Апликацијата „МојДДВ“, преку која граѓаните остваруваат поврат на дел од платениот ДДВ, веќе петти ден е недостапна за голем број корисници.

При обид за најава се појавува порака дека нема конекција со Управата за јавни приходи, поради што корисниците не можат да ги скенираат фискалните сметки.

Проблемите започнале на 10 јуни, а два дена откако институцијата соопшти дека работи на надминување на пречките, апликацијата сè уште не функционира нормално.

„Ве информираме дека апликацијата ‘МојДДВ’ моментално функционира со повремени забавувања. Нашите тимови активно работат на утврдување на причините и на надминување на предизвиците, со цел што поскоро да се обезбеди нејзино непречено функционирање“, соопшти УЈП.

Проблемот доаѓа токму во последниот месец од кварталот, кога граѓаните најинтензивно ги скенираат сметките за поврат на данок.

Преку мерката „МојДДВ“, граѓаните можат да добијат поврат до 2.100 денари за едно тримесечје.

УЈП претходно потсети дека исплатата на повратот се врши во рок до 60 дена по завршувањето на кварталот, согласно законските одредби.

The post „МОЈ ДДВ“ ЗАГЛАВИ НЕКОЛКУ ДЕНА ПО РЕД Граѓаните чекаат УЈП да го реши проблемот appeared first on plusinfo.mk.

Започна исплатата на парите од МојДДВ за скенирани фискални сметки за првото тримесечје од 2026 година, информираа од УЈП.

Исплатата се реализира етапно, согласно обработката на налозите.

Според објавените податоци, парите ќе добијат 528.447 корисници, а вкупно  бидат исплатени близу 836 милиони денари (13,6 милиони евра).

Од УЈП информираат дека кај 4.968 корисници е утврден неточен податок за трансакциска сметка, поради што исплатата засега не може да се реализира додека не се коригираат податоците.

Дополнително, кај 7.560 корисници износот за поврат е помал од 50 денари, па парите ќе бидат префрлени и исплатени во следниот квартал.

Од УЈП апелираат граѓаните кои сè уште не добиле пари од претходни или тековни исплати да ги проверат податоците за трансакциската сметка во апликацијата.

The post ПОЧНА ИСПЛАТАТА НА МОЈДДВ На сметките на граѓаните ќе легнат вкупно 13,6 милиони евра appeared first on plusinfo.mk.

Не се размислува за укинување на мерката „МојДДВ“. Останува како и досега,  изјави министерката за финансии Гордана Димитриеска Кочоска, откако директорката на УЈП оцени дека мерката не го дава посакуваниот ефект.

– Не, апсолутно. Јас вчера нешто потслушнав на крајот на денот, бидејќи цел ден бевме оптоварени со ова што сметам дека е еден од најголемите предизвици на државата и немав прилика да ја слушнам директорката. До овој момент нема некаков извештај или информација до Министерството, ниту пак сме разговарале воопшто дека ќе го менуваме законот или воопшто ќе дискутираме околу Мој ДДВ, така што не можам да кажам дека ќе има какви било промени, туку напротив се останува како што беше досега – рече Димитриеска Кочоска.

The post НЕ СЕ РАЗМИСЛУВА ЗА УКИНУВАЊЕ НА МЕРКАТА „МОЈДДВ“ Димитриеска Кочоска тврди дека мерката не е на дневен ред appeared first on plusinfo.mk.

Управата за јавни приходи (УЈП) информира дека повратот на средства од мерката МојДДВ за скенирани сметки во третиот квартал од 2025 година продолжува, односно не е прекинат ниту откажан.

– Во процесот на исплата кај дел од спецификациите се појави технички проблем кој бара целосна преработка на истите. Имено, доколку постои дури и само еден налог каде се појавува корисник со промена на банка или трансакциска сметка, целата пратка системски се враќа и средствата не се исплаќаат кон сите корисници кои се во ист налог, како и корисникот кој извршил промена. Овој предизвик е веќе идентификуван и надлежните служби работат на негово надминување. Целта е да се обезбеди точна и правична исплата за сите граѓани, без исклучок – објаснуваат од УЈП.

