Венко Филипле и СДСМ намерно креваат лажна паника за наводно нарушена безбедност на скопскиот аеродром. Каква врска имаат партиите со тоа што се расипал радар, што може да се случи на било кој аеродром во светот, прашува ВМРО-ДПМНЕ преку соопштение.

„Расипаниот радар не само што не ја загрозува безбедноста на патниците туку работата на аеродромот продолжува непречено по утврдени протоколи. Впрочем ниту една реномирана авиокомпанија која оперира на скопскиот аеродром се нема пожалено ниту откажано од работење. Што се однесува за партизираноста на МНАВ само да потсетиме дека каубојците од ДУИ се тепаа на работно место, а пајташите на СДСМ вработија 70 партиски војници во оваа институција. Затоа на ваквото ширење на паника од СДСМ гледаме како сценарио за кревање на паника слично на палењето на депониите во Скопје од кое што ќар имаат само СДСМ за да ја покријат безидејноста и неспособноста“, информираше ВМРО-ДПМНЕ.

The post КАКВА ВРСКА ИМААТ ПОЛИТИЧКИТЕ ПАРТИИ СО РАСИПАНИОТ РАДАР ЗА АВИОНИ? Филипче и СДСМ креваат лажна паника, обвини ВМРО-ДПМНЕ appeared first on plusinfo.mk.

Бесир Шабани е нов член на Надзорниот одбор на „Македонска Навигација“ – М-НАВ, објави Македонската берза.

„Ве известуваме дека е извршена промена кај членовите на Надзорниот одбор на Акционерското друштво во државна сопственост за управување со воздушниот сообраќај и давање услуги во воздухопловна навигација М-НАВ АД Скопје. Со Одлука на Владата на Република Северна Македонија во својство на Собрание на Акционерското друштво во државна сопственост за управување со воздушниот сообраќај и давање услуги во воздухопловна навигација М-НАВ АД Скопје за член на Надзорниот одбор е избран Бесир Шабани“, се вели во објавата на Берзата.

Согласно настанатата промена, Надзорниот одбор на Акционерското друштво во државна сопственост за управување со воздушниот сообраќај давање услуги во воздухопловна навигација М-НАВ АД Скопје е во состав од членовите: Горан Јандреоски, претседател, Милорад Милановиќ, член и Бесир Шабани, член.

The post ПРОМЕНИ ВО РАКОВОДСТВОТО НА „МАКЕДОНСКА НАВИГАЦИЈА“ Бесир Шабани е нов член на Надзорниот одбор appeared first on plusinfo.mk.

– Добиени се дополнителни претставки, надзорот ќе продолжи понатаму. Затоа што  надзор ќе се изврши и во Агенцијата за вработување, а исто така ќе се постапи и по новопримените претставки од страна на неизбраните кандидати. Значи имаме претставки од двајца неизбрани кандидати, имаме претставка од анонимен подносител, членови на синдидатот и таа ќе ја дадеме во обработка. Што значи ќе се прошири надзорот и ќе ни треба повеќе простор и време – вели Томовска.

Таа очекува дека во текот на неделата координативен состанок и со Финансиска полиција, а на кој треба да разгледаат од двете области до каде се со надзорот во М-НАВ. Томовски истакна и дека инспекторите кои работат на овој надзор имаат обемна документација и работат и до 18 или 19 часот.

– Колегите ги разгледуваат, документацијата е обемна, затоа ве молиме за трпение, за да завршиме како што треба – вели Томовска.

МИА претходната недела објави дека тројцата инспектори ги разгледуваат четирите последни огласи за вработување, како и дали синдикатот има најави за штрајк согласно Законот. Последните огласи за вработување се четири, објавени беа 21 работно место, а пополнети се 17 извршители. Инспекторите со претседателот на синдикатот имаа и разговор и ја добија потребната документација. Инспекцискиот надзор од Државниот инспекторат за труд и Финансиската полиција во М-НАВ почна по  случувањата во оваа институција.

The post УШТЕ ПРИСТИГНУВААТ ПРЕТСТАВКИ ОД ОДБИЕНИ КАНДИДАТИ Трудовиот инспекторат го прошири надзорот во М-НАВ appeared first on plusinfo.mk.

