Марко Ѓорѓиевски, Петар Миланов, Адам Велков и неговиот татко, оперскиот баритон Ристе Велков, се четирите жртви во стравичната сообраќајна несреќа што се случи ноќта спроти петокот на скопската обиколница кај клучката Мирковци. Животите на Марко, Петар и Адам згаснаа на само 20 години, додека Ристе Велков загина на 51-годишна возраст.

Несреќата се случи кога 76-годишен возач од Косово, управувајќи камион „МАН“ со полуприколка, изгубил контрола врз возилото, ја пробил заштитната ограда и преминал во спротивната насока, по што директно се судрил со автомобил „БМВ“ во кој биле четворицата.

Од сударот настанал пожар во двете возила од кој патничкото возило и кабината на влекачот целосно изгореле. Пожарот бил изгаснат од екипа на Бригадата за противпожарна заштита Скопје.

По наредба на јавен обвинител возачот Б.Б. е лишен од слобода и задржан во полициска станица. По целосно расчистување и документирање на случајот ќе биде поднесена соодветна пријава.

ЗАГИНАА БАРИТОНОТ РИСТЕ ВЕЛКОВ И НЕГОВИОТ СИН Познатиот оперски пејач меѓу жртвите на скопската обиколница

The post МАРКО, ПЕТАР И АДАМ ИМАА САМО ПО 20 ГОДИНИ, ЖИВОТОТ БЕШЕ ПРЕД НИВ Познат идентитетот на загинатите во страшната сообраќајка на скопската обиколница appeared first on plusinfo.mk.

Прославата на деветтиот роденден во парк во римскиот кварт Фидене се претвори во ужас кога група врсници брутално го претепаа славеникот со палки.

Момчето беше итно префрлено во болница со сериозни повреди, каде што било оперирано, пишува италијански „Кориере“.

Детето е хоспитализирано во Универзитетската болница Умберто I поради фрактура на лицето.

Иако неговиот живот не е во опасност, лекарите сè уште се претпазливи со својата прогноза.

Нападот се случил во петокот, додека момчето го славело својот роденден со пријатели и родители.

Полицијата интервенирала кратко време по повикот и ги идентификувала напаѓачите, три момчиња на возраст од само седум, девет и единаесет години.

Случајот веднаш бил пријавен во Обвинителството за малолетници. Истражителите сега се обидуваат да ги утврдат точните околности и мотиви на нападот.

Бидејќи се помлади од 14 години, напаѓачите не се кривично одговорни.

Сепак, поднесени се обвиненија за да се утврди евентуалната одговорност на нивните родители, за кои не е познато дали биле присутни во паркот во времето на нападот.

Според достапните информации, тројцата малолетници потекнуваат од семејства со странско потекло кои живеат во областа.

The post ДЕЦА-МОНСТРУМИ ПРЕТЕПАА МОМЧЕ (9) СО ПАЛКИ НА НЕГОВИОТ РОДЕНДЕН Напаѓачите се на возраст од 7, 9 и 11 години и му го скршија лицето на славеникот appeared first on plusinfo.mk.

Невролошките студии покажуваат дека девојчињата се развиваат побрзо во деловите од мозокот одговорни за емоциите и комуникацијата, што ги прави повешти за психолошко надмудрување.
Иако суровото однесување постои и кај двата пола во детството и меѓу врсниците, начинот на кој тоа се манифестира е различен.

Девојчињата се со поголема веројатност да бидат вербално и емоционално агресивни, што може да има подолготрајни последици. Момчињата се физички погруби и имаат различен модел на однесување. Воспитувањето, биолошките фактори и социјалните норми играат клучна улога во овие разлики.

Престиж, докажување, доминација: Зошто девојчињата и момчињата покажуваат поагресивно однесување

Децата се невини, нерасипани и сакаат со чисто срце, но кога првпат ќе влезат во група, понекогаш почнуваат да покажуваат помалку пожелно однесување.

Секако, во повеќето случаи тоа се минливи епизоди на желба за престиж, доминација или самопромоција, кои децата, особено на рана возраст, не знаат добро да ги канализираат бидејќи процесот на нивното созревање допрва почнува.

Прочитајте повеќе на „Мајка и дете“.

