Новата снимка од последните часови на Присли Гербер го прикажува моделот во рехабилитацискиот центар во Санта Моника, само неколку часа пред да биде пронајден мртов. Видеото го објави „Page Six“, кој наведува дека Гербер самиот го снимал својот престој во резиденцијата „Resolutions Living“ во саботата навечер, на 19 септември.

На снимката Гербер е во бела маица без ракави и ја снима собата во која престојувал, со повеќе кревети, лични работи и балкон од кој се гледаат уредениот имот и панорамата на Лос Анџелес. Според два извора на „Page Six“, видеото е направено истата вечер кога се пријавил во резиденцијата.

„Resolutions Living“ е луксузна резиденција за опоравување, сместена во голема куќа во Санта Моника, чија вредност се проценува на околу 7,7 милиони долари. Објектот има повеќе спални соби, кино, теретана, балкони и голема кујна, а на својата веб-страница програмата ја опишува како процес на опоравување во три фази, со активности за поставување цели, волонтирање и личен развој.

Видеото е без звук и, според информациите до кои дошол ТМЗ, било снимено околу 22 часот во саботата, 19 септември. Присли се движи низ објектот и ги снима спалната соба и други делови од куќата. Во кадарот не се гледа никој друг. Следното утро бил пронајден во една од спалните соби.

Но, токму околностите под кои стигнал во домот сега отвораат нови прашања. Според извори на ТМЗ, во саботата наутро Присли бил добро, но околу пладне бил под дејство на супстанција и состојбата била забележлива. Наводно бил толку вознемирен од тоа што се плашел дека ја губи контролата.

Во тоа време со него бил неговиот таканаречен „sober coach“, односно личен советник кој му помагал во борбата со зависноста. Присли, според претходни информации, во месеците пред смртта имал ваква поддршка речиси деноноќно.

Околу 18 часот советникот се јавил во „Resolutions Living“ и прашал дали можат да го примат Присли. Според изворите на ТМЗ, притоа отворено кажал дека Присли е под дејство на дрога.

Одговорот, според тие извори, бил дека може да го донесат.

Тоа е еден од клучните моменти во новото откритие. ТМЗ разговарал со повеќе луѓе од индустријата за лекување зависности, кои велат дека ваков дом вообичаено не би требало да прими лице кое во тој момент е под дејство. Причината е што станува збор за место каде што престојуваат луѓе кои се обидуваат да останат трезни, но и затоа што ваквите домови не се опремени како медицински центри за детоксикација.

Дополнителен проблем, според ТМЗ, е што „Resolutions Living“ не е класичен медицински центар за рехабилитација. Според информациите во извештајот, објектот нема лиценца како традиционална установа за лекување зависности во Калифорнија и нема исти овластувања за пребарување на лицата кои влегуваат.

Присли во објектот стигнал околу 18 часот, во придружба на пријател и својот советник. Неговото семејство, според претходните информации на ТМЗ, знаело дека повторно му треба третман, но не знаело дека токму во овој објект ќе биде однесен и, наводно, не би го одобрило таквиот избор.

Според новите информации, планот бил Присли подоцна да биде префрлен во друга установа за третман, најверојатно во понеделник. Во меѓувреме, ова требало да биде привремено место каде што ќе биде безбеден.

Но, според ТМЗ, неговиот советник потоа си заминал, а Присли останал сам.

Извори за ТМЗ тврдат и дека Присли повторно земал дрога додека бил во домот. Според нивната верзија, тој знаел дека во понеделник треба да оди на третман и наводно го доживувал периодот до тогаш како последна можност повторно да зема дрога пред да мора да престане.

Неколку часа подоцна, во 9:35 часот во неделата наутро, полицијата и итната помош биле повикани поради лице со срцев застој и сомнение за предозирање. Присли бил пронајден во спалната соба и и покрај обидите за реанимација, бил прогласен за мртов околу десет минути подоцна.

ТМЗ го поставува прашањето зошто човек кој, според сведоштвата, бил под дејство и самиот побарал помош бил примен во ваков објект, а потоа останал без својот советник.

