Денеска и утре (7 и 8 јули) во Анкара се одржува Самитот на Северноатлантската Алијансата, каде нашата држава ќе биде претставена од највисока делегација, предводена од претседателката и врховен командант на Армијата, Гордана Сиљановска – Давкова, а составена од министерот за одбрана Владо Мисајловски, министерот за надворешни работи и надворешна трговија, Тимчо Муцински и началникот на Генералштабот на Армијата генерал-мајор Сашко Лафчиски.

На претстојниот Самит фокус ќе бидат неколку значајни теми меѓу кои и инвестициите наменети за одбраната, развојот на одбранбената индустрија и помошта за Украина.

Министерот Мисајловски во рамки на Самитот ќе учествува на Форумот за одбранбена индустрија; приемот за министри за одбрана организиран од турскиот министер за национална одбрана, Јашар Ѓулер и на церемонијата за приклучување на Франција, Финска и Шведска кон Мултинационалната соработка за воспоставување на НАТО обука за летање во Европа (NFTE – NATO Flight Training Europe).

Во Анкара министерот ќе оствари повеќе работни средби со неговите колеги министри за одбрана на сојузничките земји и ќе учествува на работниот состанок на Северноатлантскиот Совет со партнерите од Индо-пацифичкиот регион (Австралија, Јапонија, Нов Зеланд и Република Кореја).

Дводневниот самит во Анкара ги собира лидерите од 32-те земји членки на НАТО, меѓу кои се американскиот претседател Доналд Трамп, францускиот претседател Емануел Макрон, британскиот премиер Кир Стармер, германскиот канцелар Фридрих Мерц, италијанската премиерка Џорџа Мелони, канадскиот премиер Марк Карни, финскиот претседател Александар Стуб, словачкиот претседател Петер Пелегрини, албанскиот премиер Еди Рама, бугарскиот премиер Румен Радев, црногорскиот премиер Милојко Спајиќ…

На самитот ќе присуствуваат и генералниот секретар на НАТО, Марк Руте, и претседателот на Европскиот совет, Антонио Кошта.

Покрај 32 шефови на држави и влади на НАТО, на самитот се присутни и речиси 100 министри, високи дипломати, претставници на меѓународни организации, заедно со неклу илјади дипломати, новинари и други гости.

The post МАКЕДОНСКА ДЕЛЕГАЦИЈА ВО ПОЛН СОСТАВ НА САМИТОТ НА НАТО ВО АНКАРА Се очекуваат многу договори од обранбената индустрија appeared first on plusinfo.mk.

Во касарната „Илинден” во Скопје, во присуство на претседателот на Владата, Христијан Мицкоски, министерот за одбрана Владо Мисајловски, началникот на Генералштабот, генерал-мајор Сашко Лафчиски и амбасадорот на Европската Унија, Михалис Рокас, денеска беше реализирана методско показна вежба и беше извршен приказ на тактичко-техничките средства и опрема, набавени преку Европскиот мировен фонд – соопшти Министерството за одбрана.

На настанот премиерот Мицкоски порача дека приоритет на Владата е да продолжи да инвестира во македонска Армија, со цел таа да остане конкурентна. Тој се заблагодари на Европската Унија затоа што во македонската Армија препозна квалитет, како и на амбасадорот Рокас, за неговата лична посветеност во реализација на процесите за набавка и испорака на опремата.

– Ми останува само да се заблагодарам на амбасадорот за неговата лична посветеност, на Европската унија, што донира и препознава во македонската Армија квалитет, посветеност како армија којашто е составен дел на НАТО алијансата. Исто така би сакал да се заблагодарам на мојот колега од Владата, министерот за одбрана, на заменикот, на луѓето од Министерството за посветената работа. Се разбира сакам да ја искористам оваа прилика да ја истакнам работата на началникот на Генералштабот и да се заблагодарам на неговата неуморна работа и посветеност за да може нашата Армија да изгледа вака како што изгледа, да биде конкурентна, да биде подготвена – рече Мицкоски и истовремено се заблагодари на сите припадници на македонската Армија.

Министерот Мисајловски ја истакна исклучителната соработка со Европската Унија и Делегацијата на ЕУ во нашава земја кои придонесоа оваа набавка да стане реалност за македонската Армија, што е од особена важност за јакнење на одбранбените капацитети.

