Скопјанка вчера пријавила во полиција дека била изложена на агресивно однесување од доставувач на мотоцикл додека возела низ населбата Центар.

Според нејзината пријава, мотоциклистот најпрво агресивно се однесувал, а потоа почнал да ја следи. Кога застанала на семафор, се обидел да ја отвори возачката врата, а откако не успеал, го оштетил нејзиното возило.

Полицијата презема мерки за идентификување на сторителот и расчистување на случајот.

The post ДОСТАВУВАЧ НА ХРАНА ЈА БРКАЛ НИЗ ЦЕНТАР!? Возачка пријавила агресивен моторџија appeared first on plusinfo.mk.

Дваесет и тригодишен жител на Велес е приведен откако ноќеска управувал мотоцикл без регистарски ознаки на игралиште во градот, информира Министерството за внатрешни работи.

Случајот најпрво бил пријавен во полиција, а снимка од настанот била објавена и на социјалните мрежи.

По преземените мерки и проверки, полициски службеници од СВР Велес утврдиле дека станува збор за С.Ќ. (23) од Велес.

При контролата било констатирано дека тој го управувал мотоциклот пред да се стекне со право на управување, односно без да поседува возачка дозвола. Дополнително, мотоциклот бил без регистарски ознаки.

За случајот бил известен јавен обвинител, а мотоциклот е одземен.

Од МВР информираат дека по целосното документирање на случајот против 23-годишникот ќе бидат поднесени соодветни пријави.

The post 📽️ ДИВЕЕЛ СО МОТОЦИКЛ НА ИГРАЛИШТЕ Велешанец приведен по снимка што се прошири на социјалните мрежи appeared first on plusinfo.mk.

На улицата Доне Божинов во Куманово патничко возило „сеат ибица” со кумановски регистарски ознаки, управувано од А.А.(64) од Куманово вчера околу пладне се судрило со мотоцикл со кумановски регистарски ознаки, управуван од Д.С.(49) од Куманово.

Од здобиените повреди на местото на несреќата починал мотоциклистот, а лекар констатирал смрт.

Извршен е увид од јавен обвинител и увидна екипа на СВР Куманово.

The post МОТОЦИКЛИСТ ОСТАНА НАМЕСТО МРТОВ ПО СУДИР СО АВТОМОБИЛ Трагична сообраќајка во Куманово appeared first on plusinfo.mk.

На патниот правец Маврово–Дебар, во близина на Бигорскиот манастир, вчера претпладне германски државјанин изгубил контрола над мотоциклот и излетал од патот.

55-годишниот К.Б. се здобил со тешки телесни повреди и бил пренесен во Медицинскиот центар во Гостивар.

Полицијата извршила увид на местото на несреќата.

The post ГЕРМАНСКИ МОТОЦИКЛИСТ ТЕШКО ПОВРЕДЕН КАЈ БИГОРСКИ МАНАСТИР Излетал од коловозот на патот Маврово–Дебар appeared first on plusinfo.mk.

26-годишен скопјанец е лишен од слобода откако со мотоцикл не застанал на знак за запирање, удрил во полициски мотоцикл и повредил полициски службеник, а при приведувањето кај него биле пронајдени дрога и други предмети.

Како што информираат од МВР, на 10.06.2026 година околу 18:20 часот на булеварот Партизански одреди во Скопје, Б.Б. (26) од Скопје не застанал на знак за запирање даден од полициски службеници од Одделението за безбедност на патниот сообраќај при СВР Скопје, кои биле со мотоцикли.

Наместо да застане, тој продолжил со движење, по што бил следен од полициските мотоцикли. Откако бил стигнат, според полицијата, тој намерно удрил во еден од полициските мотоцикли, при што двајцата паднале, по што го напуштил местото на настанот.

При падот полицискиот службеник се здобил со повреди и бил пренесен во Градската општа болница „8 Септември“ за укажување лекарска помош.

Подоцна, околу 18:50 часот на подрачјето на Ѓорче Петров, Б.Б. бил пронајден и лишен од слобода од страна на Единицата за интервентна полиција.

При неговото приведување, полициските службеници пронашле и одзеле марихуана и дигитална вага, а била откриена и торбичка со над 100 таблети, која, според МВР, осомничениот ја фрлил додека бегал.

Лицето е задржано во полициска станица, а по целосно документирање на случајот против него ќе биде поднесена соодветна кривична пријава.

The post УДРИЛ ВО ПОЛИЦИСКИ МОТОР, МУ НАШЛЕ ДРОГА И 100 ТАБЛЕТИ Скопјанец предизвикал хаос и повредил полицаец appeared first on plusinfo.mk.

Четириесет и двегодишен мотоциклист загина во тешка несреќа на патот Штип-Делчево, соошти СВР Штип.

Според информациите од СВР Штип, несреќата се случила во понеделникот вечерта кога мотоциклистот се судрил со товарно возило.

„На 25.05.2026 во 21:23 часот во ОВР Кочани е пријавено дека на магистралниот пат Штип-Делчево, во близина на место викано „Компосара“ се случила сообраќајна несреќа помеѓу товарно возило „пежо“ со винички регистарски ознаки, управувано од А.С.(48) од Виница и мопед без регистарски ознаки, управуван од А.Ѓ.(42) од Кочани. Од здобиените повреди во несреќата, А.Ѓ. починал на пат кон болницата во Кочани, а лекар констатирал смрт“ – соопшти штипската полиција.

