Меган Маркл ја прошири понудата на својот бренд за животен стил „As Ever“ со нова празнична колекција, а еден производ особено се издвојува. Станува збор за свеќа од 64 долари (55 евра) инспирирана од денот на нејзината венчавка со принцот Хари, која беше најавена минатата недела преку видео на Инстаграм.

Брендот официјално ги претстави новите производи за постудените денови, вклучувајќи ја и свеќата наречена Signature Candle No. 519. Како што е објаснето во соопштението за медиумите, бројот 519 го претставува 19 мај 2018 година, датумот кога Меган и Хари се венчаа.

View this post on Instagram

 

A post shared by Meghan, Duchess of Sussex (@meghan)

Самата свеќа има ноти на „лист од мароканско нане, листови од бел чај и заднински мирис на дрвенест кардамон, создавајќи „освежителен мирис за будење, како шолја чај од нане“. Во колекцијата има и уште една свеќа, бр. 084, инспирирана од мирисот на семејниот дом на Меган и именувана по нејзиниот роденден, 4 август.

Успех во бизнисот и повисоки цени

Како што пишува Vanity Fair, брендот As Ever постигна моментален успех. По лансирањето во април, сите производи се распродадоа во рок од еден час, а истото се случи и со последователните колекции.

Додека првите производи беа попристапни, со цени под 30 долари (околу 26 евра), новата празнична колекција носи значително зголемување на цените. Свеќите чинат 64 долари (околу 55 евра), а новото пенливо вино, опишано како „идеално за прослава на свршувачка, достигнувања или повторна средба“, се продава за 89 долари (околу 76 евра).

Во неодамнешно интервју на Самитот за најмоќни жени на Fortune, Меган призна дека големата побарувачка за производите на брендот го комплицирала планирањето за нејзиниот мал тим.

Меган објасни: „Откако првично се распродадоа, рековме, одлично, ајде да ги зголемиме залихите десеткратно за колекцијата за следната сезона. Ќе ги добиеме сите метрики што ни се потребни. Потоа сè се распродаде во рок од четири часа – што, повторно, е одлично, но навистина не ни помогна.“

Соработка со Netflix

„As Ever“ беше основана како заедничко вложување со одделот за производи за широка потрошувачка на Netflix и лансирана заедно со ТВ-шоуто на Меган за храна и начин на живот, „With Love, Meghan“.

Серијата премиерно се прикажа во март, втората сезона од осум епизоди следеше во август, а за ноември е најавен и празничен специјал. Иако третата сезона е сè уште неизвесна, Меган потврди дека планира да продолжи да соработува со компанијата без оглед на судбината на серијата.

The post МЕГАН МАРКЛ ПРОДАВА СВЕЌА ШТО МИРИСА НА НЕЈЗИНАТА ВЕНЧАВКА СО ПРИНЦОТ Производите од брендот на војвотката од Сасекс се трошат како алва appeared first on plusinfo.mk.

Д-р Ден Габлер е органски хемичар кој често споделува здравствени совети на „Тик-ток“, па во една од своите објави, тој ги предупредува своите следачи да не користат миризливи свеќи.

– Постојат многу клинички истражувања кои покажуваат како запалената свеќа во затворен простор може да предизвика сериозни здравствени проблеми, како што е спречување на способноста на клетките да се развиваат. Под загадување на воздухот често го подразбираме она што се случува надвор, но истото е често присутно во затворени простории, а меѓу другото го предизвикуваат и свеќите – истакна д-р Ден.

Хемичарот потоа појаснува дека свеќите се направени од евтин парафински восок, вештачки мириси и бои, а кога испуштаат јаглерод-моноксид, диоксид, сулфур-диоксид, бензопирен и друго, сите овие соединенија лошо влијаат на нашето тело. Тој потсетува и дека производителите обично не предупредуваат за нивните состојки.

– Проблемот со свеќите е тоа што нема ни контрола на квалитетот. Нивните производители не се обврзани и не покажуваат 90 отсто од нивните состојки, а ние ги купуваме и вдишуваме. Тоа е голем проблем! Внимавајте! – предупреди тој.

Според него, ако одвреме-навреме запалиме свеќа во добро проветрен простор – тоа нема да биде проблем, но доколку тоа се случува пречесто, може да биде лошо за здравјето.

The post МИРИЗЛИВИТЕ СВЕЌИ СЕ ШТЕТНИ? И тие го загадуват воздухот appeared first on plusinfo.mk.