ТМЗ наведува дека се обидел да добие одговори од советникот, од лицето задолжено за прием и од сопственикот на објектот, но не добиле одговори. Сопственикот, според истите извори, наводно ја отфрла одговорноста и ја префрла одговорноста на советникот кој во меѓувреме бил отпуштен од работа.

The post 📽️ БИЛ ДРОГИРАН И СЕ ПЛАШЕЛ ДЕКА ЈА ГУБИ КОНТРОЛАТА Се појави последното видео кое Присли Гербер го снимил само неколку часа пред смртта appeared first on plusinfo.mk.

Само неколку месеци пред смртта, Присли Гербер отворено зборувал за своите проблеми и обидите да најде пат кон опоравување. Во март на Инстаграм споделил детали за третманот со ибогаин во Мексико, а неговите родители и сестрата Каја Гербер тогаш му оставиле емотивни пораки за поддршка.

– Ти си воин! Помина низ оган за да се пронајдеш себеси! Толку сум горда! – му напишала Синди.

Каја му порачала:

– Тоа е мојот брат. Толку сум горда – додека нивниот татко Ренди напишал дека се гордее со неговата храброст и со силата да се соочи со тешкиот период.

 

View this post on Instagram

 

A post shared by Presley Gerber (@presleygerber)

Присли тогаш многу отворено го опишал своето искуство со ибогаинот, психоактивна супстанција добиена од растението ибога. Третманот го побарал во Мексико, а признал дека пред него бил преплашен.

– Знаев зошто сум таму. Се соочив со она од кое бегав и некаде во сето тоа повторно почнав да го наоѓам патот кон себе – напишал тој, додавајќи дека се надева оти тоа ќе биде последниот пат кога ќе мора да се враќа на таков третман.

Во последните месеци од животот Присли сè поотворено зборувал и за проблемите со менталното здравје и користењето различни лекови. Минатата година најавил дека ќе се повлече од социјалните мрежи за да се посвети на своето ментално здравје, а еден месец подоцна објавил искрено видео во кое зборувал за ноќните стравови и нападите на паника.

Тој открил и дека зема бупренорфин и зборувал за употребата на бензодиазепини, како што се Ксанакс и Валиум. Притоа тврдел дека не добивал доволно јасни упатства од лекарите за начинот на кој треба да ја зема терапијата.

– Секој психијатар што сум го имал, а имав 15, ми велеше: Еве ти 20 лекови, земи го овој ако се чувствуваш вака, овој по потреба. А јас велев: Не, немојте да ми давате толку голема слобода. Ми требаат јасни упатства – зборувал Присли.

Неговата сестра Каја неодамна за „Вог“ откри колку проблемите на нејзиниот брат влијаеле врз целото семејство. Таа објасни дека поради ситуацијата со Присли почнала да се доживува себеси како „дете со кое е лесно“ и не сакала да бара помош, бидејќи имала чувство дека за родителите би било премногу доколку имаат две деца на кои им е потребна нивната помош.

Во исто време, таа ја пофалила одлуката на брат ѝ јавно да зборува за своите проблеми, особено затоа што нивните родители додека тие растеле строго ја чувале приватноста на семејството.

Само неколку месеци пред смртта, Присли објави и особено емотивна порака посветена на својот татко.

– Го имам најдобриот татко на светот. Никогаш не се откажа од мене. Секогаш е тука за мене. Секогаш го има најдобриот совет за мене. Го ценам овој човек повеќе отколку што може да се опише со зборови. Те сакам, тато – напиша тој покрај нивна заедничка фотографија.

Ренди му одговара дека му е чест што минува низ животот заедно со него и додава: – Понекогаш можеби ќе паднеме, но со малку помош секогаш повторно стануваме. Те сакам засекогаш, През.

Присли Гербер почина на 20 септември во установа за рехабилитација, според податоците на Канцеларијата на медицинскиот истражител на округот Лос Анџелес. Имаше 27 години, а причината за смртта засега не е објавена. Неговото семејство преку претставник замоли за приватност во овој тежок период.

