Најдобриот македонски автомобилист Игор Стефановски – Иџе викендов од Австрија ја започнува новата сезона во ФИА Европски шампионат на ридски патеки, при што годинава одбележува значаен јубилеј – 25 години на тркачките патеки.

Стартот на сезоната е на легендарната патека Рекберг, каде македонскиот автомобилист ќе настапи со дополнителен мотив. Трикратниот европски шампион влегува во новата сезона со амбиција за нови резултати, во конкуренција од повеќе од 250 возачи, додека шампионатот годинава вклучува 10 трки низ Европа.

Сезоната започнува со тренинзи во сабота, а главните трки се возат во недела, на 26 април. Завршницата и оваа година е планирана во Хрватска во септември.

Стефановски ќе продолжи да настапува со моделот „Ferrari 488 Challenge“, специјално подготвен за ридски патеки, со што ја продолжува соработката со Ферари.

– Со силна возбуда ја очекувам првата трка. Оваа сезона е посебна, 25 години на патеката се голем мотив да дадеме максимум. Очекувам одлични резултати и силен шампионат. Благодарност до мојот тим, до Ферари, до спонзорите – постоечките и новите, како и до сите што ни даваат поддршка – изјави Стефановски.

Поддршката продолжува и од тимот на Видеолотарија Касинос Австрија, од каде посочуваат дека повеќе од една деценија стојат зад македонскиот возач и неговите успеси на европската сцена.

The post ИЏЕ СЛАВИ ЈУБИЛЕЈ ОД 25 ГОДИНИ „Летечкиот“ Македонец подготвен за новата сезона appeared first on plusinfo.mk.

Американскиот гигант Кадилак официјално ја најави својата ера во Формула 1, претставувајќи го болидот со кој ќе дебитира во најбрзиот циркус во светот, и тоа на спектакуларен начин, за време на Супербоулот.

Промоцијата на новиот болид се одржа ноќта меѓу 8 и 9 февруари на Тајмс Сквер во Њујорк, пред илјадници фанови и милионска телевизиска публика. Автомобилот се истакнува со елегантна и минималистичка комбинација од пригушена сребрена и црна боја, што симболично ја најавува амбицијата на брендот за сериозен настап во Формула 1.

Кадилак ќе дебитира во шампионатот во сезоната 2026, а тимот веќе го откри и возачкиот состав. За американската екипа ќе настапуваат искусниот Финец Валтери Ботас и Мексиканецот Серхио Перез, кои потпишаа повеќегодишни договори.

Дополнителна тежина на проектот му дава и фактот што Ферари ќе биде снабдувач на мотори, што се толкува како јасна порака дека Кадилак не влегува во Формула 1 само за учество, туку со сериозни натпреварувачки амбиции.

Новата сезона во Формула 1 започнува во Австралија од 6 до 8 март, а шампионатот и оваа година ќе се состои од 24 Гран при трки, што ветува уште една долга и возбудлива сезона за љубителите на мотоспортот.

The post 📽️ НОВО ИМЕ ВО ФОРМУЛА 1 Кадилак официјално го претстави својот болид со спектакл на Тајмс Сквер appeared first on plusinfo.mk.