Македонија во последните две години бележи напредок во областа на социјалниот дијалог и е тргната од листа на Меѓународната организација на трудот (МОТ) за земји кои треба дополнително да ги образложуваат состојбите поврзани со синдикалните права и колективното преговарање, но истовремено се соочува со сериозен недостиг на работна сила, повеќе од 10.000 слободни работни места и иселување на кадар кој покрај плата бара и подобар квалитет на живот, владеење на правото и поголема општествена сигурност, оцени универзитетскиот професор и советник на премиерот Лазар Јовевски во емисијата „За или против“ на телевизија Алфа.

Говорејќи за Меѓународната конференција на трудот што се одржува во Женева, Јовевски рече дека експерти при МОТ утврдиле оти Македонија во моментов нема суштински проблеми во однос на примената на конвенциите за колективно преговарање и синдикално организирање.

– Македонија е тргната од одредена листа каде што одреден број земји имаат обврска да објаснуваат одредени состојби. Комитетот на експерти констатираше дека во Македонија нема потреба од таква дебата или дополнително објаснување, бидејќи нема нарушување на конвенциите на МОТ во делот на колективното преговарање и синдикалното организирање – вели Јовевски.

Тој оцени дека во земјава е направен исчекор во функционирањето на Економско-социјалниот совет и во склучувањето колективни договори во јавниот сектор, што, според него, придонело за подобрување на социјалниот дијалог. Јовевски посочи и дека Македонија добила покана да биде членка на Економско-социјалниот совет на Обединетите нации за периодот 2027-2029 година, што го оцени како значајно меѓународно признание.

Во однос на состојбите на пазарот на трудот, тој нагласи дека земјата се соочува со пресврт во споредба со периодот кога имала една од највисоките стапки на невработеност во Европа.

– Ако пред неколку години имавме недвосмислено вишок на работна сила, веќе од минатата година и оваа година сериозно имаме недостаток на работна сила. Тоа е процес што бара нови политики и поголема флексибилност од сите чинители … Суштинското прашање е како платите континуирано да растат кај сите категории работници. Во јавниот сектор тоа веќе се случува преку системот на коефициенти, а во приватниот сектор се забележува природен раст на платите поради недостигот на работна сила – рече Јовевски.

Во моментов, вели, има повеќе од 10.000 слободни работни места, а најголем недостиг на кадар се забележува во градежништвото, информатичката технологија, угостителството и туризмот, услужните дејности и здравството.

Јовевски го потенцира и проблемот со сивата економија, која како што рече, според проценките на Светска банка и ММФ надминува 30%.

– Имаме огромен број луѓе кои се во т.н. сива зона, односно во сивата економија, а формално се водат како невработени. Ако се земе предвид структурата на невработеноста и сивата економија, реалната стапка на невработеност е значително пониска – вели Јовевски.

Осврнувајќи се на иселувањето, тој нагласи дека отворањето работни места само по себе не е доволно за враќање на луѓето од странство.

– Очигледно не е само прашањето дали има работни места. Луѓето, особено високообразованите кадри и докторите, покрај работно место и соодветна плата бараат и друг тип на квалитет на живот, атмосфера, владеење на правото и чувство на сигурност – нагласи Јовевски.

Во делот на платите, тој оцени дека фокусот не треба да биде исклучиво на минималната плата, туку на растот на платите во целата хиерархија на работни места.

Според него, во јавниот сектор веќе е воспоставен механизам за каскаден раст на платите преку коефициентите на сложеност, додека во приватниот сектор веќе се забележуваат позитивни движења поради недостигот на работна сила.

– Во 2025 година бројот на компании со просечна плата од околу 1.000 евра е зголемен за 23,5% во споредба со 2024 година, што покажува дека се вложува повеќе во човечкиот капитал и во задржување на работниците – рече Јовевски.

Говорејќи за влијанието на вештачката интелигенција врз трудот, тој предупреди дека претстојат значајни промени на пазарот на трудот.

– Повеќе работни места ќе се губат отколку што ќе се создаваат нови. Затоа процесот на дигитална трансформација мора да биде човекоцентричен и насочен кон олеснување на работата, а не кон потиснување на човекот – вели Јовевски.

Тој најави дека во наредниот период се очекуваат нови законски решенија во областа на работните односи, безбедноста и здравјето при работа, мирното решавање на работните спорови и заштитата од психолошко и сексуално вознемирување на работното место, како дел од пошироките реформи во трудовата сфера.

