Поранешниот словачки министер за надворешни работи, Мирослав Лајчак, соопшти дека по објавувањето на неговите комуникации со осудениот сексуален престапник Џефри Епштајн, ја напушта својата позиција како советник на словачкиот премиер Роберт Фицо.

Словачкиот премиер Роберт Фицо соопшти дека ќе ја прифати оставката на Лајчак, но за критичарите на Лајчак рече дека долго време не видел „толку лицемерие“, објавува порталот „Дневник Н“.

-Миро повторно се покажа како одличен дипломат и ја прифаќам неговата понуда за прекин на соработката, иако сите ние, не само јас, губиме неверојатен извор на искуство во дипломатијата и надворешната политика. Чудно е што слична симбиоза на медиумите, опозицијата и владините партии не го таргетираше лидерот на опозицијата Шимечек, кој претставува значително поголем ризик за угледот на нашата земја преку измами со грантови на ниво на Словачка и ЕУ отколку советникот на премиерот, Мирослав Лајчак – се вели во соопштението на Фицо.

Во една од конверзациите, Епстин му нуди жени на Лајчак, додавајќи дека може „да ги земе и нивните сестри“, а подоцна иронично забележува дека веројатно се премлади, бидејќи имаат под 30 години. На тоа, Лајчак одговара: „Не биди злобен. Не знаеш каков сум во акција“.

Во други пораки, двајцата, во опуштен и шеговит тон, коментирале на „девојки“ во Киев или Москва.

На една фотографија од Москва, Епстин одговорил дека би сакал „поглед однатре“ и ги опишал девојките како „најдобриот руски извоз“, на што Лајчак додал: „веднаш по нафтата“.

Вчера во САД беа објавени нови документи за Џефри Епштајн, вклучувајќи ги и комуникациите на Мирослав Лајчак со осудениот сексуален престапник.

Притоа беше објавена најголемата серија судски документи за Епштајн, која вклучува три милиони страници, 180.000 фотографии и 2.000 видеа.

Епштајн, милионер познат по дружењето со бројни познати личности, почина во затвор во 2019 година додека чекаше федерални обвиненија за трговија со луѓе.

The post ПРВИ ОСТАВКИ ПО ОБЈАВЕНИТЕ РАЗГОВОРИ СО ЕПШТАЈН Мирослав Лајчак се повлече од советничкото место во словачката влада appeared first on plusinfo.mk.

– Геополитиката создаде нови можности за проширување на ЕУ, но овие прозорци не остануваат отворени засекогаш, мојот совет за вас е да не ги повторувате грешките од минатотото, мој совет е да го искористите моментот и да го ставите заедничкиот интерес пред партиските интереси – рече Лајчак.

Тој потсети на зборовите на новата еврокомесарка за проширување и добрососедство Марта Кос, која кажа дека преговорите бараат интензивни напори од целото општество тоа мора да биде национален проект во којшто треба сите да бидат носители.

Како што рече тој, ако го прашате Чет-ГПТ за ЕУ, ќе ви каже дека таа е политичка и економска Унија, но таа е најпрво Унија на луѓе обединети во нивната различност. Тие треба да бидат носители и да веруваат во неа, бидејќи има многу загрижувачки трендови што го доведуваат во опасност европскиот проект, хибридни војни, популизам, намалување на довербата.

– Не велам дека ЕУ е совршена но би сакал да кажам неколку збора за европскиот пат на Македонија. Кога го започнавте овој процес сметав дека ќе напредувате многу, но за жал не сте ни близу и ја споделувам вашата фрустрираност. Сѐ што беше споменато мора да се исполни. Факт е дека параметрите се поставени и нема да кажам ништо ново, да не ја испуштите оваа можност и да не ризикувате да останете запоставени. Исто така и во поглед на неодамнешните геостратешки случувања, проширувањето е навистина е приоритет и за оваа Европска комисија, и претседателот на Европскиот совет се ангажира со регионот во последните неколку денови – рече Лајчак.

Узлем Џанел, амбасадорка на Кралството Холандија во Северна Македонија, нагласи дека ентузијазмот за пристапување во ЕУ може да им помогне на носителите на процесите да го приоближат реионот кон ЕУ и оти Холандија посакува Западен Балкан да биде просперитетен и безбеден, и кога ќе биде подготвен да се приклучи кон ЕУ.