Исплатата за корисниците со валидни и потврдени податоци е во тек, а за останатите ќе биде реализирана веднаш по завршување на техничката преработка.

УЈП апелира до граѓаните доколку вршат промена на банка или трансакциска сметка, потребно е веднаш да направат ажурирање на податоците во системот. Со тоа ќе се избегнат вакви ситуации во иднина и ќе се овозможи навремена исплата на сите корисници.

– Граѓаните можат да бидат спокојни – средствата кои им следуваат од МојДДВ ќе бидат исплатени – порачуваат од УЈП.

The post ИСПЛАТАТА НА ДДВ НЕ Е ПРЕКИНАТА Управата наишла на технички проблеми кај корисници кои смениле банка или сметка appeared first on plusinfo.mk.

Заклучно со вчера исплатени се 552 милиони денари (8,9 милиони евра) на сметките на граѓаните по основ на Мој ДДВ, а подготвени се налози за исплата на уште 370 милиони денари (околу 6 милиони евра), информира денеска директорката на Управата за јавни приходи Елена Петрова.

Кај некои граѓани можно е да има застој во исплатата, но тоа, според Петрова, се должи на технички проблеми кои не зависат од УЈП, како што е на пример невалидна трансакциска сметка.

–  Процесот за Мој ДДВ е во тек. Сега треба да се реализира повратот за третиот квартал заклучно со 30 септември. За да започнеме со обработка на налозите почнуваме после поднесување на пријавите во септември. Може да дојде до определени застои кај некои физички лица за кои не е валидна трансакциската сметка што ја поднело лицето, односно технички проблеми кои не зависат од УЈП – појаснува Петрова.

Во однос на повратот на ДДВ за компаниите, заклучно со вчера реализиран е поврат од скоро 500 милиони евра. Петрова вели дека тоа е континуиран процес и дека налозите се изготвуваат за оние компании кои не се ризични, додека кај некои компании процесот трае подолго затоа што мора да се направат надворешни контроли.

–  Околу половина од дополнително утврдените даноци што не биле правилно пресметани и правилно пријавени од страна на даночните обврзници се однесуваат за ДДВ. Кажав дека имаме околу 60 милиони евра дополнително утврдени даноци во периодот јануари – октомври, од нив околу половина се однесуваат на Данокот на додадена вредност што значи дека мораме да ги правиме даночните контроли бидејќи на тој начин штитиме од буџетот да не се исплатат неосновано пари – вели Петрова.

Таа додаде дека секоја контрола зависи од големината на компанијата и дека некогаш е потребно и проширување на контролата.

Во однос на реализацијата на планот кај даноците, Петрова вели дека за периодот јануари-октомври имаат успешна реализација од околу 99% кај данокот на додадена вредност и околу 95% кај данокот на добивка. Кај данокот на личен доход, каде има помала реализацијата во однос на планираното, Петрова вели дека имаат многу активности што се во тек, а со кои очекува да се подобри реализацијата и во овој дел.

The post БЛИЗУ 15 МИЛИОНИ ЕВРА ЌЕ ДОБИЈАТ ГРАЃАНИТЕ ОД ПОВРАТ НА ДДВ Кај компаниите се вратени 500 милиони евра од ДДВ appeared first on plusinfo.mk.

До крајот на месецов ќе биде исплатен повратот на ДДВ на граѓаните кои скенираат фискални сметки за периодот јули- септември, информира Министерството за финансии.

Оттаму појаснуваат дека системот за поврат функционира редовно, а доцнење најчесто се случува поради неточни или неажурирани податоци за трансакциската сметка во Управата за јавни приходи.

Исплатата на средствата за скенирани фискални сметки преку апликацијата „МојДДВ“ се врши во рок од 60 дена по завршувањето на кварталот. За третиот квартал (јули–септември), законскиот рок до кога треба да се изврши исплатата е до 30 ноември 2025 година.

Од воведување до сега, пракса беше повратот за изминатото тримесечје да им легне на сметките од 10 до 15 ти.

„Мој ДДВ“ беше воведен во 2019 година а максималниот износ кој можеше да се добие од скенирање фискални изнесуваше 1.800 денари. Потоа прагот се зголеми на  2.100 денари.