The post ИМАМЕ НЕДОСТИГ ОД РАБОТНИЦИ И ОДЛИВ НА КАДАР Професорот Јовевски смета дека земјава не ги нарушува конвенциите за колективно преговарање и за синдикализам appeared first on plusinfo.mk.

Младинскиот културен центар (МКЦ) со гордост го најавува 50-то јубилејно издание на Млад отворен театар – МОТ, кое ќе се одржи од 19 до 25 ноември во Скопје. Оваа година, фестивалот се одржува под слоганот „Нашите во светот“, во чест на македонските автори кои успешно творат надвор од границите на земјата и го носат духот на македонската театарска школа на меѓународната сцена.

– Со ова издание, МОТ ја слави интернационалната видливост на македонската театарска мисла и ја нагласува вредноста на уметниците кои потекнуваат од нашата културна средина, а денес се дел од европските и регионалните театри – изјави Русе Арсов во името на тимот на МКЦ.

Отворањето на фестивалот ќе биде со претставата „Лимени барабан“ (по романот „Лимениот добош“ на Гинтер Грас), во режија и адаптација на Васил Христов, поставена на сцената на Југословенско драмско позориште во Белград. Во проектот учествува и поширока македонска екипа: композиторот Никола Коџобашија и сценографот Константин Трпеновски.

Арсов потсетува дека МОТ уште од своето основање е простор каде што младите уметници се охрабруваат да експериментираат и да создаваат надвор од традиционалните сценски рамки.

– Од самиот почеток, МОТ е место каде што се судираат традицијата и авангардата, класичните сценски јазици и новите театарски естетики. Тоа е простор на слобода, експеримент и размена, и токму затоа стана едно од највиталните културни јадра во земјата – нагласи Арсов.

Во програмата на фестивалот се вклучени и низа претстави на македонски автори кои работат во странство:

„Куќа на граница“ на Андреј Цветановски (Регионално позориште Нови Пазар, Србија);

„Поручникот од Инишмор“ на Ѓорѓи Ризески (Адриана театар, Урошевац, Косово);

„Коштана“ на Јана Маричиќ (Народно позориште Ниш, Србија);

„Кучето се засмеа“ на Ана Батева (Спам театар, Софија, Бугарија);

„Граница“ на Совран Нрецај (ОДА театар, Приштина, Косово);

„Врба“ на Искра Шукарова;

„Слугинки“ на Агнес Нокшиќи.

Во придружната програма, публиката ќе може да го доживее ВР перформансот „Ехо од длабочината“ на Нина Николиќ и Борјан Стојков, како и концертите на „Zwada“ и „This is not“ од Косово во рамките на МОТ – Музичкиот блок. Ќе биде отворена и изложба на Константин Трпеновски.

Фестивалот ќе заврши со претставата „Мајка храброст и нејзините деца“ во режија на Дејан Пројковски, продукција на Новосадско позориште. Во авторскиот тим се и Олга Панго (кореографија), Валентин Светозарев (сценографија) и Сергеј Светозарев (автор на плакат).

Авторка на годинешниот фестивалски плакат е Кристина Горовска.

Целосната програма и распоредот на претставите се достапни на официјалната веб-страница mot.mk, каде што публиката ќе може да купи онлајн билети од четврток, 13 ноември.

Годинешното издание е поддржано од Министерството за култура и Град Скопје, а тимот на МОТ најави дека можно е да има измени во програмата, за кои јавноста ќе биде навремено информирана.

The post МОТ ГО СЛАВИ 50-ТИОТ РОДЕНДЕН „Нашите во светот“ — јубилејното издание посветено на македонските автори надвор од земјата appeared first on plusinfo.mk.

Ова издание на фестивалот ќе се отвори со минатогодишните победници, независната продукција, театарот „Златен Елец“ и нивната нова претстава „Хинкеман“ по текст на Ернест Толер, во режија Тамара Стојаноска.

– Иако се осамени како независен театар на репертоарот, сепак, по регионалните награди, тие ја заслужија сцената и завесата на МОТ ќе се крене со нивната нова премиера. Антивоената тема која се провлекува во нивната претстава го најавува и мотивот на годинешниот МОТ – велат од МКЦ.

Претставата „Хинкеман“ ги истражува бруталните сили што управуваат со нашиот свет – војните, социјалните неправди и немилосрдните системи на економска моќ што ја ловат работничката класа. Таа ерупција на омразата меѓу луѓето и нациите е препознатлив знак на духот на времето во кое живееме и денес, се додава во најавата.

