Обвинителството за организиран криминал и корупција денеска потврди дека уште од декември минатата година води предистражна постапка за сомнежи за шпиунажа и недозволени активности во Кабинетот на претседателката Гордана Сиљановска-Давкова.

Од ОЈО велат дека со месеци бараат анализи, видеоснимки и податоци од МВР, но дека досега нема добиено повратни информации за резултатите од истрагата.

Според обвинителството, постапката била отворена на 18 декември минатата година, кога било добиено известување од МВР за индиции за компјутерски криминал кое се однесува на настан од 24.11.2025 година.

Според соопштението, веднаш била побарана и судска наредба за пребарување на информативниот систем во Кабинетот на претседателката.

„Во рамки на постапката, до Основниот кривичен суд беше доставено Барање за издавање наредба за пребарување на компјутерски систем, со цел утврдување на содржините што евентуално биле неовластено преснимени од информативниот систем во Кабинетот на Претседателката.“

Обвинителството додава дека истовремено биле издадени и наредби за екстракција на податоци од персонални и лаптоп компјутери доставени до МВР.

„Дополнително, до Кабинетот на Претседателката беше упатено барање за доставување копии од видео записите од безбедносните камери поврзани со пријавениот настан.“

Но, токму тука почнале и проблемите околу видеонадзорот.

Од ОЈО велат дека Кабинетот на претседателката ги известил оти не располага со снимките, бидејќи опремата била набавена преку СОЗР, а снимките биле во надлежност на МВР.

„На почетокот на 2026 година, по добиено известување дека Кабинетот на Претседателката не располага со копии од видео надзорот, бидејќи опремата е набавена преку СОЗР, а надлежноста за ракување и чување на записите е кај МВР, предметниот јавен обвинител се обрати и до СОЗР и до МВР за нивно итно обезбедување.“

Од Обвинителството додаваат дека СОЗР одговорил оти не располага со видеоснимки.

„Од СОЗР беше добиено известување дека институцијата не располага со видео записи, туку дека нивната надлежност се однесува исклучиво на набавка на опремата, додека чувањето и располагањето со копиите од записите е во надлежност на МВР.“

Потоа следувала анализа на компјутерската опрема и на криптираните податоци.

• СИ ИГРАЛ ШПИОН ВО КАБИНЕТОТ НА ПРЕТСЕДАТЕЛКАТА Обвинителството води предистрага од декември лани

„На 16.03.2026 година МВР доставило известување за дел од преземените активности кои се однесуваат на обезбедување пристап до криптираните податоци од дотогаш екстрахираната компјутерска опрема.“

Во меѓувреме, до ОЈО биле доставени и два мобилни телефона одземени од пријавениот.

„До ОЈО ГОКК биле доставени и два мобилни телефони одземени од пријавениот, со барање за нивна екстракција во Истражниот центар на ОЈО ГОКК.“

Обвинителството наведува дека потоа било побарано и заедничко вештачење на податоците од телефоните и компјутерската опрема.

„На 25.03.2026 година, имајќи ја предвид сериозноста и чувствителноста на предметот, јавниот обвинител до МВР, Сектор за компјутерски криминал, доставил наредба за анализа на податоците од мобилните телефони, како и заедничка анализа на податоците екстрахирани од компјутерската опрема обработена во Истражниот центар на ОЈО ГОКК.“

Но, и покрај сериозноста на случајот, од ОЈО тврдат дека сè уште немаат добиено резултати од МВР.

„До денес, и покрај сериозноста на предметот, чувствителноста на околностите и значењето на навременото постапување, ОЈО ГОКК нема добиено известување од МВР за резултатите од преземените дејствија, ниту за прибраните докази“, наведуваат од Обвинителството.

СИ ИГРАЛ ШПИОН ВО КАБИНЕТОТ НА ПРЕТСЕДАТЕЛКАТА Обвинителството води предистрага од декември лани

The post ИСТРАГАТА БИЛА ПОЧНАТА ПО ПРВИТЕ ИЗВЕСТУВАЊА ОД МВР Обвинителството со месеци чека одговор за шпионската афера во Кабинетот на претседателката  appeared first on plusinfo.mk.