Основното јавно обвинителство Скопје, како што информираат оттаму, ќе вложи жалба на ваквата одлука.

Вчера, надлежниот јавен обвинител беше известен од МВР дека е пронајдено и лишено од слобода уште едно од лицата кои беа опфатени со наредбата за истрага за упадот во М-НАВ.

Претходно за упадот во М-НАВ домашен притвор беше одреден за четири лица, меѓу кои и Беким Незири советник во М-НАВ и функционер на ДУИ.

The post КУЌЕН ПРИТВОР ЗА УШТЕ ЕДЕН ОСОМНИЧЕН ЗА УПАДОТ ВО М-НАВ Уапсен на граничен премин appeared first on plusinfo.mk.

-Никој од надвор не смеел да присуствува во местото каде контролорите ја работеле својата работа – рече пилотот и додаде дека тоа би било како куп бактерии и вируси да влезат во операциона сала додека се врши операција врз пациент.

Во моментот кога во М-НАВ се случил упадот, над небото имало 28 летови под нивна контрола.

– Тоа е чист терористички акт, каде лица од надвор влегуваат таму каде што не им е местото и ја реметат работата. Доколку во право време не издадете правилна команда додека одговарате за животите на стотици луѓе, може да дојде до несреќа. Во авијацијата постои еден назив кој гласи „стерилитет“. Стерилен кокпит или стерилна соба. Од она што го работам, кога ќе тргнеме во снижување, во пилотската кабина е пропишано да мора да владее стерилна средина, значи не се разговараат приватни работи, туку сме насочени само на тоа што го работиме – додава Биковски.

На прашањето дали овој инцидент може да доведе до последици по довербата во македонската авијација и навигација, тој одговара потврдно.

The post ПИЛОТ НА „БОИНГ“ Е ВЏАШЕН ОД СКАНДАЛОТ ВО М-НАВ Биковски вели дека упад во контролата на летање е терористички акт appeared first on plusinfo.mk.

Во пост на профилот на Фејсбук со наслов „Страв од летање“, лидерот на Достоинство Стојанче Ангелов се осврнува на скандало во М-НАВ.

The post ДА ТРГНЕА НА КОНТРОЛНАТА КУЛА ВО ЊУЈОРК ИЛИ ВО ПАРИЗ, ЌЕ БЕА „РЕШЕНИ“ УШТЕ ПРИ ОБИДОТ Стојанче Ангелов за насилството врз контролорите на летање appeared first on plusinfo.mk.

„Група од партиски функционери на владејачката ДУИ, на чело со Беким Незири, инаку инспектор за контрола на летање и близок соработник на директорот на М-НАВ, претседател на огранокот на ДУИ во Чаир и човек кој извршувал високи државни функции, упаднаа во еден од најзаштитените објекти во државата М-НАВ и физички притоа ги нападнаа контролорите на летање, кои во истиот момент извршувале сложени работни задачи од кои зависат илјадници животи.

За време на насилниот упад, биле физички нападнати повеќе лица, а еден од нападнатите бил удрен од позади, по што истиот паднал врз апаратурата, со која се контролираат авионите, кои се во моментот биле над македонското небо.

Како што дознаваме, неофицијално, во моментот на насилниот упад, на македонското небо вршеле прелет околу 40 авиони, а 2 авиони, од кој еден бил на сериозна авио компанија, кружеле над Скопје повеќе време и чекале дозвола за слетување. Во текот на денот имало и две слетувања на НАТО воздухоплови на аеродромот во Скопје. Да биде трагедијата уште поголема, во упадот учествувало и самото обезбедување, кое има задача да го штити објектот, но очигледно тоа не се случило, туку овие лица играле улога на поддршка на насилниците.

Името на агенцијата за обезбедување е озогласената кичевска фирма 2СС, која има промет од околу 3 милиони евра годишно и е позната по милионските тендери, посебно во институциите, кои ги раководат кадри на ДУИ. Па на листата на институции, кои ги користат нивните услуги се: АЕК, ЈП Државни Патишта, скопската градска болница 8-ми септември, како и Архелошкиот музеј, Музеј на Македонија, здравствен дом Кичево, Државната лотарија, ТИРЗ Кичево и Струга, Клиниката за гинекологија, Фонд за здравствено осигурување, Општина Центар во делот на училишта и градинки, Клиника за хематологија, скопската Клиника за кардиологија, управа за заштита на културно наследство, агроберза, Општина Струга и други. Односно накратко секаде каде ДУИ и СДС се на власт.

