Рускиот претседател Владимир Путин денеска изјави дека би сакал да се сретне со американскиот претседател Доналд Трамп во Будимпешта, на најавениот мировен самит, јави Скај њуз. Путин му го пренесе ова на унгарскиот премиер Виктор Орбан во Москва.

Средбата Трамп-Путин во Будимпшета првично требала да се одржи во октомври, но е откажана бидејќи, според руската страна, не биле исполнети сите услови.

Меѓутоа, Москва сè уште чека сигнал од Вашингтон. Според дипломатски извори, иницијативата за нов термин би можела да биде поврзана со новиот американски мировен план за Украина.

Планот, кој во меѓувреме беше изменет и скратен од 28 на 19 точки, бара од Украина да се откаже од приклучување кон НАТО и да ги повлече војниците од некои територии. Русија, пак, остро реагираше на членот 14, што се однесува на замрзнатите руски средства на Запад.

Од друга страна, во Вашингтон засега нема потврда дали би се прифатил состанок меѓу двајцата лидери, ниту кога би можел да се одржи.

The post БУДИМПЕШТА УШТЕ Е ВО ИГРА ЗА КЛУЧНАТА СРЕДБА Путин на Орбан му пренел дека чека сигнал од Вашингтон appeared first on plusinfo.mk.

Американскиот претседател Доналд Трамп изјави дека, доколку претстојната средба со рускиот лидер Владимир Путин помине успешно, брзо ќе иницира втора средба, овој пат заедно со украинскиот претседател Володимир Зеленски.

– Ако првата помине добро, многу брзо ќе имаме втора. Би сакал тоа да се случи речиси веднаш, и многу брзо да имаме средба меѓу претседателот Путин, претседателот Зеленски и мене. Би бил среќен да бидам таму – рече Трамп пред новинарите.

Првиот состанок меѓу Трамп и Путин е закажан за петок во американската воена база во Енкориџ, Алјаска. Според американскиот лидер, целта е да се разговара за начините за ставање крај на војната во Украина.

Трамп, исто така, предупреди дека Русија ќе се соочи со „многу тешки последици“ доколку Путин одбие мировен договор.

– Да, ќе има – нагласи тој, без да открие детали. Претходно најави дека е подготвен да воведе строги економски санкции против Москва ако не се постигне напредок кон мир.

Американскиот претседател изрази желба за трилатерален самит на кој би учествувале САД, Русија и Украина, откако претходно истиот ден учествуваше во виртуелни консултации со Зеленски и со лидерите на неколку европски држави, како и претставници на ЕУ и НАТО.

Трамп изјави дека имал „многу добар разговор“ со европските лидери, вклучувајќи го и украинскиот претседател Володимир Зеленски, додека се подготвува за самитот в петок со рускиот лидер Владимир Путин.

– Имавме многу добар разговор…. Би го оценил (разговорот) со 10. Знаете – многу, многу пријателски – им рече тој на новинарите за време на настан во Центарот Кенеди во Вашингтон.

The post САД, РУСИЈА И УКРАИНА НА ИСТА МАСА? Трамп спрема трилатерален средба со Путин и со Зеленски appeared first on plusinfo.mk.

Претставници на повеќе од 80 земји кои присуствуваа на мировната конференција за Украина во Швајцарија денеска потпишаа декларација во која се наведува дека „територијалниот интегритет“ на Украина е основа за секој мировен договор што ќе стави крај на војната

„Ја потврдуваме нашата посветеност да се воздржиме од закана или употреба на сила против територијалниот интегритет или политичка независност на која било држава, кон принципите на суверенитет, независност и територијален интегритет на сите држави, вклучително и Украина, во рамките на нивните меѓународно признати граници, вклучувајќи ги територијалните води. , и да се решаваат споровите со мирни средства како принципи на меѓународните права“, се наведува во декларацијата по дводневниот самит.

Понатаму се додава дека Повелбата на ОН, вклучувајќи го и почитувањето на територијалниот интегритет и суверенитет, „може и ќе послужи како основа за постигнување сеопфатен, праведен и траен мир во Украина.

„Ние веруваме дека постигнувањето мир бара вклученост и дијалог меѓу сите страни“, се додава.

Декларацијата конкретно се однесува на „заедничката визија“ во однос на три „клучни аспекти“.

Прво во контекст на нуклеарната централа Запорожје, веше истакнато дека „користењето на нуклеарната енергија и нуклеарните инсталации мора да биде безбедно, сигурно, заштитено и еколошки прифатливо“. Беше забележано и дека заканите за употреба на нуклеарно оружје се неприфатливи.

Како втора точка, се наведува дека глобалната безбедност на храната зависи од пристапот до пристаништата во Црното и Азовското Море, поради што се неприфатливи и нападите врз трговските бродови.

