Агенцијата за храна и ветеринарство (АХВ) информира дека врз основа на информации добиени преку европскиот Систем за брзо предупредување за храна и храна за животни (RASFF), спроведено е превентивно повлекување од пазарот на одредени серии формули за доенчиња од брендот „Аптамил“.

Направена е итна инспекциска контрола кај увозникот на производите, од кој АХВ добил и официјално известување дека од пазарот веќе се повлечени производи опфатени со нотификациите и дека е извршено и нивно отповикување. Повлекувањето се однесува на ограничен број серии кај кои постои можност за присуство на цереулид.

Производи опфатени со повлекувањето:

APTAMIL AR 2

APTAMIL PRONUTRA 2

APTAMIL PRONUTRA 1

Агенцијата апелира потрошувачите кои имаат купено од наведените производи со дефинираните сериски броеви и рокови на употреба, да не ги користат, нештетно да ги уништат, или да ги вратат на местото од каде се купени.

The post ПРЕВЕНТИВНО ПОВЛЕЧЕНО МЛЕКО ЗА БЕБИЊА „АПТАМИЛ“ Повлечени се неколку серии од млекото appeared first on plusinfo.mk.