– Владеењето на правото не е залудно дел од Кластерот Темели, затоа што ние во Холандија навистина веруваме дека владеењето на правото е темел во нашето општество, владеето на правото ќе ве направи успешна земја-членка – нагласи Џанел.

Претседателот на Комисијата за европски прашања Антонио Милошоски, рече дека за разлика од Словачка, Чешка, Естонија и други држави кои се зачленија по преговарачки процес кој за нив траеше шест, седум или осум години, денес ги имаме Србија и Црна Гора, кои преговараат 11 или 12 години, а се уште не се членки на ЕУ и тоа според него, покажува дека проширувањето внатре во ЕУ, во последните години не е на врвот на агендата за одредени земји-членки.

Милошоски оцени дека ние не сме совршени како регион и како земја-кандидат, но, вели, сигурен сум дека одамна сме заслужиле да ги отпочнеме преговорите за членство во ЕУ, но секогаш се наоѓал добар или помалку добар изговор тие преоговори да не започнат.

– И покрај блокадата од Бугарија, сум имал дилема дали Бугарија настапува самостојно во оваа блокада. Ние сме суверена држава 30 години и никогаш ова прашање што го постави Бугарија сега, не било не било поставено како барање. Дали блокирањето на Бугарија е самостоен изум кои го користат на билатерална основа или внатре во самата ЕУ постојат и други членки кои немаат ништо против процесот на проширување да се одложи за пет, десет години. Внатре во самата ЕУ сериозни се темите дали ЕК може да има уште 6 еврокомесари, дали ЕП може да има уште 30 или 40 нови парламентарци, дали европските фондови за земјоделие, еврозоната, или некои други области во кои ЕУ би била подготвена да внесе уште шест нови актери и дали во иднина проширувањето може да се случи – рече Милошоски.

Тој смета дека во иднина ЕУ ќе може да поуди освен полноправно членство и одредено асоцијативно членство како замена за членство, односно етапно зачленување во различни области.

– Затоа не се сомневам дека ЕУ има интерес за Западен Балкан, бидејќи овој регион е дел од самата Европа, но имам оправдан сомнеж дали следниот процес на проширување ќе биде со полноправни членки или во фази, односно етапно. Не би сакале Берлинскиот процес да ја доживее судбината на Солунската агенда која беше примена со ентузијазам од земјите од регионот и потврдена со политичката волја од земјите-членки. Но еве, 20 години подоцна ако ги споредиме резултатите со тоа што беше замислено, сметам дека резултатите не се охрабрувачки, ниту за иницијаторите, ниту за кандидатите и аспирантите за членство. Затоа би сакал да верувам дека Берлинскиот процес би имал поефикасни резултати во однос на процесот за проширување – рече Милошоски.

Венко Филипче, претседател на Националниот совет за евроинтеграции, истакна дека и други политички фактори гледаат на Западен Балкан како целосно интегриуран во ЕУ.

– Самата Европа работи на Зелената агенда, декарбонизација, намалувањето на празнината во иновациите со Америка и со Кина и сето тоа во една структура на еврокомесари, Планот за раст точно димензиониран со европската агенда што точно треба да направат земјите кандидати. Националниот совет е вистинско место за консултации за реформската агенда. Геополитичките односи се комплексни, во такви комплексни состојби сепак ние успеавме да завршиме комплексен процес, а тоа е скрининот – рече тој.

Според него, јасен е патот како треба да продолжиме напред за да се отвори најсложениот Кластер 1, и, како што истакна, тоа треба да биде тоа одлука на политичките фактори да се напават уставни измени. -Сметам дека се друго е непотребно трошење време, истакна Филипче.

Милева Ѓуровска, национален координатор на НКЕУ-МК, професор на Филозофски факултет при УКИМ, рече дека главното прашање што го поставува Конвенцијата на пленарните сесии е нејзиното остварено влијание врз евроинтегративниот процес.

– Новата влада, со својот почетен ентузијазам и соодветно внимание на реформскиот процес ќе има можност за позитивни промени. Споделените практики од земјите кои го минале преговарачкиот процес покажуваат дека клучниот фактор за успех на процесот е политичкиот консензус и регрутирање на квалификувани, но и мотивирани човечки ресурси. Од околу 600 усвоени препораки, значителен дел биле разгледани и земени предвид од институциите. Дијалогот треба да продолжи, особено во поглавјата од Кластер 1, како и во работните групи за земјоделство и животна средина – истакна Ѓуровска.

