Празни продавници со натпис „се издава“ или „се продава“ се почесто се гледаат во центарот, но и во другите делови на Скопје. Слична е состојбата и со старите трговски центри (ГТЦ, „Скопјанка“, „Беверли Хилс“ и „СП Планет“) каде што повеќе од една третина од продавниците зјаат празни. Градежници велат дека оваа појава е актуелна повеќе години како резултат на новиот тренд на купување во молови кои обезбедуваат престој за цело семејство и до нив брзо се стигнува, но и на намалената куповна моќ на граѓаните. Според нив, веќе треба да се размислува и за промена на градежните планови и во станбени објекти освен за канцелариски објекти и дуќани за храна да не се планираат други деловни простори.

Градежниците велат дека моловите го променија начинот на купување на граѓаните, а нивното градење не се темели  на нивната куповната моќ туку на концентрацијата на купувањата на една локација

– Големите трговски центри ги затвораат малите продавници, па макар да се тие и на атрактивни локации во центарот на градот и во таканаречените деловни улици. Шопинг центрите ги сменија куповните навики, па и начинот на користење на слободното време. Во моловите се оди семејно и се троши цел ден. Таму како прво брзо се стигнува, има паркинг простор, игротеки за децата, ресторани и сè што е потребно за непречено купување. Тоа не може да го дадат дуќаните кои се во центарот на градот каде што за да се стигне треба да се паркира на голема оддалеченост. Сето ова ги прави неатрактивни деловните објекти надвор од моловите – вели Никола Велковски, од Здружението на градежници во Стопанската комора.

Според него, една од причините за неатрактивност на овие дуќани е и практиката во главниот град, станови да се користат за деловни канцеларии за да се одбегне плаќање високи сметки за струја и поголеми кирии.

– Во становите се плаќа струја по друга тарифа, но во дуќаните и деловните простории во обврска е да се плаќа индустриска струја чија цена е далеку повисока. Значи и бизнисмените изнаоѓаат начини како да го изиграат законот – вели тој.

Велковски смета дека, со оглед на актуелниот тренд што е практика и во целиот свет, треба да се размислува во плановите за градби на станбени објекти да не се предвидуваат деловни простории.

– Можно е само да се планираат мали простори за продавнички за храна или канцелариски простории, но за продавници со големи површини веќе не треба да се размислува, без разлика во кој дел од Скопје се наоѓа таа зграда. Посебно во централното подрачје каде што се големите молови – додава тој.

Дел до сопствениците на деловен простор во центарот на градот кои се одлучиле да ги продадат или издадат недвижнините, велат дека поради пандемијата и работата од дома нивните клиенти го намалуваат периодот на изнајмување на објектите или ги раскинуваат порано договорите.

– Не е во прашање цената на изнајмување, дуќанот го изнајмувам по далеку пониска цена од пред некоја година. Трошоците и давачките за овој тип недвижнина се големи бидејќи и просторот е голем, па морав да ја намалам и киријата само за да имам од каде да обезбедам пари за нивно покривање – вели сопственик на деловен простор.

Според него, проблем е што просторите имаат големи површини, а трговците кои ги изнајмуваат имаат малку купувачи и ги откажуваат договорите.

– Поради високите трошоци кои ги имаме како сопственици, но и повеќегодишното неиздавање на дуќаните дел од сопствениците се одлучуваат да ги продадат. Барем ќе имаат некаква корист од поседувањето на ваков простор – додава тој.

Трговците покрај куповната моќ на граѓаните проблемот го гледаат во фактот што во Скопје не доаѓаат големи брендови бидејќи пазарот е мал.

– Носење на бренд е голема вложување, а приходите од продажба се ограничени и би биле многу помали во споредба со други далеку поразвиени земји. Дополнително трошоците за кирија, струја и за други намени се големи што значи вложувањето е тешко да се поврати во услови на енергетска криза – вели сопственик на бутик.

Според статистиката, куповната моќ во земјава за 2020 година изнесуваше 57,6 отсто од европскиот просек.

Велковски, пак, смета дека судбината на дуќаните кои сега зјаат празни може да ги зафати и моловите бидејќи во Скопје имаме хиперпродукција на вакви шопинг центри.

– Гледано од аспект на куповната моќ на граѓаните во земјава и еуфоричната изградба на големи молови во Скопје може да придонесе дел од нив да се затворат. ГТЦ веќе е во незавидна положба. Во него работат само дуќаните во приземјето. Овој центар нема ниту паркинг. Рамстор е во слична состојба. Сè помалку брендови има и во овој мол. Повеќето трговски центри половично работат како резултат на економската состојба, на слабата куповна моќ, но и на слабата понуда на брендирана стока. Затоа како што реков, веќе треба да се размислува што и како ќе се гради во Скопје. Мислам дека треба да се размислува и да му се даде друг дух на градот, со зелени паркови каде што граѓаните ќе можат да поминуваат ден, наместо тоа да го прават во моловите без да купуваат – додава Велковски.