Дополнително, уште еден бенчмарк исполнет од европскиот фронт СДС-ДУИ, е фактот дека тепачите од М-НАВ беa пуштени без притвор. Скандалозно е што насилниците по извршениот упад во М-НАВ и делењето на шамари и клоци судот ги пушти без притвор, само со мерки за претпазливост. Во тие мерки, во соопштението, не се наведува дека им е забрането да одат повторно во институцијата, каде извршија кривично дело, што значи дека тепачите на ДУИ потмогнати од СДС, можат во секое време да го повторат делото.

Почитувани, овој страотен настан, според голем дел од експертите е терористички акт, а во најмала рака претставува кривично дело Загрозување на безбедноста на воздушниот сообраќај, за кое според Кривичниот законик, превидена е казна затвор од пет до десет години.

Извршен е насилен упад во М-НАВ, кој е објект на критична инфраструктура, и било загрозено небото над Македонија, која патем е НАТО членка, а со тоа било загрозено и европското небо и животите на илјадници патници, како домашни, така и странски, кои во тој момент се наоѓале во авионите.

МВР, како и секогаш, во овие 7 години, во кои Оливер Спасовски е министер, е само нем набљудувач, се до моментот кога македонската јавност ќе направи огромен притисок, па дури потоа доцна се реагира, а како резултат на тоа 4 лица од групата, се уште се во бегство и не се достапни на органите на прогонот.

Затоа оваа неевропска коалиција, ќе одговара европски. Една од првите одлуки по преземањето на институциите и МВР ќе биде одговорност пред законот без исклучок на сите вмешани во овој сериозен меѓународен скандал.

Ова ли е европската агенда на ДУИ и СДС? Ова ли е начинот на кој ќе ја внесуваат Македонија во ЕУ?

После ваков невиден настан, непознат во Европа и светот, мора да следат оставки веднаш, од врвот па надоле.

Одговорност мора и ќе имае! Никогаш не било полошо! Време е да ги поразиме“, порача Чулев на денешната прес конференција.

The post ДОДЕКА СЕ ТЕПАЛЕ ВО М-НАВ, 40 АВИОНИ ВРШЕЛЕ ПРЕЛЕТ Еден паднал над апаратурата со која се контролираат авионите appeared first on plusinfo.mk.

Судија на претходна постапка при Основниот кривичен суд Скопје, синоќа соопшти дека постапувајќи по предлог на Јавниот обвинител за определување мерка притвор против четири лица кои биле спроведни во судот, а осомничени за кривичното дело Загрозување на безбедноста на воздушниот сообраќај од чл. 303 ст.2 вв со чл. 22 од КЗ, по произнесување на обвинителот и осомничените во однос на предлогот, донесе решенија со кои на сите четири лица им се опредлуваат мерки за претпазливост.

Согласно член 146 ст.1 од ЗКП на осомничените им се определува забрана за напуштање на живеалиштето односно престојувалиштето, обврска за нивно јавување на определено службено лице во судот, одземање на патната исправа односно забрана за нејзино издавање и забрана за комуникација со оштетниот како и меѓусебна комуникација, се посочува во соопштението од Судот.

Против овие решенија странките имаат право на жалба пред кривичниот совет на овој суд.

Основното јавно обвинителство Скопје, претходно соопштои дека донело Наредба за спроведување истражна постапка против осум лица за кои постои основано сомнение дека како соизвршители сториле кривично дело – Загрозување на безбедноста на воздушниот сообраќај според член 303 став 2 во врска со член 22 од Кривичниот законик.

Како што соопшти ОЈО, осомничените на 4 јануари, со заедничко дејствие на извршување, сториле кривично дело со кое ја загрозиле безбедноста на Меѓународниот аеродром Скопје, незаконски и со намера да извршат дело на насилство против лице ги попречиле услугите на аеродромот.

„Со нивните дејствија тие ја загрозиле безбедноста на меѓународниот воздушен сообраќај во момент кога во воздушниот простор над државава се одвивале 28 летови под контрола на М-НАВ, со што се осомничени дека извршиле кривично дело за кое е предвидена казна затвор од најмалку пет години“, се вели во соопштението од ОЈО.