– Во време кога светот се соочува со две војни, програмата на овој МОТ го изнесува својот активистички став со кој во фокус ги става темите кои го запалија светот, а во нашето општествено политичко секојдневие не добиваат соодветно значење – вели Русе Арсов.

Осаменоста на човекот во таков пејзаж е доволно податлива, сметаат од фестивалот, за со неа да се бави претставата „Без крв“, која е продукција на двегодишниот меѓународен проект „Манифест“, копродукција на Драмски театар – Пловдив и Народниот театар „Јордан Хаџиконстантинов – Џинот“ од Велес.

– Воената тема пластично ќе ја доловат шесте брилијантни актерки од Украина кои ќе ги раскажат своите приказни распнати меѓу војната и нивните секојдневни животи и нивните семејства и за тоа како оваа состојба го има променето нивниот однос кон животот во перформансот „Танцот на смртта“ на Ле Пре/Дак Театар – посочуваат од МКЦ.

Перформансот е создаден кратко по почетокот на руската воена агресија и во моментов овој музичко – театарски проект ужива огромна популарност, а негови членови се дел од музичкото фрик – кабаре „Ќерките на Дак“ (Dakh daughters) од Киев.

– Додека светот гори во глобален контекст, на локално ниво ние водиме војна за МОТ. Се бориме и со минимум буџет покажуваме дека МОТ не е осамен, бидејќи солидарноста на глобалната МОТовска мрежа го овозможува и ова 49. издание на фестивалот. Инстинктот за преживување е силен, еднаков како љубовта која го шири овој МЛАД „средовечен“ фестивал – потенцира Арсов.

Надвор од ова тематско боење на фестивалот, додаваат од МКЦ, на МОТ ќе ги има „Скринејџери, втор дел“ – рефлексивен мјузикл од Франција кој се обидува да одговори на прашањето каква трага остава дигиталниот хаос на нашата психа и фантазија, за да сме способни да го впиеме сето тоа „скролајќи“ надолу. Потоа, додаваат дека гостува најнаградуваната претстава во историјата на Новосадско народно позориште „Ана Каренина“, во режија на Дејан Пројковски, која како што велат тие беше прогласувана за апсолутен победник на неколку регионални фестивали.

– Присуството на Креативниот центар Крушче на Томи Јанежич, со делото „Куќа, дом“ на Катја Легин ни дава можност за доживување на театарот во автентичен простор за темата, овој пат куќа/дом на непозната локација во Скопје, за која публиката која има билет ќе добие адреса дополнително – информираат од МКЦ.

Театарот „Промена“ од Србија доаѓа со монодрамата „Мајорот и Хелена“, која е авторски проект на Алекса Јовиќ и ја обработува приказната на транс-родовата жена и нејзината храброст во конзервативното општество.

Додека пак, „Сѐ што е важно“ е интерактивна претстава на театарот „Арисандмарта“ од Грција, кој, според организаторите, ќе ги донесе белешките за изведување на пријателство низ сценски движења на кои публиката ќе биде сведок.

Понатаму, театарскиот режисер и драмски писател Јари Јутинен, уметнички директор на „sadsongskomplex:fi“ од Финска, ќе биде домаќин на разговорен мастерклас за професионалци во театарот и студенти што ги истражуваат „зошто“, „кој“ и „како“ на меѓународната соработка.

– Со него заедно ќе испитаме зошто глобалните партнерства се важни во театарскиот свет, или пак, дали се? – најавуваат од МКЦ.

Целосната програма и распоред на фестивалот можат да се погледнат на официјалната страна на фестивалот, а билетите можат да се набават преку билет сервисот на МКЦ.

Фестивалот е поддржан финансиски од Министерството за култура и туризам, Градот Скопје и од Францускиот културен центар во Скопје.

The post ВО ПЕТОК ПОЧНУВА МЛАД ОТВОРЕН ТЕАТАР Завесата ќе се крене со претставата „Хинкеман“ во режија на Тамара Стојаноска appeared first on plusinfo.mk.

На програмата на годинашното издание, што ќе се одржува до 18 ноември, има вкупно 29 театарски настани, претстави, работилници, промоции и мастерклас-предавања.

