– Тој сам решил да го изврши злосторството. Ние немавме влијание на тоа, ниту знаевме ништо. Секое утро се молам за загинатите. Не сум виновен, го воспитав да биде добро дете – изјави Владимир Кецмановиќ, таткото на момчето.

Слична изјава имаше и мајката Миљана. Според „Блиц“ и таа ја негирала вината.

– Нема зборови да ја изразам мојата тага за се што се случи. Не сакам повеќе да коментирам – рече таа.

Тие рекоа и дека „не ги прифаќаат обвинувањата дека го малтретирале и запоставиле нивниот син“, додавајќи дека „направиле сè за него“.

Главниот јавен обвинител на Вишото јавно обвинителство во Белград, Ненад Стефановиќ, побара од судот да ги осуди Владимир и Миљана Кецмановиќ на максимални законски казни. Упатувајќи го последниот говор на судењето пред Високиот суд во Белград, Стефановиќ за Владимир Кецмановиќ предложи казна од 12 години затвор за кривично дело против општа безбедност и три години затвор за кривично дело запуштање и злоупотреба на малолетно лице, односно единствена казна од вкупно 14 години и 11 месеци затвор.

За Миљана Кецмановиќ главниот јавен обвинител предложи две ипол години затвор и парична казна од 500.000 динари за кривично дело Неовластено изработување, држење, носење и тргување со оружје и распрскувачки материи и три години затвор за запуштање на злоупотреба на малолетно лице, односно единствена казна затвор од пет години и пет месеци.

Обвинителот предложи максимална казна затвор од три години за инструкторот за стрелање Немања Маринковиќ за кривично дело давање лажно сведочење. Дополнително, тој побара судот да му го продолжи притворот на таткото на момчето-убиец со образложение дека тој може да го повтори делото доколку е на слобода и дека тоа ќе ја вознемири јавноста.

Тој побарал и на таткото на момчето да му биде одземено целото огнено оружје што го поседува, додека за Миљана Кецмановиќ предложил продолжување на забраната за приближување, средба или комуникација со нејзиниот син, кој извршил масовно убиство, „бидејќи околностите поради кои оваа мерка беше утврдена и проширена не ја изгубија нивната важност“.

The post САМ РЕШИ ДА ГО ИЗВРШИ ЗЛОСТОРСТВОТО Родителите на Коста К. ги кажаа завршните зборови, се чека пресудата appeared first on plusinfo.mk.

Ова бил одговорот на момчето убиец Коста К. кон мајката на една од жртвите на второто рочиште во Специјалниот суд во Белград. Таа го прашала Коста К. зошто го убил нејзиниот син кој, како што вели, го сметал Коста за свој најдобар пријател, открива новинарката Јелена Спасиќ за српки Курир.

– Не баш – возвратил Коста К.

Кога мајката на убиеното момче презентирала дека има докази дека нејзиното дете, кое е убиено, му помагало на Коста К., тој рече:

– Не се сеќавам.

Според новинарката Спасиќ од сведочењето можело да се добие впечаток дека Коста К. бил љубоморен на секое дете кое било подобро од него.

Таа вели дека кога операторот му го поставил прашањето „зошто го направи тоа“, Коста рекол:

– Затоа што сум психопат.

Спасиќ за српски Курир обзнани и дека на бирото на момчето биле  пронајдени два пиштоли „ерсофт“ на гас, односно пелети, но тој објаснил дека нема муниција за тоа.

–  Во неговиот ранец бил пронајден и направен молотов коктел којшто го донел на училиште и не е тајна дека сето тоа го испланирал. Но, придонесот на неговиот татко, кој го однел на стрелиште, секако бил голем. Своевремено, 13-годишниот убиец рекол дека татко му го повикал во стрелиштето за да се зближат, гледаме дека тоа не функционирало. Сведочеа наставници и училишни работници и рекоа дека не виделе ништо необично во него, дека бил добар ученик и дека бил љубезен.

Денеска во Специјалниот суд во Белград продолжува судењето на родителите на Коста К. кој лани на 3 мај пукаше во основното училиште „Владислав Рибникар“ и уби девет ученици и еден чувар, додека пет ученици и професорка по историја беа ранети.