The post ПРАШАЈТЕ ГО ЧАТ-ГПТ ШТО МИСЛИ ЗА ЕУ! Лајчак нѐ советува да ги ставиме заедничките интереси над партиските appeared first on plusinfo.mk.

Лајчак ја предводи делегацијата која после Приштина допатуваа во Белград на средба со српскиот претседател Александар Вучиќ во обид за продолжување на дијалогот за да се намалат растечките тензи меѓу Србија и Косово.

Travelled with for important and substantive discussions with PM @albinkurti and @predsednikrs. We stressed that 24/9 must be fully investigated and that de-escalation and normalisation are urgently needed. We expect both to fully meet their Dialogue obligations. pic.twitter.com/w4r7YESTwi

— Miroslav Lajčák (@MiroslavLajcak) October 21, 2023

Посетата на „големата петорка“ доаѓа по неуспехот од последниот дијалог во Брисел, и по вооружениот напад во Бањска во северно Косово.

Во делегацијата предводена од Лајчак се и заменикот помошник државен секретар и специјален пратеник на САД за Западен Балкан, Габриел Ескобар, советниците за надворешна и безбедносна политика на претседателот на Франција и канцеларот на Германија, Емануел Бон и Јенс Плетнер и дипломатскиот советник на премиерот на Италија Франческо Тала.

И додека Вучиќ на Инстаграм профилот кусо напиша дека „средбата со петорката била тешка и дека верува дека во наредниот период ќе се најде излез од кризата, како и дека очекува важни средби во Брисел наредните денови, Лајчак по средбата даде повеќе информации пред новинарите, потенцирајќи дека „нема европска иднина за Србија и Косово без имплементација на договорот за патот кон нормализација на нивните односи и имплементација на сите досегашни договори“ –  јави дописникот на МИА од Белград.

– Изразивме загриженост за негативните случувања во процесот на нормализација, што е директно поврзано со патот на Србија и Косово кон ЕУ – рече Лајчак, нагласувајќи дека целта на посетата на „големата петорка“ е да се види како да се постигне конкретен напредок во спроведувањето на Охридскиот договор на патот кон нормализација на односите, како и деескалација на ситуацијата во Косово.

– Сакаме јасно да ставиме до знаење дека силно го осудуваме нападот врз косовската полиција на 24 септември. Сите извршители на нападот мора да бидат изведени пред лицето на правдата и очекуваме целосна соработка на Србија во овој поглед – рече Лајчак.

Тој додаде дека лидерите имаат одговорност кон своите граѓани и дека и Белград и Приштина мора да работат на деескалација и нормализација на односите.

– Таа порака му ја пренесовме на претседателот Вучиќ. Србија и Косово склучија нови договори во февруари и март оваа година и очекуваме двете страни да почнат да ги исполнуваат своите обврски и од новите и од старите договори – рече Лајчак.

Тој посочи дека дијалогот меѓу Белград и Приштина ќе биде на дневен ред на состанокот на министрите за надворешни работи на европските земји в понеделник, а за него ќе разговараат и лидерите на ЕУ подоцна во текот на следната недела на Советот на Европа.

– Оваа посета директно ќе влијае на тие разговори. Како што многупати кажавме, нема европска иднина ниту за Србија, ниту за Косово, без нормализација на нивните односи и имплементација на усвоените договори за нормализација, и сегашните и претходните. Сакаме да гледаме стабилен, просперитетен и европски регион на Западен Балкан и затоа дијалогот е од клучно значење. Нашиот разговор со претседателот Вучиќ и косовскиот премиер Албин Курти ќе продолжи и во наредните денови – заклучи Лајчак.

Лајчак и неговиот американски колега Габриел Ескобар, придружувани од највисоките дипломати на Германија, Франција и Италија, во Приштина се сретнаа и со премиерот на Косово, Албин Курти, кој по разговорите изјави дека е потребен „нов пристап“ за продолжување на дијалогот за нормализација на односите со Белград.

The post БЕЗ ИМПЛЕМЕНТАЦИЈА НА ДОГОВОРОТ НЕМА ЕВРОПСКА ИДНИНА Лајчак ги предупреди Белград и Приштина appeared first on plusinfo.mk.

