ВМРО-ДПМНЕ е подготвена да оди на избори утре, но не е тоа проблемот, туку дали треба да ги трошиме парите на граѓаните, да застане системот за уште еднаш СДСМ да се соочи со уште поголем пораз, или да избереме опција да работиме четири години. Јас би ја одбрал втората опција, изјави премиерот Христијан Мицкоски заборувајќи за можноста да се оди на предвремени парламентарни избори, заедно со локалните во 2025 година.

– Мандатот на оваа влада е четири години. Дали сме подготвени, да подготвени сме, нема никаков проблем, но носиме одлуки во интерес на граѓаните, а не во интерес на љубители на естрада. Ние треба да носиме олуки во интерес на граѓаните – рече Мицкоски.

Тој, како што рече, не верува дека СДСМ и ДУИ прифаќаат предвремени парламентарни избори.

– Би им посакал на двете опозициски партии во својата опозициска коалиција, програмски да се освежат, кадровски и тоа да го покажат на следните локални избори. Тогаш ќе  можеме да зборуваме дали ќе има или не потреба за нови парламентарни избори – рече Мицкоски.

The post НЕ Е ВРЕМЕ ЗА ТРОШЕЊЕ ПАРИ НА ПРЕДВРЕМЕНИ ИЗБОРИ Мицкоски им порача на СДСМ и на ДУИ прво да се покажат на локалните избори appeared first on plusinfo.mk.