– Зад мене може да го видите првиот пакет на опрема што стигна [за што] работиме постојано. Се надевам дека во наредниот период ќе најавиме дополнителни пакети каде што ќе опфатат дополнителна опрема – рече министерот.

Министерот појасни дека станува збор за целосен грант – директни средства од Европската Унија и додаде дека тоа е резултат на нашата Заедничка европска безбедносна политика, нашиот однос, учеството во операциите на ЕУ и постојаната комуникација.

Амбасадорот на Европската Унија во државава, Михалис Рокас истакна дека безбедноста е суштински дел од европското партнерство, особено имајќи предвид дека во 2024 година потпишавме партнерство за безбедност и одбрана.

– Ги гледаме резултатите и гледаме како ова партнерство не само што со себе носи нова опрема, туку вклучува и обука. Гледаме извонредни симулирани вежби од страна на силите – подвлече тој.

Со поддршка на Европскиот мировен фонд набавена е опрема во вредност од над 40 милиони евра, сегментирана во три пакети од кои опремата од првиот пакет и дел од опремата од вториот пакет се пристигнати во земјава. Станува збор за опрема од различен вид – радари, термални камери, транспортни возила, симулатори, 3Д радар и преносни сензори, додека во рамките на третиот пакет ќе пристигне опрема за логистика и комуникациски и пешадиски единици.

The post 📷 АРМ СЕ ПОДНОВИ СО ОПРЕМА ВО ВРЕДНОСТ ОД 40 МИЛИОНИ ЕВРА Нови транспортери, радари, термални камери, сензори, симулатори.. appeared first on plusinfo.mk.

Ние сме земја членка на НАТО и сме со нашите сојузници, рече денеска министерот за одбрана Владо Мисајловски, кој во Штип одговораше на новинарско прашање за состојбата на Блискиот Исток и дали нашата Армија набавува воена опрема и оружје.

– Ние сме земја членка на НАТО и знаете дека сме постојано со нашите сојузници и имаме една цел, а тоа е Македонија, се разбира македонската војска и граѓаните. Ние ќе дадеме се од себе да бидеме спремни. Набавуваме и ново оружје постојано, еве за неколку дена ќе ги видите и новите страјкери што пристигнаа во државата. Но, паралелно очекуваме огнена моќ дополнително да стигне од повеќе држави, при крај сме со договорот со Франција ги очекуваме мистралите, хаубиците пристигнаа во Македонија. Треба да пристигне првиот хеликоптер. Ова се навистина сериозни вложување во текот на оваа година, која можеби е и најтешката на Министерството за одбрана за да ги исплати сите овие работи – изјави Мисајловски.

Министерот за одбрана, Мисајловски рече дека во иднина ќе има сериозни инвестиции и во наредните 10 години ќе се издвојуваат многу средства за одбраната. Тој додаде дека ќе започнат и со нов План што е најважно да се купи во наредните години.

– Верувајте дека тоа се милиони и милијарди што треба да ги издвоиме како Министерство за одбрана, дирекно да бидат нови вложувања во Армијата-рече Мисајловски.

На прашање дали се намалуваат тужбите од страна на припадниците на Армијата за исплата на додатоци по основ на Колективниот договор, Мисајловски одговори потврдно оти се намалуваат, а во минатото ова министерство се соочувала со околу илјада тужби, кои чинеле повеќе од 15 до 20 милиони евра. Тој вели дека најголемиот дел од обврските што претходно не биле исплатени сега се подмирени.

– Многу се намалени тужбите, се разбира дека постојано можат да се случат од различен тип. Но, она што беше навистина тешко, 1.000 тужби во минатото, тоа се сериозни пари над 15-20 милиони евра што на контото на министерството тие тужби беа доставени. Ние ги исплативме . Исплатено е се она што порано не се исплаќало, исплатено е се она што опфаќа по Колективен договор и гледаме да нема причина повторно да има тужби-вели Мисајловски.

Тој истакна дека како министер го почитува Колективниот договор и како што рече „ќе седнеме со сите да разговараме и тоа да го надминеме, но најважно е да се почитува Колективниот договор“.

