Администрацијата на претседателот во заминување, Џо Бајден, се соочи со зголемени критики за нејасно идентификување на потеклото на леталата, но синоќа отфрли каков било предлог за прикривање.

Портпаролот на Советот за национална безбедност, Џон Кирби, инсистираше на тоа дека владата е „отворена и транспарентна“ и рече дека повеќето забележани беспилотни летала се „легални и законски“, објави Дејли бист.

– Оценуваме дека досегашните видувања вклучуваат комбинација од законски комерцијални дронови, хоби дронови и дронови за спроведување на законот, како и авиони со фиксни крила со екипаж, хеликоптери, па дури и ѕвезди кои погрешно биле пријавени како беспилотни летала – изјави Кирби на прес конференција.

Тој додаде дека службите не идентификувале ризик за националната безбедност или за јавната безбедност.

– Анализата ја направија службениците за спроведување на законот внимателно ги испитаа податоците, внимателно ги разгледаа советите и ги собраа сведоштвата од загрижените граѓани најдобро што можат – рече Кирби.

Највисоките американски функционери претходно отфрлија каква било сугестија за странска вмешаност – вклучително и тврдења дека беспилотните летала се со иранско или со кинеско потекло, „лансирани од брод на море“.

МИСТЕРИОЗНИ ЛЕТЕЧКИ ОБЈЕКТИ ГИ ВОЗНЕМИРИЈА АМЕРИКАНЦИТЕ Трамп храбро повикува: „Уништете ги“

The post РАЗРЕШЕНА E МИСТЕРИЈАТА СО ЛЕТАЛАТА ВО САД Еве што светкало на небото appeared first on plusinfo.mk.

Морето на Брегот во Сиднеј исфрли околу 2.000 мистериозни црни топки, некои со големина на топчиња за голф поради што беа затворени 8 плажи, вклучувајќи ја и иконската плажа Бонди. Се стравуваше дека топчињата може да се отровни.

– По совет на Агенцијата за заштита на животната средина, сега можеме да потврдиме дека пелетите се составени од масни киселини, хемикалии конзистентни со оние кои се наоѓаат во средствата за чистење и козметиката и малку мазут. Ако ги видите овие топки, пријавете ги на спасителите. Ако случајно допрете едно, измијте ги рацете со сапун и вода или бебешко масло – изјави извршниот директор на NSW Maritime, Марк Хачингс.

Тој додаде дека топчињата не се штетни по здравјето кога се оставаат на песок, но дека не треба да се допираат.

Управата за заштита на животната средина на Нов Јужен Велс соопшти дека лабораториските тестирања продолжуваат со цел да се утврди од каде дошле топчињата.

– Сè уште не е јасно од каде доаѓаат и ќе ни требаат уште неколку дена за да го утврдиме тоа – рече извршниот директор на ЕПА, Стивен Биман.

The post 📽️ 📷 КАКВИ СЕ ОВИЕ ЦРНИ ТОПЧИЊА НА ПЛАЖАТА? Глетката ги исплаши капачите во Сиднеј, властите соопштија за што станува збор appeared first on plusinfo.mk.

Полскиот премиер Доналд Туск го поврза пожарот што неодамна избувна во трговски центар во Вилнус, Литванија со „странски саботери“. Инспекторите ја споменаа и потенцијалната вмешаност на Русија во пожарот што избувна во источен Лондон, обидот за саботажа во Германија и антисемитските графити во Париз, пишува Гардијан.

Иако нема докази дека некој од овие инциденти бил координиран низ целиот континент, безбедносните служби веруваат дека тие би можеле да бидат дел од систематскиот обид на Москва да го дестабилизира Западот.

