Претседателот на Русија Владимир Путин денеска пристигнува во дводневна официјална посета на Кина, каде ќе се сретне со кинескиот лидер Си Џинпинг.

Во Пекинг со него пристигнува и моќна руска делегација составена од министри, шефови на енергетски компании и високи функционери, меѓу кои и гувернерката на Руската централна банка, Елвира Набиулина.

Во делегацијата се и претставници на „Газпром“ и „Роснефт“.

„Мултиполарен светски поредок“

Според најавите од Кремљ, Путин и Си ќе разговараат и за регионални и глобални прашања.

Се очекува потпишување на заедничка декларација за „мултиполарен светски поредок“, како и десетици договори во индустријата, транспортот, трговијата и градежништвото.

Средбите се претставуваат како продолжение на „привилегираното стратешко партнерство“ меѓу Москва и Пекинг.

The AURUS vehicles of President Vladimir PUTIN’s motorcade have arrived in BEIJING.

Tomorrow marks a historic visit by the Russian president, during which XI JINPING and PUTIN are expected to adopt a joint declaration on building a multipolar world and a new type of… pic.twitter.com/kYDwD4thU5

— China pulse (@Eng_china5) May 18, 2026

THE “TEA-TIME” POWER PLAY:

Putin & Xi Set to Ink Global-Shifting Pacts in Beijing!

– President Vladimir Putin lands in Beijing today, greeted by FM Wang Yi. Tomorrow, the real heavy lifting begins at the Great Hall of the People with restricted and expanded summits… pic.twitter.com/dgFBoYFFmX

— RussiaNews (@mog_russEN) May 19, 2026

„Неспоредливо високо ниво“

Пред посетата, Путин испрати видео-порака до кинеските граѓани во која ги пофали односите меѓу двете држави.

– Радосен сум што повторно го посетувам Пекинг на покана на мојот долгогодишен пријател Си Џинпинг – порача Путин.

Рускиот претседател оцени дека односите меѓу Москва и Пекинг се на „неспоредливо високо ниво“.

– Нашето пријателство не е насочено против никого, туку кон мир и заеднички просперитет – изјави Путин.

Тој нагласи дека Русија и Кина сè поинтензивно соработуваат во политиката, економијата, одбраната и хуманитарната сфера.

ARCHIVE — Putin And Xi Hail “Everlasting” China-Russia Friendship In Beijing. pic.twitter.com/Vw2DGHNgm4

— Pamphlets (@PamphletsY) May 19, 2026

„200 милијарди долари“

Путин откри дека трговската размена меѓу двете земји веќе надминала 200 милијарди долари.

Според него, најголемиот дел од трансакциите веќе се реализираат во рубљи и јуани.

Рускиот лидер ја поздрави и безвизната размена меѓу двете држави, оценувајќи дека тоа ќе донесе дополнителен туристички и економски раст.

Гас, санкции и „Силата на Сибир 2“

Советникот на Кремљ, Јуриј Ушаков, најави дека енергетиката ќе биде една од главните теми на разговорите.

На маса ќе се најде и гасоводот „Силата на Сибир 2“, преку кој Русија сака дополнително да ги зголеми испораките на гас за Кина.

Кремљ отворено признава дека западните санкции поради војната во Украина ја направиле Кина уште поважен економски партнер за Москва.

„Путин ќе зажали за Украина“

Посетата на Путин доаѓа само неколку дена по средбата меѓу Си Џинпинг и американскиот претседател Доналд Трамп.

„Фајненшл тајмс“ објави дека Си за време на разговорите му рекол на Трамп дека Путин „можеби ќе зажали“ за инвазијата врз Украина.

Според извори на весникот, кинескиот лидер бил подиректен отколку во претходните разговори со американски претседатели кога станувало збор за војната.

Војната во Украина трае четврта година.

„Да работиме заедно против МКС“

Истиот извештај тврди дека Трамп предложил САД, Кина и Русија заеднички да се спротивстават на Меѓународниот кривичен суд (МКС).

Белата куќа официјално не ги коментираше тие информации.

Администрацијата на Трамп претходно повеќепати го обвинуваше МКС за политизација и пречекорување на надлежностите.

The post 📽️ ПОТПИС НА НОВИОТ ПОРЕДОК, СИБИР 2 И „НЕСПОРЕДЛИВО НИВО“ Путин стигна кај Џинпинг 4 дена откако замина Трамп appeared first on plusinfo.mk.