The post СЕРИОЗНИ ИНВЕСТИЦИИ ВО ВОЕНА ОПРЕМА И ОРУЖЈЕ ЗА АРМ Најавен нов план за набавки за Армијата appeared first on plusinfo.mk.

Министерството за одбрана наскоро ќе објави конкурс за прием на 300 нови војници во Армијата, најави министерот за одбрана Владо Мисајловски. Во гостување на Тема на денот на Сител телевизија, тој информираше дека се очекува огласот да биде објавен по добивањето на потребната документација од Министерството за финансии, со цел приемот да започне веќе во пролетниот рок.

– Кога ќе стигнат од финансиите сите потребни документи, ќе ги објавиме конкурсите, се надевам веќе во пролетниот рок што доаѓа, што повеќе луѓе да влезат, да се натпреваруваат меѓу себе и да бидат дел од Министерството за одбрана, односно од Армијата – рече Мисајловски.

Тој истакна дека интересот кај младите постои и дека офицерскиот кадар и специјалните единици се на високо ниво на обученост. Мисајловски додаде дека со зголемувањето на буџетот за одбрана ќе се создадат услови и за подобрување на статусот и примањата на припадниците на Армијата.

– Минатата година, од јануари, сите вработени во Министерството добија 30 отсто зголемување на нивните плати. Кога ќе се зголемува буџетот на Министерството, се разбира дека ќе гледаме и кадарот да биде подобро платен, и тоа можам да го ветам – рече Мисајловски.

Министерот, исто така, најави дека набрзо ќе има решение со кое би се задржале војниците кои што ќе наполнат 45 години, за да можат да продолжат да го даваат нивниот придонес во Армијата.

– Има иницијативи како да се задржат сите војници што ќе наполнат 45 години. Мислам дека набрзо ќе има решение, со кое ќе бидат сите задоволени, како да ги задржиме сите војници во Армијата, за да можат дополнително да дадат придонес – рече Мисајловски.

The post АРМ ЌЕ ПРИМИ НОВИ 300 ВОЈНИЦИ Наскоро ќе биде објавен конкурс appeared first on plusinfo.mk.

Министерот за одбрана Владо Мисајловски ја поздрави иницијативата на американскиот претседател Доналд Трамп за мир во Украина, истакнувајќи дека конфликтот веќе четири години одзема животи и дека секоја можност за негово решавање е добредојдена.

– Ние го поздравуваме ова што го прави американската администрација и претседателот Доналд Трамп, затоа што само со оваа иницијатива може да се стигне до мир, бидејќи веќе четири години гледаме како во Украина за жал гинат луѓе – рече Мисајловски во гостување во Топ Тема на Сител телевизија.

Тој истакна дека на маргините на Минхенската безбедносна конференција имал интересна средба со украинскиот претседател Володимир Зеленски, при што биле отворени повеќе прашања за поддршка и помош.

– Имавме интересна средба, премиерот и ние како делегација, се отворија многу теми. Поддршката што ја даваме не е мала, како сега, така и во минатото. Гледаме што се случува на бојното поле, кои се следните чекори и што очекуваат властите во Украина. Секој ден има многу ракетни напади, особено врз Киев и други градови, снемува струја, гинат луѓе. Секоја членка на НАТО си го поставува прашањето како може да помогне. Ние веќе сме помогнале многу, но дополнително треба да обновиме тоа што претходно е дадено, и да бидеме лојален партнер и стратешки пријател – појасни Мисајловски.

Мисајловски додаде дека Македонија има стратешки пријатели во рамки на НАТО, но и надвор од Алијансата.

– Она што е важно во овој период е што Македонија има стратешки пријатели и стабилна, безбедна ситуација, што е многу важно за целосната безбедносна слика – потенцираше министерот.

Според него, процесот на проширување на Европскат Унија премногу трае, а некои земји час поскоро треба да влезат.

– Ова со години се кажува, прозорец на можности постои, но постојано се вели дека нешто дополнително треба да направиме. Но, премиерот постојано истакнува што е направено овие 30 години за ние уште да бидеме во чекалната – рече во своето гостување во Топ Тема на Сител министерот Мисајловски.