Премиерот на Албанија Еди Рама, во врска со обвинувањата на косовската Влада кон специјалниот пратеник за дијалог меѓу Белград и Приштина, Мирослав Лајчак, рече дека тоа се работи кои „оставаат без зборови“ и кои предизвикуваат поголема штета, наместо да ја подобрат ситуацијата, наведувајќи дека патот што го избра Албин Курти не е патот до целта.

Во интервју за Еј-Би-Си Њуз Рама изјави дека пристапот на Приштина и помага на Србија, бидејќи, според него, Србија станува жртва во очите на целата меѓународна заедница и на косовските пријатели и партнери.

– Реакцијата на премиерот Курти пред неколку дена беше без преседан. Не се сеќавам на сличен случај, висок претставник на Косово директно да го обвини претставникот на ЕУ и да каже дека испратил писмо со жалба до функционерите,  (германскиот канцелар Олаф) Шолц и (францускиот претседател Емануел) Макрон. Тоа се работи што ве оставаат без зборови и дополнително го оштетуваат она што наводно се обидуваат да го поправат, бидејќи теориите на заговор за соработка што ја откривте меѓу Србија и специјалниот пратеник на ЕУ, не е нешто што е препорачливо да се направи – рече Рама.

Тој потенцира дека не се сомнева во желбата на Курти да го направи најдоброто за Косово, но никогаш не се доволни големата желба и добрата волја, потребна е стратешка визија за да се постигне целта, која овде Рама не ја гледа.

На изјавата дека е малку парадоксално тоа што Албанија претседава со Советот за безбедност, но е немоќна да влијае на Приштина, Рама одговара дека не сака да влијае на Приштина, бидејќи таму има Влада која произлегува од волјата на народот и која има одговорност да го води Косово и да го избере патот до целта.

– Заклучокот е дека мислиме дека патот што го избраа не води до постигнување на таа цел, туку води до судир со САД и ЕУ. Ова е тажно, но верувам дека е привремено – рече Рама.

За него, извесно е дека тоа не го носи посакуваниот резултат за Косово, а тоа е завршување на процесот на нормализација, а потоа и излез од „ќорсокакот на признавањето“, пред се меѓу земјите од ЕУ.

– Тоа е и целта на француско-германскиот план и тоа требаше да биде најголемото можно достигнување, што ќе беше де факто признавање од Србија, без разлика дали Србија формално ќе го признае Косово или не. Косово би го добило своето место, би се ослободило од товарот на конфликтот во продолжувањето на евроинтегративниот процес. ЕУ инсистира на процесот на нормализација бидејќи сакаат да го интегрираат Косово во целата структура на меѓународната организација, и во самата Унија, што никогаш нема да се случи ако Косово не го реши овој проблем – потенцира Рама.

На прашањето дали мисли дека Србија има корист од оваа ситуација, албанскиот премиер вели дека е жално што пристапот на Приштина и помага на Србија, а не на самото Косово, бидејќи ја прави жртва Србија во очите на целата меѓународна заедница.

– Србија игра игра, бидејќи кратковидната политика на Приштина и дава можност за тоа – рече Рама.

На прашањето дали разговарал за независноста на Косово со украинскиот претседател Володомир Зеленски, тој одговори дека „патот до конечното признавање на Косово минува низ Приштина“.

– Несомнено, разговаравме за тоа со претседателот Зеленски и за тоа во секое време разговараме со секој лидер кој претставува земја што не го признала Косово, но од друга страна, ние сме многу јасни и убедени дека патот до конечното признавање на Косово не оди преку Украина или Гана, Нигерија, туку минува низ самата Приштина, која мора да се потруди до крај, да го искористи отворениот пат на голема можност создаден од француско-германскиот план, со поддршка на сојузниците. Приштина е таа што мора да разбере дека не го користи овај темел на пријателство, туку го поткопува со пристап што јас не го разбирам – рече Рама.

Тој оцени и дека залудни се напорите на „Србија и Русија“ повторно да се отвори прашањето за Косово во Обединетите нации.

Косово ја доби војната, вели тој, а Меѓународниот суд го потврди тоа.