Ќе се засили контролата на користењето мобилни телефони за време на наставата, кое е забрането, и во најголем дел од училиштата директорите и наставниците веќе презеле мерки со кои на учениците им се одземаат телефоните и ги добиваат за време на одморите – рече министерката за образование и наука Весна Јаневска на настан во Занаетчиската комора, посветен на градењето вештини кај младите.

– Со оглед на тоа што целата земја не е покриена со интернет-мрежа, со паметни табли и со таблети, доколку наставникот процени дека е потребно да се употреби мобилниот телефон на децата, тогаш тој ќе даде посебна дозвола. Сметам дека овој начин за справување со мобилните телефони во училиштата е добар. Проблем е што учениците ги добиваат телефоните од родителите, надвор од училиштата, и тогаш тие неконтролирано се користат – рече Јаневска.

Градоначалникот на Скопје Орце Ѓорѓиевски посочи дека, додека бил градоначалник на Кисела Вода, не биле дозволени електронски уреди во наставата и дека општината била меѓу првите што забранила користење мобилни телефони.

– Тоа е добро да се практикува и во средните училишта и за тоа ќе разговараме со сите директори на средните училишта. Онаму каде што ќе има потреба да се користат, и е во согласност со наставата, таму ќе биде овозможено со посебна дозвола од наставниците, како што кажа министерката, а сè друго ќе биде посветено учење за време на часот – изјави градоначалникот на Скопје во чија надлежност се средните училишта во главниот град.

Министерката за образование и наука најави лиценцирање на училишните психолози за да детектираат разни видови проблеми во училиштата и да преземат мерки. Во врска со случаите на педофилија кај наставници, Јаневска изјави дека во образованието има многу проблеми, но, рече, овој е еден од најтешките. За случаите, кои се познати во јавноста, рече Јаневска, постапил Државниот просветен инспекторат и е пријавено и во полиција и во јавните обвинителства.

По најавата за воведување дежурство на наставници во училишните ходници и во дворовите за обезбедување мирна средина, Јаневска посочи дека тоа не е нов облик и во некои училишта тоа функционирало.

– Но во многу училишта не функционира. Дописот е испратен и ние само ги потсетуваме на добрите практики и во нашата земја, но и во странство. Тие се луѓето одговорни за однесувањето на учениците и за мирната средина во училиштето. Но, сакам да нагласам дека децата не стануваат агресивни во училиштата, тие однадвор доаѓаат полни со агресија во училиштата, па затоа не е одговорноста само на наставниците, на целото општество, и треба да се работи и со родителите и со социјалните служби. Проблемот е комплексен и треба да биде опфатен од сите страни – додаде Јаневска.

The post ЌЕ СЕ ЗАБРАНИ КОРИСТЕЊЕТО МОБИЛНИ ТЕЛЕФОНИ И ВО СРЕДНИТЕ УЧИЛИШТА? Некаде веќе се применува и дава резултати appeared first on plusinfo.mk.

Врисоци ја расцепиле ноќта во индиската држава Утар Прадеш, кога три малолетни сестри скокнале од балкон на деветти кат, неколку часа откако родителите им ги одзеле мобилните телефони. Трагедијата се случила околу 2 и 15 часот наутро, во тишина што била прекината од крици кои го разбудиле целото соседство.

Сестрите, Паки 12 години, Прачи 14 години и Вишика 16 години, биле силно поврзани со корејската поп култура, со К поп музиката и со корејските серии. Според локалните медиуми, тие една по една излегле на балконот од станот и скокнале во смрт, пред родителите да успеат да реагираат.

Родителите се разбудиле од врисоците и ја скршиле вратата од станот, но кога стигнале до балконот, веќе било предоцна. Телата на девојчињата биле пронајдени под зградата, а полицијата веднаш започнала истрага.