Една од главните теми во ЕУ е безбедносната политика, и тука се спојуваат интеграциите и безбедносната политика, рече Мисајловски.

– Ние како министерство и јас како министер постојано го отворам ова прашање бидејќи тука се спојуваат евронитеграциите со заедничката безбедносна политика, бидејќи усогласени сме со таа безбедносна политика – рече министерот.

Тој ја оцени безбедносна состојба во Македонија како добра, иако, рече, имаме некои хибридни закани.

– Имаме добра безбедносна состојба во Македонија. Гледајќи го опсегот на нашите соседи, исто така и од нив добиваме извештаи, анализи, но треба да внимаваме со некои прокси елементи нешто што се случува во соседни земји, различни келии што го работиме и нашите служби одлично ја вршат таа работа, изјави Мисајловски.

Сепак, додаде министерот, постојат хибридни закани, но имаме помош од нашите стратешки партнери во оваа борба од надворешни закани.

– Има доста хибридни закани, во делот на неконвеционални закани во делот каде што може со економска, политичка моќ да загрозат некои институции, но можам да се заблагодарам на нашите стратешки партнери што дирекно ни помагаат во оваа борба со надворешни закани, и ова прашање ќе биде актуелно во наредните десетици години вклучително заедно со вештачката интелигенција – истакна Мисајловски.

The post САМО ПЛАНОТ НА ТРАМП МОЖЕ ДА ДОНЕСЕ МИР ВО УКРАИНА Министерот Мисајловски за безбедносните прашања во светот и кај нас appeared first on plusinfo.mk.

Ова е историски најголем буџет за одбрана издвоен во рамки на Владата во овие над 30 години во Македонија. Благодарност до пратениците и до секој еден кој што ни дава поддршка бидејќи станува збор за огромна сума на средства, порача од Минхенската безбедносна конференција министерот за одбрана Владо Мисајловски.

Министерот потсети дека последната одлука од самитот во Хаг е буџетот за одбраната да расте на 3,5% од БДП на секоја земја членка и оцени дека тоа се сериозни средства.

Тој откри и дека речисти третина од парите кои годинава се предвидени за одбраната ќе одат за модернизација.

– Над 32% од предвидените пари ги издвојуваме директно за модернизација. Тоа значи нови проекти, оние обврски кои ги имаме од минатото да се исплатат, но и да започнеме од оваа година, веќе започнуваме со доста земји да преговараме. Набргу нè очекуваат и многу нови договори, што Министерството треба да ги направи за наредни 10 години. Ова е обврска која ја преземавме согласно членството во НАТО, нашите цели на способност, но и во наредниот период како да се домодернизираме со новите цели, во наредниот период – посочи Мисајловски во изјава за МРТ.

Претходно, на 17 декември, Мисајловски во гостување на „Топ тема“ најави дека буџетот за одбрана треба да изнесува околу 358 милиони евра.

–  НАТО бара 20 проценти, ние ќе вложиме над 32%, заедно со инфраструктурата што ја работиме се над 47 проценти. Тоа е сериозна сума директно за проекти и за модернизација.

The post НАЈГОЛЕМ БУЏЕТ ЗА ОДБРАНА ВО 30 ГОДИНИ Мисајловски од Минхен најави модернизација и 10-годишни договори appeared first on plusinfo.mk.

Aмбасадорката на Соединетите Американски Држави во заминување, Анџела Агелер, денеска оствари средба со министерот за одбрана Владо Мисајловски по повод завршувањето на нејзиниот мандат во Македонија.

„За време на нејзината проштална средба со министерот за одбрана Владо Мисајловски и началникот на Генералштабот на Армијата на Република Македонија, генерал-мајор Васко Лафчиски, амбасадорката Анџела Агелер се осврна на силната одбранбена соработка меѓу Соединетите Американски Држави и Македонија“, објави американската амбасада во земјата.

Амбасадата ги истакнува заедничките воени вежби на полигонот „Криволак“ и долгогодишното партнерство со Националната гарда на Вермонт како клучни примери за соработка што ја унапредиле подготвеноста и ја зајакнале заедничката безбедност.

