Филмот и модата се два поврзани света. Тие се меѓусебна инспирација уште од почетокот на кинематографијата.

Секогаш кога гледаме некој филм, се обидуваме да ги препознаеме дизајнерите кои стојат зад дизајнот на облеката на актерите на големото платно.

Без разлика дали сте само набљудувач или учесник во снимањето на филм, едно е сигурно – модата на филмот и филмот во модната индустрија оставаат свој белег на Вас, дури и ако не сте свесни за тоа.

Во секој случај, се работи за уметничка соработка во која сесрдно уживаат сите учесници, а како набљудувач секако може да уживате и вие.

Токму едно такво посебно уживање ни нуди оваа година традиционалната годишна ревија на „Интернационалниот институт за мода Изет Цури“ насловена како „Модата и филмот“.

Преку осмислените дизајни на студентите кои реферираат на култни изгледи на одредени значајни филмови, во овој своевиден моден спектакл ќе имаме можност повторно да запловиме низ емоциите кои ни ги будат овие препознатливи сцени.

The post МОДАТА И ФИЛМОТ Традиционална годишна ревија на „Интернационалниот институт за мода Изет Цури“ appeared first on plusinfo.mk.