View this post on Instagram

 

A post shared by ElGordoyLaFlaca (@elgordoylaflaca)

The post 🎥 МИС УНИВЕРЗУМ ОДБИВА ДА ЈА НАПУШТИ СЦЕНАТА ЗА ВРЕМЕ НА ПРОСЛАВАТА НА ПОБЕДАТА Еве како изгледаше триумфалното славење на Фатима Бош appeared first on plusinfo.mk.

Претставничката на Мис Универзум од Јамајка, д-р Габриел Хенри, беше хоспитализирана откако падна од сцената за време на претставувањето на убавиците во вечерни тоалети, на прелиминарните избори за Мис Универзум на 19 ноември.

Убавицата при падот претрпела фрактура, крварење во главата и голем број други сериозни повреди.

Повеќе од три недели по инцидентот, Организацијата за Мис Универзум и нејзиното семејство потврдија дека таа ќе биде вратена дома во Јамајка со медицинска помош, објавува „Пипл“.

Организацијата за Мис Универзум објави соопштение во име на семејството на Габриел Хенри за да ја разјасни нејзината состојба.

– Д-р Хенри претрпе сериозен пад низ отворот на сцената додека одеше по пистата за време на прелиминарниот натпревар на 19 ноември 2025 година, што резултираше со интракранијално крварење со губење на свеста, фрактури, посекотини на лицето и други значајни повреди. Таа веднаш по падот беше префрлена на единицата за интензивна нега во Бангкок, каде што остана во критична состојба под постојан невролошки надзор – се вели во соопштението.

Таму се вели и дека нејзината состојба продолжува да бара 24-часовен специјалистички надзор и дека ќе биде вратена дома во наредните денови во придружба од целосен медицински тим и ќе биде префрлена директно во болница за понатамошно лекување и закрепнување.

Организацијата на изборот за Мис Универзум потврди дека ги покрила сите нејзини болнички, медицински и рехабилитациски трошоци во Тајланд, како и трошоците за сместување и живот за нејзините мајка и сестра кои престојувале кај неа. Организацијата, исто така, го финансира летот за враќање под медицински надзор организиран од болницата и се обврзала да ги покрие сите идни медицински трошоци што произлегуваат од овој инцидент.

Семејството изрази длабока благодарност за „непоколебливото сочувство, присуство и покажана љубов“.

Сепак, прашањето за одговорноста за падот стана предмет на дебата. Една недела по финалето, Мис Хаити, Мелиса Сапини, изјавила за списанието „Пипл“ дека персоналот на изборот за убавина ја обвинил повредената Хенри за инцидентот.

– Првото нешто што го кажаа беше дека тоа се случило затоа што таа не обрнувала внимание додека чекорела по сцената – рекла Сапини.

Во неодамнешна изјава, Организацијата силно ги негираше ваквите обвинувања.

The post МИС ЈАМАЈКА ПРЕТРПЕЛА ФРАКТУРА И КРВАРЕЊЕ ВО ГЛАВАТА Убавицата која падна од сцената на Мис Универзум ќе биде вратена дома со медицинска помош appeared first on plusinfo.mk.

Мис Универзум 2025 Фатима Бош конечно ги исправи работите во однос на обвинувањата дека нејзината победа била наместена, велејќи дека тие биле резултат на „кампања на омраза“.
Во ексклузивно интервју за ABC7, мексиканската кралица на убавината ја бранеше својата круна, велејќи дека не победила поради наводните деловни врски на нејзиниот татко со претседателот на Организацијата за Мис Универзум, Раул Роча.

Бош одговараше на тврдењата на француско-либанскиот музичар Омар Харфуш, поради кои тој велеше дека се откажал од функцијата член на жирито на Мис Универзум само неколку дена пред големото финале.

– Тие ја прават оваа кампања на омраза. Мојот татко нема никаква врска со организацијата – вели таа.

Убавицата додава: Лудо е, како ќе купите круна? Можеби во Волмарт можете да купите круна, да. Но, не во Мис Универзум, сигурно.

Бош, која беше крунисана во Тајланд на 21 ноември минатата година, претходно изјави на социјалните мрежи дека „нема да се повлече“ и покрај целата омраза што ја доби.

Дури и пред ноќта на крунисувањето, таа беше предмет на контроверзии поради нејзината жестока расправа со директорот на тајландскиот избор за убавина Нават Ицарагрисил, кој веќе се извини за неговиот испад.

Кога ја прашаа дали мисли дека круната на Мис Универзум е нејзина „награда“ поради тоа што истапи и проговори, Бош одговори: Секако дека не. Вложувам ист напор како и сите натпреварувачки на изборот за убавина.