Налозите за апсење што ги издаде Меѓународниот кривичен суд (МКС) против рускиот претседател Владимир Путин и уште петмина руски државјани ќе останат во сила, дури и доколку за време на мировните разговори предводени од САД биде договорена општа амнестија, соопштија обвинители од Судот.

Заменик-обвинителите Маме Мандиај Нијанг од Сенегал и Назхат Шахим Хан од Фиџи, кои го водат тековното работење додека главниот обвинител Карим Ахмад Хан е на одмор, истакнаа дека укинување на веќе издадени судски налози е можно само со резолуција на Советот за безбедност на ООН.

МКС ја издаде наредбата за апсење на Путин и на уште пет лица за нивната улога во злосторства извршени во Украина. Путин и Марија Лвова-Белова, руска комесарка за правата на детето, се обвинети за незаконска депортација на стотици украински деца.

Русија не ја признава надлежноста на Судот и постојано ги отфрла обвинувањата.

Меѓу останатите обвинети се поранешниот министер за одбрана Сергеј Шојгу и началникот на рускиот Генералштаб Валериј Герасимов, обвинети за воени злосторства и злосторства против човештвото поради напади врз цивили.

– Доколку мировниот договор доведе Советот за безбедност да побара одложување на истрагата, тоа е политичка одлука на Советот. Но тоа не ја запира правдата, изјави обвинителката Хан, повикувајќи се на Римскиот статут.

The post НАЛОГОТ ЗА АПСЕЊЕ НА ПУТИН МОЖЕ ДА ГО СИМНЕ САМО СОВЕТОТ ЗА БЕЗБЕДНОСТ НА ООН Меѓународниот кривичен суд не ја повлекува наредбата дури и ако се склучи мировен договор appeared first on plusinfo.mk.

Рускиот претседател и министерот за надворешни работи Сергеј Лавров се предмет на санкции за замрзнување на средствата, но „не се конкретно опфатени со забраната за патување“, вели портпаролката на Европската Комисија Анита Хипер на прашање дали рускиот лидер би можел да отпатува во Будимпешта на состанок со американскиот колега.

Во четвртокот, рускиот и американскиот претседател одржаа она што советникот на Кремљ, Јуриј Ушаков, го опиша како „многу суштински, но исто така и исклучително искрен и доверлив“ телефонски разговор што траеше речиси два ипол часа.

Ушаков рече дека Путин и Трамп разговарале за можноста за одржување на уште еден состанок лице в лице и се согласиле дека претставниците на двете страни треба веднаш да започнат со подготовките за самитот, а Будимпешта се споменува како можен домаќин. Двајцата лидери последен пат се сретнаа на 15 август во американската држава Алјаска.

На социјалните мрежи луѓето коментираат за тоа која би можела да биде авионската рута на Путин. Некои ги спомнуваат Турција и Србија како земји кои сигурно би му дозволиле прелет на рускиот лидер.

Like this, I suppose. pic.twitter.com/CqhPGhLLL7

— Czarne Niebo NEWS (@CzarneNieboNEWS) October 17, 2025

Портпаролот на Европската комисија Олофо Гил рече дека „претседателката (Урсула) фон дер Лајен го поздравува секој чекор што води кон праведен и траен мир за Украина.

– Доколку предложената средба за која зборувате служи за таа цел, ние би ја поздравиле изјави тој.

Гил нагласи дека ставот на Европската Унија за Украина е „долгогодишен и добро познат“ и дека „крајно време е Русија да ја прекине својата бесмислена и нелегална војна и агресија против Украина“.

Тој додаде дека иако деталите за предложената средба сè уште не се потврдени, Европската комисија би ја сметала за позитивна „доколку таа би придонела за напредок кон постигнување мир“.

Кога беше прашан дали претседателката на ЕК Урсула Фон дер Лајен имала контакт со Трамп во врска со ова прашање, Гил рече дека не може да го потврди тоа, но додаде дека претседателот на комисијата „е во редовен контакт со сите лидери како дел од нашите непоколебливи напори за постигнување праведен и траен мир во Украина“.

Некои го поставуваат и правното прашање во врска со налогот на МКС за апсење на Путин доколку тој стапне на унгарска територија. Унгарија го објави своето повлекување од МКС на 3 април, кратко откако израелскиот премиер Бенјамин Нетанјаху пристигна во Будимпешта, а во мај унгарскиот парламент донесе закон со кој се започнува едногодишен процес на повлекување.

