Американскиот претседател на својата социјална мрежа Трут соушл пред малку објави дека е постигнат договор за десетдневен прекин на огнот меѓу Израел и Либан, што треба да започне денеска во 23 часот по средноевропско време.

Целта на договорот, вели тој, е да се постигне траен мир меѓу двете земји.

„Тукушто имав одлични разговори со почитуваниот либански претседател Џозеф Аун и израелскиот премиер Биби Нетанјаху. Двајцата лидери се согласија официјално да започнат 10-дневен прекин на огнот со цел да се постигне мир меѓу нивните земји“, напиша претседателот.

Објавата дојде откако претставниците на Израел и Либан пред два дена се сретнаа во Вашингтон, што беше нивна прва официјална средба по 34 години. Домаќин на состанокот беше американскиот државен секретар Марко Рубио.

Американскиот претседател истакна дека им задолжил на највисоките американски претставници понатамошна работа за постигнување траен мир.

„Им наложив на потпретседателот Џ.Д. Венс и државниот секретар Рубио, заедно со началникот на Здружениот штаб Ден Кејн, да работат со Израел и Либан за постигнување траен мир“, рече тој.

Претседателот Трамп ја заврши својата објава во оптимистички тон. „Ми беше чест да решам девет војни низ целиот свет, а ова ќе биде мојата десетта. Затоа, АЈДЕ ДА ГО НАПРАВИМЕ ТОА!“

Додека траеја преговорите проиранската милитантна група Хезболах соопшти дека нема да почитува никакво примирје постигнато меѓу Израел и Либан.

ХЕЗБОЛАХ НЕМА ДА ПОЧИТУВА НИКАКОВ ДОГОВОР МЕЃУ ИЗРАЕЛ И ЛИБАН „Тел Авив сака да нè уништи, сега е погоден момент за нас“

The post „РЕШИВ ДЕВЕТ ВОЈНИ, ОВА МИ Е ДЕСЕТТА“ Трамп објави примирје меѓу Либан и Израел appeared first on plusinfo.mk.

Верниците на Римокатоличката црква денеска го слават најголемиот христијански празник Воскресение Христово – Велигден. Во Македонија централното одбележување се одржа синоќа во Католичката црква „Пресвето Срце Исусово“ во Скопје, каде што беше отслужена Воскресна литургија.

На литургијата присуствуваа претседателката Гордана Сиљановска-Давкова, директорката на Комисијата за односи со верските заедници и религиозни групи Оливера Трајковска, претставници на верските заедници, граѓанските власти и дипломатскиот кор и личности од јавниот и општествениот живот.

Велигденското бдение започна со благослов на огнот пред катедралата и внесување на воскресната свеќата во катедралата. Велигденската литургија ја предводеше скопскиот бискуп и струмичко – скопски епарх, Киро Стојанов. Тој ја прочита воскресната проповед и им го честиташе празникот на католичките верници.

– Драги браќа и сестри! Велигденскиот пост, во римскиот обред, го започнавме со посипување пепел на нашите глави како знак на покајание и свест за сопствената ранливост и минливост, но и за нашата грешност, што нè охрабрува да се покаеме и да се вратиме кај нашиот Небесен Отец, изворот на секое добро.

Како и во претходните години, за жал и оваа година, за време на подготовките за прославата на празникот Воскресение Господово, слушаме вести што ни доаѓаат од подрачја зафатени со војна. Во февруари го започнавме нашето Велигденско патување кон прославата на Христовото Воскресение и во нашите умови и во потсвеста некако постојано се појавува и избива на површина фактот дека токму во овој месец се одбележува четири годишнината од почетокот на големата инвазија врз Украина, со што започна војната, која, како што вели папата Лав XIV, „како рана беше нанесена на целото човечко семејство“ и остави лузни врз многу генерации. Со голем копнеж и емпатија за сите оние што страдаат, постојано ги упатуваме нашите повици до Творецот на човештвото да ги охрабри срцата на оние што се одговорни за ова насилство да тргнат по патот на преобразување и да вложат напори за барање и воспоставување праведен мир.