Ghaziabad Triple Suicide: 3 Teen Sisters Jump to Death

Based on what I witnessed, one girl seemed resolute about ending her life, while the other two girls were desperately trying to stop her…: Eyewitness speaks to @BhawanaKishore @anchoramitaw with more details. pic.twitter.com/s4uDTFSgAe

— TIMES NOW (@TimesNow) February 5, 2026

Во нивниот дом, мајката и таткото подоцна пронашле осумстрана рачно напишана проштална порака во џебен дневник. Во неа, девојчињата изразиле длабока емоционална врзаност за Кореја и чувство дека родителите се обидувале да им ја одземат таа опсесија.

„Како ќе нè натерате да ја напуштиме Кореја? Кореја беше нашиот живот, па како се осмелувате да ни го одземете животот? Сега го видовте доказот“, напишале тие.

Во писмото стоело и дека корејските актери и К поп музиката за нив значеле повеќе од семејството, како и дека без тоа не го гледале својот живот. Девојчињата дури си дале и корејски имиња, Синди, Марија и Ализа, кои ги користеле во своите лични белешки.

Watch | Ghaziabad, Uttar Pradesh: Three minor sisters died after allegedly jumping from the 9th floor of a residential building. (Visuals from spot)#Ghaziabad | #UttarPradesh | #UNI https://t.co/SUYLEXOR33 pic.twitter.com/gictwBctDr

— United News of India (@uniindianews) February 4, 2026

Според полициските информации, таткото неодамна вовел строги ограничувања за користење мобилни телефони, поради загриженост за прекумерната зависност од содржини поврзани со корејската поп култура. Истражителите сметаат дека токму таа одлука ја продлабочила нивната емоционална криза.

Во детската соба биле забележани и пораки испишани на ѕидот, меѓу кои и речениците дека се чувствуваат многу осамено и скршено. Локалните власти наведуваат дека овие натписи дополнително укажуваат на подолготрајна психолошка состојба, а не на импулсивна одлука донесена во еден момент.

Случајот предизвика шок и силни реакции во Индија и пошироко, откако беше објавен од британскиот таблоид „Дејли Мејл“, кој објави и фотографии од сестрите, отворајќи повторно прашања за менталното здравје на младите и за влијанието на дигиталните содржини врз децата.

The post ИМ ГИ ОДЗЕЛЕ ТЕЛЕФОНИТЕ, СКОКНАЛЕ ОД БАЛКОН Трагедија на три сестри тинејџерки ја потресе Индија appeared first on plusinfo.mk.

Децата поминуваат многу време пред екрани, а родителите честопати посегнуваат по телефоните како по најлесно решение. Наместо да разговараат, да си играат или да споделуваат секојдневни моменти, децата се „туркаат“ кон екраните. Психијатарот проф. д-р Ивица Младеновиќ, гостин во емисија на српската телевизија Уна, поставува клучни прашања: во што всушност растат децата што постојано се свртени кон дигиталниот свет и што губат родителите кога го избираат телефонот наместо своето дете?

Децата што растат во таква средина учат дека вниманието, времето и присуството не се неопходни, туку опционални. Дигиталниот свет обезбедува забава и стимулација, но не може да ја замени емоционалната сигурност, емпатијата и вистинската комуникација што ги обезбедува присутниот родител, пишува „Јумама“.

Незрелите родители создаваат незрели деца

Повеќе за ова прочитајте ТУКА.

The post ИМ ДАВААТ ТЕЛЕФОНИ ЗА ДА НЕ МОРААТ ДА СЕ ЗАНИМАВААТ СО НИВ Родителите честопати посегнуваат по мобилните како најлесно решение appeared first on plusinfo.mk.

Истражувањата покажуваат дека постојаната употреба на мобилни телефони од страна на родителите може негативно да влијае на емоционалниот развој на децата. Штетата не се одразува само во ослабена емоционална регулација и самосвест, туку и во нарушен авторитет, послаби семејни врски и нарушена атмосфера во домот. Родителите кои несвесно стануваат „телефонски зомбиња“ честопати не забележуваат колку нивните навики го обликуваат семејниот живот.