– Во околности на глобална општествена безизлезност, неизбежно е да се занимаваме со „Декамерон“, со триумфот на потребата за живот. Животот радоста и среќа, овде и сега“ – вели режисерот Кочовски кој „Декамерон“ го постави на сцената на театарот во 2022 година

Утревечер на сцена ќе биде поставена „Браќа Карамазови“ во режија на Оливер Фрљиќ на „Загребско казалиште младих“ – ЗКМ од Хрвстаска.

На 10 ноември ќе се одржи претставата „Омаж за Каталин Ладик“ од театарот од Словенија, во режија на Ирена З. Томажин, Јуле Флирл. Како дел од ова програма, меѓудругото, премиерата ќе има и претставата „Поол“ во режија на Шенај Мандек, а во копродукција меѓу минатогодишните добитници на наградата „Биш“ – „Артопиа“ и „Хибрид“.

Исто така, ќе биде прикажана и претставата „Геа“ во продукција на „ErosAntEros“ од Италија, меѓународна копродукција во која учествува и МКЦ/МОТ фестивалот, а која е реализирана како најдобар проект на EFFEA-програмата за 2023 година.

Во рамките на официјалната програма ќе бидат прикажани и продукции од Естонија, Словенија, Германија, Чешка, Турција и Македонија.

Од 16 до 18 ноември, на сцената во Железничката зграда во Скопје ќе биде претставен перформансот/тетараската инсталација во три дела „Градот како сцена II – приказна за шетачот“ на Филип Јовановски.

На 17 ноември пак, ќе се одржи претставата „Евангелие по Ф.М. Достоевски“ во режија на Јернеј Лоренци, а во изведба на Српски народен театар од Нови Сад, Србија.

Мастерклас ќе одржи долгогодишен продуцентот и менаџер за турнеи на Словенско младинско гледалишче од Љубљана Душан Пернат, насловен „Скриената улога на продуцентот“. Како дел од придружната програма е промоција на монографијата за Коле Чашуле на проф. Ана Стојаноска, работилница на режисерот Мираз Метин, а во соработка со „Локомотива“ од Скопје ќе биде реализирана и дискусија – кураторски разговори „Институција која недостасува / Дијалог кој недостасува“.

Годинешната програма на фестивалот е поддржана од Министерството за култура (3.900.000 денари), Градот Скопје (650.000 денари), а преку партнерства, фондови, амбасади и министерства на други држави, за достојно одбележување на фестивалот обезбедени се дополнителни 2.300.000 денари.

Годинешната програма на фестивалот е поддржана од Министерството за култура (3.900.000 денари), Градот Скопје (650.000 денари), а преку партнерства, фондови, амбасади и министерства на други држави, обезбедени се дополнителни 2.300.000 денари.

Целосната програма и распоред на фестивалот можат да се погледнат на официјалната страна на фестивалот mot.mk, а билетите можат да се набават преку билет сервисот на МКЦ bileti.mkc.mk.

The post ГОДИНАВА НА МОТ 29 ПРЕТСТАВИ, РАБОТИЛНИЦИ, ПРОМОЦИИ, ПРЕДАВАЊА… Фестивалот ќе го отвори претставата „Декамаерон“ на Прилепскиот театар appeared first on plusinfo.mk.

Фестивалот се отвора со домашна продукција, претставата „Декамерон“, во режија на Мартин Кочовски на театарот „Војдан Чернодрински“ од Прилеп. Од италијанскиот хуманизам, следниот ден на сцената ќе настапи рускиот реализам, „Браќа Карамазови“, претстава со која режисерот Оливер Фрљиќ, по девет години се враќа на сцената на „Загребско казалиште младих“ (ЗКМ). Претставата е работена во два дела, како две засебни претстави, заедно заокружувајќи се во една претстава. Па така, публиката ќе има можност да одбере дали ќе го гледа првиот, вториот или двата дела.

Достоевски е мотив и за крајот на вечерните театарски продукции, каде што ќе може да се види „Евангелие по Ф.М. Достоевски“ во режија на Јернеј Лоренци, а во изведба на Српскиот народен театар од Нови Сад, Србија.

МОТ ја продолжува минатогодишната иницијатива за поддршка и промоција на домашната независна сцена.

– И оваа година МОТ ја доделува наградата „Биш“, иницијатива која ја започнавме минатата година, како дел од нашите заложби за поддршка и промоција на домашната (пред сè) независна сцена. На отворениот повик се пријавија 25 театарски претстави од домашната независна продукција, а на фестивалот ќе бидат прикажани шест селектирани претстави. Оценувањето на претставите го прави тричлено меѓународно жири – информира Русе Арсов во името на тимот на МКЦ.