Таа продолжи да ги негира гласините дека размислува да се откаже од својата титула.

– Никогаш нема да се откажам од оваа круна. Не сум тука за слава или манекенство или барање сопруг. Јас сум тука затоа што Бог ставил цел во моето срце. Имам мисија и ќе ја извршувам цела година – вели кралицата на убавината, која го нарече својот момент на крунисување на Мис Универзум „остварен сон“.

The post ФАТИМА БОШ НЕГИРА ДЕКА НЕЈЗИНАТА ПОБЕДА Е НАМЕСТЕНА Можеби во Волмарт можете да купите круна, но, не во Мис Универзум appeared first on plusinfo.mk.

Само неколку дена откако Мексиканката Фатима Бош ја освои титулата Мис Универзум во Бангкок на 21 ноември, учесничката од Хаити Мелиса Сапини одлучи да проговори за она што таа го нарекува хаотично и вознемирувачко искуство зад сцената.

Во ексклузивно интервју за People, поранешната Мис Масачусетс САД и овогодишна претставничка од Хаити изнесе низа шокантни тврдења – од предупредувачки знаци од организацијата до масовни хоспитализации на учесничките за време на тридневниот престој во Тајланд.

За Сапини, натпреварувањето на Мис Универзум било сон што го градела со години, но реалноста, според неа, била далеку од гламурозна.

– Секој ден беше нешто. Секој ден девојките си шепотеа една на друга: „Дали е ова нормално? Дали сум луда?“ Имаше толку многу предупредувачки знаци од самиот почеток – се сеќава таа.

Неконтролираните инциденти кулминираа на 4 ноември за време на пренос во живо, кога јавноста можеше да биде сведок на жестока расправија помеѓу извршниот директор на изборот за убавина Нават Ицарагриси и тогашната Мис Мексико Фатима Бош. Според Сапини, токму тој момент им дал до знаење на натпреварувачките дека нешто не е во ред. Илузијата за уреден и професионален избор за убавина исчезнал.

Девојките паѓаа како муви

Скандалите биле бескрајни: закани за дисквалификација, наводно несоодветни услови, масовни хоспитализации, сомнежи за регуларноста на изборот на финалистки и повлекување на тројца членови на жирито, вклучувајќи ја и принцезата Камила ди Борбоне деле Ду Сицилија.

– Девојките паѓаа како муви. Луѓето беа болни лево и десно – тврди Сапини, забележувајќи дека натпреварувачките ги поминувале деновите помеѓу пробите и медицинските прегледи – сето тоа со страв дека тоа ќе го загрози нивниот пласман.

Она што најмногу ја погодило, вели таа, било тоа што никој не се осврнал на причината за нивните здравствени проблеми.

– Ни даваа спакувани ручеци што нè разболуваа. Никој не рече: „Добро, ќе ја смениме храната“. Тоа ме исплаши.

Сомнежите за регуларноста се зголемија уште повеќе кога членовите на жирито почнаа јавно да излегуваат, тврдејќи дека финалистките биле избрани однапред, дури и пред прелиминарната рунда – обвинувања што организацијата Мис Универзум ги негираше.

Поминавме низ пекол

Сето ова, вели таа, скршило многу натпреварувачки кои размислувале да го напуштат Тајланд.

– Го посветив мојот живот на оваа организација. И потоа сето ова се случува… Поминавме низ пекол. Бевме исцрпени, болни, не спиевме… И на крајот, сфаќате дека резултатите можеби не биле во ваши раце – се сеќава Мелиса.

Таа, исто така, ги наведува сериозните лични жртви што ги направиле натпреварувачките – од земање отсуство од нивните универзитети до тоа да бидат одвоени од своите деца и семејства еден месец.

– Тоа е апсолутно лудо. Се откажувате од сè за еднаква можност, а дури ни тоа не го добивате.

Во моќна порака до организаторите на крајот од интервјуто, таа вели: „Се мешате во нашите животи и нашата иднина. Ако можете да ни го правите ова нам, што ли ќе им правите на следните девојки?“

The post ШОКАНТНА ИСПОВЕД НА УЧЕСНИЧКА НА МИС УНИВЕРЗУМ „Се разболувавме, девојките паѓаа како муви“ appeared first on plusinfo.mk.

Мис Палестина Надин Ајуб, која влезе во историјата како првата жена од оваа земја што учествуваше на Мис Универзум 2025, јавно ја доведе во прашање транспарентноста на гласањето на обожавателите на апликацијата Мис Универзум, откако наглото зголемување на гласовите ги промени резултатите од категоријата „Најубави луѓе“ кратко пред нејзиното затворање.