Студија објавена во списанието Scientific Reports покажува дека самото присуство на мобилен телефон во текот на разговор или оброк може да го ослабне квалитетот на односите. Родителите кои поминуваат премногу време пред екран можеби дури и не сфаќаат колку тоа влијае на нивните деца.

Скролување за време на семејните оброци

Заедничките оброци се клучни за поврзување, чувство на сигурност и отворена комуникација во семејството. Според терапевтката Ен Фишел, децата кои редовно јадат со своите родители имаат подобри оценки, посилни пријателства и постабилни емоции. Ако родителот го гледа својот телефон додека јаде, пропушта вредна можност да разговара и да се поврзе.

Прочитајте повеќе ТУКА.

The post ГИ САКАМЕ, А ГИ ПОВРЕДУВАМЕ Постојаната употреба на мобилните телефони негативно влијае на емоционалниот развој на децата appeared first on plusinfo.mk.

Националната телефонска мрежа падна во Шпанија – само неколку недели по големиот електричен колапс што го парализираше полуостровот.

Најпогодени беа фиксните линии, а граѓаните не можеа да се јават на 112 во повеќе региони, вклучувајќи ја Валенсија, Арагон, Баскија и Екстремадура. Мрежата се враќа постепено, јавија медиумите.

Причина за прекинот биле надградбите што ги спровела компанијата „Телефоника“. Таа призна вина и најави решавање. Во некои области сервисот веќе е вратен.

Проблемите почнале ноќеска, околу 2 часот. Според „Даундектор“, 72% пријавиле целосен прекин, 18% немање сигнал, 10% други проблеми.

Министерството за дигитална трансформација соопшти дека ја следи ситуацијата и бара конкретни информации од операторот.

Пред само три недели, милиони луѓе во Шпанија и во Португалија останаа без струја. На шпанската електрична мрежа ѝ беа потребни речиси 23 часа за повторно да го прогласи системот за оперативен, а прекинот ги погоди семафорите, уличното осветлување, терминалите за плаќање и информативните екрани.

The post НОВ КОЛАПС ВО ШПАНИЈА, ПАДНАА МОБИЛНИТЕ МРЕЖИ Компанијата „Телефоника“ ја призна вината appeared first on plusinfo.mk.

Американскиот министер за трговија Хауард Лутник изјави дека паметните телефони, компјутерите и некои други електронски уреди, кои беа ослободени од високите царини за увоз од Кина, ќе се соочат со посебни нови давачки заедно со полупроводниците во следните два месеци, јави Ројтерс.

– Претседателот Трамп вели дека тие (производи) се ослободени од реципрочните царини, но дека се вклучени во царини за полупроводници, кои доаѓаат веројатно за месец или два. Ова се работи што треба да ги направиме во Америка за национална безбедност – рече америкнаскиот министер во интервју за Еј-Би-Си, предвидувајќи дека давачките ќе донесат производство на тие производи во САД.

Пекинг ги зголеми сопствените царини за американскиот увоз на 125 отсто во петокот, спротивставувајќи се на тарифите на Трамп.

Кина во неделата соопшти дека го проценува влијанието на исклучувањата за технолошките производи што САД го воведе доцна во петокот на 11 април.

„Ѕвоното на вратот на тигарот може да го одврзе само тој што го врзал“, соопшти кинеското Министерство за трговија.

The post МОБИЛНИТЕ СЕПАК НЕМА ДА КУРТУЛАТ ОД ЦАРИНИТЕ НА ТРАМП Американски министер најави посебни давачки за ретки технологии appeared first on plusinfo.mk.

Дали сте од оние кои не можат да сфатат како сме живееле без мобилен телефон, како сме се запознавале, како сме одржувале контакти? Дали сте едни од оние луѓе кои целиот свој живот го имаат во својот мобилен телефон?

Дали е тоа навика, порок или едноставно моќта и влијанието на оваа мала направа која секојдневно ја држиме во раце?

Добата без мобилен телефон припаѓа на поновата историја. Не толку одамна, луѓето живееја многу добро без овој уред. Можеби дури и поквалитетно од денес. Едно е сигурно, мобилниот од нешто што беше наш избор да го имаме или не, прерасна во навика, некому му стана работа, а некому целиот свет.