Како дел од ова програма, премиерата ќе има и претставата „Поол“ во режија на Шенај Мандек, а во копродукција меѓу минатогодишните добитници на наградата „Биш“ 2022 Артопиа и Хибрид.

Пред скопската публика ќе биде прикажана и претставата „Геа“ во продукција на ErosAntEros од Италија, меѓународна копродукција во која учествува и МКЦ/МОТ фестивалот, а која е реализирана како најдобар проект на EFFEA програмата за 2023 година. Во рамките на официјалната програма се уште и продукции од Естонија, Словенија, Германија, Чешка, Турција и Македонија.

При крајот на фестивалот, како потсетување на сцената во Железничката зграда во Скопје, ќе биде претставен перформансот/инсталацијата „Градот како сцена II – приказна за шетачот“, како продолжение на истражувањето претставено во рамки на националниот павилјон на Република Северна Македонија на Прашкото квадриенале за перформанс дизајн и простор во 2023 година. По овогодишното претставување, кое партнерски го реализираа ФРУ и МОТ фестивалот, во рамките на оваа тридневна програма гости се и водечките лица на Прашкото квардинале.

„Скриената улога на продуцентот“ е насловот на мастеркласот што ќе го одржи Душан Пернат, долгогодишен продуцент и менаџер за турнеи на Словенско младинско гледалишче од Љубљана. Придружната програма е збогатена и со промоција на монографијата за Коле Чашуле на проф. Ана Стојановска, работилница на режисерот Мираз Метин, а во соработка со Локомотива од Скопје ќе биде реализирана и дискусија – кураторски разговори „Институција која недостасува/Дијалог кој недостасува“

Дизајн на постерот на фестивалот е Бабак Сафари – графички дизајнер од Иран.

Целосната програма и распоред на фестивалот можат да се погледнат на официјалната страна на фестивалот mot.mk, а билетите можат да се набават преку билет сервисот на МКЦ bileti.mkc.mk.

Годинешната програма на фестивалот е поддржана од Министерството за култура (3.900.000 денари), Градот Скопје (650.000 денари), а преку партнерства, фондови, амбасади и министерства на други држави, за достојно одбележување на фестивалот обезбедени се дополнителни 2.300.000 денари.

The post МЛАД ОТВОРЕН ТЕАТАР ОД 8 ДО 18 НОЕМВРИ Ќе се прикажат 29 театарски настани appeared first on plusinfo.mk.

Се занимаваше со и театарска критика и есеистика, а бил и раководител на театри. Автор е на бројни статии и студии од областа на театарот, а во 2009 ја објави книгата „Алтернативниот театар во Македонија“.

Како театарски глумец работел во театарот Кај Свети Никита Голтарот и Театарската работилница ФФ (Зелена гуска) каде што бил еден од основачите и продуцент. Бил и продуцент во МНТ и раководител на театарот Центар, а во МКЦ бил помошник на директорот за драмската програма.

Биш ќе биде погребан в петок од 9.00 часот на градските гробишта Бутел во Скопје.

The post ПОЧИНА ЉУБИША НИКОДИНОВСКИ БИШ Беше актер и основач на МОТ appeared first on plusinfo.mk.

Со почеток во 18 часот во МКЦ ќе биде изведена претставата „Подготвено“ во режија на Дејан Спасовиќ.

Тројца актери толкуваат една иста личност од различен период од нејзиниот живот, кои разговараат меѓусебно преку музика, танц и перформативен чин на подготовка на храната. Актерките иницираат и дијалог со публиката која е директен и активен чинител во самата претстава, која дополнително ќе ги истражува мембраните меѓу животот и уметноста, помеѓу изведувачот и публиката, егзибиционизмот и воајеризмот.

Во 20 часот во МКЦ во режија на Борис Василевски ќе биде изведена претставата „Вистинскиот запад“. Претставата ја раскажува сликата на двете крајности, кога сакаме да бидеме дел од општеството и истовремено сакаме да се изолираме од лошо организираниот свет.

Потребата да си најдеме свое место под сонцето не згаснува, а притисокот од „што сум направил до сега?“ не исчезнува.

Во МНТ, пак, со почеток во 22 часот ќе биде изведена претставата „Работи за кои не зборуваме“ во режија на Нела Витошевиќ, којашто преку интимни и емотивни приказни сака да им даде глас на општествените проблеми за кои не се зборува.