Во меѓувреме, портпаролот Ануар Ел Ануини ја потврди поддршката на ЕУ за Меѓународниот кривичен суд (МКС), по прашањата за обврските на Унгарија кон судот во контекст на нејзината одлука за повлекување од Римскиот статут.

МКС издаде налог за апсење на Владимир Путин во март 2023 година како дел од неговата истрага за воените злосторства во Украина.

The post ПУТИН И ЛАВРОВ НЕ СЕ ОПФАТЕНИ СО ЗАБРАНАТА ЗА ПАТУВАЊЕ ВО ЕУ Рускиот лидер ќе може да долета во Будимпешта? appeared first on plusinfo.mk.

Рускиот претседател Владимир Путин треба да биде уапсен на пат кон планираниот самит со неговиот американски колега Доналд Трамп во Будимпешта, пресуди Меѓународниот кривичен суд (МКС), објавија холандските медиуми.

Според соопштението на судот, земјите-членки на Статутот на МКС се обврзани да ги извршуваат налозите за апсење, кои важат и за Унгарија и соседните земји, кои Путин очигледно би морал да ги заобиколи.

Унгарија сака да биде домаќин на Путин и Трамп во рок од една или две недели. Земјата објави дека се повлекува од МКС, но мора да ги почитува одлуките на судот до средината на следната година. Сепак, унгарскиот премиер Виктор Орбан, исто така, беше домаќин на својот израелски колега Бенјамин Нетанјаху, чие апсење исто така го нареди судот.

Шефот на унгарската дипломатија, Петер Сијарто, денес изјави дека Будимпешта ќе обезбеди Путин непречено да влезе на нејзина територија со цел средба со Трамп и дека успешно ќе се врати во Русија.

Од друга страна, Европската комисија соопшти дека „секоја од нашите земји-членки може привремено да ја укине забраната за летови на авионот на Путин“.

– Најавената средба меѓу претседателите на САД и Русија во Будимпешта е добредојдена ако може да доведе до праведен и траен мир во Украина. Ја поздравуваме оваа средба ако помогне во постигнувањето на траен и праведен мир во Украина – изјави портпаролот на Комисијата, Олоф Гил.

Во врска со логистичките прашања околу пристигнувањето на рускиот претседател во Будимпешта, Комисијата објасни дека секоја земја-членка може по исклучок да одобри отстапување од забраната за влез во европскиот воздушен простор за руски авиони.

Путин во последните години поретко патува во странство – од пандемијата на коронавирусот и инвазијата на Украина – и се чини дека останува дома уште повеќе откако е издадена потерницата. На пример, тој ги пропушти самитите на БРИКС во Јужна Африка и Бразил, кои ја признаваат надлежноста на МКС.

Сепак, ова лето тој отпатува во Алјаска за да се сретне со Трамп. САД исто така не се членка на МКС.

МКС не го споменува Путин по име, но кога ќе биде прашан, нагласува дека земјите-членки се „правно обврзани“ да соработуваат.

Покрај тоа, тие им го должат тоа на другите 124 земји-учеснички, истакнува судот со седиште во Хаг. Дали една земја-членка се согласува со одлуката на МКС или не, според судот, е прашање исклучиво во надлежност на судот.

The post ПУТИН ДА БИДЕ УАПСЕН НА ПАТ КОН БУДИМПЕШТА, БАРА СУДОТ ВО ХАГ Европската комисија има различен став за евентуалниот самит со Трамп appeared first on plusinfo.mk.

Тужба за геноцид ја тресе италијанската политичка сцена. Премиерката Џорџа Мелони ноќеска јавно призна дека Меѓународниот кривичен суд ги обвинил неа, двајца министри и шефот на военоиндустрискиот гигант „Леонардо“ за соучество во злосторства против човештвото , јави „Кориере дела Сера“.

Во телевизиско интервју, Мелони изјави дека обвиненијата ги вклучуваат неа, министерот за одбрана Гвидо Крочето, министерот за надворешни работи Антонио Тајани и извршниот директор на „Леонардо“, Роберто Чинголани.

– Јас, Крочето, Тајани и веројатно Чинголани сме предмет на тужба од МКС за соучество во геноцид. Не мислам дека постои друг ваков случај во историјата – рече италијанската премиерка.

Според документите, тужбата е поднесена од група правници, професори и јавни личности кои себе си се нарекуваат „Адвокати и застапници за Палестина“.

„Со снабдувањето на израелската Влада со смртоносно оружје, италијанската Влада станала соучесник во геноцидот и воените злосторства врз палестинскиот народ“, наведоа авторите на поднесокот.

