Од првиот ден ја презедовме обврската безбедноста да биде највисок приоритет, а владеењето на правото темел врс кој ќе се гради довербата врз институциите. Изминатите две години се соочивме со бројни безбедносни предизвици, но покажавме дека со посветеност, интегритет и меѓународна соработка, може да се постигнат видливи резултати, рече министерот за внатрешни работи Панче Тошковски.

Тошковски, кој дава отчет за сработеното во изминатите две години, напомена дека МВР ги зајакна институционалните капацитети и ја унапреди борбата против организираниот криминал и корупцијата.

-Инвестиравме во опрема, обуки и нови технологии. Денешниот отчет не е само изнесување бројки, туку е фактичка потврда за трудот и професионалноста на полициските службеници и сите вработени во МВР. Свесен сум дека пред нас има уште многу работа, безбедноста е процес што барапостојана посветеност. Затоа, ќе продолжиме со иста енергија, јасна визија и определба да изградиме современо МВР кое ќе одговори на предизвиците- рече Тошковски.

Тошковски рече дека иако наследиле систем за издавање на лични документи кој бил запрен, денес веќе тоа е минато.

Тој информира дека се отворени нови одделенија со кои МВР се доближи до граѓаните, а документите се издаваат многу полесно преку дигитализацијата на процесите, без чекање на шалтери.

Тошковски како еден од најзначајните проекти го издвои реализирањето на „Безбеден град“ кој, како што рече, ќе се реализира на цела територија на земјата до крајот на годината.

-Во првите 5 месеци од воведувањето е забележано намалување на бројот на загинати во сообраќајните несреќи за 4о%. Во овој период се регистрирани повеќе од 120.000 сообраќајни прекршоци од кои 95% се за зголемена брзина на движење – рече Тошковски.

Тошковски рече дека земјава има најниското ниво на криминалитет од последните 20 години, при што ефикасноста е зголемена на 69%, а значително е зголемено откриваи сторители.

-Откриени се повеќе од 30 организирани криминални групи. Во областа на корупцијата сузбиени се 6 такви групи при што кривично се пријавени 146 лица и 18 правни. Откриени се околу 500 кривични дела, а бројот на пријавени сторители надминува 1.000- рече Тошковски.

Тој ги соопшти и резултатите во откривањето на каналите за дрога и на оружје.

– Сузбиени се 11 организирани криминални групи, спречени се девет меѓународни транспорти на марихуана и кокаин, а откриени се и три импровизирани лаборатории. Откриени се над 1.600 кривични дела, со пријавени околу 1.900 сторители, додека запленети се околу 6,2 тони разновидна наркотична дрога – рече Тошковски.

Особено значајно, додаде, е тоа што заплените на кокаин се зголемени за повеќе од 300%, што укажува на зајакнатите капацитети за откривање и спречување на меѓународните канали за трговија со дрога.

Во овој период, како што рече Тошковски запленети се над 550 парчиња оружје, сузбиена е една поликриминална организирана група, а забележан е и значителен пораст на запленетата пиротехника.

Првиот човек на МВР, информира и дека позитивен тренд се бележи и кај имотниот криминал. Бројот на тешки кражби и кражби е намален за повеќе од 30%, додека разбојништвата и разбојничките кражби се намалени за над 40%.

Кај насилниот криминал, бројот на извршени убиства е намален за 4%.

The post МАКЕДОНИЈА ДЕНЕС ИМА НАЈНИСКО НИВО НА КРИМИНАЛИТЕТ ВО ПОСЛЕДНИТЕ 20 ГОДИНИ Тошковски откри дека за 2 години откриени се 30 организирани криминални групи appeared first on plusinfo.mk.

Македонската фудбалска репрезентација ќе игра против Италија, во полуфиналето од плеј-оф баражот за пласман на Светското првенство 2022 во Катар.

Натпреварот ќе се одигра во Италија на 24 март следната година.

Така одлучи денешната ждрепка во Цирих.

