Во Чаир ќе се гради младински центар, проект кој има цел да им овозможи на младите просторот за развој, креативност и за иновации, кој сега им недостига, најавија денеска кандидатот на коалицијата Вреди за градоначалник на Општина Чаир, Изет Меџити и кандидатот за општински советник, Аритон Рама.

– Со задоволство го претставувам еден од најзначајните и најдрагите проекти за мене лично, Младинскиот центар на Чаир, проект кој ја претставува мојата визија за еден модерен, напреден и кон иднината ориентиран Чаир. Чаир располага со големо младинско богатство, талентирани млади девојки и момчиња со исклучителен потенцијал, кои заслужуваат повеќе од зборови – заслужуваат можности, поддршка и простор за развој. Затоа изградбата на младинскиот центар ќе биде апсолутен приоритет на мојот мандат како градоначалник. Ова не е само физички објект, туку платформа каде нашата младина ќе може да учи, да создава, да се изразува и активно да ја гради својата иднина – изјави Меџити.

Кандидатот за советник, Аритон Рама ги опиша просториите кои ќе ги поседува овој објект:

– Младинскиот центар ќе биде изграден на четири функционални нивоа: Библиотека и сала за предавања – за учење, истражување и за културни настани. Дигитален центар со лабораторија за вештачка интелигенција, бесплатни обуки по програмирање и дигитална писменост, како и простор за стартапи и младинско менторство. Потоа, СТЕМ академија – која ќе нуди обуки во областа на технологијата, науката, уметноста и математиката. Ќе има и простории за театар, советување и за креативни активности, каде што младите ќе можат да се изразуваат слободно и без бариери – рече Рама.

Меџити и Рама потенцираа дека со овој проект гарантираат дека Чаир ќе стане центар на иновации, образование и naмладинска креативност, a mладите ќе имаат место каде ќе учат, ќе се развиваат и ќе ја градат својата иднина.

The post ЧАИР ЌЕ ДОБИЕ МЛАДИНСКИ ЦЕНТАР НА 4 НИВОА Ќе има библиотека, дигитален центар СТЕМ академија и театар appeared first on plusinfo.mk.