Одѕивот на вториот круг од локалните избори до 9 часот е 2,88 отсто, а гласале 22.379 граѓани, објави претседателот на Државната изборна комисија (ДИК) Борис Кондарко. На ниво на Град Скопје одѕивот за избр на градоначалник е 2,46 отсто.

– Гласачките места се навреме и уредно отворени, гласањето тече во најдобар ред. Постапката се одвива уредно, немаме никаков проблем досега со изборниот материјал, ниту со постапувањето на избирачките одбори – рече Кондарко на прес-конференција.

Тој соопшти дека единствено во Дојран на избирачкото место 0385 поради технички пробеми со смарт картицата на уред за биометриска идентификација имало мал застој, но проблемот е решен и гласањето тече непрекинато.

Кондарко најави дека во текот на денов ДИК ќе посети определени избирачки места и општински изборни комисии по сопствена проценка и без претходна најава, со цел да го набљудува текот на изборите. И по 19 часот тимови на ДИК ненајавено ќе бидат на определени места каде ќе го набљудуваат и броењето на гласовите, со цел поголема транспарентност и увид во работата.

Останува препораката на ДИК дека на процесот на броење може да биде присутен целокупниот состав на избирачкиот одбор.

– ДИК и во текот на денов е во постојана комуникација со Комисијата за следење на изборниот процес од Јавното обвиителство, од превентивни причини и ако има каква било потреба уште во текот на гласањето или броењето ќе ја известуваат. ДИК ќе го достави и доверливиот изборен материјал доколку се јави потреба – рече Кондарко.

Во вториот круг на локалните избори денеска се гласа за градоначалници во 32 општини и во Градот Скопје на 1.771 избирачки места. До 19 часот правото на глас можат да го искористат 1.013.375 гласачи, меѓу кои и 474.304 избирачи во Градот Скопје.

Следната прес-конференија на ДИК е во 11.30 часот. Првичните неофицијални резултати ќе бидат објавени по 20 часот, а ококу 23 часот ДИК ќе одржи прес-конференција

The post ОДЗИВОТ ДО 9 ЧАСОТ Е 2,88 ОТСТО Гласањето тече во најдобар ред appeared first on plusinfo.mk.

До сега Министерството за внатрешни работи нема регистрирано посериозни нарушувања на јавниот ред и мир во текот на гласањето, кое, генерално, се одвива мирно, без проблеми, соопшти портпаролот на МВР Тони Ангеловски на денешната прес конференција.

– Од отворањето на гласачките места до 11.00 часот регистрираме две пријави за поставен штанд на политичка партија во близина на гласачко место во Шуто Оризари, како и за залепени плакати и расфрлани летоци на подрачјето на Чаир во Скопје и се преземааат мерки за расчистување на случаите. Исто така, имаме пријави за агитирање во Тетово, Скопје, Куманово село Баница, струмичко и општина Боговиње, но по преземени мерки од страна на полициските службеници, тие наводи до сега не се потврдени – соопшти Ангеловски.

Министерството за внатрешни работи апелира до граѓаните и до учесниците во изборите и во останатиот дел од гласањето да се воздржат од инциденти, а доколку има било какво нарушување на изборниот процес граѓаните веднаш да ја известат полицијата на броевите 192 и 112 или да пријават во најблиската полициска станица.

The post ГЛАСАЊЕТО СЕ ОДВИВА МИРНО Има помали нарушувања, вели МВР appeared first on plusinfo.mk.

Министерот за внатрешни работи Панче Тошковски вели дека досега безбедносната состојба е стабилна и досега нема никакви нарушувања на изборниот процес. МВР ги распореди сите полициски службеници ширум државата кои треба да се грижат за спроведување на фер и демократски процес.

– Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб, мислам дека изборниот ден ќе помине во најдобар ред – вели Тошковски.

Министерот рече дека очекува мирен изборен ден.

The post ТОШКОВСКИ ОЧЕКУВА МИРНИ ИЗБОРИ Тече гласањето, нема нарушувања appeared first on plusinfo.mk.