Присли тргна по стапките на мајка си и почна да се занимава со манекенство уште на 15 години. Во текот на кариерата работел за големи модни имиња, меѓу кои „Dolce & Gabbana“ и „Calvin Klein“, но последните години сè поотворено зборувал за личните проблеми и за своето ментално здравје.

The post ОВА СЕ ПОСЛЕДНИТЕ ЗБОРОВИ ШТО СИНОТ НА СИНДИ КРАФОРД МУ ГИ ПОСВЕТИЛ НА ТАТКО МУ Семејството на Присли Гербер никогаш не кренало раце од него appeared first on plusinfo.mk.

Во мај 2026 година, брендот Agua Bendita стана еден од најзначајните учесници на престижниот моден настан Miami Swim Week, благодарение на ексклузивната соработка со моделот Брукс Недер и нејзините сестри.

Колумбискиот луксузен бренд за костими за капење ги здружи силите со нив во кампањата „Nurn Into the Heatwave“, а фотографиите од настанот брзо ги преплавија социјалните мрежи.
Брукс Недер се појави заедно со сестрите Мери Холанд, Грејс Ан и Сара Џејн Надер, кои станаа еден од најследените сестрински тимови на американската модна и ријалити сцена во последните години. Во впечатливи бикини и летни комбинации, тие го привлекоа вниманието на собраните гости, позирајќи и дружејќи се со обожавателите за време на промоцијата на брендот.

 

View this post on Instagram

 

A post shared by Brooks Nader (@brooksnader)

Кои се сестрите Недер?

Четирите сестри пораснале во државата Луизијана, а во последниве години градат кариера заедно во Њујорк. Најпозната меѓу нив е Брукс Недер, модел кој стекна светска слава откако победи на натпреварот Sports Illustrated Swim Search во 2019 година, а неколку години подоцна заврши на насловната страница на легендарното издание на „Спортс илустрејтид“.

Но, Брукс повеќе не е единствената ѕвезда во семејството. Нејзините помлади сестри Мери Холанд, Грејс Ан и Сара Џејн се исто така успешни модели и инфлуенсерки, а нивниот заеднички живот доби дополнително внимание од јавноста по лансирањето на ријалити серијата „Love Thy Nader“. Шоуто ги следи нивните кариери, љубовни животи и секојдневни семејни конфликти, а многумина го споредија со раните сезони на култното ријалити шоу „Keeping Up With the Kardashians“.

Популарноста на сестрите дополнително експлодираше благодарение на серијата „Love Thy Nader“, која го прикажува нивното патување од девојки од Луизијана до животот во светот на модата, луксузот и шоу-бизнисот во Њујорк. Продукцијата многу брзо доби зелено светло за нова сезона и ја освои публиката со искрен приказ на нивната врска полна со љубов, ривалство и хумор.

Самите сестри постојано нагласуваат дека нивната поврзаност е најголемата причина за успех и дека заедно ги поминуваат сите професионални и приватни предизвици.

Додека нејзините сестри градат кариери во манекенството и на социјалните медиуми, Брукс во последните месеци е во центарот на вниманието поради нејзиното учество во новата верзија на серијата „Baywatch“, каде што ќе игра една од главните улоги. Медиумите веќе ја споредуваат со Памела Андерсон, а нејзиното појавување на Miami Swim Week дополнително го зголеми интересот за проектот.

The post ЧЕТИРИ СЕСТРИ – КОЈА ОД КОЈА Атрактивните девојки во бикини предизвикаа вистински метеж на настанот во Мајами appeared first on plusinfo.mk.

Четирите атрактивни сестри, Брукс Надер, Џејн Надер, Грејс Надер и Мери Надер уште еднаш докажаа дека знаат како да привлечат внимание каде и да се појават.
Овој пат тие решија да прошетаат по улиците на Њујорк во навистина необична облека – облечени во необични креации направени од проѕирни меурчиња, кои изгледаа како уметнички инсталации.

