21-годишник од Прилеп бил приведен откако без возачка дозвола управувал автомобил и се судрил со полициско возило.

Инцидентот се случил на крстосницата меѓу улиците Кузман Јосифоски и Ладо Лапецот, каде што младиот возач со „опел“ со прилепски таблички удрил во службено возило „пежо“ на Министерството за внатрешни работи. Полициското возило го управувал 31-годишен возач од прилепско.

Во несреќата била причинета материјална штета, а повредени лица нема. По интервенцијата, полицијата утврдила дека 21-годишникот воопшто нема положено за возачка дозвола.

Тој бил приведен, а по расчистување на случајот против него ќе следува соодветна пријава.

The post БЕЗ ВОЗАЧКА УДРИЛ ВО ПОЛИЦИСКО ВОЗИЛО Приведен 21-годишник од Прилеп appeared first on plusinfo.mk.

Осумнаесетгодишен возач синоќа изгубил контрола над автомобил и излетал од коловоз на булеварот Александар Македонски, на влезот во Скопје кај бензинската на Лукоил.

Несреќата се случила околу 21 часот, кога патничко возило „сеат“ со скопски регистарски ознаки, управувано од М.Ј. (18), најпрво удрило во заштитна ограда, а потоа и во објект покрај патот.

И покрај силниот удар, во инцидентот нема повредени лица, што, според првичните информации, спречило посериозни последици.

На местото на настанот извршен е увид, а надлежните работат на утврдување на причините за несреќата. Според информациите кои ги имаме, сообраќајот на оваа делница бил времено затворен. Возилата кои влегувале во Скопје биле пренасочени преку надвозникот од Ченто кон Маџари, при што се создала голема колона.

The post 📽️ АВТОМОБИЛ ИЗЛЕТА ОД ПАТОТ НА ВЛЕЗОТ ВО СКОПЈЕ Млад возач удрил во ограда и објект во Автокманда appeared first on plusinfo.mk.

Млад возач од Гевгелија тешко се повреди во несреќа што се случила на 29 ноември 2025 година, околу 13:20 часот, на регионалниот пат Богданци – Гевгелија, кај местото викано „Л’гот“. Возилото „пежо 206“ со велешки регистарски таблички, управувано од деветнаесетгодишниот Ф.К., излетало од коловозот под сè уште неутврдени околности.

Сопатникот во возилото, 20-годишниот И.Д. од Гевгелија бил полесно повреден.

Повредите и на м биле констатирани во Општата болница Гевгелија.

The post 19-ГОДИШНИК ИЗЛЕТА СО „ПЕЖО“ КАЈ БОГДАНЦИ-ГЕВГЕЛИЈА Возачот и сопатникот завршија во болница appeared first on plusinfo.mk.

Возач починал на самото место откако излетал со својот „фолскваген голф“ на патот меѓу гостиварско Чегране и Корито, информира Министерството за внатрешни работи. Се работи за 26-годишниот Л.М. од гостиварското село Форино. Неговата смрт ја констатирал лекар од Итната медицинска помош.

Увидната екипа на ОВР Гостивар извршила детална истрага на местото на несреќата, во присуство на јавен обвинител. Телото на починатиот, по наредба на обвинителот, е дадено на обдукција за утврдување на причините за смртта.

The post ИЗЛЕТАЛ СО „ГОЛФ“, ПОЧИНАЛ НА САМОТО МЕСТО Млад возач загина кај гостиварско Чегране appeared first on plusinfo.mk.

19-годишниот Е.Н. од Велешта го загуби животот откако со својот автомобил излетал од коловозот на регионалниот пат Струга-Дебар.

„На местото на несреќата возачот веќе бил починат, а лекар од Итна медицинска помош само констатирал смрт“, соопштија од СВР Струга.

Увид на местото извршила увидна екипа од ОВР Струга, а по наредба на јавен обвинител, телото на починатиот било дадено на обдукција за да се утврдат сите околности што довеле до несреќата.

„Истражуваме дали несреќата е резултат на техничка неисправност на возилото или на условите на патот. Во тек е целосна проверка на сите фактори“, додаваат од полицијата.

The post ИЗЛЕТАЛ ОД ПАТОТ И ЗАГИНАЛ НА САМОТО МЕСТО Млад возач го загуби животот на патот Струга-Дебар appeared first on plusinfo.mk.