На Блискиот Исток, крвта од минатите конфликти сè уште не се исушила на земјата каде што била пролеана, а нов конфликт веќе повторно се разгоре, ширејќи се во околните земји, со насилство и уништување, продолжувајќи да шири омраза и страв, што предизвикува кај нас загриженост. Христијаните во овие земји, исто така, како „мало стадо“, се обединети во човечко братство со други народи и заедници во земјите погодени од војната и доживуваат тешки искушенија во постојана опасност и неизвесност за нивните животи. Среде ваквото страдање, папата Лав постојано повикува на молитва за мир за да се запре татнежот на бомбите, да се замолчи оружјето и да му се даде можност на дијалогот во кој можат да се слушнат гласовите на народите.

Драги браќа и сестри, ние сме мал народ во оваа земја кој заедно со другите народи формира големо човечко семејство, но нашето мислење веројатно тешко ќе може да се пробие на меѓународно ниво во „игрите“ резервирани само за големите и силните. Исто така, како католичка заедница, ние претставуваме малобројност во нашата татковина, па затоа нема да биде лесно до светот да допре нашата заложба за градење мир, но сепак, свесни сме дека имаме голема сила што може да направи големи работи. Таа сила е Исус Христос. Тој е и нашето богатство. Исус Христос, и покрај нашите несовршености, живее меѓу нас. Тој ни овозможува да бидеме сведоци на надежта и спасението, и носители на светлината и правдата во времето во кое живееме. За ова сведочат и светли личности од историјата на нашата Црква, како што е нашата светица, Света Мајка Тереза од Калкута, родена тука, во Скопје. Еднаш ја прашале што направила „големо“ во светот, а таа одговорила дека не прави големи работи, туку „мали работи со голема љубов… Она што го правиме е само капка во океанот. Но, без нашата работа, океанот би бил посиромашен за таа капка“. Ова е вистината што нè води. Ние сме семе посеано на огромно поле, семе што раѓа богат плод. Тоа е семе на сочувство и љубов, а преку нас Бог е присутен на овој свет.

Драги браќа и сестри, Велигден е дар од Бога. Тој е и повик до сите кои веруваат да им помогнат на луѓето во време на криза, да бидат надежни, да внесат светлина во темнината на светот против стравовите и грижите за утрешнината и вера во иднина во која љубовта, и покрај конфликтите, ќе покаже сила дека е посилна од омразата и дека злото не може и не смее да го има последниот збор. Затоа, Велигден е причина за нашата надеж, и покрај сите конфликти и војни. Треба полека да созрееме во оваа вера – рече бискупот Стојанов во својата велигденска проповед.

The post ДА СЕ МОЛИМЕ ДА ЗАПРЕ ТАТНЕЖОТ НА БОМБИТЕ И ДА МУ СЕ ДАДЕ ШАНСА НА ДИЈАЛОГОТ Христијаните од римокатоличката црква денеска го слават Велигден appeared first on plusinfo.mk.

Претседателот на Украина, Володимир Зеленски, изјави дека ако се сретне со рускиот претседател Владимир Путин, нема да води историски дебати, туку ќе разговара за брзо завршување на војната.

– Постои безбедносен проблем. Против нас се води голема војна. Тоа се нашите животи. Единственото за што сакам да разговарам со него, според моето мислење, е дека мораме успешно да го решиме ова. Мислам дека бргу ќе ја завршиме оваа војна. Затоа сакам да разговарам само за такви работи – наведе Зеленски во интервју со британскиот новинар Пирс Морган.

Зеленски нагласи дека не се потребни „сите тие историски приказни за да заврши војната и да се премине на дипломатија“.

– Не сум прочитал помалку историски книги од Путин. И научив многу. Знам повеќе за неговата земја отколку тој за Украина. Едноставно, затоа што сум бил во многу градови во Русија. И познавам многу луѓе таму. Тој никогаш не бил толку многу пати во Украина. Тој бил само во големи градови. Јас бев во мали градови. Од север до југ. Насекаде. Го знам нивниот менталитет. Затоа не сакам да губам време на сите овие работи – наведе Зеленски.

