пред владата ГАЛЕРИЈА appeared first on plusinfo.mk.