Рускиот министер за надворешни работи Сергеј Лавров го коментираше конфликтот меѓу САД и Европа околу иднината на Гренланд, доведувајќи го во прашање сегашниот статус на островот како дел од Данска.

– Гренланд не е природен дел од скандинавското кралство – изјави на годишната прес-конференција во Москва.

Тој додаде дека проблемот со поранешните колонијални територии сега станува сè поизразен.

Лавров нагласи дека Москва нема интерес да се меша во прашања поврзани со Гренланд и дека Вашингтон знае дека Русија нема планови да ја преземе контролата врз островот, спротивно на тврдењата на американскиот претседател Доналд Трамп.

– Москва ја следи сериозната геополитичка ситуација околу Гренланд – рече Лавров.

НАТО, додаде тој, треба да донесе одлука за Гренланд во рамките на самата алијанса.

The post ГРЕНЛАНД НЕ Е ПРИРОДЕН ДЕЛ ОД ДАНСКА Москва нема интерес да се меша околу арктичкиот остров appeared first on plusinfo.mk.