Според, него иако нема изработена студија за исплатливоста на вложувањата во трговски центри, сепак причина за нивната изградба се тврдењата дека во градежништвото има профит.

– Но просторот е презаситен со вакви објекти и време е да се размислува за поинакво градење – додава тој.

The post ДУЌАНИ СО МЕСЕЦИ СТОЈАТ ПРАЗНИ Моловите ги затворија атрактивните и скапи продавници во Скопје appeared first on plusinfo.mk.

Измените на Законот за трговија со кои за најголемиот дел од трговците неделата ќе биде неработен ден утре се на дневен ред на собраниска седница, а новината во врска со продолжување на работното време за два часа е резултат на вграден амандман предложен од група пратеници од владејачкиот блок, во текот на расправата во надлежните собраниски комисии – за европски прашања и законодавно-правната.

Како што стои во предлогот кој треба да го изгласаат пратениците, од 10 до 20 часот во недела ќе можат да работат продавниците, киосците и штандовите во трговските центри (молови) кои имаат минимална ефективна површина за трговија на мало од 8.000 квадратни метри.

Но, за дозволата за работа во недела продавачите во моловите и самите молови ќе ѝ плаќаат на државата.

The post МОЛОВИТЕ ВО НЕДЕЛА ЌЕ РАБОТАТ ДО 20 ЧАСОТ Двојна дневница за вработените appeared first on plusinfo.mk.

– Уште од почетокот на пандемијата, трговските центри и дуќаните воедно и брендовите комплетно ги применуваат мерките за поголема борба против вирусот. Вработените и посетителите константно носат маски, имаме ограничувања на посетителите во продавниците, како и сигнализација на далечина, се користи дезинфекција, сите системи за вентилација редовно се чистат, дезинфицираат. Сепак и покрај сите овие мерки, втората мерка за вакцинирани лица целосно или со едно доза, ни направи прометот да се намали за 40 отсто, што повторно се соочивме со уште еден бран на економски пад на нашите брендови – посочуваат од Фешн Груп.

Сити Мол регистрирал големи загуби во последната 1,5 година, од почетокот на пандемијата.

– Само за еден месец приходите на продавниците се намалени за 30 до 49 отсто, токму тие вложија големи напори да ја одвиваат својата работа по прописи. Можеби треба да се размисли за нова евентуална итната мерка, поточно посетителите во затворените Молови да влагаат со негативен брз тест, како што е пример во поголемите европски земји – појаснуваат од Сити Мол.

Од страна на бизнис секторот велат дека на ваков начин ја отежнува работата на бизнисите и драстично се намалува работата во дуќаните, како и затворање на своите бизниси доколку продолжи со ваквата мерка, така што треба да се најдат други начини да ги охрабрат граѓаните да се вакцинираат или да овозможат брзи тестови со ниски цени.

– Земјите во регионот спроведуваат различни методи за мотивирање на поголем број граѓани да се вакцинираат и нема ограничувања за влез во трговските центри. И бевме сведоци дека владите беа во соработка со трговските центри каде што имаше многу станици за вакцинација во трговските центри. Исто така, беше предложена соработка во нашата земја, но за жал остана без никакви повратни информации. Разбираме дека не можеме да ги копираме решенијата на другите земји – реагираат од Сити Мол.

The post 60 ОТСТО ПОМАЛА ПОСЕТЕНОСТ НА ТРГОВСКИТЕ ЦЕНТРИ Моловите бараат за влез да се воведе брз тест за коронавирус appeared first on plusinfo.mk.

Мнозинството членови на Комисијата за труд и социјална политика дадоа зелено светло на Законот за работни односи со кој денот недела ќе биде неработен ден. Исклучок се 42 дејности каде работниот процес не може да биде прекинат.

Во тој случај работниците ќе имаат право на слободен ден во текот на неделата и додаток на плата во висина од 50 проценти од дневницата.

Во недела ќе работат трговските центри, дел од прехранбената индустија, угостителските објекти, рудниците, медиумите, здраствените институции, противпожарна служба, фотографски, креативни, уметнички дејности и други.

ВМРО ДПМНЕ побара за законот да се одржи јавна расправа што не беше прифатено од страна на Комисијата. Од партијата на Христијан Мицкоски тврдат дека со предложеното решение нема ништо да се промени, туку напротив, ќе се зголеми бројот на отпуштени работници.

Законот за работни односи ќе се носи во редовна постапка.

Оставена е можност во второто читање партиите амандмански да реагираат.

The post Во недела нема да работиме, ама не сите appeared first on plusinfo.mk.

Задолжителната употреба на CoronaPass не важи за фризерските и козметичките салони, за маркетите, аптеките, фурните, месарниците, плажите.