– Тоа се залудни, пропагандни напори, но не водат никаде. Косово ја доби војната, Косово доби потврда и од самиот Меѓународен суд и тоа е неповратно. Поентата е дека Косово не е способно да издејствува мир, да го претвори мирот во добро што треба да биде меѓународно потврдено и развиено во сите правци – потенцира Рама во интервјуто за Еј-Би-Си њуз.

The post ПАТОТ ШТО ГО ИЗБРА КУРТИ ВОДИ КОН СУДИР СО ЕУ И САД Рама му забележува на косовскиот премиер дека нема стратешка визија appeared first on plusinfo.mk.

Денешните разговори, на кои ќе присуствуваат и високиот претставник на ЕУ за надворешни работи и безбедносна политика Жозеп Борел и специјалниот пратеник на Унијата за дијалогот меѓу Белград и Приштина, Мирослав Лајчак, се продолжение на дискусијата од 27 февруари во Брисел на која беше договорен текстот на првичниот план за нормализација на односите меѓу двете земји. Официјален Брисел очекува на средбата да се усогласат ставовите за имплементацискиот анекс на договорот, што се смета за составен дел на документот.

Од 2011 година Србија и Косово се ангажирани во дијалогот инциран и предводен од Брисел. Во 2013 година тогашните премиери на двете земји, Ивица Дачиќ и Хашим Тачи, го постигнаа т.н. Бриселски договор, но многу елементи од него останаа неимплементирани до денес. Главниот камен на сопнување во процесот е формирањето на Заедницата на општини со српско мнозинство во Косово, што Приштина одбива да го спроведе, стравувајќи дека тоа ќе создаде ентитет сличен на Република Српска во земјата, што потоа ќе ја загрози нејзината функционалност.

Според најавената агенда на разговорите во Охрид, прво се предвидени одвоени средби на високиот претставник за заедничка надворешна и безбедносна политика на ЕУ, Борел, и специјалниот претставник на ЕУ за дијалогот меѓу Белград и Приштина, Лајчак со двете делегации, а потоа е предвидена и заедничка средба. По завршувањето на средбите во вилите „Билјана“ и „Охрид“, најавено е обраќање на Борел пред медиумите.

Средби со Борел и со Лајчак ќе има и премиерот Ковачески, а најавени се и тет-а-тет средби со Вучиќ и со Курти.

За средбата има голем интерес кај медиумите од регионот и од целиот свет, акредитирани се дури 230 новинари и сниматели.

За време на одржувањето на состанокот на подрачјето на Охрид на сила ќе бидат соодветни безбедносни мерки, со физичко и сообраќајно обезбедување на сообраќајниците и на други објекти.

Очекувањата на Брисел

Официјален Брисел очекува на средбата да се усогласат ставовите за имплементацискиот анекс на договорот, што се смета за составен дел на документот.

– Доколку тоа се случи… тогаш Западниот Балкан ќе слави голем чекор напред кон патот на Европската Унија. Договорот ќе ги постави нивните односи на нова поодржлива основа и ќе обезбеди дека дијалогот ќе продолжи на неговата траекторија кон целосна нормализација – рече Борел завчера во Тирана, каде што учествуваше на состанокот на Советот за стабилизација и асоцијација ЕУ – Албанија.

Претседателот на Србија, Александар Вучиќ, пред патувањето за Охрид изрази надеж дека ќе имa пристоен разговор, со можност да се придвижат работите, но и дека не доаѓа тука со пораки, бидејќи кажал сѐ што имал пред специјалните претставници за дијалог од ЕУ и од САД, Мирослав Лајчак и Гарбиел Ескобар.

– Не патувам за Охрид со пораки, туку ги застапувам интересите на државата Србија и нашиот народ на Косово и Метохија. Се надевам на пристоен разговор и дека ќе можеме да ги придвижиме работите, а дали тоа ќе се случи или не, не сум премногу оптимист. Што се однесува до Србија, Србија е секогаш подготвена да разговара за компромисни решенија, сѐ друго знаете, ништо не е сменето од парламентарните дискусии и заклучоците до кои дојдовме – рече Вучиќ.

Косовскиот премиер, Албин Курти, и специјалниот пратеник на САД за Западен Балкан Габриел Ескобар во Приштина разговараа за денешната средба во Охрид, при што Курти им се заблагодари на САД и на Ескобар за нивната посветеност и придонес во дијалогот меѓу Приштина и Белград.

