„Од 1 јануари 2007 година до 17 јуни 2025 година, на вкупно 216.594 лица со државјанство на Република Северна Македонија им е издаден бугарски пасош“.

Ова го соопшти министерот за внатрешни работи на Бугарија, Даниел Митов, јавува агенцијата БГНЕС.

– Во наведениот период се издадени 216.594 пасоши на бугарски државјани за кои постои информација дека имаат и државјанство на Република Северна Македонија – изјави Митов.

Тој посочи дека основата за издавање бугарски пасош произлегува со стекнување бугарско државјанство.

– Добивањето бугарски пасош е основно право на секој бугарски државјанин, загарантирано со закон, и тоа може да биде ограничено само во случаи предвидени со законот – додаде министерот.

Правната рамка која го регулира издавањето пасоши на бугарски државјани е содржана во неколку членови од Законот за бугарски лични документи (ЗБЛД), конкретно: точка 4, став 1; член 13, став 1, точка 2; член 33, став 1 и член 35, став 1.

Издавањето бугарски пасоши на македонски државјани со бугарско државјанство е пракса која со години предизвикува интерес и контроверзии во јавноста, особено поради политичките и историските односи меѓу двете земји.

The post 216.000 ГРАЃАНИ НА МАКЕДОНИЈА ИМААТ БУГАРСКИ ПАСОШИ? Бројката ја откри бугарскиот министер за внатрешни работи appeared first on plusinfo.mk.

Во организација на фармацевтската компанија Реплек, се одржа уште една РЕсет работилница, на која д-р Александар Митов сподели практични совети за подобрување на општата добросостојба. Работилницата беше посветена на справувањето со предизвиците кои ги носи модерниот начин на живот и динамичното секојдневие, со акцент на балансирање на обврските со грижата за менталното и физичкото здравје.

Оваа работилница е дел од пошироката РЕсет платформа за добросостојба, која Реплек ја развива со цел да промовира ведар дух, здраво тело и ментална сила.

Во својата сесија, д-р Митов се фокусираше на клучните проблеми на современиот животен стил – брзото темпо, недостатокот на време, неквалитетната исхрана, физичката неактивност и зголемениот стрес. Со едноставен, но аргументиран пристап, тој даде совети како да се направат мали, одржливи промени во секојдневието без потреба од драстични диети или нереални цели.

Работилницата понуди конкретни насоки за тоа каде најчесто „попуштаме“, како да ги препознаеме замките на секојдневниот живот и што можеме да преземеме за да создадеме сопствен „РЕсет“ – чекор по чекор, прилагодено на реалните услови и можности.

РЕсет платформата создава простор за секој граѓанин кој сака да внесе позитивни промени во својот живот и да го унапреди сопственото здравје и благосостојба. Преку низа отворени активности, Реплек ја поттикнува изградбата на нови, здрави навики и однесувања кои придонесуваат за личен и колективен напредок.

Досега, како дел од оваа платформа, се реализираа и онлајн работилници со алпинистката и уметница Илина Арсова, како и со Борче Стаменов од иницијативата „Донирај компјутер“. Дополнително, беа организирани и три настани за физичка активност со фитнес-инструкторката Елена Бубало. Активностите во рамки на РЕсет ќе продолжат и во наредниот период.

Во годината кога Реплек го одбележува својот 80-годишен јубилеј, платформата РЕсет претставува уште една потврда за долгорочната заложба на компанијата да придонесува кон добросостојбата на поединецот и заедницата, во согласност со нејзините вредности и мисија.

The post НОВА РЕСЕТ РАБОТИЛНИЦА НА РЕПЛЕК Практични совети за добросостојба од д-р Митов appeared first on plusinfo.mk.

По тој повод, следејќи ги актуелните трендови, на 12 јули најголемиот европски дрогериски ланец го лансира својот сопствен поткаст кој, како што вели неговото име ,,Женски ритам“ ќе го следи ритамот на различните аспекти од здравјето на една жена – од секојдневните предизвици поврзани со менталното и физичкото, па сѐ до менструалното и социјалното здравје. Низ сите 4 епизоди кои ќе бидат објавувани секој втор петок, почнувајќи од 12 јули, со вас ќе биде модераторот Ана Јовковска, а секоја епизода ќе биде проследена со дискусија со интересни и стручни личности од светот на спортот, културата, здравјето.

– Со задоволство го прифатив предизвикот да бидам дел од dmPodcast-от, посебно поради тоа што женското здравје и женските права и слободи се теми на кои јас лично работам долги години и за кои несебично се залагам на сите полиња… медиумски и академски. Менталното, менструалното, физичкото и социјалното здравје на жените се теми кои имаат гравитациска привлечност за мене и претставуваат еден вид кауза на која сум ѝ целосно предадена! – изјави Ана Јовковска, новинарка и писателка и водителка на dm поткастот.

Покрај почетокот на овој популарен формат, компанијата распиша и конкурс ,,{ЗАЕДНО} едни за други“, со цел поддршка на проекти кои придонесуваат за развој и унапредување на менструалното и репродуктивното здравје на жените. Сите здруженија, установи, институции, единици на локалната самоуправа и непрофитни организации може да пријават проект до 4 август на платформата Заедно едни за други!

– Кога велиме дека целосно се посветуваме на женското здравје, тоа навистина и го мислиме. Покрај широкиот асортиман на производи преку кои ѝ обезбедуваме на секоја жена сѐ што ѝ е потребно, со овој поткаст, но и целата кампања за женското здравје, одиме чекор подалеку и зборуваме отворено за сите аспекти во животот на една жена. Започнувајќи од мотивација за физичка активност, па сѐ до обрнување внимание и на своето ментално, менструално и социјално здравје – а со ова, се надеваме дека ќе поттикнеме отворен разговор за сите оние предизвици со кои, ние жените, се соочуваме во нашиот живот, но и ќе ги мотивираме жените да започнат да се грижат малку повеќе за себе – изјави Кристина Дуранска, маркетинг менаџер во dm.

Жените и физичката активност

Премиерната епизода на dm поткастот зборува за различните животни периоди на жената и предизвиците со кои жените се соочуваат секојдневно поврзано со тренингот и вежбањето, но и за влијанието на хормоните и исхраната врз физичкото здравје на една жена. Исто така ќе ви открие како со мали навики да постигнете големи промени. Во оваа интересна епизода, публиката ќе има шанса да ги слушне д-р Александар Митов – магистер по јавно здравје и влијанија на животната средина врз здравјето и Драгана Младеновска (на јавноста позната како Dragana Fitlife) – магистер по фармација и диететика.

Погледнете ја целата епизода тука:

The post 📽️ „ЖЕНСКИ РИТАМ“ ЗА ЖЕНСКОТО ЗДРАВЈЕ Поткастот на dm го модерира Ана Јовковска appeared first on plusinfo.mk.