Потеклото на рецептот на познатите Моцарт топчиња предизвика конфликт меѓу две слаткарници во Австрија. Конфликтот дојде и до судот кој пресуди дека една од слаткарниците не смее да го присвојува рецептот.

На почетокот на минатата недела, покраинскиот суд во Салцбург ја прифати тужбата поднесена од слаткарницата „Фурст“ против конкурентот „Холцермаер“, кој се рекламира како наследник на оригиналниот рецепт за Моцарт топчиња. Но, со тоа се разгоре расправата меѓу двете слаткарници околу тоа кој прв ги направил топлињата.

Слаткарницата „Холцермаер“ се повикува на статија од историчарот Герхард Амерер од минатото лето, во која се тврди дека оригиналниот рецепт за познатиот десерт е создаден во 1880 година од слаткарот Р. Бауман, предок на сегашниот сопственик на Слаткарницата „Холцермаер“.

Во исто време, слаткарницата „Фурст“ тврди дека го има оригиналниот рецепт за Моцарт топчиња, кој тврдат дека е измислен од основачот на компанијата Пол Фурст во 1890 година.

Судот сега пресуди дека, со оглед на тоа што не постои оригинален рецепт, „Холцермаер“ не може да го спомене „рецептот“ во своето рекламирање. После тоа, рекламниот слоган беше променет во „според традицијата од 1880 година“.

Проблемот за „Холцермаер“ е што нивните „топчиња“ не се произведуваат во Салцбург, туку во фабриката „Линдт и Спронгли“ во Глогниц, Долна Австрија.

-Јас не сум човек што се расправа. Но, сè додека рачната работа на занаетчиите се става на исто ниво како индустриски производ и сè додека се кажуваат лаги, ние нема да седиме со скрстени раце – вели Мартин Фирст, сопственик на слаткарницата „Фурст“, која рачно ги прави топчињата.

„Холцермаер“ сега излегува во јавноста со нова теорија: Моцартовите топчиња првпат ги направила Луиз Карут, која била вработена кај слаткарот Бауман.

Сега сите чекаат објавување на новото истражување на историчарот Амерер за потеклото на познатиот десерт, кое треба да биде претставено на јавноста во април.

The post МОЦАРТ ТОПЧИЊАТА ПРИЧИНА ЗА КОНФЛИКТ МЕЃУ ДВЕ АВСТРИСКИ СЛАТКАРНИЦИ И двете тврдат дека го поседуваат оригиналниот рецепт appeared first on plusinfo.mk.

Македонските црвени пиперки, нанижани на конец и сушени на сонце се еден од најголемите белези на македонската традиција. Настрана тоа што денес една низа суви везени пиперки чини како суво злато, тие се едни од највкусните и најсестраните намирници кои ги имаме во нашата кујна.

Токму по овие везени пиперки е наречен и саемот кој го организира Здружението за екологија и заштита на животната средина „Еко Пчиња“ од селото Пчиња.

Да одгледуваме производи од старите сорти и да ги вратиме вкусовите од детството, беше мотото на нивниот прв Саем на автохтони сорти „Везенка“, а годинава го очекуваме вториот кој е закажан за 5 октомври 2025, на истото место, во кумановското село Пчиња.

Повеќе за ова на „Арт кујна“.

The post СТАРИ СОРТИ ЗА НОВИ ДЕЦА Везенка 2025 ја обновува традицијата и ги враќа вкусовите од детството appeared first on plusinfo.mk.

Познатите австриски чоколадни топчиња „Моцарт“ заминуваат во историјата. По 127 години работа се затвора фабриката во Гродигер, во близина на Салцбург која ги произведуваше.

Последното Mirabell Mozartkugel со фил од лешник, ф’стаци и марципан беше произведено вчера.

Како што пишува австриски Куриер, каква ќе биде понатамошната судбина на оваа австриска традиција не се знае бидејќи корпорацијата „Монделез“, која ги има правата на производот, не соопштува ништо.

Во оваа фабрика работеа 160 луѓе, а останаа уште 40 кои ќе работат до 31 март. Фабриката ги произведуваше позатите Mozartkugel, Mozarttaler и Milkkette.

Претходно за Монделез се произведуваа до 12.000 тони слатки годишно, но неодамна тој број падна на само еден тон годишно.

Засега се знае дека повеќе нема да има производство во Австрија. Од корпорацијата велат дека нашле решение во една од европските земји што ќе го преземе производството. Се споменуваат Чешка и Полска како можни кандидати за продолжување на производството.

Фабриката за чоколади од Салцбург е изградена во 1897 година. Во 1975 година беше продадена на Suchard (подоцна Interfood, Kraft Food, а денес Mondelez). Во 1994 година, Mondelez продаде акции на семејството Pöll и склучи договор со Salzburg Chocolate за производство на Mozartkugeln, Mozartallers & Co. Големата корпорација остана сопственик и затоа сè уште ги има сите права на Мирабел Моцарткугел во однос на рецептите, брендовите и дистрибуцијата.

Од февруари 2025 година, Mondelez го раскинува договорот за производство и затоа затворањето на Salzburg Chocolate е фиксирано.

The post AUF WIEDERSEHEN „MOZARTKUGEL“ Се затвори австриската фабрика која ги произведуваше appeared first on plusinfo.mk.