Ако го мине полуфиналето, односно ако го победи европскиот првак Италија, Македонија во финалето ќе игра со подобриот од пресметката меѓу Португалија и Турција.

Плејофот се игра според нов систем, кој се состои од три групи со по четири селекции. Полуфиналињата се закажани за 24 март 2022 година, а финалните дуели се пет дена подоцна, кога ќе се добијат и патниците на Мундијалот.

Од Европа, директен пласман на Светското првенство обезбедија Германија, Данска, Франција, Белгија, Хрватска, Шпанија, Србија, Англија, Швајцарија и Холандија.

The post МАКЕДОНИЈА ПРОТИВ ИТАЛИЈА ВО БАРАЖОТ ЗА МУНДИЈАЛОТ Само победа против европскиот првак води кон Катар appeared first on plusinfo.mk.

Репрезентативците  стигнаа на стадионот.

The post ФУДБАЛЕРИТЕ СТИГНАА НА АРЕНА „ТОДОР ПРОЕВСКИ“ Ќе ги одмерат силите со Романија (ВИДЕО) appeared first on plusinfo.mk.

– Светот, Европа и Балканот мислам дека го потценија начинот на којшто Охридскиот договор дава пример, образец за решавање на конфликти. Тој има свои несовршености, мали, не сметаме дека е совршен и сè уште ќе има луѓе кои ќе сметаат дека сме им дале премногу или добиле премалку. И двете овие гледишта се на погрешната страна од историјата. Консензусот, компромисот и рамнотежата, толеранцијата можеби не се модерни во свет кој е склон кон авторитарен модел, но тие се темелот на просперитетни, задоволни и мирни демократии кои повеќето луѓе ги сакаат и многумина копнеат по нив – рече Робертсон кој учествуваше во креирањето на Рамковниот договор.

Тој посочи и на членството во НАТО, кое ѝ овозможува, вели, безбедна иднина на земјата, но и на подготвеноста за членство во ЕУ.

– Пред 20 години кога ПЈРМ, така тогаш се викаше вашата земја, храбри и талентирани Македонците својата иднина ја гледаа надвор од границите на својата земја, членството во НАТО беше само далечен сон. Сега ПЈРМ веќе не постои на светската мапа, а Северна Македонија може да гледа безбедна иднина, како во странство така и дома. НАТО сега е реалност, а знамето на Република Северна Македонија гордо се вее на зградата на НАТО во Брисел, тоа и треба да биде реалност за вашето членство во ЕУ. Подготвени сте, ја направивте тешката работа. ЕУ има потреба од вас и само на тој начин може да се консолидира напредокот што беше постигнат во овие две децении – рече поранешниот генерален секретар на Алијансата.

Тој упати и апел до Бугарија да ја крене блокадата на евроинтегративниот пат на земјава.

– Кога Бугарија бараше членство во ЕУ и во НАТО тие имаа добри пријатели во мене и во штабот на НАТО. Бугарија како сосед имаше огромна придобивка од овој Охридски договор. Доколку конфликтот продолжеше на традиционален начин како што завршува на Балканот, Бугарија ќе ги почувствуваше тие бранови и сè уште ќе ги чувствуваше до денес. Денешната ЕУ е составена од земји кои со години и векови биле непријателски настроени. Но, триумф на нашето доба е што овие непријатели денес седат заедно во оваа неверојатна унија на слободни и интегрирани земји. Северна Македонија заслужува да биде таму и се надевам дека Бугарија ќе ги слушне едногласните барања од нивните пријатели и ќе ја крене блокадата за Северна Македонија – апелираше Робертсон, кој укажа дека и натаму е посветен да дава поддршка на земјава како дел од Охридската група за просперитетна иднина.

The post ТРГНЕТЕ ЈА БЛОКАДАТА ЗА МАКЕДОНИЈА Робертсон ѝ порача на Бугарија да ги послуша пријателите appeared first on plusinfo.mk.