Ќе има ли целосна нормализација на односите меѓу двете земји?

Владата во Приштина соопшти дека предлогот на ЕУ е „прифатен од Косово како добра основа и солидна платформа за движење напред кон целосна нормализација на односите меѓу Косово и Србија, со взаемно признавање “.

„Посветена, конструктивна и креативна, делегацијата на косовската влада со добра волја и добри намери патува во Охрид“, беше наведено во соопштението.

Косово прогласи независност од Белград во 2008 година, што беше признато од повеќето земји на ЕУ, со исклучок на Грција, Шпанија, Романија, Словачка и Кипар.

Косовскиот премиер, Албин Курти, смета дека основниот договор меѓу Косово и Србија претставува напредок кон взаемно признавање меѓу двете држави.

– Сметаме дека целосната нормализација на односите бара такво признавање како централна точка на договорот – вели тој.

The post БРИСЕЛ ОЧЕКУВА ДИЈАЛОГ, ВУЧИЌ НЕ Е ОПТИМИСТ Во вилата „Билјана“ повторно ќе се крои иднината на Западен Балкан appeared first on plusinfo.mk.

Високиот претставник и специјалниот претставник на ЕУ Мирослав Лајчак ќе одржи одделни средби со лидерите, по што ќе следи заедничка трилатерална средба. На средбата ќе стане збор за финализирање на Анексот за имплементација на Договорот со ЕУ за патот кон нормализација на односите меѓу Косово и Србија.

Средбата во Охрид и европскиот план се тема на дводневната средба на Лајчак со власта и опозицијата во Приштина. Денеска Лајчак се среќава со опозицијата по вчерашната средба со премиерот Албин Курти. Специјалниот претставник изјави дека Белград и Приштина мора да договорат план за спроведување на европскиот предлог за нормализација на односите, за тој да стане правно обврзувачки.

Лајчак сепак рече дека не очекува во Охрид да биде потпишан договорот за нормализација на односите меѓу Косово и Србија. Тој се надева оти на таа средбата ќе се постигне договор за анексот за имплементација на договорот постигнат во Брисел.

– Првиот чекор беше да се договориме за предлог, а пред шест месеци немаше да се обложите дека ќе бидеме таму каде што сме сега. Вториот чекор е финализирање, а финализирањето значи да се знае како ќе се спроведе договорот. Не би било сериозно да се тврди дека имаме договор, кога не можеме да одговориме на прашањето како ќе се спроведе договорот. И третиот чекор е официјализирање, како ќе го одобриме и какво ќе биде потпишувањето, кога и каде ќе се случи. Значи, има некои идеи и ќе разговараме за нив, но како што реков, тоа е третиот чекор. Не очекувам церемонија на потпишување во Охрид, бидејќи има многу страни кои го поддржуваат овој процес и сметаме дека би било во ред тие да бидат дел од тој чин – рече Лајчак во интервју за АТВ.

The post ВУЧИЌ И КУРТИ ПОТВРДИЈА ДЕКА ЌЕ ДОЈДАТ ВО ОХРИД Потпишување договор најверојатно нема да има appeared first on plusinfo.mk.

Српскиот претседател Александар Вучиќ и косовскиот премиер Албин Курти нема да разговараат за содржината на предлогот на средбата со високиот претставник на ЕУ Жозеп Борел и посредникот на ЕУ Мирослав Лајчак, туку ќе разговараат за спроведувањето на „европскиот, германско-француски предлог“, изјави за новинарите во Брисел европскиот претставник.

Содржината на предлогот е одредена во анексот, а ЕУ во рок од неколку месеци би ја контролирала неговата примена преку механизмот за мониторинг, а целта е да се постигне „сеопфатен правно обврзувачки договор за нормализација на односите“ меѓу Белград и Приштина.

Тој додаде дека станува збор за основен, прилично сеопфатен договор кој во многу аспекти има елементи на „севкупен правно обврзувачки договор за нормализација на односите меѓу двете страни“.

Новинарите не добија јасен одговор од овој функционер дали ЕУ смета дека конечниот договор за регулирање на односите меѓу Белград и Приштина, во кој треба да биде инкорпорирана и ЗСО, ќе биде и некакво признавање на автономијата и независноста на Косово од Белград, наведува Бета.