The post СИЛНА ОДБРАНБЕНА СОРАБОТКА МЕЃУ САД И МАКЕДОНИЈА Агелер се сретна со министерот Мисајловски appeared first on plusinfo.mk.

Во Министерството за одбрана на месечно ниво доаѓаат по неколку компании од секторот на одбранбената индустрија кои се заинтересирани да ги разгледаат можностите за да инвестираат во Македонија – рече министерот за одбрана Владо Мисајловски во изјава за МИА во Брисел.

– Мислам дека наскоро ќе се потпише и Меморандум за соработка со една од тие компании, а има и друга македонска компанија што сака да се прошири – рече Мисајловски.

Тој најави дека една македонска фирма потпишала меморандум со странска компанија за изградба на фабрика, а дека постојат и уште две-три други иницијативи во чии рамки за разговара за земјиште, за постоечката легислатива и за начините и процедурите за инвестирање.

– Добро е што има компании што сакаат да дојдат во Македонија, бидејќи сепак ова е специфична наменска индустрија. Добро е да има напредок на ова поле по повеќе години застој, рече Мисајловски.

Министерот нагласи дека државата и Владата ги охрабруваат овие компании да инвестираат и се подготвени да им помогнат во тоа преку расположливите инструменти.

– Секој е добредојден, како и секоја компанија што има добра намера. Таа добра намера, се разбира, треба да се преточи во инвестиција. Како Влада ќе помагаме и важно е таа индустрија се повеќе и повеќе да ја развиваме. Ќе дадеме сѐ од себе како држава да привлечеме странски инвестиции и најдобро би било овие фабрики да се градат во оние делови од нашата земја каде има потреба за тоа. Ќе работиме на тоа поле и се надевам дека наскоро ќе бидете сведоци на потпишување на еден ваков меморандум – додаде Мисајловски во изјавата за МИА.

The post ЈАГМА ОД ИНВЕСТИТОРИ ВО ОДБРАНБЕНАТА ИНДУСТРИЈА Месечно се јавуваат по неколку компании, вели министерот за одбрана appeared first on plusinfo.mk.

Триковите веќе не поминуваат. Погледнете каков подарок од СДСМ сега спремаат за Бугарија. Тој подарок е тројански коњ, убаво спакуван, со таканаречени црвени линии, а всушност тоа е ново попуштање кон нашиот источен сосед. Нова бонбона бизнис која СДСМ ѝ ја дава на нашиот источен сосед, рече ечерва претседателот на ВМРО-ДПМНЕ, Христијан Мицкоски на народниот митинг во Куманово.

– Се сеќавам, не заборавам, дека поранешниот премиер на нашиот источен сосед јавно зборуваше дека финансиски ја помогнал таа опција на СДСМ, партијата на чие чело е Венко, и тоа директно преку куферче пари кон неговиот гуру и ментор од Струмица. Сега не сакам да верувам, но многу е логично дека повторно тропнале на истата врата и повторно се надеваат на ново куферче, а подарокот кој што нашиот источен сосед може да го плати е пробив одвнатре – нов предлог за ново предавство на националните и државни интереси – нагласи Мицкоски.

Политичките трикови на СДСМ и на Филипче нема да поминат, рече Мицкоски и додаде дека нема да дозволи врз грбот на националните и државни интереси некои да градат политички кариери.

– Но, овој пат големата пречка за тоа сме ние, народот на Македонија и ВМРО-ДПМНЕ, затоа што добро знаат дека тоа нема да дозволам да помине. Она што е непознато е само колку пари овој пат од кај нашиот источен сосед се слеале во раководството на СДСМ, за да излезат во јавноста со ваков предлог, па и бесрамно да го брендираат како резолуција со црвени линии. Зарем некој овде верува дека има малку патриотизам во СДСМ и ова раководство на СДСМ? Јас не верувам – рече Мицкоски.

Тоа што Венко е добар за нашиот источен сосед, за Македонците значи само едно – ново предавство, кое ние нема да го дозволам, категоричен е Мицкоски.

– Не постои цена, не постои ништо коешто може да го извалка овој образ. Јас ветувам само чесна работа и дека ќе биде тешко, но нема да биде срамно. Сите заедно одлучивме да го одиме тешкиот пат. Но, не и срамниот пат. Националните и државни интереси нема да бидат крчма над која тие ќе ги градат своите кариери, а овој пат народот ги знае сите нивни трикови и ќе загубат дебело на овие избори – рече Мицкоски на митингот во Куманово.