Момчето ќе продолжи да сведочи и да одговара на прашања на родителите на жртвите, но и на своите.

Коста К. имаше можност да не сведочи како специјален сведок на судењето против неговите родители, но тој се согласи да одговара на прашањата.

The post ЗАТОА ШТО НЕ ИМ ПОМАГАШЕ НА ДРУГИТЕ ДЕЦА Коста К. го застрелал и момчето кое го сметало за пријател appeared first on plusinfo.mk.

– Не ги видов сликите по 3 мај минатата година – изјавил тој на распитот, според неофицијални информации.

– Не сакам да ги гледам, не ми е пријатно – изјавил Коста К. на распитот.

Тој денеска треба да сведочи е на второто рочиште од случајот против неговите родители, а прашања ќе му поставуваат родителите на жртвите. Тој повторно ќе биде донесен во најголемата судница на Специјалниот суд во Беглрад со Брза помош, во придружба на полиција од клиниката каде престојува од 3 мај 2023 година.

Пред десетина дена започна судењето против неговите родители Владимир и Миљана Кецмановиќ. На рочиштето, Коста К., одговарајќи на прашања на обвинителството, судот и на адвокатите, рече дека ги извршил убиствата бидејќи ѝ бил лут на сопствената мајка, дека се чувствувал отфрлен во училиштето, но и дека немало да го изврши масакрот доколку немал пристап до сефот со оружје на неговиот татко.

Коста К. правел долги паузи пред да ги даде одговорите.

На конкретно прашање на мајката на еден од убиените ученици „зошто го убил нејзиното дете“, Коста К. изјавил дека „не сака да им помага на другите“.

– Кога таа го соочила со фактите дека нејзиниот син не само што бил талентиран и сакан во општеството, туку и дете кое му помагало на секој што барал помош, вклучително и на врсникот што го убил, тој одговорил: „Не се сеќавам на тоа, што зборуваш“ – вели соговорникот на Курир, откривајќи детали од провото рочиште кое беше крајно потресно за родителите на убиените деца.

Пред злосторството, според сопственото признание, Коста К. отишол на стрелиште со својот татко и почнал да забушава во училиште „бидејќи бил заљубен и не размислувал многу за обврските“.

Тој раскажа дека на 1 мај минатата година зел два пиштоли на татко му и ги ставил во училишниот ранец. Како што изјавил, донел и 92 куршуми и „планирал сите да ги употреби“. Признал дека планирал да доцни на првиот час за учениците да бидат во училницата, но и дека кога стигнал во училиштето за момент се двоумел, но потоа ја започнал крвавата гозба.

– Додека бев во училницата, не видов во кого пукам. Не препознав никого пред да го повлечам чкрапалото. Ми кажаа дека наставничката е ранета, па знам дека била во училницата, но тогаш не ја препознав – изјавил малолетниот убиец.

За време на сослушувањето, момчето убиец призна дека првиот чекор во планирањето на грозоморниот масакр е „правење скица на училиштето“.

– Скицата на училиштето и планот за убиство ги направив на моето биро. Можеби две или три недели пред вистинскиот настан. Тоа беше првиот чекор во планирањето на убиството. Направив и список на деца за кои би било во ред да ги застрелам, но списокот порасна на 22 или 23 имиња, па се откажав од него – изјави во грозоморната изјава момчето убиец.

На прашањето дали повеќе пукал во момчиња или девојчиња, тој одговорил:

– Беше… Не беше важно. Иако знам дека има повеќе погодени девојки.

Таткото Владимир Кецмановиќ е обвинет за  тешко кривично дело против општата безбедност, односно затоа што неправилно го чувал оружјето во неговиот стан, но и затоа што водел до стрелиштето и учел да пука.

ДНК од мајката на Коста К. беше пронајдена на чаурата во училницата каде што тој пукал во своите врсници.

The post НЕ САКАМ ДА ГИ ГЛЕДАМ ФОТКИТЕ ОД ЖРТВИТЕ Коста К. денеска ќе сe соочи со родителите на убиените деца appeared first on plusinfo.mk.

