Денес, на 23 април 2026 година, интернетот слави роденден што засекогаш го промени начинот на кој гледаме, учиме и се забавуваме. Пред точно 21 година, Џавед Карим објави скромно, 19-секундно видео со слонови во зоолошка градина – клипот „Me at the zoo“. Никој тогаш не можеше да претпостави дека токму тие неколку секунди ќе станат темел на една од најмоќните дигитални платформи во историјата – „YouTube“.

Две децении подоцна, светот на видеото изгледа сосема поинаку. Денес, на платформата има над 30 милијарди видеа, бројка што е тешко дури и да се замисли. Ако некој би се обидел да ги изгледа сите, би му биле потребни илјадници животи. Во секоја минута се додаваат околу 500 часа нова содржина, што значи дека интернетот никогаш не престанува да создава, да информира и да забавува.

Но, зад тие бројки стојат и имиња што ја обликуваа културата на цела една генерација. Видеото „Baby Shark Dance“ стана најгледаниот клип во историјата, надминувајќи ги и најголемите музички ѕвезди.

Во меѓувреме, нови „кралеви“ на платформата се појавија – меѓу нив и „MrBeast“, кој со стотици милиони следбеници веќе не е само креатор, туку цела медиумска индустрија. Со околу 478 милиони претплатници, неговото влијание одамна ги надмина рамките на интернет-забава.

„YouTube“ денес не е само место за видеа – тоа е економија сама по себе. Креаторите заработуваат преку реклами, спонзорства и нови алатки што овозможуваат директна продажба на производи преку видеата. Од детски канали како оној на Рајан Каџи до глобални брендови изградени од нула, приказните за успех се бројат во стотици милиони долари. Истовремено, платформата се менува – кратките видеа носат масовна гледаност, но подолгите формати сè уште се оние што носат вистинска заработка и влијание.

Денес, „YouTube“ е многу повеќе од забава. Тој е училница, медиум, пазар и сцена за глобални приказни. Од 19 секунди во зоолошка градина до милијарди прегледи секој ден, оваа платформа стана дигитален ретровизор на човештвото – место каде што светот се гледа, слуша и памети.

The post ОД 19 СЕКУНДИ ДО СВЕТСКА ИМПЕРИЈА „YouTube“ слави 21 година од првото видео appeared first on plusinfo.mk.

Споделувајќи фотографија од моментот, Мистер Бист напиша: „Да, момчето направи нешто“.

И Бујсен и Доналдсон може да се видат како носат божиќни џемпери со тема MrBeast во видеото што Теа го објави на својот профил на Инстаграм, каде го покажа својот дијамантски свршенички прстен.

 

View this post on Instagram

 

A post shared by MrBeast (@mrbeast)

Таа за магазинот „Пипл“ откри дека се свршиле на Божиќ во друштво на нивните семејства.

„Моето семејство долета од Јужна Африка за Божиќ и планиравме да го поминеме Божиќ во нашата куќа, така што двете семејства беа тука. Ги отворавме подароците, а потоа за последниот подарок тој ме замоли да ги затворам очите бидејќи беше изненадување“, открила таа.

Бујсен додала дека секако рекла „да“ и дека е исклучително возбудена.

 

View this post on Instagram

 

A post shared by Thea Booysen (@thea_booysen)

Двојката се запознала преку заеднички пријател во 2022 година во Јужна Африка, од каде што е Бујсен. Истата година, тие ја официјализираа својата врска на црвениот тепих на Nickelodeon Kids Choice Awards.

Доналдсон е популарен јутјубер, претприемач и продуцент на неговото истоимено натпреварувачко ријалити шоу „Beast Games“. Бујсен исто така создава содржини на Јутјуб.

Мистер Бист неодамна го собори рекордот за најследена личност на Јутјуб, а воедно е и најплатениот јутјубер во светот. Неговото богатство се проценува на 500 милиони долари. Тој е посветен на хуманитарната работа. Во ноември 2023 година, тој изгради 100 бунари во Африка, обезбедувајќи чиста вода за повеќе од половина милион луѓе.