Јавниот обвинител, ценејќи дека во конкретниот случај постои опасност од бегство, можност осомничените да влијаат врз постапката или да го повторат делото, до судијата на претходна постапка од Основниот кривичен суд Скопје достави предлог за определување мерка притвор за четворица осомничени кои се лишени од слобода, додека по останатите четворица се трага. Предлогот не беше прифатен, и на четворицата осомничени им беше определена мерка претпазливост.

МВР, претходно, соопшти дека во четвртокот во 15:15 часот во ПО Петровец лице вработено во М-НАВ пријавило дека во објектот имало нарушување на јавниот ред и мир, односно дека Б.Н. (лице вработено во институцијата) заедно со уште неколку непознати лица физички ги нападнале П.Б., Е.К. и Б.Р. (лица вработени во институцијата). МВР подоцна вечерта информираше дека со четири инволвирани лица во нападот врз вработени во М-НАВ се вршат службени разговори и оти во координација со Основното јавно обвинителство ќе бидат поднесени соодветни поднесоци. Исто така и дека се преземаат мерки за пронаоѓање на уште четири лица и оти наредниот период МВР континуирано ќе ја обезбедува зградата на М-НАВ.

The post НЕМА ПРИТВОР ЗА БЕКИМ НЕЗИРИ Само мерки за претпазливост за четиричлената група appeared first on plusinfo.mk.

– Во владата снимаат демек проевропски реклами, а шиткале петарди. ДУИ и СДС како и до сега, повторно на контролата за летање гледаат Македонска неофицијална Агенција за вработување! Ова е таканаречениот европскиот призвук, екотот на проевропската коалиција СДС ДУИ, и веројатно за тоа ќе ја известат и ЕК. Да потсетиме дека така европски СДС и ДУИ се посомневаа во Евроконтрол и тестирањето во Данска минатата година каде наместо децата на ДУИ и СДС влегоа други кандидати, па дури и бараа докази од Данска!Постојано има скандали со огласите и приемите во МНАВ, каде напикаа роднини, деца, внуци и коалициски партнери за плати неколкупати поголеми од просечните. И лани имаше скандали со вработувања, а претходно да потсетам, скандалозно вработуваа роднини, деца, зетовци, братучеди на пратеници и министри од СДС и ДУИ како роднините на министерот Љупчо Николовски, беа менувани и членови на комисијата за прием на работа во МНАВ. Никогаш не било полошо и затоа, важно е да ги поразиме – потенцираше Стоилковски на денешната прес-конференција.

The post МАКЕДОНСКА НЕОФИЦИЈАЛНА АГЕНЦИЈА ЗА ВРАБОТУВАЊЕ Така СДСМ и ДУИ го гледаат МАНАВ, вели Стоилковски appeared first on plusinfo.mk.

„Го поздравуваме потпишувањето на колективниот договор и одлуката за ангажирање на консултантска фирма која професионално ќе изврши функционална анализа за подобрување на функционирањето на претпријатието.  Продолжуваме со заеднички координации да работиме за целосно реализирање на превземените обврски од двете страни. Се согласивме да работиме на подигање на нивото на транспарентноста за сите прашања, се до изработката на студијата која ќе ги даде идните правци за развој на претпријатието“, се наведува во соопштението.

Со ова, велат од Министерството за транспорт и врски, ја информираме јавноста дека штрајкот ќе биде одложен, со цел давање на простор за надминување на отворените прашања.

Министерството за транспорт и врски информира дека заедно со менаџментот на М-Нав стои на ставот за спроведување на барањата на Синдикатот.

До пред вечерашната средба и одлуката донесена на неа, синдикатот најави дека утре, како и секој следен четврток од 11 до 17 часот нема да полетуваат и да слетуваат авиони, а за 50 отсто ќе биде намален прелетот на авиони преку нашето небо.

Инаку, од синдикатот остануваат на барањата за департизација на вработувањата во оваа институција но и за модернизација на опремата.

The post СЕ ОДЛОЖИ ШТРАЈКОТ НА КОНТРОЛАТА ЗА ЛЕТАЊЕ Авионите утре ќе полетаат appeared first on plusinfo.mk.