Владимир и Миљана Кецмановиќ, родителите на момчето убиец од Србија против кои се води судски предмет побарале на следното судење на 17 октомври да го испрашаат својот син, пренесува агенцијата Танјуг.

Коста Кецмановиќ во понеделникот за првпат зад стаклен параван сведочеше во случајот против родителите, обвинувајќи ги за злосторот кој го изврши во своето основно училиште во населбата Врачар во Белград. На рочиштето беше драматично, дел од родителите на жртвите ги бришеле своите солзи, а во еден момент била направена пауза кога Коста ја сменил бојата на лицето.

• НА КОСТА К. МУ СЕ СЛОШИЛО ЗА ВРЕМЕ НА СВЕДОЧЕЊЕТО Лекарите интервенирале, судењето продолжува

Како што пренесоа српските медиуми, Коста К. на рочиштето посочил дека „масакрот го извршил поради неговата мајка Миљана Кецмановиќ, која инсистирала тој да биде најдобар од сите“.

– Беше лута што не бев најдобар. Бев лут на неа затоа што постојано го бараше тоа, а тоа влијаеше да го извршам масакрот. Таа ми викаше и ме притискаше – истакна момчето убиец.

• СЕ ЧУВСТВУВАВ ОТФРЛЕН, ЗАТОА ГО СТОРИВ ТОА Коста К. одговори на прашањето кое ги мачи родителите на жртвите

Според информациите на српскиот портал Република, Коста го спомнал и пиштолот на татко му со кој пукал во своите врсници.

– Да го немав пиштолот на татко ми, немаше да го сторам ова – рекол Коста.

На 3 мај минатата година малолетниот Коста К. застрела 9 соученици и еден чувар во училиштето „Владислав Рибникар“.

Тој во понеделникот четири часа одговараше на прашањата на судијата, обвинителот, адвокатите на оштетените, а одговарал и на прашања на член на семејството на убиените.

The post РОДИТЕЛИТЕ НА КОСТА К. ПОБАРАЛЕ ДА ГО ИСПРАШААТ Ќе биде тензично на следното рочиште appeared first on plusinfo.mk.

Ова, како што неофицијално дознава Курир, го изјавил малолетниот убиец од основното училиште „Владислав Рибникар“ денеска пред Специјалниот суд во Белград, за време на сведочењето во судската постапка против неговите родители на момчето убиец.

Денешниот распит на момчето убиец Коста К. заврши, а следниот е закажан за 17 октомври.

Како што јави репортерот на српска ТВ Прва пред судот, вештаците оцениле дека е точно она што досега го кажал Коста К. додека одговараше на прашања и дека исказот е доволен за неговите родители Владимир и Миљана Кецмановиќ да бидат осудени во судскиот процес против нив.

Сите присутни оценија дека ова судење е едно од најдраматичните.

Некои од родителите на жртвите биле бесни, додека други плачеле и ги бришеле солзите. Родителите на жртвите се наоѓале во третата просторија од судницата, која била одвоена со стакло од кутијата во која биле родителите на Коста К.

Куса изјава за медиумите даде адвокатот на семејствата на убиените деца Огњен Божовиќ.

– Не знам што да ви кажам без да го повредам фактот што јавноста е исклучена од судењето. Во суштина, не треба да зборувам за процесот или за деталите за тоа што се случува во судницата. За жал, тоа е она што можам да го споделам со вас – накратко рече Божовиќ.

Момчето убиец кое престојуваше во специјална здравствена установа од 3 мај минатата година кога уби девет соученици и чувар во училиштето во Врачар, денеска во придружба на лекар беше донесен на исказ.

Коста К. можеше да одлучи да не сведочи против неговите родитеите, но на прашање на судијата рече дека сака.

Во врска со причината за масакрот Коста К. денеска изјави дека тој се чувствувал отфрлен во училиштето.

The post МАЈКА МИ Е КРИВА, ПОСТОЈАНО МИ ВИКАШЕ Драматичен крај на првото рочиште во кое сведочеше Коста К. appeared first on plusinfo.mk.

Лекарите го прегледале, му го измериле притисокот, па сослушувањето на тинејџерот продолжило.