Атрактивните сестри, кои веќе се добро познати во светот на модата, самоуверено чекореа по градската улица додека минувачите застануваа и ги вртеа главите по нив. Нивните необични комбинации ги откриваа нивните совршени фигури, додека проѕирните меурчиња ги покриваа клучните делови од телото и создаваа впечаток на футуристичка модна игра.

Во добро расположение и со насмевка, сестрите ја претворија прошетката во мал настап на отворено.

@elderordonez

Brooks Nader and sisters spotted in coordinated bubble-inspired outfits for Jukebox in Tribeca, NYC today () @elderordonez1 #newyork #yourpage #fashion #beautiful #women

♬ original sound – Elder Ordonez

Кои се сестрите Надер?

Сестрите Надер доаѓаат од Луизијана, од малото гратче Марингуин во близина на Батон Руж, каде што пораснале во прилично скромни услови пред да се преселат во Њујорк и да започнат да градат кариера во модата и медиумите.

 

View this post on Instagram

 

A post shared by Freeform (@freeform)

Најпозната меѓу нив е Брукс Надер (родена 1997 година), американски модел, која стекна светска слава откако победи на натпреварот Sports Illustrated Swim Search во 2019 година, а подоцна стана и лице на насловната страница на изданието за пливање Sports Illustrated Swimsuit 2023.

Успехот на постарата сестра отвори врати за други, па Мери Холанд, Грејс Ан и Сара Џејн исто така се обидоа да се занимаваат со манекенство и медиуми, а денес сите четири работат во модната индустрија и живеат во Њујорк.
Нивната популарност дополнително порасна во 2025 година, кога добија свое реално шоу, „Love Thy Nader“, кое го следи нивниот живот во Њујорк, кариерите, романтичните врски и динамиката меѓу сестрите.
Брукс Надер е модел и ТВ личност, најпозната по „Спортс илустрејтид“ и бројни модни кампањи.
Мери Холанд Надер, покрај манекенството, работи и во областа на финансиите и wealth менаџмент.

Грејс Ан Надер е модел и ТВ личност, а има магистерска диплома по глобално јавно здравје. Сара Џејн Надер е модел и инфлуенсерка која често соработува со сестрите на кампањи.

Сите четири често работат заедно на модни проекти и кампањи и се познати по нивната многу блиска врска – тие дури и живееле заедно во истиот стан во Сохо во Њујорк некое време.

 

View this post on Instagram

 

A post shared by Brooks Nader (@brooksnader)

The post 🎥 СЕСТРИТЕ НАДЕР ПРОШЕТАА ПОКРИЕНИ САМО СО БАЛОНЧИЊА Згодната четворка ги шашардиса минувачите на њујоршките улици appeared first on plusinfo.mk.

По светската премиера, „Samsung Electronics“ денес ја претстави „Galaxy S26“ серијата и на Македонскиот пазар.

На настанот кој се одржа денес во „Ботаника“, претставниците од медиуми и деловните партнери на Компанијата се уверија дека најновите „Galaxy S26“, „S26+“ и „S26 Ultra“ уреди се поддржани од најинтуитивното, проактивното и прилагодливо „Galaxy AI“ искуство и се дизајнирани за да ги поедностават задачите кои луѓето секојдневно ги извршуваат на своите телефони.

Официјалната продажба на уредите во Македонија ќе започне на 11 март. До тогаш, сите заинтересирани ќе може да ги нарачаат најновите „Samsung“ уреди кај Операторите и малопродажните Партнери и да искористат ексклузивна поволност: да добијат модел со меморија од 512GB по цена на модел со меморија од 256 GB.

Како трета генерација на „Samsung“ паметни телефони со вештачка интелигенција, серијата „Galaxy S26“ е дизајнирана со една единствена филозофија: технологијата треба да се повлече во позадина, а корисникот да остане во центарот на вниманието.

Од менаџирање на густите распореди до совршено уредување на дигиталните содржини, „Galaxy S26“ го намалува бројот на чекори потребни за секоја задача. Наместо корисникот да се занимава со тоа „како“ функционира телефонот, „Galaxy AI“ овозможува фокус на она „што“ сака корисникот да постигне.