Во видео објавено на нејзините страници на социјалните мрежи на 23 ноември вечерта, таа ја формулираше својата загриженост како прашање на праведност, а не на разочарување или пораз.

– Навистина сакам да се осврнам на нешто многу, многу важно. Јас сум некој што навистина се залага за правда, се залагам за она што е исправно и ќе се залагам за она што верувам дека е погрешно – рече таа.

Нејзините коментари се фокусираа конкретно на системот за гласање на обожавателите преку апликацијата, а не на оценувањето или исходот од самиот избор.

Мис Палестина објасни дека додека другите категории за кои гласаа обожавателите на апликацијата Мис Универзум биле затворени и победниците биле објавени, категоријата „Најубави луѓе“ останала отворена.

– Јас водев во категоријата за најубава личност и тоа беше единствената категорија на апликацијата што не беше затворена и не наградија никого, иако натпреварот заврши – рече таа.

 

View this post on Instagram

 

A post shared by Nadeen Ayoub (@nadeen.m.ayoub)

Според нејзината изјава, таа останала во водство до приближно 30 минути пред закажаното затворање, но во последните моменти се случила необјаснета промена.

– Во рок од две минути, друг натпреварувач добил повеќе од 20.000 гласови, што е многу невозможно да се направи освен ако освен ако не гласаат повеќе од една личност одеднаш, а тоа не е реално – освен ако не е направено интерно  – смета таа.

Мис Палестина не именуваше ниту една натпреварувачка и не обвини никого за манипулирање со гласањето. Но, визуелните снимки покажуваат дека Мис Танзанија била нејзина соперничка.

Нејзиниот фокус беше на времето и обемот на бројчената промена.

– И едноставно сметам дека ова е многу неправедно. Всушност е неправедно што ова беше единствената категорија што сè уште беше отворена, онаа во која јас водам.“

Во времето на нејзината изјава, не беше дадено јавно официјално објаснување за тоа како се постапувало со гласовите на апликациите или како се случил ненадејниот пораст.

Убавицата нагласи дека не станува збор за наградата.

– Јас ја добив најголемата круна. Ја добив најголемата награда со тоа што ја претставував Палестина и бев глас на мојот народ и на сите оние што сакаат да проговорат и да ја видат правдата, убавината и културата. Верувам дека веќе сум победничка, но ако нешто не изгледа праведно – време е да се каже –  рече таа.

The post ДРАМАТА ЗА МИС УНИВЕРЗУМ 2025 СЕ ПРОДЛАБОЧУВА Убавицата на Палестина тврди дека била измамена appeared first on plusinfo.mk.

Фатима Бош од Мексико е прогласена за Мис Универзум 2025 на финалето во Нонтхабури, близу Бангкок. 25-годишната хуманитарна работничка, претходно беше навредена од Навад Ицарагрисил, директор на Miss Universe Thailand, кој на состанок пред кандидатките ја прекори Бош дека „не објавува доволно промотивни содржини“.

Дел од снимките покажаа дека тој ја нарекува „глупава“.

Кога обезбедувањето беше повикано да ја изведе Бош од просторијата, другите натпреварувачки се солидаризираа со неа, станаа и ја напуштија салата во знак на солидарност, што предизвика лавина реакции во светските медиуми, а убавицата стана фаворитка на јавноста и доби силна меѓународна поддршка.

Мексиканката ја презеде круната од минатогодишната победничка, Данката Викторија Кјер Тејлвиг. Прва придружничка е Правинар Синг, претставничка на земјата-домаќин, а во топ-5 влегоа уште Венецуелката Стефани Абасали, Филипинката Ахтиса Манало и претставничката на Брегот на Слоновата Коска, Оливиа Јасе.

Оваа година настапија натпреварувачки од 120 земји, меѓу кои и Палестинката Надин Ајуб – првата жена што официјално го претставува палестинскиот народ на изборот. Таа успеа да стигне до финалните 30.

Финалето го водеше американскиот комичар Стив Бајрн, а церемонијата беше отворена со настап на тајландската поп-ѕвезда Џеф Сатур.

Организацијата на изборот го осуди однесувањето на Ицарагрисил и му ја ограничи улогата во подготовките. Тој подоцна се извини на пренесувана церемонија за добредојде.

Неколку дена пред финалето, тројца членови на жирито поднесоа оставки. Композиторот Омар Харфуш тврдеше дека изборот бил „веќе решен“ и дека постоела „тајна група“ која ги определила првите 30 финалистки.