„Судијата го праша сведокот како се чувствува и дали може да продолжи да одговара на прашања, на што тој одговори потврдно. Бидејќи и лекарите констатираа дека неговата здравствена состојба не е нарушена, распитот продолжи“, откри изворот на Курир.

Сведочењето на малолетниот убиец за злосторството почна нешто по 10 часот. Со две кратки паузи тој одговара на прашања речиси три часа. Тој сведочи под затемнето непробојно стакло во самата судница. Родителите на жртвите подготвиле повеќе од 250 прашања за него.

• СЕ ЧУВСТВУВАВ ОТФРЛЕН, ЗАТОА ГО СТОРИВ ТОА Коста К. одговори на прашањето кое ги мачи родителите на жртвите

На прашањето зошто го извршил масакрот тој рече дека се чувствувал отфрлен на училиште.

Коста Кецмановиќ е заштитен сведок во случајот против неговите родители.

Момчето на 3 мај минатата година уби девет врсници и еден обезбедувач во основното училиште „Владислав Рибникар“ во населбата Врачар во Белград.

Како што неофицијално дознава Курир, до сега момчето убиец било испрашувано од адвокати, од судскиот совет и од обвинител, а моментално се очекува да почнат испрашувањата од родителите на жртвите.

The post НА КОСТА К. МУ СЕ СЛОШИЛО ЗА ВРЕМЕ НА СВЕДОЧЕЊЕТО Лекарите интервенирале, судењето продолжува appeared first on plusinfo.mk.

– Се чувствував отфрлен и затоа го направив тоа. На 3 мај донесов пиштол за да го направам тоа, но не бев до крај сигурен дека ќе пукам – изјавил Коста Кецмановиќ.

Како што ексклузивно дознава српска Република, Коста Кецмановиќ на прашањата одговарал со пауза од една до две минути.

Српските медиуми известуваат за напнатото прво рочиште каде момчето убиец се јавува како специјален сведок во случајот против неговите родители. Тој утринава под посебни мерки беше донесен во судницата, а сведочи под затемнето непробојно стакло во самата просторија.

Според срспки Мондо, дел од родителите на жртвите на кратко излегле од судницата, но откако си дошле на себе се вратиле да продолжат да го следат рочиштето.

Коста К. се согласи да одговара на прашања, а родителите на жртвите веќе подготвиле повеќе од 250 прашања во случај тој да се согласи да сведочи.

The post СЕ ЧУВСТВУВАВ ОТФРЛЕН, ЗАТОА ГО СТОРИВ ТОА Коста К. одговори на прашањето кое ги мачи родителите на жртвите appeared first on plusinfo.mk.

Момчето ќе биде специјален сведок на судењето на неговите родители.

Како што јавија репортерите на „Блиц“ од местото на настанот, момчето убиец со возило на Брза помош било донесено на задниот влез на Специјалниот суд. Возилото било придружувано од два полициски џипа што ротирале.

Пред Специјалниот суд има вооружени полицајци со пушки кои го обезбедуваат судот и судењето. Исто така, има и неколку полициски возила.

Како што јавуваат новинарите на „Блиц“ од местото на настанот, шокантни се сцените пред и во судот. Секој час пристигнуваат родителите на убиените деца. Во судот влегуваат потиштени, со наведнати глави.

Сo самото тоа што се согласил да сведочи во постапката против неговите родители, Коста К. ќе мора да одговори на секое поставено прашање денеска. Тоа значи дека за разлика од неговите родители кои досега одбиваа да одговорат на прашањата, момчето убиец ќе мора да се изјасни за секое прашање.

Родителите на убиените деца во Рибникар веќе подготвиле повеќе од 250 прашања кои планираат да му ги постават на момчето убиец.

Според новинарката Јелена Спасиќ од српски Курир, донесена е одлука момчето наместо да сведочи од посебна просторија, да застане на говорницата пред судскиот совет, родителите на убиените деца и сопствените родители.

Судската сала е поделена на три дела, а просторот зад говорницата е одделен со непробојно стакло од просторот каде што ќе седат неговите родители. Во близина ќе седат родителите на убиените деца. Главниот обвинител на Вишото јавно обвинителство во Белград, Ненад Стефановиќ веќе е во судница и лично ќе поставува прашања, што е невообичаено.