The post ДЕВОЈЧИЊАТА СЕ ПОСУРОВИ И ПОСКЛОНИ КОН ЕМОТИВНИ УЦЕНИ Престиж, докажување и доминација меѓу врсниците appeared first on plusinfo.mk.

Инцидентот се случил околу еден час по полноќ. Полицијата тврди и дека тројца од нив биле под дејство на алкохол и затоа синоќа не биле во можност да дадат изјава.

Петрит Фејза од косовската полиција за северниот регион, за Коснет изјави дека младите момчиња на градското шеталиште прво навредувале, а потоа нападнале двајца полицајци, по што си заминале. Еден од полицајците, тврдат од полицијата, се здобил со телесни повреди.

Таткото на едno од младите момчиња, Срѓан Јовиќ, за српските медиуми изјави дека неговиот син бил повреден од припадниците на косовската полиција при апсењето, а тој сега се наоѓа во станица во јужниот дел на градот.

– Беа однесени во полициска станица во јужниот дел, им е одреден притвор. Ја ангажиравме адвокатката Јелена Кривокапиќ и сега чекаме да го однесат кај обвинител. Не сум бил во контакт со мојот син. Адвокатот зборуваше и вели дека има рани по телото, дека има повреди. Ќе видиме колку е сериозно, чекаме изјава – рече Јовиќ.

Тој додаде дека и неговиот син му рекол на адвокатот дека не е виновен за тоа што го обвинуваат и дека пред, како што тој тврди, бруталното апсење и физичкиот напад врз нив имало само вербален конфликт.

Од ноќеска на интернет кружат видеа од апсењето, а некои граѓани тврдат дека овие млади момчиња биле тепани пред и за време на апсењето.

BREAKING
Around midnight so called “Kosovo police” had brutaly beaten up and arrested young man of Serbian nationality. “Police” also arrested a Serb, Lekić, who filmed what happened on his phone. Right now, all 4 are in prison in Kosovska Mitrovica. pic.twitter.com/jACrq0Kt7v

— Зоран Ђуровић (@Z21737868Z) September 10, 2024

Косовската полицијата негира дека имало примена на сила, но нагласува дека таа има право да употреби сила доколку лицето кое е предмет на апсење даде отпор или бега.

Уапсените млади момчиња во моментов се наоѓаат во станицата во Јужна Митровица.

Фејза вели дека таму било констатирано дека тројцата биле под дејство на алкохол, и дека им е одреден притвор до 48 часа.

– Бидејќи биле под дејство на алкохол, синоќа не можеа да дадат изјава. Затоа тие се приведени, па нивните изјави за овој настан ќе бидат земени денеска. После тоа ќе се одлучи што понатаму – изјави Фејза за Коснет.

Српската владина канцеларија за Косово и Метохија денеска соопшти дека апсењето и тепањето на тројца Срби во Косовска Митровица ја одразува антисрпската политика на косовскиот премиер Албин Курти и тортурата што секој ден ја трпат и ја доживуваат Србите на северот на Косово, пред очите на целата меѓународна заедница.

„Постојат недвосмислени докази за тоа – снимени болни сцени во кои се гледаат полицајците на Курти како фрлаат српски млади момчиња на земја и ги тепаат и влечат 10 минути, додека тие викаат, а потоа ги приведуваат со вперени долги цевки“, се наведува во соопштението на Канцеларијката.

Оттаму наведуваат дека бил приведен и „Србинот кој го снимал мачењето“ за да се отстранат трагите и доказите за полициската бруталност, „кои, за среќа, биле зачувани“.

„Посебно загрижува тоа што на родителите не им беше дозволено да ги видат децата, ниту пак српскиот медицински тим да ги посети и да ги прегледа, со оглед на тоа што младите беа жртви на докажана полициска бруталност“, соопшти Канцеларијата за Косово и Метохија.

The post 📽 ИМАШЕ ЛИ ПОЛИЦИСКА БРУТАЛНОСТ? Излезе снимка од апсењето на момчиња во Косовска Митровица appeared first on plusinfo.mk.

А потоа, во некој момент стапува на сцена она глупо воспитување, воспитување според кое на момчињата не им се дозволува да плачат, не смеат да покажуваат чувства, не смеат да ги гушкаат другарите…

Тие стануваат силни, мажествени момчиња.

Тоа е особено видливо и особено опипливо на нашите простори, каде што особено се ценат таквите мажи.

И тоа веќе со децении наназад.