Најмоќниот модел во серијата, „Galaxy S26 Ultra“, воведува индустриски пресвртници во две клучни категории:

– Privacy Display: Првиот во светот вграден екран за приватност кој ја заштитува содржината од странични погледи на ниво на пиксел, зачувувајќи ја притоа врвната осветленост и јасност за корисникот.

– Бескомпромисни перформанси: Опремен со приспособената платформа Snapdragon® 8 Elite Gen 5 за Galaxy, Galaxy S26 Ultra нуди значителни подобрувања кај CPU (19%), NPU (39%) и GPU (24%) перформансите, поддржани од редизајнирана Vapor Chamber комора за ладење, со цел оптимално термално управување.

Системот на камери кај серијата „Galaxy S26“ е оптимизиран за интуитивна интеракција. Со зголемени отвори на објективот кои пропуштаат до 47% повеќе светлина и воведувањето на професионалниот APV видео кодек, уредите нудат квалитет без визуелни загуби. Креативниот процес е дополнително олеснет со функциите Creative Studio и Photo Assist, во чии рамки корисниците можат да вршат комплексни измени на фотографиите преку едноставни описни команди.

Целосниот екосистем е заокружен со новите „Galaxy Buds4“ и „Galaxy Buds4 Pro“, кои овозможуваат напредна контрола преку движења на главата и гласовна активација на агентите со вештачка интелигенција, обезбедувајќи продуктивност дури и кога мобилниот уред не е физички достапен.

„Samsung“ продолжува да вложува во заштитата на корисничките податоци преку „Knox Matrix“ и пост-квантна криптографија (PQC), кои го зајакнуваат интегритетот на системот. Дополнителен бенефит кој доаѓа со серијата „Galaxy S26“ се седум години безбедносни надградби, што обезбедува долговечност и сигурност за своите корисници.

„Galaxy S26 Ultra“, „S26+“ и „S26“ се достапни за нарачка во Северна Македонија, а корисниците може да одберат модел во виолетова, бела, црна и небесно сина боја. За сите информации и детали за новата „Galaxy S26“ серија, посетете ја страницата: www.samsung.com/mk.

Samsung Galaxy S26 Ultra награден за „Best in Show“ на „MWC 2026“

„Samsung Electronics“ денес најави дека уредот Galaxy S26 Ultra е добитник на наградата „Best in Show“ на Глобалните Награди за мобилна технологија (Global Mobile Awards – GLOMO Awards) за време на Светскиот Конгрес за мобилна технологија (Mobile World Congress – MWC) 2026 кој се одржа во Барселона, Шпанија.

Асоцијацијата за Глобални мобилни комуникации (Global Mobile Communications Association – GSMA) ги одржува “GLOMO“ наградите годишно за време на „MWC“ за да оддаде признание на извонредните иновации во мобилната индустрија.

Категоријата „Best in Show“ ги издвојува производите фокусирани на корисниците кои поставуваат репер за технологијата. Како едно од највисоките признанија во индустријата, уредите прогласени за „Best in Show“ се познати како „златен стандард“ во дигиталниот пејзаж, оценети од повеќе од 200 водечки светски независни аналитичари, новинари и ветерани во индустријата.

Samsung Galaxy S26 Ultra: Best in Show

На церемонијата за доделување награди одржана на 4 март, „Galaxy S26 Ultra“ победи во категоријата „Best in Show“ благодарение на беспрекорниот спој на напреден хардвер и интуитивниот, проактивен софтвер One UI 8.5. Galaxy AI испорачува адаптивна интелигенција свесна за контекстот, која ги поедноставува секојдневните задачи, истовремено штитејќи ја безбедноста и приватноста. Заедно, овие унапредувања ја оживуваат најинтуитивната мобилна вештачка интелигенција, дизајнирана да ги предвиди потребите на корисниците.

„Galaxy S26 Ultra“ го претстави и првиот во светот вграден Privacy Display екран, пресвртница во инженерингот на екрани, кој на корисниците им нуди поприватно, но живописно искуство при гледањето. Во внатрешноста, приспособениот чипсет овозможува побрза Galaxy AI вештачка интелигенција, поставувајќи нов стандард за мобилни искуства без напор кај „Galaxy S26 Ultra“.