The post 📽 КОСТА К. ЗА ПРВПАТ ИЗЛЕЗЕ ОД ПСИХИЈАТРИЈА Се појавија први снимки од судењето appeared first on plusinfo.mk.

– Рече дека сакал да излезе и да го „скрши“ испитот, целосно игнорирајќи го фактот дека извршил страшен масакр пред 13 и пол месеци. Неговите постапки не се променети, тој сè уште се однесува арогантно и мисли само за себе – вели извор за српска Република.

Директорот на училиштето „Драган Херцог“ потврди дека нивните осмоодделенци полагаат, но на прашањето за Коста го прекина разговорот.

– „Прогласете ме за луд, или пуштете ме денес“ е реченицата што момчето ја упати до персоналот. Ова го кажа видно изнервиран. Лекарите беа шокирани – вели извор за српски Информер.

Коста К.(14) со месеци покажува рамнодушност и незаинтересираност за сè што направил, а единствено што го интересира се неговите услови на Клиниката за неврологија и психијатрија за деца и млади во Белград каде што се наоѓа.

– Иако е свесен за ситуацијата во која се довел, односно дека се наоѓа на клиника каде има јасни и строги правила, тој не се откажува од своите желби. Последното нешто што го праша ги остави во шок сите присутни, токму поради зборовите што ги изговори – изјави претходно извор од истрагата.

За потсетување, грозоморното злосторство се случи на 3 мај во ОУ „Владислав Рибникар“ во Врачар, кога момчето Коста Кецмановиќ во 08.40 часот вооружено влета во зградата. Тој од вратата на училиштето пукал во обезбедувачот Драган Влаховиќ, кој набрзо им подлегнал на повредите. Момчето потоа нишанило кон трите ученички кои ги убил.

Крвавата гозба на Коста продолжи во кабинетот по историја, каде што имаше час неговто одделение VII/2. Ја ранил наставничката по историја Татјана Стевановиќ, а потоа отворил оган врз другарите. Најпрвин уби пет студенти, а рани уште шестмина.

За жал, уште една ученичка од ОУ „Владислав Рибникар“ по 12 дена борби им подлегна на повредите, со што бројот на жртви се искачи на десет.

The post ПУШТЕТЕ МЕ ДА ПОЛАГАМ ИСПИТ Прогласете ме за луд или денеска да си одам, им велел Коста К. на болничарите appeared first on plusinfo.mk.

Доказите од истрагата покажале дека 12-годишникот кој уби негов врсник во оружениот напад во училиште во Финска однапред го планирал нападот.

Полицијата навела дека тоа е утврдено врз основа на податоците пронајдени во електронските уреди што му биле одземени на осомничениот, пренесува Ројтерс.
„Во прелиминарната истрага се пронајдени докази кои укажуваат дека делото било планирано“ – се наведува во полициското соопштение.

Осомниченото момче кое е во надлежност на социјални работници бидејќи според законот не може кривично да одговара, на распитот се однесувало „пристојно“, а било утврдено и дека им се заканувало на учениците од основно училиште во градот Ванаа во близина на Хелсинки додека бегало по првото пукање.

Полицијата соопшти дека има прелиминарни сознанија за тоа како 12-годишникот осомничен за убиството го набавил пиштолот, кој му припаѓал на близок роднина, но истрагата сè уште е во тек.

Финските медиуми претходно објавија дека осомничениот бил жртва на малтретирање на училиште и дека мотивот за нападот е директно поврзан со насилството што го претрпел на училиште.

Во пукотницата во училиштето „Виертола“ во градот Вантаа во вторникот загина 12-годишно момче, додека две девојчиња а иста возраст се пренесени во болница во тешка состојба.

Напаѓачот бил фатен во Силтамаки, предградие на Хелсинки и не дал отпор при апсењето, соопшти претходно полицијата.

The post МОМЧЕТО-УБИЕЦ ОД ФИНСКА ОДНАПРЕД ГО ИСПЛАНИРАЛО НАПАДОТ Најдени докази во неговиот компјутер appeared first on plusinfo.mk.