Но, денес знаеме подобро.

Повеќе за ова прочитајте на порталот „Мајка и дете“.

The post ЗА ТОКСИЧНАТА МАШКОСТ И МАЛИТЕ МОМЧИЊА Не, не треба да воспитуваме цврсти момци appeared first on plusinfo.mk.

Полицајци од СВР Тетово утрото во еден часот по полноќ привеле две лица откако добиле пријава дека со автомобил оделе низ тетовски села, во период на предизборен молк и лепеле плакати за претстојните претседателски избори.

„19-годишникот и малолетникот биле затекнати во тетовското село Синичане и двајцата од истото село, како поставуваат пропагандни материјали за кандидат за претседател на претстојните претседателски избори. Со нив е извршен службен разговор во полициското одделение-Камењане, известен е јавен обвинител и се преземаат мерки за расчистување на случајот“, соопшти полицијата.

Молкот ќе биде на сила и утре додека не заврши гласањето.

The post ТИНЕЈЏЕРИ ЛЕПЕЛЕ ПЛАКАТИ ВО ИЗБОРЕН МОЛК Полицијата ги уапси момчињата appeared first on plusinfo.mk.

– Мислам дека Владимир Путин ќе продолжи да маршира низ Европа ако му се дозволи тоа. Мислам дека Балканот би можел да биде следен, а тој исто така би можел да има пресметка со Полска или со некој од нашите сојузници во НАТО – им рече Џонсон на новинарите во Конгресот.

Како што пренесува Њузвик, тој додаде дека попрво би испратил куршуми во војната против Русија отколку „американски момчиња“.

– Да бидам искрен, повеќе би сакал да испратам куршуми во Украина отколку американски момчиња. Мојот син ќе ја започне Поморската академија оваа есен. Ова е вежба со боева муниција за мене, како и за многу американски семејства – рече Џонсон.

Тој посочи дека обезбедувањето помош за Украина е од клучно значење.

– Верувам дека Си Џинпинг, Владимир Путин и Иран навистина се оска на злото – рече Џонсон.

The post „ПУТИН ЌЕ МАРШИРА НА БАЛКАНОТ“ Претставник на американскиот Конгрес алармираше да се испрати муниција во Украина appeared first on plusinfo.mk.

Демири истакна дека со оваа вакцина ќе се понуди поквалитетна превенција од хуман папилома вирус (ХПВ) инфекции, за преканцерозни лезии, како за карцином на грлото на матката.

– Се работи за успех постигнат заедно со нашите меѓународни партнери, усогласување на законската регулатива и следење на патот кон Европската Унија. Граѓаните на Европа и САД го имаат ова право веќе подолго години, сега се овозможува и кај нас. Нова вакцина, која во светот веќе се користи подолго време. Со оваа вакцина ќе понудиме поквалитетна превенција за ХПВ инфекции, како и за преканцерозни лезии, како и за карцином на грлото на матката. Ова, според истражувањата во светот каде се аплицира вакцината со години и е намален бројот на случаи – појасни министерот Демири.

Истакна дека е важно што оваа вакцина ќе биде достапна и за младите момчиња.

– Во рок од еден месец, во секој вакцинален пункт, ќе биде достапна за младите генерации за да бидат вакцинирани и побезбедни – најави Демири.

Министерот го нагласи ангажманот на Министерството, кое, како што истакна, се грижи за здравјето, пред сѐ за превенцијата.

– За заболувања за кои има вакцини, треба секое дете да биде вакцинирано. Така ќе градиме посигурен здравствен систем. Подобро е да се спречи, отколку да се лечи – подвлече Демири.

The post НОВА ДЕВЕТВАЛЕНТНА ХПВ ВАКЦИНА Од следниот месец покрај девојчињата имунизација ќе се врши и на момчињата appeared first on plusinfo.mk.

Девојчињата почесто се предмет на врсничко насилство од момчињата, а околу 20 проценти од сите ученици трпеле онлајн врсничко насилство во изминатата година, покажува анкетата спроведена во средините училишта во Македонија што ја изработи Институтот за човекови права.

Мартин Сопронов од Институтот за човекови права (ИЧП), на настанот „Борба против онлајн врсничко насилство врз девојчињата“ што се одржа во Европска куќа појасни дека девојчињата најчесто вршат онлајн насилство врз другите девојчиња поради љубомора, а момчињата најчесто вршат онлајн насилство врз девојчињата поради забава или поради покажување моќ. Речиси половина од учениците сметаат дека девојчињата се многу посклони да се сметаат за предмет на онлајн врсничко насилство.