The post 📷 🎥 СЕ СВРШИ НАЈПЛАТЕНИОТ ЈУТЈУБЕР НА СВЕТОТ, ИМА БОГАТСТВО ВРЕДНО 500 МИЛИОНИ ДОЛАРИ Мистер Бист ја запроси девојка си appeared first on plusinfo.mk.

Во ковчегот имал храна, вода и шишиња за нужда, а биле поставени и камери во случај нешто да тргне наопаку, за подоцна да им покаже се на своите обожаватели.

„Ова е крајно опасно, луѓето мора постојано да ме посматраат“, изјави тој.

 

View this post on Instagram

 

A post shared by MrBeast (@mrbeast)

„Ѕверот“ објасни дека се трудел да спие што е можно повеќе, за да го сочува своето ментално здравје. Исто така, тој морал да му вети на својот лекар дека ќе се движи секој ден, за да не добие згрутчување на крвта.

Видеото за четири дена собра невероијатни 76 милиони прегледи. На крајот од видеото, јутјуберот плаче од возбуда.

Пред две години, MrBeast се обиде со сличен предизвик. Помина закопан 50 часа, а со својот нов потфат постави рекорд.

Јутјубер број 1 на планетата

Американецот Џими Доналдсон, личноста што онлајн светот ја познава како MrBeast, е најголемиот јутјубер на планетата – а и најбогатиот.

Во ноември 2022 година, Форбс процени дека тој заработил 54 милиони долари (42,5 милиони фунти), само за една година – сите пари од платформата, комбинирајќи ги приходите од реклами од видеата и спонзорските договори. Оттогаш, тој доби 60 милиони повеќе претплатници на неговиот главен канал.

Има и неколку други канали, со десетици милиони претплатници, вклучувајќи еден за филантропија и еден за видео игри.

Сепак, не е јасно колку пари, всушност, става во џебот.

Но, Доналдсон стана познат по тоа што ги враќа парите што ги заработува во своите ултраскапи видеа, од кои за некои се потребни милиони за да се продуцираат. Тој изјави дека ја реинвестира секоја пара што ја заработува.

Токму овој пристап кон содржината објаснува зошто американскиот јутјубер привлекува толку голема публика – затоа што инвестира и целосно се посветува на она што го работи.

Стивен Бриџис, јутјубер со 470.000 претплатници, изјави за Би-Би-Си дека креативноста на Доналдсон е таа што го поттикнала и него.

„Мислам дека интересната работа за MrBeast е неговата апсолутна посветеност да го направи она што тој го смета за најдобро можно видео. Кога тој прикачува, луѓето кликнуваат. Тие знаат дека кога ќе кликнат на видеото на MrBeast, гледаат производ во кој се вложени многу напори за да биде навистина забавен“, објаснува јутјуберот.

Многу заработува, но е голем филантроп

Доналдсон е познат по својата филантропија, како и по многу други деловни потфати. Тој има лиценцирана добротворна организација, која функционира како банка за храна за заедниците низ САД. Тој помогна да се соберат десетици милиони долари за помош на животната средина.

И покрај синџирот за брза храна MrBeast Burger – потфат од кој сега се обидува да се повлече – тој лансираше и низа закуски наречени Feastables.

Видеата на Доналдсон тешко може да се категоризираат. Тие вообичаено вклучуваат предизвик, како на пример видео часови за преживување на Антарктикот, или големи парични награди – на пример, игра со криенка за 1 милион долари.

Неговото најпознато видео до сега, со 472 милиони прегледи, го „праработи“ хитот на Нетфликс Squid Game во реалниот живот, а имаше и награден фонд од 456.000 долари.

The post 📽 НАЈГОЛЕМИОТ ЈУТЈУБЕР ПРЕЖИВЕА 7 ДЕНА ЗАКОПАН ВО КОВЧЕГ ПОД ЗЕМЈА „Ѕверот“ постојано смислува нови предизвици appeared first on plusinfo.mk.