Aerial footage from a drone captured a significant blaze at the Marywilska 44 shopping center in Warsaw, Poland. This expansive complex accommodated more than 1,400 stores and services. Thankfully, authorities have managed to bring the fire under control.pic.twitter.com/5EihdhEXnp

— 𝐓𝐡𝐞 𝐇𝐞𝐫𝐚𝐥𝐝 𝐃𝐢𝐚𝐫𝐲 (@TheHeraldDiary) May 13, 2024

Еден од министрите за одбрана на земја членка на ЕУ на самитот во Брисел оваа недела  рече дека се длабоко загрижени поради „саботажата организирана и финансирана од Русите“.

Туск минатата недела откри дека полските власти уапсиле девет лица поврзани со саботажата, која наводно била извршена по налог на руските служби. Се истражува и дали Русија е поврзана со пожарот во трговскиот центар во Варшава, кој руската амбасада го опиша како теорија на заговор.

Во април државјанин на Велика Британија беше обвинет дека ја запалил фирмата на претприемач од Украина, откако наводно бил регрутиран од руското разузнавање.

Естонскиот министер за одбрана Хано Певкур на самитот рече дека земјата веќе била жртва на руска саботажа, мислејќи на нередите во февруари кога беа искршени стаклата на автомобилите на министерот за внатрешни работи и на новинарите.

Минатиот месец двајца германско-руски државјани беа уапсени под сомнение дека планирале напади во Граманија, вклучително и во воена база во Баварија.

The post ПОЖАРИ МИСТЕРИОЗНО ИЗБУВНУВААТ НИЗ ЕВРОПА Земјите го вперија прстот кон Москва appeared first on plusinfo.mk.

Повеќе од 20 деца, од кои најмалите имаат две години, се примени во њујоршките болници со мистериозни симптоми на болест, кои до сега не им се целосно јасни на лекарите, а се чини дека имаат врска со коронавирусот.

Како што пишува „Њујорк Тајмс“, четири од децата се позитивни на коронавирусот, а слични случаи има и во Бостон и Филаделфија.

Децата развиле и редок Кавасаки синдром, кој се манифестира со воспаление на артериите од непозната причина или ретка, но сериозна бактериска инфекција, изјави комесарката за здравство на градот Њујорк, Огриз Барбо.

Според неа, доколку состојбата се открие рано, обично нема долгорочни последици, но во спротивно, болеста може да има долгорочни последици врз децата, најчесто поврзани со веќе постоечки проблеми со срцето.

– Четири деца се тестирани позитивно на болеста што ја предизвикува коронавирусот. Единаесет беа негативни, но шест беа позитивни на антитела. Пет деца мораа да бидат ставени на респиратори, но сите сега се добро, рече Барбо.

Лекарите во европските земји исто така документираа симптоми на Кавасаки синдромот.

– Сè уште не сме сигурни какви заклучоци треба да се извлечат, рече градската комесарка за здравство. – Се уште учиме секој ден како се однесува ковид-19, не само од гледна точка на јавното здравство, туку и од клинички аспект.

Симптомите што треба да се следат вклучуваат висока температура која трае неколку дена, црвенило на очите, осип, болки во стомакот, оток на шаките и стапалата, како и појава на интензивно црвена боја на јазикот и усните, кога јазикот отекува и наликува на јагода по боја и структура.

Исто така, додаде таа, овие симптоми вклучуваат дијареја и повраќање.

Кавасаки синдромот обично се лекува со имуноглобулин и аспирин.

Децата најчесто имаат благи симптоми на коронавирусот.

Барбо вели дека овој вид на вирус во Њујорк се однесува поразлично од оној во Кина.

– Затоа гледаме деца со синдром сличен на Кавасаки, изјави таа.

Според „Њујорк Тајмс“, некои лекари се сомневаат дека реакцијата на овие деца е всушност масовна и штетна реакција на имунолошкиот систем на ковид-19, што може да биде показател дека опасноста од новиот коронавирус за децата е поголема отколку што се сметаше досега.

Весникот додава дека децата биле примени во болницата претходните неколку дена, но градските власти вчера тоа јавно со соопштиле.

The post Мистериозни симптоми се забележани кај околу 20 деца во САД кои се заболени со ковид-19 appeared first on plusinfo.mk.