На најпознатата и најуспешна македонска кореографка за модерен танц Рисима Рисимкин синоќа во Скопје ѝ беше доделено одличјето Витез од редот на уметностите и книжевноста што ги доделува државата Франција.

Одличјето ѝ го додели францускиот амбасадор во земјава Кристоф Ле Риголер на свечена пригодност што се одржа во француската резиденција.

Тој ги истакна достигнувањата на Рисимкин во модерниот танц, а особено нејзините соработки со француските танчарски трупи и културни институции. Рисимкин и нејзиниот Скопје танцов театар беа први и единствени изведувачи од Македонија кои настапија на сцената на Националниот театар за современ танц „Шајо“ во Париз во 2022 година.

Амбасадорот Ле Риголер нагласи дека Рисимкин не само што овозможила да гостуваат француски танчари, трупи и професори по танц во земјава, туку била и културен амбасадор кој придонел да се претстави модерниот танц во македонска кореографија и изведба пред префинетата француска публика.

– Креацијата беше и сѐ уште е постојан дел од мојот живот. Целта ми е да ја издигнам танцовата уметност и да ја промовирам не само дома, туку, и посебно надвор. Историското гостување кое го остварив со танчерите на Скопје танцовиот театар во Националниот театар за современ танц „Шајо“ во Франција, беше врв на мојата уметничка кариера, остварување на мојот долгогодишен сон и огромно признание за мојата короеграфска работа. Да се биде Витез на уметностите и книжевноста на Франција, за мене е голема чест и признание и чувствувам радост и воодушевеност – рече Рисимкин на доделувањето на одличјето и се заблагодари до Француската амбасада, Францускиот институт и до државата Франција.

Одличјето Витез од редот на уметностите и книжевноста го доделува француското министерство за култура.

The post РИСИМА РИСИМКИН ОДЛИКУВАНА KAKO ВИТЕЗ ОД РЕДОТ НА УМЕТНОСТИТЕ Францускиот амбасадор Ле Риголер ѝ го додели одличјето appeared first on plusinfo.mk.

Организатори на првенството се танцовите клубови Студио „Брејк а лег“ и „Ит да бит“ од Скопје. Покрај балерните, кои имаа можност да ги презентираат и гледаат врвни кореографии, имаше и околу 5.000 гости од странство.

– Да се организира ваков настан бара многу ангажман и огромен тим бидејки натпреварот се одвиваше во две сали истовремено, додека последниот натпреварувачки ден беше во три сали симултано и се функционираше перфектно. Овој натпревар е рекорден по број на учесници, односно речиси двојно од последното европско во Прага, што е показател дека Северна Македонија е популарна дестинација за странците, а ние одлични домаќини – изјави Трајче Петковски, организатор на Европското првенство.

Следни големи танцови манифестации во земјава ќе бидат Европското првенство во хип-хоп и Светското првенство во латино во 2023 година.

The post „ИНВАЗИЈА“ ОД БАЛЕРИНИ ВО СКОПЈЕ На Европското првенство во џез, модерен и класичен балет повеќе од 2.000 балерини appeared first on plusinfo.mk.