– Овогодинешната конкуренција беше исклучително силна – изјави Шон Колинс, претседател на жирито за „MWC Best in Show 2026“.

– Бараме технологија која не само што е иновативна и впечатлива, туку и вистински ја движи индустријата напред. Samsung Galaxy S26 Ultra се истакна со поместување на границите на мобилната технологија, истовремено испорачувајќи значајно влијание во реалниот свет. Особено, неговата иновација во приватноста одговара на една од најважните потреби на денешниот дигитален начин на живот – безбедноста, личниот простор и довербата – додаде тој.

Жирито на „MWC Best in Show“ истакна дека меѓу повеќе од 3.000 излагачи, „Galaxy S26 Ultra“ се издвои по тоа што ги направи визионерските иновации достапни веднаш. „Иако многу технологии прикажани на MWC ја истакнуваат иднината“, соопшти панелот, „ова е производ кој потрошувачите можат да го искусат денес.

– Чест ни е што „Galaxy S26 Ultra“ е препознаен како „Best in Show“ на овогодинешните „GLOMO“ награди – изјави Стефани Чои , Извршен Потпретседател и Раководител на маркетинг центарот за мобилни уреди во рамките на бизнисот за Мобилно искуство (Mobile eXperience – MX) на “Samsung Electronics“. „Galaxy S26 Ultra е телефон со агентска вештачка интелигенција кој ја означува континуираната посветеност на ’Samsung’ кон унапредување на нашата индустрија, а ова признание е особено значајно со оглед на извонредните иновации прикажани на MWC.“

Уредите „Samsung Galaxy S26 Ultra“, „S26+“ и „S26“ се достапни за нарачка во Северна Македонија, а корисниците може да одберат модел во виолетова, бела, црна и небесно сина боја. Сите заинтересирани, до 10 март до крај на денот, може да ги нарачаат најновите „Samsung“ уреди и да искористат ексклузивна поволност – да добијат модел со меморија од 512GB по цена на модел со меморија од 256 GB.

The post „SAMSUNG“ ЈА ПРЕТСТАВИ СЕРИЈАТА GALAXY S26 ВО МАКЕДОНИЈА Нова генерација паметни телефони со моќна вештачка интелигенција appeared first on plusinfo.mk.

Мајк Џефрис, неговиот партнер Метју Смит и нивниот наводен посредник беа уапсени во вторникот наутро. Адвокатите на Џефрис и на Смит претходно негираа каква било вина на двајцата мажи партнери во компанијата, јавува Би-Би-Си.

Минатата година ФБИ отвори истрага откако Би-Би-Си откри тврдења дека Мајк Џефрис и неговиот партнер сексуално експлоатирале и злоставувале мажи на настани што ги организирале во нивните резиденции и хотели во Њујорк ширум светот.

Истрагата покажа дека имало софистицирана операција во која учествувале посредник и мрежа на регрутери кои биле задолжени да регрутираат мажи за настаните. По известувањето на Би-Би-Си, во Њујорк беше поднесена граѓанска тужба во која Џефрис и Смитсе обвинети  за сексуална трговија, силување и за сексуален напад.

Според американскиот закон, сексуалната трговија вклучува натерање возрасен да патува во друга држава или земја за да има секс за пари со употреба на сила, измама или принуда.

Би-Би-Си разговарал со 12 мажи кои опишале дека присуствувале или организирале настани кои вклучуваат сексуални чинови меѓу 2009 и 2015 година. Осумте мажи кои присуствуваа на настаните рекле дека биле регрутирани од посредник кој Би-Би-Си го идентификуваше како Џејмс Џејкобсон.

Џејкобсон (70) претходно изјави за Би-Би-Си во изјава преку неговиот адвокат дека се навредил од наводите за „секое присилно, измамливо или присилно однесување од моја страна“ и дека „немал знаење за такво однесување од други“.