Конечно, 80 земји повикуваат на итна целосна размена на затвореници и за враќање на „депортираните и нелегално раселените украински деца и сите други украински цивили кои биле незаконски приведени“ во Украина.

Декларацијата беше поддржана од 80 од 93 земји кои учествуваа на самитот. Меѓу земјите кои ја поддржаа декларацијата е и Македонија.

Земјите кои не ја поддржуваат декларацијата се 6 членки на групата Г20 – Бразил, Мексико, Саудиска Арабија, Јужна Африка, Индија и Индонезија, како и Ерменија, Бахреин, Тајланд, Либија, Обединетите Арапски Емирати, Колумбија и Ватикан.

Претседателот Володимир Зеленски  изјави дека учесниците на самитот се согласиле да продолжат да работат во специјални групи и дека кога ќе бидат готови „акционите планови за мир“, патот до вториот самит ќе биде отворен, пренесува Ројтерс.

– Се договоривме да почнеме да работиме во специјални групи по самитот за конкретни идеи, предлози и сценарија кои можат да ја вратат безбедноста во различни аспекти. Кога ќе бидат готови акционите планови за мир и кога ќе се разработи секој чекор, ќе се отвори патот за вториот мировен самит – рече Зеленски.

Претседателката на Европската комисија, Урсула фон дер Лајен изјави дека мирот во Украина „нема да се постигне во еден чекор, туку тоа ќе биде патување“.

– Ова не беа мировни преговори затоа што (рускиот претседател Владимир) Путин не е сериозен за завршување на војната, тој инсистира на капитулација, тој инсистира на отстапување на украинска територија – дури и територија што не е окупирана денес – рече таа.

Русија не беше поканета на мировната конференција, а Кремљ соопшти дека барањето начин за решавање на украинскиот конфликт без учество на Москва е нелогично и залудно.

Според аналитичарите дводневната конференција најверојатно ќе има многу мало конкретно влијание врз завршувањето на војната.

Претходно, премиерот на Канада, Џастин Трудо најави дека наскоро ќе организира меѓународен собир на министрите за надворешни работи посветен на жртвите од војната во Украина.

The post ТРИ КЛУЧНИ АСПЕКТИ СЕ ВАЖНИ ЗА МИРОТ ВО УКРАИНА Декларацијата која го поддржува територијалниот интегритет на Украина ја потпишаа 80 земји appeared first on plusinfo.mk.

Кина има блиски врски со Русија и се воздржува од критики за нејзината инвазија на Украина, но го поддржува ставот дека суверенитетот и територијалниот интегритет на сите земји мора да се почитуваат и понуди да помогне во посредувањето во конфликтот.

– Дефинитивно ја покануваме Кина да учествува на самитот, на највисоко ниво, на ниво на претседателот на Народна Република Кина. Учеството на Кина ќе ни биде многу важно. Работиме со кинеската страна. Ги вклучуваме нашите партнери во светот со цел да и пренесеме на кинеската страна колку е важно да се учествува на таков самит – рече Жовка во интервју за Ројтерс.

Кинескиот претседател Си Џинпинг и рускиот претседател Владимир Путин прогласија партнерство „без ограничување“ само три недели пред руската инвазија на Украина на 24 февруари 2022 година. Оттогаш, Кина драматично го зголеми увозот на руски енергенси. Путин вели дека инвазијата била неопходна за да се заштити безбедноста на Русија, додека Киев и Западот велат дека во таа неиспровоцираната војна се работи за агресија и одземање на територија.

Неутралната Швајцарија се согласи да биде домаќин на украинскиот мировен самит за Украина на барање на Зеленски, но датумот и локацијата сè уште не се одредени. Жовка рече дека екипите сѐ уште работат на деталите.

Жовка, исто така, посочи дека советниците за национална безбедност од рекордни 82 земји учествуваа во разговорите во швајцарскиот град Давос овој месец, кои се фокусираа на мировниот план на Украина од 10 точки. Русија не беше поканета на планираниот самит и претходно изјави дека украинскиот план во 10 точки нема да вроди со плод.

Овој план предвидува обновување на територијалниот интегритет на Украина, повлекување на сите руски сили, заштита на снабдувањето со храна и енергија, нуклеарна безбедност и ослободување на сите воени заробеници.

– Ќе разговараме за конкретен план за спроведување на оваа мировна формула – рече Жовка.

Украина се бори да ја задржи меѓународната поддршка поради знаците на замор меѓу нејзините западни сојузници по неуспехот на контраофанзивата на Киев минатата година да постигне напредок на бојното поле. Минатата година, Пекинг изнесе свој план од 12 точки за мир во Украина, кој вклучува прогласување прекин на огнот, но не бара Русија да се повлече од која било територија што ја зазеде.

The post УКРАИНА БАРА ПОМОШ ОД КИНА Зеленски го покани Си Џинпинг на мировниот самит во Швајцарија appeared first on plusinfo.mk.