The post ПОВЕЌЕ СУМ ШЕТАЛ ВО РУСИЈА ОТКОЛКУ ПУТИН ВО УКРАИНА Зеленски нема да дебатира за историја ако се сретне со колегата appeared first on plusinfo.mk.

Претседателот на Украина, Володимир Зеленски, денеска во Минхен изјави дека очекува следната рунда мировни преговори со Русија, со посредство на САД, да биде сериозна, суштинска и корисна. Нова рунда разговори ќе се одржи во Женева во вторник и среда.

– Понекогаш се чини како страните да зборуваат за сосема различни работи – рече Зеленски, додавајќи дека клучниот фокус е да се обезбеди дека „за четири години, цивилизираниот свет нема повторно да биде принуден да се оправдува и да бара некој друг да го обвини“ за уште една војна.

Претседателот истакна дека Европа практично не е присутна на преговарачката маса, што според него е „голема грешка“.

Тој исто така предупреди дека би било илузија да се верува дека војната може да се заврши со поделба на Украина и нагласи дека на Русија „не смее да ѝ се даде никаква надеж дека може да остане неказнета за ова злосторство“.

– Колку сме посилни, толку пореален станува мирот – додаде Зеленски, нагласувајќи дека Украина е подготвена за договор кој ќе донесе вистински мир и за земјата и за Европа.

The post ЗЕЛЕНСКИ ОЧЕКУВА СЕРИОЗНИ ПРЕГОВОРИ Украина подготвена за договор кој ќе донесе вистински мир appeared first on plusinfo.mk.

Американскиот претседател Доналд Трамп денеска изјави дека украинскиот претседател Володимир Зеленски ќе ја пропушти својата шанса за мир ако „не дејствува“, наведувајќи дека Русија сака да постигне договор.

– Русија сака да постигне договор и Зеленски ќе мора да дејствува. Во спротивно, ќе пропушти голема можност. Мора да преземе чекори – изјави Трамп за новинарите во Белата куќа, објави Ен-Би-Си Њуз.

Се очекува американските, украинските и руските претставници да одржат уште една рунда разговори на почетокот од следната недела во Женева, според американската телевизија.

Трамп го повтори своето предупредување дека Иран ќе се соочи со последици ако разговорите за неговата нуклеарна програма не успеат.

– Мислам дека ќе бидат успешни. А ако не бидат, тоа ќе биде лош ден за Иран – рече Трамп.

The post ЗЕЛЕНСКИ ДА НЕ ЈА ПРОМАШИ ШАНСАТА ЗА МИР Трамп уверува дека Русија сака спогодба appeared first on plusinfo.mk.

Рускиот претседател Владимир Путин денеска изјави дека меѓународната ситуација се влошува и оти светот станува сè поопасен.

– Ситуацијата на меѓународната сцена се влошува сè повеќе, мислам дека никој тоа не би го оспорил, долгогодишните конфликти се интензивираат, а се појавуваат нови сериозни жаришта – рече Путин.

Во говорот пред новите амбасадори кои му предадоа акредитиви во Кремљ, што беше неговиот прв јавен говор за надворешнополитички прашања оваа година, Путин не ги спомна експлицитно Соединетите Американски Држави или Трамп. Тој не се изјасни конкретно за американската акција во Венецуела и за американските аспирации за Гренланд, ниту за ситуацијата во Иран.

– Слушаме монолог од оние кои, според правото на посилниот, сметаат дека е дозволено да ја диктираат својата волја, да им држат предавања на другите и да издаваат наредби. Русија е искрено посветена на идеалите на мултиполарен свет – порача тој.

Путин повика на дискусија за руските предлози за нова безбедносна архитектура во Европа.

– Се надеваме дека признавањето на оваа потреба ќе дојде порано или подоцна. До тогаш Русија ќе продолжи доследно да ги следи своите цели – изјави тој.

Во меѓувреме, портпаролката на руското Министерство за надворешни работи предупреди да не се занемаруваат руските интереси на Арктикот.

– Сите обиди да се игнорираат интересите на Русија во поларниот регион, пред сè во областа на безбедноста, нема да останат без одговор и ќе имаат многу далекусежни последици – изјави Марија Захарова.