– Не можев да стојам пред камерите и да глумам дека гласам за нешто во што не сум учествувал – напиша Харфуш.

Miss Universe Organization ги оцени тврдењата како „погрешно претставување“ и истакна дека протоколите се јасни, надгледувани и транспарентни. Истото тело соопшти дека „не постои никаков импровизиран состав на судии“.

Истовремено, поранешниот француски фудбалер Клод Мекелеле исто така се повлече, наведувајќи „непредвидени лични причини“ и конечно, оставка даде и принцезата Камила ди Борбоне деле Ду Сицилија, претседателка на изборниот комитет за Мис Универзум.

Во прелиминарната вечер, претставничката на Јамајка Габриел Хенри доживеа тежок пад од сцената, по што беше изнесена на носила. Претседателот на организацијата, Раул Роча, објави дека е хоспитализирана, но дека нема скршеници и е во стабилна состојба.

Одговарајќи на финалното прашање за обраќање пред Генералното собрание на ООН, Фатима Бош испрати порака за женска самодоверба:

– Верувајте во силата на вашата автентичност. Вашите соништа значат нешто, вашето срце значи нешто. Никогаш не дозволувајте некој да ве натера да се сомневате во вашата вредност.

Изборот траеше три недели, со патувања низ Тајланд, бројни јавни настани и подготовки што кулминираа со финалето во Бангкок. За жал, за македонската претставничка Иман Тотиќ, немаше никакви информации. Таа веројатно воопшто не отпатувала на изборот во Тајланд.

View this post on Instagram

 

A post shared by Donald West (@pageantopolisbydw)

The post 🎥 НАВРЕДУВАНАТА УБАВИЦА СТАНА МИС УНИВЕРЗУМ Мексиканката Фатима Бош ја доби круната на финале обележано со скандали, солидарност и оставки appeared first on plusinfo.mk.

Претставничката на Јамајка, д-р Габриел Хенри, имаше драматичен пад од сцената за време на претселекцискиот дел со вечерни фустани на изборот за Мис Универзум во Тајланд.

На социјалните мрежи се појавија снимки на кои се гледа моментот кога Хенри, облечена во долг, лелеав портокалов фустан, одеднаш исчезнува од работ на сцената.

На друга снимка може да се види како ја изнесуваат на носилки.

@mumx2025

Dios mío, oremos porque esté bien nuestra querida Miss Universe Jamaica #missuniverse #missuniversemexico2025 #missuniversejamaica2025

♬ sonido original – MUMX 2025 Fatima Bosch

Организацијата „Мис Универзум“ се огласи со соопштение во кое наведоа дека претседателот Раул Роча Канту ја посетил Хенри во болница. Потврдено е дека е во стабилна состојба и има „неколку полесни повреди“. Таа е задржана на набљудување во болницата во Бангкок.

– Бев со неа и со нејзиното семејство и, за среќа, нема скршени коски. Под добра лекарска грижа е – напиша Канту на Инстаграм.

Инцидентот се случи само два дена пред големото финале на 74. издание од изборот за Мис Универзум, закажано за петок, 21 ноември.

The post 🎥 МИС ЈАМАЈКА ЗАВРШИ ВО БОЛНИЦА Убавицата падна од бината додека дефилираше во вечерна облека appeared first on plusinfo.mk.

Чилеанската убавица Ина Мол, претставничка на својата земја на изборот за Мис Универзум 2025, се најде во центарот на огромен медиумски скандал, откако на ТикТок објави видео кое многумина го протолкуваа како промовирање на дрога.

Во видеото, снимено во рамки на трендот „Addicted to You“, Ина вдишува бел прав и потоа се појавува во гламурозна верзија на себе – сцена која предизвика лавина реакции. Иако подоцна го избриша видеото и изјави дека станува збор за шега со шминкерски ефект, јавноста не беше убедена.

 

View this post on Instagram

 

A post shared by Chismes Desde la Casa ¡Te vas a enterar de todo! (@desdelacasa22)

„Требаше да кажам не“

Под огромен притисок и критики, Ина низ солзи се огласи на Инстаграм, извинувајќи се на сите што се почувствувале навредени.

– Сакам да им се извинам на сите што се чувствувале навредени. На почетокот реков не, но шминкерот инсистираше и на крајот се согласив. Требаше да се држам до тоа „не“. Мојата намера не беше да навредам никого – рече Мол.

Нејзината искреност беше поздравена од дел од обожавателите, но мнозинството коментатори ја осудија постапката, сметајќи дека учесничка на Мис Универзум не смее да објавува вакви содржини, дури ни во шега.