Извршен е увид од јавен обвинител и увидна екипа од ОВР Кочани.

The post МОТОЦИКЛИСТ ЗАГИНА ВО ТЕШКА НЕСРЕЌА НА ПАТОТ ШТИП-ДЕЛЧЕВО Удрил во камион appeared first on plusinfo.mk.

Во Скопје во неделата вечерта се случи сообраќајна несреќа во близина на Стара Рампа, на улица која во моментов е во фаза на поправки и на која е воведен изменет режим на сообраќајното движење.

Според првичните информации добиени од местото на настанот, несреќата се случила околу 20:30 часот и во неа биле вклучени патничко возило и моторцикл. Судирот се случил во услови на променета организација на сообраќајот поради тековните градежни активности на улицата.

Локацијата каде што дошло до несреќата е дел кој е слабо осветлен, а дополнително се наведува дека на самата улица нема доволно јасна сигнализација и обележани знаци кои би укажале на семафорите и на тоа кој учесник во сообраќајот има првенство на минување.

Во овој момент нема официјални информации за тоа дали има повредени лица во несреќата, ниту пак се познати деталите околу евентуалната материјална штета. Надлежните служби се очекува да излезат со дополнителни информации по увидот на терен.

The post СООБРАЌАЈКА КАЈ СТАРА РАМПА ГО БЛОКИРАШЕ СООБРАЌАЈОТ Се судрија автомобил и мотоцикл appeared first on plusinfo.mk.

Собранието на Македонија ги изгласа измените во Законот за безбедност на сообраќајот на патиштата, со што се воведува долгоочекуваната новина за возачите. Со оваа законска измена, секој што поседува возачка дозвола од „Б“ категорија ќе може легално да управува мотоцикл со зафатнина до 125 см³, без потреба од целосно полагање за „А“ категорија.

Сепак, за да го искористат ова право, возачите ќе мора да исполнат неколку клучни критериуми:

– Да имаат наполнети 23 години возраст;

– Да поседуваат возачка дозвола од „Б“ категорија најмалку 5 години;

– Да поминат дополнителна теоретска обука од 4 часа во автошкола.

Оваа мерка се очекува значително да го намали сообраќајниот метеж во градовите и да го поттикне користењето на поекономични превозни средства.

The post СО „Б-КАТЕГОРИЈА“ МОЖЕ ДА СЕ ВОЗИ МОТОР ДО 125 КУБИЦИ Еве кои други услови треба да се исполнети appeared first on plusinfo.mk.

Вчера попладне, околу 14:30 часот, на влезот во селото Браилово, општина Долнени, се случила тешка сообраќајна несреќа меѓу мотоцикл „кавасаки“ со регистарски ознаки од Македонски Брод и патничко возило „опел“ со прилепски таблици.

Мотоциклот го управувал 21-годишниот З.Ш., а зад воланот на автомобилот бил 56-годишниот Д.В. И двајцата се од селото Десово. Во судирот, мотоциклистот се здобил со тешки телесни повреди, кои биле констатирани во Градската општа болница во Прилеп.

Полицијата извршила увид, а се работи на расчистување на причините за несреќата.

The post ТЕШКА СООБРАЌАЈКА КАЈ БРАИЛОВО, ПРИЛЕПСКО Мотоциклист сериознo повреден во судир со автомобил appeared first on plusinfo.mk.

Поднесено е обвенине за пратеникот Сашко Јанчев за сообраќајната несреќа што се случила по полноќ на 14 септември во селото Марино, во која животот го загуби 16-годишниот Матеј Димовски, обзнани Јавното обвинителство.

Според наодите на Обвинителството и извршените вештачења, Јанчев управувал автомобил „Хјундаи тусон“ и при свртување не се уверил дека тоа може да го направи безбедно, со што го загрозил јавниот сообраќај и го довел во опасност животот на луѓето.

„Возачот на автомобилот не се уверил дека може безбедно да го изврши движењето, со што предизвикал судир со мотор кој не ги исполнувал условите за учество во сообраќајот“.

Во истиот момент, според Обвинителството, во автомобилот удрил мотоцикл „Јијинг“ без регистарски ознаки и без вградени светлосни уреди, со кој управувал 16-годишниот Матеј Димовски. Возачот на мотоциклот немал дозвола, а ниту тој ниту неговата 13-годишна сопатничка не носеле кациги.

Како резултат на повредите здобиени при несреќата, 16-годишникот починал, додека неговата 13-годишна сопатничка била потешко повредена.

Обвинителството го товари за тешки дела против безбедноста на луѓето и имотот во сообраќајот согласно член 300 став 4 во врска со член 297 од Кривичниот законик.

The post ОБВИНЕНИЕ ЗА ПРАТЕНИКОТ ЈАНЧЕВ ЗА СООБРАЌАЈКАТА СО СМРТНИ ПОСЛЕДИЦИ Свртел без да се увери дека е безбедно? appeared first on plusinfo.mk.