Високиот претставник на ЕУ нагласи дека имплементацијата на европскиот предлог ќе значи и нови западни проекти и инвестиции, значително ќе ја зголеми финансиската помош и ќе доведе до поголема безбедност и предвидливост, кога се во прашање Србија и Косово, како и регионот.

Тоа би значело, заклучи претставникот на ЕУ, прекин на секаква ескалација и насилство во Косово и меѓу двете страни, и вртење кон стабилноста и нивната европска перспектива.

The post НАБЛИЖУВА ДЕНОТ „Д“ ЗА КОСОВО И СРБИЈА Оптимизам во Брисел дека Вучиќ и Курти ќе го прифатат предлогот appeared first on plusinfo.mk.

– Разбираме дека тоа прашање е чувствително за Владата на Косово, но обврските мора да се исполнат – рече Лајчак во интервју за „Политика“, одговарајќи на прашањето зошто сè уште не е формирана Заедницата на српски општини.

Како што наведе тој, „ставот на ЕУ и САД и другите меѓународни партнери е дека секое натамошно одложување е неприфатливо“. Лајчак додаде дека ЕУ во моментов работи на два колосека за да продолжи дијалогот меѓу Белград и Приштина.

„Прво, приоритет е двете страни да се договорат за предлогот на ЕУ за нормализација на односите. Второ, продолжуваме да работиме паралелно за да обезбедиме целосна и итна имплементација на сите елементи од она што е договорено досега во дијалогот – кои остануваат валидни и се обврзувачки за двете страни“, рече Лајчак“.

The post КОСОВО МОРА ДА ГИ ИСПОЛНИ ОБВРСКИТЕ За Лајчак неприфатливо е одложување на создавањето на Заедницата на српски општини appeared first on plusinfo.mk.

Се согласивме дека сите претходни договори за дијалог мора целосно да се спроведат – изјави специјалниот претставник на Европската Унија за дијалог меѓу Белград и Приштина Мирослав Лајчак, по вчерашната ненајавена посета на Приштина и средбите со премиерот на Косово Албин Курти и шефот на преговарачкиот тим во Брисел Бесник Бесљими.

Лајчак на „Твитер“, заедно со фотографија од вечерата со Курти и Беслими, објави дека се вратил во Косово за да продолжи со „чесните, отворени и интензивни дискусии“ за следните чекори и за патот кон нормализирање на односите со Србија.

Во синоќешното интервју за ТВ Кљан Косова, пред заедничката вечера со Курти и Бесљими, словачкиот дипломат и претставник на ЕУ предупреди дека партијата што ќе го одбие европскиот предлог ќе се соочи со намалување на поддршката.

– Меѓународната заедница мора да одговори на соодветен начин и ќе ја поддржи повеќе едната страна или ќе ја намали поддршката за другата страна – рече Лајчак во емисијата „Рубикон“.

Наведувајќи дека разговорите за планот на ЕУ за Косово се водат одделно со сите страни Лајчак рече дека очекува Косово и Србија да го прифатат и потпишат предлогот.

Back in Kosovo today to continue my frank, open and intense discussions with PM @albinkurti and DPM @BislimiBesnik on next steps and the way forward on normalisation of relations with Serbia. We also agreed that all past Dialogue Agreements must be fully implemented. pic.twitter.com/zURabtdEmF

— Miroslav Lajčák (@MiroslavLajcak) January 25, 2023

The post ПРИШТИНА ЌЕ ГИ ИСПОЛНИ СИТЕ ДОСЕГАШНИ ДОГОВОРИ Посредникот Лајчак по разговорите со косовскиот врв appeared first on plusinfo.mk.

Советот на Европската унија денеска усвои одлука за продолжување на мандатот на специјалниот претставник за дијалогот Белград – Приштина, и други отворени прашања на Западен Балкан, Мироислав Лајчак.

Мандатот му е продолжен за две години до 31 август 2024 година, соопшти Советот.

Лајчак на функцијата беше именуван на 2 април 2020 година на предлог на шефот на дипломатријата на ЕУ, Жозеп Борел со согласност од сите шефови на дипломатии на Унијата.

The post ЛАЈЧАК УШТЕ ДВЕ ГОДИНИ ЌЕ ПАТУВА НА РЕЛАЦИЈА БЕЛГРАД-ПРИШТИНА Дипломатот доби нов мандат appeared first on plusinfo.mk.