 

View this post on Instagram

 

A post shared by Inna Moll (@innamoll)

Интернетот не простува

Видеото експлодираше на социјалните мрежи, станувајќи вирален материјал за само неколку часа. Илјадници коментари се појавија под објавата, со корисници кои пишуваа:

„Таа ја претставува својата земја, не може да се шегува со такви работи!“

„Разбирам трендови, но ова е премногу.“

 

View this post on Instagram

 

A post shared by Juan Luis Rodriguez (@noviasbyjuanchi)

Шминкерот ја презеде вината

Ден по скандалот, шминкерот кој го снимил видеото објави јавно извинување.

– Навистина ми е жал за она што се случи. Тоа беше непромислено и без лоша намера. Само следевме тренд. Ве уверувам дека вакво нешто нема да се повтори – вели шминкерот.

И покрај тоа, дел од публиката смета дека „штетата веќе е направена“ и дека репутацијата на чилеанската претставничка е сериозно нарушена.

The post 📽️ СКАНДАЛ НА „МИС УНИВЕРЗУМ“ Мисицата од Чиле снимила видео кое личи на дрогирање, сега со солзи се извини пред цел свет appeared first on plusinfo.mk.

Мис Универзум на Хрватска, Лаура Гњатовиќ, привлече големо внимание во Тајланд, каде што се одржува овогодинешниот натпревар за Мис Универзум. Социјалните мрежи се преполни со нејзини фотографии и видеа, а многумина сега се насмеаја добро поради едно од најновите видеа објавени на социјалните мрежи, пишува Jutarnji list.

Станува збор за видео на Тик-Ток, во кое можеме да ја видиме Лаура, која е висока 191 см, како мора да се наведнува додека зема храна од шведската маса бидејќи таванот бил пренизок.

@iamtrp225_th

#missuniversecroatia2025 #missuniverse2025 #นางงามเด้อค่าofficial #นางงามเด้อค่า #iamtrp225

♬ Funny – Gold-Tiger

– Дали ти треба помош? – прашува низ смеа лицето што ја снима Лаура, а хрватската убавица исто така се смее и одговара дека ќе се снајде. „Те молам, помагај“, се пошегува таа во видеото.

Патем, убавата задранка е највисоката кандидатка на овогодинешниот натпревар за Мис Универзум. Задарката со адреса во Дубровник ја освои титулата Мис Универзум Хрватска 2025 во Загреб кон крајот на април.

Овогодинешната тема на изборот за убавина е „The Power of Love“, со која организаторите сакаат да нагласат единство, јакнење и отпорност. Девојките ќе останат во Тајланд 20 дена, а покрај Бангкок, ќе ги посетат и Пукет и Патаја.

Покрај со својот изглед, Лаура ја воодушевила јавноста со своето искуство во медицината. Таа учествувала во спасување на девет животи додека работела во Службата за итни случаи на округот Дубровник-Неретва.

– Грижата за оние на кои им е потребна помош и спасувањето животи е во описот на работата на сите нас кои работиме во здравството, без разлика дали сме медицински сестри и техничари, возачи на брза помош или лекари и хирурзи. Неописливо е чувството кога ќе видите како некој се враќа во живот, а како млада медицинска сестра, дури и сега, месеци подоцна, сценаријата од тие моменти сè уште ми се „вртат“ во главата, во детали, како да беше вчера – рекла таа.

The post 🎥 КОМИЧНА СЦЕНА СО ХРВАТСКАТА УБАВИЦА ВО ТАЈЛАНД На претставничката на Хрватска на Мис Универзум ѝ требаше помош на шведската маса appeared first on plusinfo.mk.

На официјалниот Инстаграм профил на Мис Универзум се објавени фотографии од Јелена Егорова, со кои се потврдува дека таа е Мис Универзум Србија 2025 и дека ќе носи српска лента на светскиот избор.

Бројни корисници на социјалните мрежи го пофалија нејзиниот изглед, но исто така изразија изненадување од фактот дека девојка од Монголија ќе ја претставува Србија. Во коментарите се споменува дека Јелена има српски пасош.

 

View this post on Instagram

 

A post shared by MISS UNIVERSE EUROPE UPDATES (@missuniverse_europe_updates)

The post СРБИТЕ ШОКИРАНИ ОД СВОЈАТА ПРЕТСТАВНИЧКА ЗА МИС УНИВЕРЗУМ Убавицата што ќе ја претставува Србија е од Монголија appeared first on plusinfo.mk.