Захарова ја критикуваше воената извидувачка мисија од страна на неколку европски членки на НАТО за подобра заштита на автономниот остров што ѝ припаѓа на Данска, нарекувајќи ја „следна провокација од западните земји кои исто така сакаат да го наметнат својот ред во овој регион на светот“.

Таа рече дека европските држави треба да бидат свесни дека ова ја загрозува безбедноста на Русија како рамноправна арктичка приморска или крајбрежна држава.

Русија, со својата долга северна крајбрежна линија на Северниот Леден Океан, го смета Арктикот за своја сфера на интерес. Таа сè повеќе ги користи морските патишта во регионот и го проширува своето воено присуство.

Американскиот претседател Доналд Трамп често ги наведува руските и кинеските активности во близина на арктичкиот остров како причина за неговото барање за контрола врз Гренланд, велејќи дека нивното присуство го прави островот клучен за безбедносните потреби на САД.

The post ПУТИН ЗАГРИЖЕН ЗА СВЕТОТ, „ФАЛАТ ИДЕАЛИТЕ НА МУЛТИПОЛАРНОСТ“ Захарова се закани со руски одговор на Арктикот appeared first on plusinfo.mk.

The post НЕКА БИДЕ ОВА ГОДИНА ВО КОЈА МИРОТ И НАПРЕДОКОТ ЌЕ ГИ ПОБЕДАТ СИЛИТЕ НА ЗЛОТО, ХАОСОТ И СТРАДАЊАТА appeared first on plusinfo.mk.

Претседателот на Украина, Володимир Зеленски, соопшти дека денеска имал добар разговор со специјалниот пратеник на претседателот на САД Доналд Трамп, Стив Виткоф, и зетот на Трамп, Џаред Кушнер.

„Ви благодарам за конструктивната, интензивна работа и за убавите зборови и божиќните честитки до Украинците. Работиме навистина 24/7 за да се приближиме до крајот на оваа брутална руска војна против Украина и за да ги направиме сите документи и чекори реалистични, ефикасни и сигурни“, соопшти Зеленски на Фејсбук.

„Нека ова биде основа за мирот“

Тој додаде дека „постојат добри идеи кои можат да доведат до заеднички исход и траен мир“, пренесе Укринформ.

„Вистинска безбедност, вистинско закрепнување, вистински мир се она што ни е потребно на сите во Украина, во САД, во Европа и кај секој од партнерите кои ни помагаат. Се надевам дека нашите денешни договори и идеите за кои разговаравме ќе бидат корисни“, нагласи Зеленски.

Тој додаде дека на разговорот присуствувале и секретарот на Советот за национална безбедност и одбрана на Украина, Рустем Умеров, началникот на Генералштабот Андриј Хнатов, министерот за надворешни работи Андриј Сибиха, заменик-министерот за надворешни работи Серхиј Кислица, како и други членови на украинскиот преговарачки тим.

„Се договоривме Рустемов денеска да разговара со Стив и Џаред. Веруваме дека тоа е правилно – да не изгубиме ниту еден ден и ниту една можност која може да го приближи резултатот. Нека нашиот денешен разговор стане уште еден чекор кон мирот. Исто така, ги замолив момците да ги пренесат нашите честитки до претседателот Трамп и целото семејство Трамп по повод Божиќ. Ви благодарам!“, нагласи Зеленски.

Бавно, но сигурно, Москва е задоволна?

Од друга страна, портпаролката на руското Министерство за надворешни работи, Марија Захарова, денеска изјави дека преговорите со Соединетите Држави за ставање крај на војната во Украина напредуваат бавно, но сигурно.

– Во процесот на преговори со Соединетите Држави за решавање на конфликтот во Украина може да се забележи бавен, но постојан напредок – рече Захарова.

Таа речиси и да не ја спомена Украина и наместо тоа се обиде да ги соочи Вашингтон и неговите европски сојузници вклучени во мировните напори.

Захарова ги повика американските колеги „активно да се спротивстават на обидите на западноевропските земји да го торпедираат и поништат напредокот постигнат во процесот на преговори за Украина“.

