Пет лица, меѓу кои и три деца, се повредени во тешка сообраќајна несреќа што синоќа се случила на скопската обиколница кај Мирковци, откако автомобил БМВ излетал од коловозот.

Несреќата била пријавена околу 18:40 часот.

„На обиколница на град Скопје, кај клучка Мирковци, патничко возило БМВ со скопски регистарски ознаки, управувано од 42-годишниот Р.Н. од Кондово, излетало од коловозот“, соопшти МВР.

Во несреќата тешко бил повреден возачот, додека повреди добиле и неговите сопатници.

Според информациите од полицијата, повредени се 40-годишната С.Н. и тројца малолетници кои биле во возилото.

Повредите биле констатирани во Комплексот клиники „Мајка Тереза“ во Скопје.

Засега не се соопштуваат повеќе детали за состојбата на повредените.

На местото на несреќата увид извршила увидна екипа на СВР Скопје.

Причините за излетувањето на возилото засега не се соопштени, а истрагата продолжува.

The post БМВ ИЗЛЕТА НА ОБИКОЛНИЦАТА КАЈ МИРКОВЦИ Meѓу повредените и 3 деца appeared first on plusinfo.mk.

Двајца мажи се соочуваат со обвинение за обид за убиство во селото Мирковци, во околината на градот Скопје, откако Основното јавно обвинителство Скопје поднесе обвинителен акт против 37-годишникот кој со пиштол пукал кон жртвата, како и обвинителен предлог против неговиот соучесник, кој му помогнал по нападот, соопшти Јавното обвинителство на РСМ.

„По спроведена истражна постапка, јавен обвинител од Основното јавно обвинителство Скопје поднесе Обвинителен акт против едно лице за кривично дело – Убиство од член 123 став 1 во врска со член 19 (во обид) од Кривичниот законик. Во врска со истиот настан, поднесен е и Обвинителен предлог против уште едно лице за – Помагање на сторителот по извршено кривично дело според член 365 став 2, во врска со став 1 од Кривичниот законик“, се наведува во соопштението на Јавното обвинителство на РСМ.

Обвинетиот 37-годишник, поради нерасчистени претходни должничко-доверителски односи, на 10 декември 2024 година во селото Мирковци сo умисла се обидел да лиши од живот едно лице.

Пред куќата на таткото на жртвата двајцата обвинети дошле заедно со такси и го повикале oштетениот да излезе. Кога тој се појавил на влезната врата, првообвинетиот извадил пиштол и истрелал еден проектил директно кон оштетениот. Тој го забележал оружјето навреме и веднаш се повлекол зад вратата која автоматски се заклучува, а куршумот завршил во ѕидот, веднаш до рамката од влезната врата.

Обвинетиот почнал да тропа и удира со нога по вратата, обидувајќи се насилно да влезе во куќата, но не успеал, по што двајцата обвинети заедно избегале.

Вториот обвинет, за да му помогне на првообвинетиот по извршеното кривично дело, го зел кај себе пиштолот. На 23 декември 2024 година со истиот пиштол сторил кривично дело – Предизвикување општа опасност за што врз основа на признание на вина е осуден на 22 јануари 2025 година.

Надлежниот јавен обвинител, заедно со обвинението, поднесе и предлог за продолжување на претходно определената мерка притвор за првообвинетиот. Вториот обвинет, пак, се наоѓа во притвор до правосилност на пресудата за предизвикување општа опасност која му е изречена.

ПУКАЛ КОН СОСЕДОТ, ЈА ПОГОДИЛ ВРАТАТА Истрага за обид за убиство во Скопје

The post ДВАЈЦА ОБВИНЕТИ ЗА ОБИДОТ ЗА УБИСТВО ВО МИРКОВЦИ Еден од нив ја признал вината appeared first on plusinfo.mk.

„На 10 декември, во селото Мирковци, сега осомничениот 37-годишник со умисла се обидел да лиши од живот едно лице, а мотивот му била претходна меѓусебна нетрпеливост поради нерасчистени должничко-доверителски односи. Тој отишол до домот на оштетениот, каде пред вратата извадил огнено оружје, пиштол, и испукал еден куршум кон жртвата, но не успеал да го погоди. Куршумот завршил во ѕидот веднаш до рамката од влезната врата, во висина на градите на оштетениот, кој веднаш кога го забележал пиштолот се повлекол во внатрешноста на куќата и ја затворил влезната врата, која автоматски се заклучува. Осомничениот започнал да тропа и удира со нога на затворената влезна врата, па откако не успеал да влезе во куќата, побегнал од местото, заедно со лицето кое постои сомнение дека му помагало по сторувањето на кривичното дело да не биде откриен“, соопшто ЈО.

На предлог на јавниот обвинител Основниот кривичен суд Скопје опредли притвор во траење од 30 дена на осомничениот за обид за убиство.

The post ПУКАЛ КОН СОСЕДОТ, ЈА ПОГОДИЛ ВРАТАТА Истрага за обид за убиство во Скопје appeared first on plusinfo.mk.

Скопската полиција расчисти обид за убиство поради нерасчисте4ни должничко-доверителски односи во скопско Мирковци. Лицата Б.Р. и М.Е: на 10 декември отишле пред куќата на Д.Ј.(42) при што М.Е.  од пиштол пукал кон него, но не го повредил, информира СВР Скопје.

Судија на претходна постапка, на М.Е. му определил мерка притвор во траење од 30 дена.

„Единицата за насилен криминал – одделение за крвни и сексуални деликти при СВР Скопје поднесе кривична пријава по брза постапка против М.Е. од Скопје поради постоење основи на сомнение за сторено кривично дело „убиство” во обид по член 123 во врска со член 19 од Кривичниот законик и против Б.Р. од Скопје поради постоење основи на сомнение за сторено кривично дело „помагање на сторител по извршено кривично дело”, казниво по член 365 од Кривичниот законик“, се вели во полицискиот билтен.

The post МУ ПУКАЛЕ ПРЕД КУЌА ПОРАДИ ДОЛГ Расчистен обид за убиство во скопско Мирковци appeared first on plusinfo.mk.

Од министерството за внатрешни работи информираат дека немилиот настан бил пријавен во 22.40 часот, кога 27 годишниот скопјанец П.Ш. прво вербално се пресметувал со Н.В (30) од Мирковци, кој потоа му нанел повреда која била фатална за него.

– Повредениот П.Ш бил пренесен во Градската општа болница „8 Септември“, каде им подлегнал на повредите. Во 23.20 часот во с. Ново Село, скопско, полициски службеници од СВР Скопје го лишиле од слобода Н.В.(30) од с.Мирковци кој бил осомничен за стореното дело – велат за Плусинфо од МВР.

Оттаму додаваат дека увид на местото извршила екипа од СВР Скопје, а по документирање на случајот ќе следува соодветен поднесок.

The post Убиство во скопско Ново Село, почина 27-годишно момче appeared first on plusinfo.mk.