Залутано зрно од огнено оружје оштетило автомобил во скопското село Морани. Сопственикот на куќата го забележал оштетувањето додека седел во својот двор.

Случајот бил пријавен на 27 август, околу 23.15 часот. Педесет и тригодишниот Џ.Т., со престој во Морани, рекол дека десетина минути претходно седел во дворот.

Тогаш забележал оштетување од залутано зрно на „мерцедес“. Возилото било со скопски регистарски ознаки и било сопственост на неговиот брат.

Екипа на СВР Скопје извршила увид. Полицијата презема мерки за расчистување на случајот.

The post СЕДЕЛ ВО ДВОР, ЗАЛУТАНО ЗРНО УДРИЛО ВО „МЕРЦЕДЕСОТ“ Необичен случај во скопско Морани appeared first on plusinfo.mk.

Дваесетгодишник од Студеничани се обидел со „фолксваген голф“ да избега од полицијата, но бегството завршило со удар во бетонски ѕид и во полициско возило, информира МВР.

Во понеделникот, 24 август, Б.А. не застанал на знак даден од полициски службеници и продолжил да вози.

Набргу потоа со „голфот“ удрил во бетонски ѕид. Потоа тргнал наназад и удрил во службена „шкода јети“ на Министерството за внатрешни работи.

Полициски службеници од Единицата за интервентна полиција го привеле во 17.25 часот.

Дополнителните проверки покажале и зошто 20-годишникот бил баран. Според МВР, за Б.А. била издадена судска наредба за издржување двегодишна затворска казна. Тој бил осуден за кривични дела по членовите 292 и 288 од Кривичниот законик.

The post СО „ГОЛФ“ БЕГАЛ ОД ПОЛИЦИЈАТА, УДРИЛ ВО ЅИД, ПА ВО СЛУЖБЕНО „ЈЕТИ“ Потера во Морани завршила со апсење на 20-годишник  appeared first on plusinfo.mk.

Шеснаесетгодишник од скопското село Морани е приведен откако, според полицијата, по расправија во селото, нападнал 18-годишен млад човек и го повредил со нож.

Инцидентот се случил на 10 април 2026 година околу 20:25 часот, кога по претходна вербална расправија меѓу двајцата, ситуацијата ескалирала во физички напад.

Повредениот, 18-годишниот Х.Д. од истото село, бил итно пренесен во приватна болница во Скопје, каде му биле констатирани тешки телесни повреди.

По нападот, полициски службеници од СВР Скопје го лишиле од слобода малолетникот, а ножот што бил користен во инцидентот бил пронајден и одземен за понатамошна постапка.

Од полицијата информираат дека по целосно документирање на случајот ќе биде поднесена соодветна пријава против осомничениот.

The post КРВАВ ИНЦИДЕНТ ВО MOРАНИ Малолетник со нож нападнал 18-годишник, повредениот заврши во болница appeared first on plusinfo.mk.

Вечерва избувна пожар на ридот над скопското село Морани.

Според информациите од директорот на Дирекцијата за заштита и спасување, Стојанче Ангелов, упатени се екипи на терен, а тргаат и неколку пинцгауери.

The post 📷 ГОРЕШЕ ШУМАТА НАД СКОПСКО МОРАНИ, СЕГА Е ИЗГАСНАТ ПОЖАРОТ Стојанче го вперува прстот кон дрвокрадците appeared first on plusinfo.mk.

27-годишниот С.Ј. од селото Студеничани го загуби животот во тешка сообраќајна несреќа што се случила синоќа во 22:20 часот на регионалниот пат Драчево–Катланово, во атарот на селото Морани.

Како што информираат од СВР Скопје, патничко возило од марката „Фолксваген Бора“ со скопски регистарски таблички, управувано од загинатиот возач, излетало од коловозот и удрило во рефлектирачко столбче, патна ограда и бандера, која паднала врз автомобилот.

Возачот починал на самото место, а смрт констатирал лекар од Итната медицинска помош. Во несреќата тешко е повреден и сопатникот во возилото, 22-годишниот Џ.Т., исто така од село Студеничани, чии повреди се констатирани во Градската општа болница „Св. Наум Охридски“ во Скопје.

По наредба на јавен обвинител, телото на починатиот е предадено на обдукција, а увид на местото на несреќата извршила екипа на СВР Скопје.

Во тек се истражни дејствија за утврдување на причините за несреќата.

The post ВОЗИЛО ИЗЛЕТА ОД ПАТ И УДРИ ВО БАНДЕРА Возачот загина на лице место, сопатникот со тешки повреди appeared first on plusinfo.mk.

Во престрелка што денеска се случи на влезот во скопското село Морани, општина Студеничани, е повредено едно лице, информираат од Министерството за внатрешни работи (МВР).

„Денеска во 15:15 часот во Секторот за внатрешни работи (СВР) Скопје е пријавено дека на влез во селото Морани, скопско е пукано со огнено оружје при што едно лице се здоби со повреди. Пренесено е во болницата Свети Наум Охридски во Скопје за укажување на помош“, се вели во соопштението на полицијата.

Полициски службени од СВР Скопје, информираат од МВР, се наоѓаат на местото на настанот и преземаат мерки за пронаоѓање на сторителите и расчистување на случајот.

The post ПРЕСТРЕЛКА НА ВЛЕЗОТ ВО СКОПСКО МОРАНИ Едно лице е повредено appeared first on plusinfo.mk.

Маж и жена загинаа откако нивната куќа изгорела во пожар во скопската викенд населба Морани. За жал, соседите не можеле да им помогнат поради тоа што немало вода во населбата поради уличен дефект.

Пожарот избувнал рано изутрина, а соседите веднаш ја алармирале пожарната служба. Меѓутоа, обидите на локалните жители да го изгаснат пламенот биле неуспешни, бидејќи водата од водововот била недостапна. Пожарникарите кои пристигнале на местото на настанот ги нашле телата на двајцата загинати, кои не успеале да се спасат од огнената стихија.

– Рано утринава околу 4 часот во СВР Скопје е пријавено дека во селото Морани, во викенд населбата гори куќа, сопственост на Р.Н. (66). На лице место се упатени полициски службеници и екипа на Бригадата за противпожарна заштита. Во куќата се пронајдени две тела, а по наредба на јавен обвинител, телата се предадени за обдукција. Во 09.30 часот пожарот бил изгаснат – велат од полицијата за Плусинфо.

Причината за пожарот сè уште не е утврдена. Полицијата спроведува истрага за целосно разјаснување на настанот.

Од ЈП Водовод и канализација утрово соопшија дека 08 часот без вода ќе бидат корисниците од викенд населбата Морани поради уличен дефект на улицата 6/бб. Водоснабдувањето ќе биде прекинато до санација на дефектот.

The post МАЖ И ЖЕНА НОЌЕСКА ИЗГОРЕЛЕ ВО ПОЖАР ВО СКОПСКО МОРАНИ Соседите не можеле да ги спасат зашто немало вода во населбата appeared first on plusinfo.mk.