За помалку од една деценија мобилниот телефон стана достапно средство за комуникација за секого.

Наскоро неговата цел и намената станаа ненадминливи, па телефонот се користи наместо мозокот. Буквално! Во него чуваме важни белешки и информации, му го доверуваме животот. Читаме што нè интересира, кликаме додека не се онесвестиме, слушаме и гледаме преку мобилните телефони, работиме преку нив. Достапни сме секогаш, секаде и за секого.

Овие уреди ги заменуваат и телевизијата и радиото. Тие се нашата глава и нашиот ум. Ние веќе не треба да размислуваме, па дури ни да зборуваме. Тој прави се за нас.

Повеќе за ова на порталот „Мајка и дете“.

The post НЕ ГЛЕДАЈТЕ ВО ЕКРАНИТЕ, ГЛЕДАЈТЕ ВО ДЕЦАТА! Не дозволувајте и вашите деца да го користат телефонот наместо мозокот! appeared first on plusinfo.mk.

Данската комисија за заштита на децата спроведе истражување и заклучи дека децата под 13 години воопшто не треба да поседуваат мобилни телефони или таблети и препорача владата да воведе национална забрана за користење на мобилни телефони во сите основни училишта во земјата. Надлежните го прифатија предлогот, а мобилните телефони наскоро целосно ќе бидат отстранети од образовните институции – децата повеќе нема да смеат да ги користат за време на часови, паузи или воннаставни активности.

Зони без мобилни телефони

„Отстранувањето на мобилните телефони од училиштата им дава одмор на младите од онлајн-животот, учејќи ги како да бидат дел од аналогните заедници и да го тренираат своето внимание“, вели шефот на комисијата, Расмус Мајер, во изјава за Гардијан.

Тој ги повика и сите други европски земји да го следат нивниот пример и напомена дека би било добра идеја да се воведе забрана за мобилни телефони во училиштата на ниво на Европската унија. „Ако за пет години одлучиме дека е подобро со мобилните телефони, можеме да ги вратиме, но мислам дека тоа нема да биде така.

Повеќе за ова прочитајте ТУКА.

The post ДА ЈА ЗАПРЕМЕ ДИГИТАЛИЗАЦИЈАТА НА ДЕТСКИТЕ ЖИВОТИ! Данска ги забранува мобилните телефони во училиштата и ја повикува ЕУ да го следи нејзиниот пример appeared first on plusinfo.mk.

Градоначалникот Горан Герасимовски информира дека Општина Центар донела низа препораки кои основните општински училишта имаат прифатено да ги спроведуваат со цел зголемување на безбедноста на учениците и подобрување на образовниот процес во центарските училишта.

– Сите основни училишта на територија на општината прифатија да се забрани користење на мобилните телефони од почеток до крај на наставата, а носењето на втор мобилен телефон да биде одземен и вратен на родителот. Со оглед на случувањата во последниот период кои резултираат со повреди на самите ученици, односно имитирање на апликации како Tik Tok и други, целта е да се подигне безбедноста во училиштата на повисоко ниво – вели Герасимовски.

Овие насоки се донесени врз основа на препораките на Организацијата на Обединетите нации за образование, наука и култура (УНЕСКО), кои во јули 2023 година укажаа на негативните ефекти од употребата на паметни телефони врз процесот на учење.

Препораките за забрана на користење на мобилните телефони се прифатени и во образовниот процес во дел од европските земји.  Истражувањата на кои се повикува УНЕСКО покажуваат дека мобилните телефони го одвлекуваат вниманието на учениците и имаат особено негативно влијание врз децата кои имаат потешкотии во учењето. Дополнително, децата повеќе разговараат меѓусебно и се дружат, што ја поттикнува социјалната интеракција.

The post ОСНОВНИТЕ УЧИЛИШТА ВО ЦЕНТАР ЌЕ ЗАБРАНАТ МОБИЛНИ ТЕЛЕФОНИ Ако некое дете носи втор мобилен, веднаш ќе биде повикан родител appeared first on plusinfo.mk.