На трагикомичен начин претставата го критикува балканското патријархално милје, но истовремено провоцира и разговор за промена во општеството.

Билетите за претставите се достапни и на билетарница во МКЦ или на следниот линк.

Младиот отворен театар се одржува во два блока. Првиот блок се одржа од 18 до 26 ноември и имаше меѓународна програма, а вториот блок се одржува од 2 до 7 декември прикажувајќи ја домашната независна продукција. Фестивалот е поддржан од Град Скопје и Министерството за култура.

The post ТРИ ПРЕТСТАВИ НА МОТ Меѓу нив и за „Работи за кои не зборуваме“ appeared first on plusinfo.mk.

„Модиљани“ е драмски спектакл, кој ги прикажува двата главни аспекта од животот на фамозниот талентиран сликар Амадео Модиљани, беспрекорната љубов со Џан и смртното ривалство со Пикасо. Заглавен во неизбежната трагична судбина, Моди успева да ги креира највпечатливите дела од неговата генерација, кои будат страшна љубомора кај големиот Пикасо.

Ова дело, како што соопштија од МКЦ, го прикажува јазолот на судбината во кој е заглавен Модиљани, а без што веројатно немало да биде толку голем уметник. Од една страна притисокот на властите поради неговата етничка припадност, од друга страна притисокот на семејството на Џан, и од трета страна притисокот на Пикасо, кои доведуваат до трагичната смрт на овој голем уметник, чиј живот сам по себе претставува уметност.

The post „МОДИЉАНИ“ ВЕЧЕРВА НА МОТ Претставата е драмски спектакл appeared first on plusinfo.mk.

Станува збор за повеќе од 1,5 милијарди луѓе, објави Би-Би-Си.

ИЛО наведува дека во најголема опасност се оние кои работат неформално и работниците во малопродажниот сектор, производство и прехранбената индустрија.

Веќе две милијарди неформални работници добиле просечно 60 проценти помалку плата во текот на првиот месец од пандемијата.

– За милиони работници, отсуството на приход значи дека нема храна, нема безбедност и нема иднина. Милиони бизниси ширум светот едвај дишат. Тие немаат заштеда или пристап до кредит. Тие се вистинските лица на светот на трудот. Ако не им помогнеме, тие едноставно ќе пропаднат – изјави генералниот директор на ИЛО Гај Рајдер.

The post Меѓународната организација на трудот алармира: 1,5 милијарди луѓе во ризик да загубат средствата за живот appeared first on plusinfo.mk.

– Од мерките за стопирање на бизнисот целосно или делумно досега се погодени околу 2,7 милијарди работници, што претставува околу 81% од глобалната работна сила – велат експертите.

Во исто време, авторите на извештајот сè уште не се посветени на предвидување на растот на невработеноста за 2020 година, нагласувајќи дека „загубите ќе зависат многу од развојот на пандемијата и мерките за спротивставувањето од нејзиното влијание“.

Според предвидувањата на МОТ објавени порано, се очекува бројот на невработени да се зголеми за 25 милиони до крајот на оваа година. Сепак, организацијата сега верува дека невработеноста како резултат на пандемијата „ризикува значително да се зголеми“.

Во однос на моменталната состојба на пазарот на трудот, МОТ го свртува вниманието кон „катастрофалните штети кои ќе бидат нанесени врз бизнисите во голем број економски сектори“, особено на малите бизниси. Поради оваа причина, „милиони работници се ранливи од загубата на приходи или намалувања“. Работниците во секторот на мало, производство и угостителство се особено изложени на ризиците. 1,25 милијарди луѓе се вработени во области со особено висок економски ризик, се потсетува во извештајот.

МОТ повикува на поголеми мерки од страна на државите за поддршка на бизнисот, одржување на вработеноста и приходите, стимулирање на економскиот развој, создавање работни места и изнаоѓање решенија преку дијалог меѓу владите, работниците и претприемачите. Гај Рајдер, генерален директор на МОТ, рече во врска со објавувањето на извештајот, „има потреба да се изнајдат решенија што ќе им помогнат во сите сегменти на глобалното општество, особено најранливите“.

– Преземањето на соодветни мерки може да ги намали ефектите од кризата – заклучи тој.

The post Од коронавирусот се погодени 81 процент од работниците ширум светот appeared first on plusinfo.mk.