Според анкетата, озборувањето е доминантен облик на онлајн врсничко насилство, со 35,8% од вкупниот број потврдени или можни случаи. Озборувањето повеќе ги погодува девојчињата. Од друга страна, пак, момчињата почесто добиваат несакани пораки на социјалните мрежи и почесто се предмет на игнорирање и на социјално исклучување во споредба со девојчињата.

– Според согледувањето на децата, иако професорите и административните работници во училиштата ги препознаваат оние кои вршат врсничко насилство, поради премногу работни обврски, честопати се откажуваат од преземање какви било чекори и ги оставаат процесите да се одвиваат стихијно. Доколку се смири ситуацијата, во ред, а ако ескалира, тогаш преземаат чекори – вели Сопронов.

Тој дополнува дека и да се охрабрат да пријават, тој процес не е анонимен и заштитен, па лесно протекуваат информациите. Истите жртви дополнително стануваат предмет на онлајн врсничко насилство или на врсничко насилство.

Најчест мотив кај момчињата поради кои вршат онлајн врсничко насилство е за да покажат моќ, но и поради шега, а најчест мотив заради кој девојчињата вршат онлајн врсничко насилство е одмаздата, но, исто така, силно застапени се и омразата и завидливоста.

Учениците го минуваат слободното време на социјалните мрежи повеќе од 4 часа, а девојчињата во просек минуваат околу 1 час дневно повеќе од момчињата. Децата најмногу ја користат социјалната мрежа Инстаграм, па Тик Ток, а трета е Јутјуб. По нив следат Снапчет, Фејсбук, Икс (претходно позната како Твитер) и Телеграм.

Нема полова разлика во однос на сексуалното вознемирување како облик на онлајн врсничко насилство.

Околу насилството базирано на етничка основа, една третина од учениците Роми рекле дека се предмет на онлајн врсничко насилство, што е многу повеќе од насилството кое го трпи која било друга етничка заедница.

Анкетата е спроведена во рамки на проектот „Борба против сајбер булинг врз девојчиња“, финансиран од Канадската амбасада во Белград, Србија. Анкетата е спроведена во 18 училишта од осумте плански региони низ државава со пополнување прашалник од страна на 1.017 ученици од трета и четврта година.

The post ДЕВОЈЧИЊАТА СЕ ОГОВАРААТ, МОМЧИЊАТА СЕ БЛОКИРААТ Нема милост на социјалните мрежи appeared first on plusinfo.mk.

Грчката полиција трага по двајца државјани на Албанија, кои и претходно ѝ биле познати на полицијата, поради сомнение дека се обиделе да ги убијат тројцата млади криќани.

Според очевидци, жртвите и нивните пријатели стоеле на улица недалеку од еден локал, кога осомничените со џип агресивно поминале покрај нив, на што тројцате реагирале со негодување. По кратко довикување, џипот „ленд ровер“ застанал и почнала расправија, а веднаш потоа и физичка пресметка. Во еден момент, едниот од осомничените извадил пиштол и ладнокрвно ги застрелал тројцата момци во глава, што било снимено од камерите.

Благодарение на брзата интервенција на медицинските екипи тројцата се префрлени живи во болница, каде им е пружена медицинска помош. Едно од момчињата е во особено тешка состојба, било оперирано во текот на ноќта, но неговиот живот е во опасност. Неговиот брат и пријателот, кои исто така беа застрелани, се во тешка, но стабилна состојба, јавуваат грчки медими.

Полицијата трага по осомничените кои според грчките медиуми и полицијата, се државјани на Албанија. Според „Прототема“, „ренџ роверот“ со кој се возеле наводно бил изнајмен од компанија за лизинг. Напаѓачите го искористиле за да избегаат во непознат правец по пукањето.

The post 📽 (ВОЗНЕМИРУВАЧКО ВИДЕО) МРТОВ ЛАДЕН ИМ ПУКАШЕ ВО ГЛАВА ЗАШТО „ПОПРЕКУ ГО ПОГЛЕДНАЛЕ“ Албанец застрела тројца млади Грци во Атина appeared first on plusinfo.mk.