Во понеделник се укинува двонеделниот строг карантин што беше воведен на 26 април, а со тоа одново се отвораат економските и социјалните активности за граѓаните, но под правила и протоколи.

Министерот за здравство на Кипар Константинос Јоану истакна дека контролите, дали граѓаните ги имаат неопходните потврди, ќе ги врши само полицијата или надлежните органи, а не одговорните во бизнисите и просторите каде што е задолжителен CoronaPass и рече дека конкретните одлуки се однесуваат на местата каде што има гужви и истакна дека станува збор за привремена мерка во преодниот период.

Паралелно, објасни дека до 1 јуни ќе има постепено олабавување на мерките во неколку фази „за да се даде повеќе време за стабилизација на епидемиолошката слика, со паралелно забрзување на вакцинациите“ и истакна дека целта е до крајот на јуни над 60 отсто од населението да биде имунизирано со најмалку една доза.

Со укинувањето на карантинот, Кипар, од понеделник се враќа на секојдневието пред рестрикциите, односно повторно ќе се отворат летните тераси на угостителските објекти, дозволени се собири до најмногу десет лица, како во надворешните простори, така и во домовите, ќе се укине задолжителното испраќање смс пораки за движење на граѓаните, а полицискиот час ќе биде од 23 часот.

Според официјалните податоци од Министерството за здравство на Кипар, заклучно со 4 мај биле спроведени 307.698 вакцинации, од кои 235.919 или 31,9 отсто ја примиле првата доза, а 71.779 (9,9 проценти) се целосно вакцинирани.

Од почетокот на пандемијата во земјата се регистрирани 68.442 случаи на ковид-19, а починаа вкупно 328 лица.

The post Во Кипар е задолжителен CoronaPass за влез во кафеани, молови, хотели и цркви appeared first on plusinfo.mk.

– Ниту во моловите нема да работаат сите работници, тоа го регулира Министерството за економија со Законот за трговија. Во Моловите ќе работаат само една смена од 10 до 18 часот, а 2% од целиот промет кој ќе го направат во недела во текот на целата година ќе бидат наменет за изградба на нови градинки. А вработените што ќе работат во недела ќе добиваат 100 процентен надомест дополнителен на основната дневница – рече Шахпаска.

Контролата на почитувањето на ова законско решение, додаде таа, ќе го врши Државниот инспекторат за труд, УЈП и пазарниот инспекторат. А секој кој ќе работи во недела треба да го пријави работењето во надлежните институции.

The post Шахпаска: Ниту во моловите нема да работат сите работници, вработените ќе добиваат 100% поголема дневница appeared first on plusinfo.mk.

Според конкретната одлука што е во сила до 12 јули 2020 година се укинува задолжителното носење маска за посетителите на моловите и трговските центри, а останува задолжителна за вработените.

Во Грција, и понатаму, сите оние кои ги користат превозните средства – јавниот превоз, авиони, бродови, траекти, возови, обврзани се да носат заштитна маска.

Во истата министерска одлука, се укинува и ограничувањето на масите во кафулињата и угостителските објекти да има најмногу шест лица, а продолжуваат да важат правилата и мерките за растојание помеѓу масите и бројот на гости во зависност од големината на површината.

The post Во Грција се укинуваат носењето маска во молови и ограничувањето на бројот на гости на масите во рестораните appeared first on plusinfo.mk.

Со претходно донесениот протокол моловите работеа со скратено време од 10 до 18 часот, секој ден освен недела која беше одредена за неработен ден.

The post Моловите ќе работат до 22 часот, но не и во недела appeared first on plusinfo.mk.

Тој рече дека владата одлучила да се  затворат сите продавници во моловите во целата земја , освен аптеките, продавниците за храна и супермаркетите .

– Другите продавници да вршат продажба по алтернативни патишта. Се забранува целосно работата на обложувалници, кафетерии, барови казина клубови. Сите угостителски обејкти кои продаваат храна можат да работат без посета на гости, туку да вршат достава надвор од угостителскиот обејкт и преку порачка.. да забрани забрани влез на патници кои доаѓаат од високоризичните земји и земји со среден ризик согласно листата на Светската здравствена организација, освен влегување на посебни лица во земјата по посебно мислење – рече Филипче.

Одлучено е да се затвори аеродромот во Охрид за 48 часа за да имаат време авиокомпаниите да ги откажат летовите.

– Забранет е  влез на патници од  високоризичните земји и земји со среден ризик согласно листата на Светската здравствена организација, освен влегување на посебни лица во земјата по посебно мислење – рече Филипче.

На нашите граѓани кои доаѓаат од странство министерството за здравство ќе му издаде писмена наредба за самоизолација и ќе треба да потпишат изјава дека ја прифаќаат.

The post Коронавирусот стави клуч на моловите, обложувалниците, казината, кафитериите appeared first on plusinfo.mk.