Претходно, на истата тема зборуваше и на митингот во Ѓорче Петров.

– Венко сака да ни објасни дека се грижеле за нашиот дом, а пред само 15 месеци немаше ден без скандал. Предавство по предавство правеа. Се грижеа за „нашиот дом“ така што ја клекнаа Македонија на колена. Прво беше промената на името, потоа договорот за пријателство со Бугарија, со кој ја отворија Пандорината кутија, што денес нè доведе до оваа ситуација до која што сме, а потоа следеше прифаќање на оној бугарски ултиматум. Вчера го слушав како се повикува на АСНОМ. А заборава дека тој и неговиот учител, ментор, се поплукаа на АСНОМ тогаш кога кажаа дека нашиот источен сосед за време на Втората светска војна во Македонија бил ослободител, бил администратор, а не окупатор. Дека јазикот ни „паднал од небо“ последните децении и дека нема историски континуитет. Не може Венко да се повикува на АСНОМ, а да не се огради од ова. Не може да бидеш од една страна партизан, а од друга страна соработник со окупаторите во Втората светска војна – порача Мицкоски од Ѓорче Петров.

На митингот во Куманово, Владо Мисајловски, кој беше носител на изборна единица 2 од ВМРО-ДПМНЕ на парламентарните избори рече дека Куманово дополнително ќе биде град на можности.

– Вечерва сум тука со вас да испратиме порака. Куманово заслужува да биде град на можности, град на развој и град кој се гради со љубов, со посветеност и со визија. Потенцијалот е јасен, визијата е конкретна, а можностите за развој се реални и остварливи –  вели Мисајловски.

Мисајловски потенцираше дека Владата предводена од ВМРО-ДПМНЕ активно инвестира во сите општини, а ќе продолжи и во иднина, со цел обезбедување подобар живот, развојни можности и просперитетна иднина за сите граѓани.

– Заедно градиме иднина во која модерната инфраструктура ќе биде за сите, квалитетното образование и социјалната поддршка ќе бидат основа за развој и просперитет – рече тој.

Владимир Михајловски, носител на советничка листа на ВМРО-ДПМНЕ и Коалицијата во општина Куманово порача дека таа советничка листа се разликува од останатите, има луѓе кои природнѝи припаѓаат на Македонија, му припаѓаат на Куманово му припаѓаат на народот.

– Горд сум со луѓето што ги предводам, тоа се луѓе кои се истакнати професионалци, скромни но докажани во својата работа, во својата човечност. Со заокружување на бројот 9 гласате за планско проширување на градот и правилно урбанистичко уредување, гласате за повеќе слободни паркинг површини, изградба на катни гаражи и за ослободување на тротоарите, гласате за изградба на канализациони системи во населбите и за обновување и одржување на постојните, за изградба на нови спортски игралишта и за реновирање на постојните, гласате за субвенционирање на општинскиот спорт, за спортот на младите и за поддршката на локалните спортски клубови, гласате за борци за почиста животна средина, за почист воздух, за уредување на речните корита и за изградба на паркови и зелени површини, гласате за ваш советник, достапен во секое време, подготвен да ги прими и да ги разгледа вашите предлози – рече Михајловски.

The post „БОЈКО ЗБОРУВАШЕ ДЕКА ДАЛ ПАРИ, СЕГА ШТО ЛИ Е ВО ИГРА?“ За Мицкоски црвените линии на Венко се тројански коњ appeared first on plusinfo.mk.

Македонија стана првата држава во Европа која ги доби турските влечни хаубици БОРАН со калибар од 105 мм.

Дека хаубиците се пристигнати во Македонија, за Курир ексклузивно потврди министерот за одбрана, Владо Мисајловски.

За скоро време е планирана нивна промоција пред македонската јавност.

Детални информации засега не можат да бидат објавени бидејќи станува збор за класифициран договор.

The post 🎥 ПРИСТИГНАА ХАУБИЦИТЕ БОРАН Погледнете го ова моќно оружје appeared first on plusinfo.mk.