Мистериозна испакнатина на задниот дел од костимот на американскиот претседател Доналд Трамп предизвика нови шпекулации на социјалните мрежи за неговото здравје.

Необичната испакнатина е забележана на снимка што во петокот на платформата „Икс“ ја објави портпаролката на Белата куќа во заминување, Каролин Ливит, од митингот на Трамп на Лонг Ајленд.

На видеото се гледа како Трамп се симнува од бината и им приоѓа на присутните. Во еден момент, задниот дел од неговиот костим видливо е испакнат нанадвор, создавајќи впечаток дека под облеката има некаков цврст предмет со правоаголна форма. „The Daily Beast“ објави дека токму оваа снимка предизвикала лавина од шпекулации.

Социјалните мрежи преполни со теории

Необичната форма изгледа дека не ја менува својата положба додека претседателот се движи кон присутните, а потоа се враќа кон говорницата.

Тоа веднаш поттикна различни претпоставки за тоа што се наоѓа под неговиот костим.

Новинарот Арон Рупар на „Икс“ праша што се случува со задниот дел од костимот на Трамп, додавајќи дека изгледа како да има „некаков механизам“ под него.

Поранешниот конзервативен адвокат и критичар на Трамп, Џорџ Конвеј, одговори со краткото „Зависи“ – очигледна игра на зборови со „Depend“, познат американски бренд на пелени за возрасни.

Тениската легенда Мартина Навратилова, пак, напиша дека смета оти станува збор за „голема пелена“.

Сепак, ниту една од овие шпекулации не е потврдена.

Белата куќа не даде одговор

Трамп, кој на 14 јуни годинава наполни 80 години, веќе подолго време е предмет на шпекулации на социјалните мрежи во врска со неговото здравје.

Авторот и биограф на Трамп, Мајкл Волф, неодамна во подкастот „Inside Trump’s Head“ беше прашан и за тврдењата дека американскиот претседател носи пелени.

Волф изјавил дека за таквите тврдења „нема основа“, иако признал дека во последните две години не бил во близок контакт со Трамп.

Од Белата куќа засега нема официјално објаснување што се гледа на снимката, ниту потврда дека станува збор за медицински уред или каков било друг предмет.

Видеото повторно ги отвори прашањата за здравјето на Трамп

Новата епизода доаѓа во период кога здравјето на американскиот претседател повторно е под зголемено внимание на јавноста и медиумите.

Во изминатиот период беа забележани модринки на неговите раце, отоци на нозете, како и моменти на јавни настапи кога изгледало дека заспива. The Daily Beast ги наведува овие случаи како дел од поширокото внимание кон физичката состојба на Трамп.

Трамп, од своја страна, редовно тврди дека е во добра здравствена состојба.

На митингот имаше и момент на заборавање

За време на истиот настап на Лонг Ајленд, Трамп имаше и момент во кој не можеше да се сети на името на жената чија кандидатура непосредно претходно ја поддржал за главен обвинител на сојузната држава Њујорк.

Тој прво ја опишал како личност која „денес првпат ја запознал“ и чија кандидатура ја поддржал, а потоа од говорницата се обидел да го дознае нејзиното име.

И овој момент дополнително привлече внимание на социјалните мрежи.

Засега, сепак, останува непознато што точно се наоѓа под задниот дел од костимот на Трамп. Сè останато се шпекулации.

The post 📽️ ДАЛИ ТРАМП НОСИ ПЕЛЕНИ? МИСТЕРИОЗНА ИСПАКНАТИНА ГО ЗАПАЛИ ИНТЕРНЕТОТ Белата куќа молчи, мрежите преполни со теории appeared first on plusinfo.mk.