Би-Би-Си интервјуирал и десетици други извори, вклучително и поранешен персонал во домаќинството. Некои од мажите со кои разговарал медиумот рекле дека биле дека не им било директно кажано дека ќе има секс на настаните.

Сите мажи биле платени. Неколкумина изјавиле дека посредникот или другите регрутери им спомнале дека ќе можат да позираат како модели за компанијата.

Дејвид Бредбери, кој тогаш имал 23 години и сакал да стане модел, изјавил дека му било „јасно објаснето“ дека без да има орален секс со Џејкобсон, тој нема да се сретне со извршниот директор на „A&F“, Мајк Џефрис.

Бредбери рече дека подоцна присуствувал на забава во замокот на Џефрис во Хемптонс во Лонг Ајленд каде што го запознал Џефрис и имал секс со него.

Во 2014 година, по две децении на чело на компанијата, Џефрис се повлече од функцијата извршен директор и си замина со пакет за пензионирање во вредност од околу 25 милиони долари, според пријавите на компанијата во тоа време.

Џефрис важи за еден од најплатените извршни директори во Америка.

The post ЕКС-ДИРЕКТОРОТ НА МОДЕН ГИГАНТ УАПСЕН ПОРАДИ СОМНЕНИЈА ЗА СЕКСУАЛНА ТРГОВИЈА Мајк Џефрис и неговиот партнер ги принудувале моделите на секс? appeared first on plusinfo.mk.

– ФАА побара извршување на инспекција веднаш на некои авиони „Боинг 737-9 Макс“ пред да се вратат во употреба – изјави администраторот на агенцијата Мајк Витакер.

Одлуката доаѓа откако лет на „Алјаска ерлајнс“ синоќа беше принуден да слета во Портленд, Орегон, шест минути по полетувањето, откако се откорнал прозорец и дел од патничката кабина. Авионот „Боинг 737-9 Макс“ бил произведен и добил сертификат пред само два месеца, според податоците на ФАА.

An Alaska Airlines flight (brand new 737 Max 9) had to make an emergency landing shortly after takeoff, when a ‘window and a chunk of fuselage’ blew out at 16,000 feet.
Phones, and other items were sucked out when the plane depressurized. pic.twitter.com/WedaE1LjgI

— America (@Americafakts) January 6, 2024

Повеќе авиокомпании како „ „Алјаска ерлајнс“ или „Јунајтед ерлајнс“ го прекинаа сервисирањето на овие авиони за инспекција а по наредбата на ФАА.

Другите американски авиокомпании како „Саутвест“ и „Американ“ изјавија дека не употребуваат „737-9 Max“ туку „737-8 Max“ и потврдија дека овој модел на авиони не е предмет за загриженост.

The post 📽 МУ ОТПАДНА ДЕЛ ОД ТРУПОТ ЗА ВРЕМЕ НА ЛЕТ Приземјен 171 авион „Боинг 737-9 Макс“ по вчерашниот инцидент appeared first on plusinfo.mk.

– Не дозволувај променливото време да ти влијае на расположението, а ако ти е потребна дополнителна доза ведрина, во „Fashion&Friends“ ќе го најдеш твојот моден витамин – велат од компанијата.

Нивното внимание овој пат оди кон парчиња во боја и оние со интересен принт или текстура. Она што ги прави колекциите за оваа сезона толку добри е што совршено се искомбинирани удобноста и впечатливоста.

Затоа, растеглив фустан што се прилагодува на облините, мини-тексасно здолниште или шорц што мами погледи, се нешто што дефинитивно треба да се најде во женскиот гардеробер.

Дами, бидете модно смели и покажете ја вашата самодоверба на најудобниот можен начин! – порачува модната групација.

А кога се мажите во прашање, тие може да останат на онаа лежерна кул вибрација, покажувајќи преку стајлингот дека здодевноста не е нивна карактеристика.

Летни дуксери со принт и маици со стилски дизајн се задолжителни. Но, знаете ли што е исто така одлично комбо – добар џинс со уште подобра долна облека за удобноста да ве следи и овој викенд, но и во секој нареден ден од летото.