Во повикот до судот во Хаг се бара отворање формална истрага.

The post ТУЖБА ЗА ГЕНОЦИД ЗА МЕЛОНИ, ТАЈАНИ И ЗА КРОЧЕТО „Ваков случај немало во историјата“ appeared first on plusinfo.mk.

Путин ја посети Монголија на покана на монголскиот претседател Ухнаагиин Курелсух, што го означува неговото прво патување во земја членка на МКС која го ратификуваше Римскиот статут, кој ги обврзува потписниците да го уапсат Путин доколку тој влезе на нивна територија.

Во март, Меѓународниот кривичен суд издаде налог за апсење на Путин поради присилно префрлување деца од територијата на Украина под руска окупација.

И Украина и Западот ја повикаа Монголија да го уапси рускиот претседател. Откако земјата не го стори тоа, Хеорхи Тихи, портпарол на Министерството за надворешни работи на Украина, рече дека „Монголија ќе се соочи со последиците од својата одлука“.

Портпаролот на Кремљ, Дмитриј Песков, на 30 август изјави дека посетата на Путин се подготвува „внимателно“, додавајќи дека руската влада „нема загриженост“ за патувањето.

„Монголија увезува 95 отсто од своите нафтени деривати и над 20 отсто од електричната енергија од нашиот непосреден сосед (Русија), што претходно беше во прекин од технички причини. Ова снабдување е од клучно значење за да се обезбеди нашето постоење и постоењето на нашиот народ“, рече портпаролот на монголската влада.

The post И ШТО ЌЕ ПРАВИМЕ ПОСЛЕ БЕЗ НАФТА И БЕЗ СТРУЈА? Монголците отворено си кажаа зошто не го уапсиле Путин appeared first on plusinfo.mk.

Обвинителството на Меѓународниот кривичен суд во Хаг денеска ја објави одлуката за барање за налози за апсење на водачите на Хамас Јахја Синвар, Мухамед Деиф и Исмаил Ханије поради сомнение дека извршиле воени злосторства и злосторства против човештвото, вклучително и земање заложници, убиства и злосторства на сексуално насилство. Исто така, побаран е налог за апсење на израелскиот премиер Бенјамин Нетанјаху и израелскиот министер за одбрана Јоав Галант кои се сомничат дека извршиле воени злосторства и злосторства против човештвото, вклучително и изгладнување како метод на војување, убиства, прогон и истребување.

Нетанјаху рече дека одлуката на Карим Кан, главниот обвинител на Меѓународниот кривичен суд (МКС), да побара налог за апсење против него е „апсурдна“ и дека Израел во целост е на мета поради тоа.

– Со гадење ја отфрлам споредбата меѓу демократски Израел и масовните убијци на Хамас што ја направи главниот обвинител на судот во Хаг -рече Нетанјаху, пренесува „Тајмс оф Израел“.

Израелскиот премиер истакна дека „не сфаќа како Кан го споредува со Хамас, кој убиваше, палеше, колеше, обезглавуваше, силуваше и киднапираше наши браќа и сестри и војниците на ИДФ кои водеа праведна војна“.

При нападот на Хамас на израелската погранична област на 7 октомври беа убиени околу 1200 луѓе и земени како заложници повеќе од 250 лица кои беа одведени во Појасот Газа. Реакцијата на Израел беше воена офанзива во Појасот Газа, во која според податоците на Министерството за здравство, контролирано од Хамас,  досега загинале повеќе од 35.400 луѓе, главно цивили.

The post „МИ СЕ ГАДИ ОД ОДЛУКАТА НА МКС“ Нетанјаху реагираше на распишаната меѓународна потерница за него appeared first on plusinfo.mk.

– Да замислиме дека шефот на држава, на нуклеарна сила оди, на пример, во Германија и таму е уапсен. Што е тоа? Објавување војна против Русија. Ако тоа се случи, тогаш сите наши капацитети, проектили и така натаму, ќе паднат врз Бундестагот, канцеларијата и така натаму – изјави синоќа рускиот функционер за локалните медиуми.

На 17 март МКС издаде налог за апсење на рускиот претседател Владимир Путин, кого го сомничи за воени злосторства, вклучително и нелегална депортација на деца од Украина во Русија.

The post АПСЕЊЕ НА ПУТИН ЌЕ ЗНАЧИ НУКЛЕАРНА ВОЈНА СО РУСИЈА! Медведев за потерницата од Хаг appeared first on plusinfo.mk.