Новите 20 точки на Зеленски

По објавувањето на мировниот план од 28 точки, кој многумина го критикуваа како „руска листа на желби“, европските лидери и се приклучија на Украина во процесот на преговори, со цел да се спречат исходи кои би можеле сериозно да ја поткопаат идната стабилност на Киев.

Украинскиот претседател Володимир Зеленски оттогаш изнесе контрапредлог од 20 точки, за кој во моментов се расправа. Сепак, Русија сè уште нема претставено официјален став и не се откажа од своите барања.

Зеленски во вторникот го прими извештајот на украинската делегација за резултатите од состаноците со претставниците на претседателот на САД, Доналд Трамп, кога беа подготвени нацрти на неколку документи, наведува Укринформ. Тој потоа изјави дека новиот мировен план од 20 точки е „главната рамка за ставање крај на војната“, наведува украинскиот портал.

The post ИМА НОВИ ДОБРИ ИДЕИ ЗА ТРАЕН МИР, ВЕЛИ ЗЕЛЕНСКИ Украина тактизира, Москва е задоволна од „бавниот напредок“ appeared first on plusinfo.mk.

Портпаролот на Кремљ Дмитриј Песков изјави дека Русија не сака привремено примирје што би ѝ дало пауза на Украина за да ја продолжи војната, туку целосен мир.

– Ние сакаме мир. Не сакаме примирје за да ѝ дадеме пауза на Украина и да ја подготвиме за продолжување на војната – изјави Песков пред новинарите, коментирајќи го предлогот на Киев за божиќно примирје.

Песков додаде дека Москва ќе учествува во разговорите само ако постои искрена желба за постигнување траен договор.

– Доколку Украинците го заменат постигнувањето договор со краткорочни, неодржливи решенија, малку е веројатно дека ќе бидеме подготвени да учествуваме – рече тој.

Според него, руската позиција е јасна, конзистентна и добро позната на САД и Украина.

– Сакаме да ја запреме оваа војна, да ги постигнеме нашите цели и да обезбедиме мир во Европа за иднината – додаде Песков.

The post НЕМА ДА Ѝ ДАДЕМЕ „ПАУЗА“ НА УКРАИНА ЗА ДА СЕ КОНСОЛИДИРА Песков вели дека Русија сака траен мир, а не примирје appeared first on plusinfo.mk.

Американскиот поранешен претседател Доналд Трамп најавил дека ќе оствари телефонски разговор со цел да се прекинат борбите што веќе трет ден траат на границата меѓу Тајланд и Камбоџа. Изјавата, пренесена од Ројтерс, го поставува Трамп во улога на потенцијален посредник во новоазискиот конфликт.

Во јули тој веќе посредуваше за постигнување краткотраен прекин на огнот меѓу двете земји, но насилствата деновиве повторно се разгореа.

Тајландскиот министер за надворешни работи изјавил дека „моментално нема услови за преговори“, додека камбоџанскиот советник на премиерот одговорил дека „Пном Пен е подготвен за разговори во секое време“.

На собир во Пенсилванија, Трамп потсетил дека во својот мандат помогнал да се смират и други кризни жаришта, меѓу нив и тензиите меѓу Пакистан и Индија, како и конфликтите поврзани со Израел и Иран.

– Мразам што морам да кажам дека повторно изби судир меѓу Камбоџа и Тајланд. Ќе мора утре да се јавам. Кој друг може да каже дека со еден телефон може да запре војна меѓу две моќни земји? – рекол Трамп.

Според официјалните извештаи, во борбите пред последниот прекин на огнот загинале најмалку 48 лица, а илјадници се раселени од пограничните зони. Камбоџанското Министерство за одбрана потврдило дека девет цивили загинале, а 20 се тешко повредени, додека Тајланд пријавил четири загинати војници и 68 повредени.

The post ЕДЕН ПОВИК, КОЈ ДРУГ ДA СЕ ЈАВИ ОСВЕН МЕНЕ? Трамп се фали дека ќе ја сопре војната меѓу Камбоџа и Тајланд appeared first on plusinfo.mk.