The post НЕМА ЗАСТОЈ ВО ИСПЛАТАТА НА „МОЈДДВ“ До 30 ноември граѓаните ќе ги добијат парите appeared first on plusinfo.mk.

Од вчера мобилната апликација „МојДДВ“ работи со прекини. Денеска и Управата за јавни приходи (УЈП) информираше дека има технички проблеми во функционирањето на апликацијата и интензивно се  работи на отстранување на проблемот.

– Ги информираме корисниците дека, согласно член 6 од Законот за враќање на дел од износот на ДДВ на физичките лица, фискалните сметки можат да се скенираат во рок од 10 дена од датумот на нивното издавање. Тоа значи дека сите сметки, кои се во рамки на овој рок, ќе можат да бидат скенирани веднаш штом апликацијата повторно биде ставена во функција- веелат од УЈП.

The post АПЛИКАЦИЈАТА МОЈДДВ ВТОР ДЕН РАБОТИ СО ПРЕКИНИ Тим на УЈП работи на отстранување на проблемот appeared first on plusinfo.mk.

Управата за јавни приходи изготвила налози за околу 492.000 граѓани. Дел од граѓаните веќе денеска ќе ги имаат парите на сметка.

-За ова тримесечје ќе се исплатат околу 858.059.205 денари на 491.407 граѓани кои скенирале фискални сметки за период април-јуни 2024 година – велат од УЈП.

The post АКО СКЕНИРАТЕ ФИСКАЛНИ, ПРОВЕРЕТЕ ГИ СМЕТКИТЕ Почна исплатата на „МојДДВ“ appeared first on plusinfo.mk.

„Управата за јавни приходи подготви налози за исплата за близу 450.000 граѓани, а денес на повеќето од нив веќе им се исплатени средствата. Исплатата продолжува и во наредните денови од оваа недела се до целосна реализација кон граѓаните кои имаат уреден запис за трансакциска сметка во самата апликација. Апелираме до граѓаните кои имаат грешен запис за трансакциска сметка или воопшто немаат запис за трансакциска сметка, најбрзо да ја внесат точно својата ЛИЧНА трансакциска сметка за да може да им биде извршен повратот“, информираше УЈП преку соопштение.

The post ПОЧНА ИСПЛАТАТА НА „МОЈ ДДВ“ Парите ќе ви легнат на сметка до крајот на неделава appeared first on plusinfo.mk.

– Средствата што во Буџетот за 2023 година биле испланирани од претходното раководство за исплата за Мој ДДВ во најголем дел се потрошени или, со други зборови кажано, не биле испланирани доволно средства за овие исплати за цела 2024 година, па треба да се обезбедат средства со ребалансот на Буџетот. За прашањето дали ќе има измени во спроведувањето на оваа мерка до сега слушнавме појаснувања и од премиерот и од министерката за финансии, и тоа дека оваа мерка ќе остане и ќе се надгради со други исплати кон таргет групи граѓани. Toa прашање не може да се адресира на УЈП, затоа што исплатата на буџетски средства на граѓаните врз основа на скенирање на фискални сметки преку систем Мој ДДВ по својата суштина е економско-социјална мерка – вели Петрова.

Таа вели дека граѓаните се доволно свесни дека нема дисциплина во издавањето фискални сметки.

– Очигледно е, ноторен факт е дека многу регистрирани трговци и угостители не издаваат фискални сметки, како и лица кои нерегистрирано вршат некаква дејност. Има и појави на издавање сметки кои не се фискални и сл. Ова потврдува дека мерката Мој ДДВ од даночен аспект е далеку од најавата дека секој граѓанин ќе биде даночен инспектор и дека оваа мерка ќе помогне во сузбивањето на сивата економија, а непријавувањето на готовинскиот промет е една, но по обем најголема појавна форма на сивата економија – вели Петрова.

The post МОЈ ДДВ ЌЕ СЕ ИСПЛАЌА ПО РЕБАЛАНСОТ НА БУЏЕТОТ Претходната власт не испланирала доволно пари за поврат appeared first on plusinfo.mk.