На покана на кандидатот за градоначалник на Скопје номиниран од ВМРО-ДПМНЕ, Орце Ѓорѓиевски и в.д. градоначалникот на Општина Аеродром, Дејан Митески денеска се оствари средба со претставниците на најголемото македонско здружение на лица со попреченост, „Мобилност Македонија“, поточно скопскиот огранок.

Ѓорѓиевски, пред сè, ги покани своите соговорници да даваат свои идеи и предлози, покрај другите здруженија со коишто, како досегашен градоначалник на Кисела Вода соработува активно, како што е Здружението на родители на деца со церебрална парализа. Тој предочи дека работејќи заедно, пристапноста до шалтерите и воопшто – до јавните установи, може да се подобри, бидејќи тоа се „ситни потфати“ коишто на граѓаните со попреченост многу им значат.

– Целта ми е да направиме инклузивен град каде што сите ќе имаат еднакви права и можности. Така, парковите што ќе ги правиме, јавните објекти, итн. ќе бидат во тој дух. Јас ќе барам само ваша логистичка поддршка т.е. потсетување кога, некогаш, ете нешто ќе заборавиме… Зашто, знаете, ние ќе бидеме потрупани со проекти – порача Ѓорѓиевски.

Митески ги презеде истите задачи и потфати типични за Аеродром. Тие ветија и поредовна и поблиска комуникација со граѓаните со попреченост.

Граѓаните побараа – во иднина, пристапноста до зградите, јавните, деловните и станбените објекти да биде не препорачана, туку законски обврзувачка и задолжителна.

Беа спомнати и нередовните автобуси, како и одбивањето на возачите да ја спуштат рампата за пристап за лица со ортопедска количка или какво било друго помагало.

Ѓорѓиевски рече дека сè тоа спаѓа во правилата што во иднина ќе мора да се почитуваат.

– Има нови автобуси коишто седат по паркинзи – 60 возила коишто се подобри од сегашниве, но некој не сака да потпише лиценца и тие да бидат пуштени во промет – појасни Ѓорѓиевски.

Тој додаде дека почитувањето на правилата и прописите мора да се преточи во систем, како и почитувањето на надлежностите на првиот човек на општината, кој мора да ги заштити своите граѓани пред сè.

Здружението „Мобилност“ ги повика граѓаните со попреченост да им се обратат, да си ги кажат своите проблеми коишто, најверојатно еднаш месечно, систематизирани, ќе му бидат пренесувани на новиот градоначалник.

The post ЌЕ СЕ ПОДОБРИ ПРИСТАПНОСТА ДО СИТЕ ЈАВНИ ОБЈЕКТИ Ѓорѓиевски и Митевски им ветија услови за нормално движење на лицата со попреченост appeared first on plusinfo.mk.

“Шпаркасе лизинг како водечка компанија на лизинг пазарот во Македонија следејќи ги трендовите, покрај стандардното финансирање по пат на финансиски и оперативен лизинг ги засилува своите активности во делот на мобилноста и понуда на дополнителни услуги со додадена вредност за своите корисници” изјави Марјан Манчев, извршен директор на Шпаркасе Лизинг Доо Скопје.

Сите пакети на мобилност ги содржат услугите помош на пат (Македонија и Европа), 24/7 контакт центар со бесплатен телефонски број, мобилна апликација и заменско возило, со што на корисниците им се овозможува непречено движење и мобилност.

Корисниците можат да одберат помеѓу пакетите Мобилност Комфорт, Мобилност

Комфорт Плус и Мобилност ВИП.

Пакетите за мобилност започнуваат со цена од МКД 399 месечно, без разлика на

одбраниот бренд на возило кое го финансира Шпаркасе Лизинг Доо Скопје.

Сите детали може да се добијат на веб страната Sparkasse lizing – Шпаркасе Лизнинг Мобилност (s-leasing.mk).

The post СО НОВИ ПАКЕТИ НА ПОНУДИ ДО ЦЕЛОСНА МОБИЛНОСТ Шпаркасе Лизинг Доо Скопје ја шири лепезата на производи и на услуги appeared first on plusinfo.mk.

Целта на Европската недела на мобилност уште од 2002 година е да се сврти вниманието на јавноста на обидот на подобрување на јавното здравје и квалитетот на животот преку промовирање на одржлив урбан транспорт. Кампањата нуди можност на сите засегнати страни да се вклучат со практични решенија за справување со урбаните предизвици.

Темата за оваа година е „Мобилност со 0 емисии за сите“. На овој начин сите засегнати страни се охрабруваат да ја користат неделата за да тестираат нови мерки за транспорт и да добијат повратни информации од јавноста. Ова, исто така, е одлична можност да се разговара за различните аспекти на подвижноста и квалитетот на воздухот, да се најдат иновативни решенија за намалување на употребата на автомобили и емисиите на транспорт, како и да се тестираат новите технологии и мерките за планирање.

Во текот на Европска недела на мобилност Еко Логик утре ќе го организра „Вело Родео“ во Пробиштип на плоштадот „Гаврил Лесновски“ од 17 до 20, в петок во Демир Капија во Градскиот парк во близина на игралиштето од 16:00 до 19 часот, в недела во Скопје во Градскиот парк кај Школка од 11 до 14:00 и во вторник во Пехчево во Едукативниот центар за зачувавање на природата – Негрево од 13 до 16 часот.

„Вело Родео“ настанот е од отворен карактер и право на учество имаат сите ученици од основните училишта од четврто до девето одделение кои имаат желба да возат велосипед, како и активно и едукативно да се забавуваат преку нашите едукативни игри кои ги имаме подготвено како: Еко Не лути се човече (во реална големина), Вело Меморија (мега верзија, карти и онлјан апликација), Еко квиз, Вело Маало,Твистер и многу други. „Вело Родео“ настанот се базира на тоа преку игра, забава и едукација, учениците да ја пренесат пораката за придобивките од возење велосипед како баланс, безбедност, сигнализација, контрола, тргнување, забрзување и запирање.

Оваа година Вело Родео настанот е поделен во два дела – едукативен, каде учениците ќе можат да учат за баланс, моторика, како и за сообраќајните знаци и основните правила во сообраќајот за безбедно учество во него (дополнително во овој дел ќе има одвоено и простор за бавна трка, преку која учениците ја совладуваат и вежбаат својата координација, рамнотежа, тргнување и запирање) и забавен, каде учениците ќе имаат можност да ги покажат, вежбаат и унапредат сопствените велосипедски вештини преку полигонско возење со препреки, возење во круг, возење по даски и препреки, и многу нови вежби кои за прв пат ќе бидат промовирани оваа година.

Исто така, учесниците ќе имаат можност да бидат дел од креативна работилница со различен тип за секој град каде што ќе биде одржана Европската недела на мобилност.

Од денеска ќе биде споделен и предизвик преку онлајн апликацијата Страва за најмногу поминати километри со велосипед. На предизвикот право на учество ќе имаат сите заинтересирани ученици од шесто до деветто одделение.

Истовремено, во текот на неделата ќе биде отворен конкурс за литературно и ликовно творење на теми поврзани со климатските промени и размислувањата на најмладите за создавање на вело градови, вело маала. Во текот на целата недела на одбележување, во сите градови кои ќе ги посетиме, ќе биде поставена и изложба на пристигнатите (физички цртежи) кои беа дел од минатогодишниот објавен ликовен по повод неделата на мобилност 2019.

Настаните ќе се одвива според официјалниот протокол за организирање на јавни настани, запазувајќи ги сите здравствени мерки.

The post „Вело Родео“ по повод Европската недела на мобилност appeared first on plusinfo.mk.