– И ние решивме ова лето да инвестираме во себе и својот изглед, па во наредните месеци ќе се посветиме токму на тоа! Со почетокот на новата сезона ве очекува комплетна промена и сосема поинакво, возбудливо и ново шопинг искуство во продавницата на „Fashion&Friends“ Сити мол – велат од Фешн груп.

Многу наскоро, тие се враќаат во сосема ново руво со исклучутелни колекции во кои ќе ги живеете најубавите моменти во новата сезона, на уште поголема површина за целосно уживање во изборот на омилените парчиња и да доживеете супер шопинг како никогаш досега.

Оттаму најавуваат дека ќе ја одржуваат љубопитноста на купувачите и во наредниот период, а додека да го откријат резултатот, ве очекуваат на одличен шопинг во „Fashion&Friends“ – „East Gate Mall“ и на www.fashiongroup.com.mk.

The post (ФОТО) „FASHION&FRIENDS“ ОДИ НА „РАЗУБАВУВАЊЕ“ Неодоливи попусти за уште подобро шопинг искуство! appeared first on plusinfo.mk.

Вучиќ седна зад воланот на автомобилот чија контролна табла е целосно дигитализирана и во која е инсталиран и асистентот на „Google“ – „Alexa“ и повторно се пошегува:

– Јас сум селанец, научив да возам менувач – рече тој.

Вучиќ потоа и додаде на министерката за иновации Јелена Беговиќ дека за тоа живее.

Што е Ривиан?

Вучиќ, денеска во Белград присуствуваше на свеченото отворање на технолошкиот центар на американскиот производител на електрични возила Ривиан.

Калифорниската компанија Ривиан, позната по производството на електрични пикап камиони и теренци, во септември официјално објави дека го отвора својот центар за истражување и развој во Белград со намера да ангажира локален технички персонал и инженери од автомобилската индустрија.

Како што претходно беше најавено, компанијата ќе работи во Србија под името Rivian SE Europe d.o.o. Белград.

Компанијата Ривиан е основана во 2009 година и се занимава со дизајн и производство на електрични возила. Првите модели на возила се „R1T“, „пикап“ со два реда седишта за пет патници, кој беше прогласен за најдобро возило во својата категорија, како и „R1S“, теренец со три реда седишта за седум патници.

Возилата „R1T“ и „R1S“ се опремени со напредни технолошки системи, вклучувајќи електроника на возилото, батерија, електричен погон, шасија, напреден систем за помош на возачот „Driver+“ (ADAS) и дигитално управување.

The post ЈАС СУМ СЕЛАНЕЦ, ЗНАМ ДА ВОЗАМ СО МЕНУВАЧ „Стар трек“ пристигна во Србија, Вучиќ тестираше електрично возило appeared first on plusinfo.mk.

Во интерна е-пошта од Фолксваген САД се наведува дека бродот превезувал 3.965 возила од Фолксваген, Порше, Ауди и Ламборџини, пишува германскиот весник Ханделсблат.

Бродот „Фелисити Ас“ долг 200 метри потона и покрај обидите да се повлечен до пристаништето, бидејќи претрпе структурни оштетувања.

Хеликоптер на португалските воздухопловни сили евакуирал 22 членови на екипажот кога избувнал пожарот, па бродот продолжи да плови.

Не е наведено колку автомобили имало на бродот, но бродови со големина на „Фелисити Ас“ можат да превезуваат најмалку 4.000 возила.

Европските производители на автомобили одбија да разговараат за бројот и моделите на возила кои биле натоварени на бродот.

Причината за пожарот не е позната, а португалските власти претпоставуваат дека пожарот го предизвикале литиумските батерии кои се користат во електричните возила, иако наведуваат дека немаат цврсти докази.

Властите стравуваат од загадување на океаните, иако засега нема индикации дека нафтата истекла од резервоарот.

The post ЛУКСУЗ НА ДНОТО НА АТЛАНТИКОТ Потона запалениот брод со над 4.000 автомобили appeared first on plusinfo.mk.